إستضافة Ma$Ter ضيف لمّاوي في رمضان

[Ma$Ter]

السلام عليكم
اهلا بك خويا حكيم ان شاء الله بخير
اهلا خويا الحمد لله و ان شاء الله راك بخير
بما انو سألت الاخت سكون علاه راحو الاعضاء من المنتديات نسقسيك انا

واش هي الحاجة لي خلاتك تريح هنا في اللمة؟
راهو المنتدي الوحيد لي ندخلو ونرتاح فيه
و علاقتنا مع الاعضاء كبيرة من سنوات
شحال من منتدى تشارك فيه ولا غير اللمة برك ؟
ندخل اللمة والفيس فقط
الاخت قبلي قالت جامي شفت راجل يغسل ماعن وزيد في رمضان هههه عمبالهم صح مانعاونوش هههه
ربي يهديها هههه كون حيت نعرف نطيب راني طيبت
واش الحاجة لي طيبتها في حياتك وضحكت عليها كي طابت ههههه ؟
والو نطيب بيض او شكشوكة او فريت املات فقط ههه
واش هي الفترة لمليحة هنا لي جوزتها في اللمة
السنوات 2011.... 2015
كي كنت عضو ولا مرشح للاشراف ولا مشرف ولا مراقب ؟
ماكنتش مرشح مشرف ديراكت عندي ملف صحيح خخخ
الاشراف او المراقب كلها مسوولية ان شاء الله نكون قدها
نكتلو بهذا القدر من الاسئلة ممبعد بلاك نولو ههه
اتهلا صح فطورك خوو
مرحبا مرحبا خويا
الله يسلمك وربي يتقبل منا منكم صالح الاعمال ​

 

[Ma$Ter]

مرحبا بيك خويا
انا سأكتفي بقراءة الاجوبة هههه الله غالب نحب تقرعيج

مرحبا بيك اختي
كاش ما نجيبولك قلب اللوز والا حاجة تشربيها ههه

 

[أم أُنٌَيسة]

دبر عليا وش ندير الفطور اليوم

 

[Skor m@k]

واش هي الحاجة لي خلاتك تريح هنا في اللمة؟
@Skor m@k سؤال غريب عجيب

ياخي قرعاجية
ما غريب ما عجيب كل واحد عندو سبب مخليه هنا في اللمة
انا لو ما عنديش سبب واش الفايدة تريح في بلاصة ماتحبها ولا ماعندك مادخل فيها
بدبزة للراس

 

[Ma$Ter]

آآ حكييم خويا
ها وين راك الناس راهي تقارع سلك راسك دوك
المجرمين راهم ما خلاو حتى حاجة هههههههه
أسئلتي تقريبا متقاطعة مع أسئلة الإخوة و عجبني سؤال
المجرمة المهبووولة جدا شيما
كنت راقد ههههه

انا راح نزيد
ـ ماهي مواصفات زوجة اخونا حكيم او الشروط اللي لازم تلقاها في وحدة
و تخليك تبات تحلم بالقلوب الحمرة هههههه و تقول للوالدة خلاص راح نتزوج

هههه تخاف ربي وناس ملاح ومقبولة الجمال وما تشرطش بزاف ههه
ـ واش تخدم خويا حكيم

تجارة - بيع العجلات والامور المتعلقة بيها
ـ ماهي مواهبك او الامور اللي تعملها خارج العمل من غير المنتدى
امور متعلقة بالمكروات وووو
ـ هل إلتقيت بواحد من منتسبي اللمة في الواقع
نو مازال ههه
و شكون تتمنى تلتقي به
راهم بزاف عباد طيبين ونتا منهم ربي يحفطهم
شفت شحال أسئلتي برية هههههه
بسيطة جاوبت بسرعة هههه

 

[Ma$Ter]

دبر عليا وش ندير الفطور اليوم

شربة - بوراك - كفتة - فريت ومعاه مرقاز - سلاطة - وحوايج من عندك ههه
ونجي نفطر شيماء

 

[أم أُنٌَيسة]

شربة - بوراك - كفتة - فريت ومعاه مرقاز - سلاطة - وحوايج من عندك ههه
ونجي نفطر شيماء

