مشكلتي سانهار ...كرهت نفسي

مشكلتي

كلمة المرور: 4algeria2019
إنضم
19 أكتوبر 2013
المشاركات
672
النقاط
51
السلام عليكم ورحمة الله
انا فتاة في سن 17 لم يبقى كثير وادخل 18 مشكلتي اني ارى نفسي اسوء فتاة من حيث شكل ولا يعجبني اي شيىء فيا برغم من ان ملامحي جميلة و رقيقة و حنطية او بلوندة بشرة لكن ارى نفسي بشعة جدا جدا حتى صفاتي جيدة بدات اخسرها واحس نفسي دونية والكل اجمل مني صغارا او كبار نعم اعرف ستقولون الجمال جمال روح لكن جمال روحي خسرته بسبب جمال شكل لا ارى نفسي جميلة لبتة مع ان الجميع يقولون لي انتي جميييلة و صافية وجه ما عليكي فقط ان ترفعي وزنك فوزني هو 53 لكن الوزن سهل لكن لا ثقة لدي في جمالي وعندما ارى صور فتيات بالمكياج وسناب شات او سيفيليزي او حتى محجبات احس نفسي اقبح واحدة وغير راضية بجمالي

علما اني اتو لخطبتي اي تعليمي حتى نكمل دراسة ولما ادرك خطيب هذا صرخ علي وقال متزيديش تعاودي هاذي هدرة نتي شابة ومانيش نجامل فيك مكانش فتاة باخلاقك وجمالك

انا ركزت على ذي نقطة لانه سيصبح باذن الله زوجا حلالا لي

لكن بسبب عدم ثقتي بنفسي بدات اخسر كل شيىء في اي مجال

و صرت اغااااار يشدة على كل من يحيط او يريد سرقة ما احب لاني ارى نفسي قبيحة ولا اجذب في اي شيىء


انا متحجبة والحمد لله ولا اتزين ابدا بمكياج جامي درتوا لا في بيت او خارج دوما على طبيعتي بشعري طويل و بشرتي التي صفرت وعيناي اللتان كانتا كبيرتان اصبحتا مقفرتان و ذابلة حتى اني عندما ابتسم او اضحك اكره نفسي لاني ارى ابتسامتي بشعة حتى زميلاتي يالنني لما لا تضحكين مطلقا لديك ابتسامة وضحكة رائعة وغمازات

ولا استطيع ان ابين لهم ضعفي كما ان انفي كان طويل و رقيق و ( مسيب ) ليس مخنش لكن اصبحت اراه انه كان فيه عظمة في وسط كااخروف
اصبببحتتتت اكرررره نفسييييي بشدةوةةة
خاصة انه ليس لدي اخت وامي لا تفهمني فهي ذو بشرة بيضاء وعيناها خضراء حتى اخوتي ذكور اجمل مني



كرهتتت اخاف ان اخسر اشياء عدة خااصة اشخاص بسبب اني لست جميلة وسيمل مني و يبحث عن غيري خاصة انه محيط بفتيات اقل ما يقال عنهم لا ماء لوجههم وحرام عندهم عادي كاجانب اظن اجانب محترمات احسن منهن
 

إلياس

:: عضو بارز ::
إنضم
24 ديسمبر 2011
المشاركات
9,910
النقاط
1,151
محل الإقامة
فار إلى الله
الجنس
ذكر
الجمال هو جمال الروح استهدي بالله لا يهمك اراء الناس بل يهمك انت من حولك عليك بالصبر و التحلي به عليك استثمار جمالك في طاعة الله و منه عليك بالدعاء فقط أن شاء الله خير
 

Yasmina zahra

:: مراقبة عامة ::
طاقم المراقبين
إنضم
24 نوفمبر 2015
المشاركات
7,280
النقاط
2,801
محل الإقامة
من عآلمي
الجنس
أنثى
السَلآْم عَلْيُكّمٌ وٍرٍحَمُةّ الله وٍبُرٍكآتُهْ


اولا اردت شكرك على ثقتك في هذه المساحة و فينا لتشاركينا بما يشغل بالك

لن اقول لك ان جمال الانسان يكمن في روحه لكن اعلمي ان لم تحبي نفسك و تحرميها فلا تنتظري ذلك من غيرك
سامشي معك حسب ماذكرتي تمتلكين مواصفات ربما لا تمتلكها اخريات فاحمدي الله و هل انت لست راضية عن جمال اعطاه الله لك ، الله خلق الكون و قسم الجمال على الخلق
1ـ ارضي بما اعطاه الله لك
2ـ توقعي الاسوء : لو لديك اعاقة لا سمح الله فلن تكوني اما او لا تستطيعي القيام بابسط الامور
3ـ الجمال يختفي يوما او لربما بحادث يختفي كل شيى فما موقعك من هذا
4ـ لا تحتقري نفسك احبيها و ابحثي عن الجانب الجميل فيها حتى لو كان التفكير بايجابية او اسعاد الناس
واخييرا كوني قريبة من الله و سوف ترين المعجزات

ربي يحفظك و ان شاء الله ترجعي اطمنينا عليك من جديد بولادة شخصية جديدة بتفكير جميل و راقي و لا تنسي النظرة للحياة تختلف و لا تجعليها تقتصر على الجمال فكم من جمال اصبح مندثر
 
آخر تعديل:

oum_djenene

:: عضو منتسِب ::
إنضم
1 جوان 2020
المشاركات
4
النقاط
3
العمر
32
محل الإقامة
باتنة
الجنس
أنثى
ساكون جد صريحة
ماتمرين به هو ضعف شخصية نعم انت ضعيفة الشخصية انا اسفة على صراحتي و اسفة ان جرحتك ..خذ الراي اللي يبكيك .....
عليك اولا واخرا الرجوع الى الله توكلي على الله و ابدئي بشغل نفسك عن امورات اخرى كتعلم الطبخ او الخياطة تعلم علم النفس خاصة تطوير الذات مجال رائع سوف يساعدك كثيراا اي اقتلي وقتك و بالتوفيق و اسال الله عز وجل ان ينير طريقك بالهداية
 

ناصر dz

:: عضو بارز ::
إنضم
14 جانفي 2015
المشاركات
6,572
النقاط
1,106
الجنس
ذكر
انتي عندك صوره ذهنية مشوهة وسلبيه عن ذاتك وغير واقعيه بتشوفي حالك من خلالها لو صلحنا هاي الصوره الذهنية السلبيه وحولناها إلى صوره ايجابيه راح تتغير نظرتك لنفسك وراح اتشوفي حالك ملكه جمال لانك بتشوفي حالك من خلال صوره ايجابيه