شكون رح ياكل هذو كااامل اوخدي، عارف غير انا واختي وباباتي وماماتي فالدار.. ناكلو لفريك نشبعو
الفريك والبوراك والسلاطة كاين فيها دائما، زيدلي حاجة.. الكفتة مكاه اللحم الفريت البارح درناها.. الشاورما مليحة؟
مرحبا بيكم

 

[afnene]

دبر عليا وش ندير الفطور اليوم

نفس مشكلتك
درنا كلش هههه ...
ودوري في الطياب
اذا دبرو عليك دبري عليا

 

[أم أُنٌَيسة]

نفس مشكلتك
درنا كلش هههه ...
ودوري في الطياب
اذا دبرو عليك دبري عليا

شفتي كيفاه
حنا موش في بزاف ولازم نحوس ع حاجة تتكل

 

[Ma$Ter]

شكون رح ياكل هذو كااامل اوخدي، عارف غير انا واختي وباباتي وماماتي فالدار.. ناكلو لفريك نشبعو
الفريك والبوراك والسلاطة كاين فيها دائما، زيدلي حاجة.. الكفتة مكاه اللحم الفريت البارح درناها.. الشاورما مليحة؟
مرحبا بيكم

مممم مالا ديري طايجين والا كاش حاجة بسيطة
جوعتيني
ناجل اجابة اسئلة الطبخ والاكل بعد الفطور خخخخ

 

[afnene]

شفتي كيفاه
حنا موش في بزاف ولازم نحوس ع حاجة تتكل

لا احنا الله يبارك سبعة في الدار وكل واحد يتشرط حتى خويا صغير رآه يصوم ويديرنا الميني بصح اليوم تلفت ههه

 

[Ma$Ter]

نفس مشكلتك
درنا كلش هههه ...
ودوري في الطياب
اذا دبرو عليك دبري عليا

هههه عاودو وين راهو المشكل

 

[afnene]

الله يهديها ..هاذي مليحة
هاذي قولها كون جيت طيب
تغسل زوج طباسا حسبهم ماعين

 

[Ma$Ter]

الله يهديها ..هاذي مليحة
هاذي قولها كون جيت طيب
تغسل زوج طباسا حسبهم ماعين

هههه ربي يعينكم
نغسل بزاف اطفلة اكثر من 2 ممكن 6 //7

 

[afnene]

هههه ربي يعينكم
نغسل بزاف اطفلة اكثر من 2 ممكن 6 //7

زوج كناية عن القلة هههه
6 أو 7هههه ربي يعاونك راهم بزاف
خليني ساكتة احسن ما تجي صاحبة الموضوع تحاوزني

 

[Ma$Ter]

زوج كناية عن القلة هههه
6 أو 7هههه ربي يعاونك راهم بزاف
خليني ساكتة احسن ما تجي صاحبة الموضوع تحاوزني

هههه رانا 3 عباد تحوسي نغسل حتي تاع الجيران

 

[afnene]

هههه رانا 3 عباد تحوسي نغسل حتي تاع الجيران

اذا بغيت دير الخير علاش لا
نجيبلك تاوعنا تغسلهم
تربح حسنات

 

[أم أُنٌَيسة]

اذا بغيت دير الخير علاش لا
نجيبلك تاوعنا تغسلهم
تربح حسنات

نغسلهم انا، مكاه مشكل
نحب الماعن

 

[afnene]

نغسلهم انا، مكاه مشكل
نحب الماعن

حتى انا نحب الميناج والخدمة تاع الدار
بصح جامي سمعت وحدة تحب ماعن تاع رمضان
انا خوتاتي نتبادلو الأدوار تاع الطياب غير باش منغسلوش لماعن ولا نخلصو اختي الأصغر تغسلهم هههه
قلبنا الموضوع طياب و ماعن هههه

 

[أم أُنٌَيسة]

حتى انا نحب الميناج والخدمة تاع الدار
بصح جامي سمعت وحدة تحب ماعن تاع رمضان
انا خوتاتي نتبادلو الأدوار تاع الطياب غير باش منغسلوش لماعن ولا نخلصو اختي الأصغر تغسلهم هههه
قلبنا الموضوع طياب و ماعن هههه

شفتي ههههههه.. نحب اي حاجة متعلقة بالكوزينة.. نحط القران او اناشيد ونغسل فوووور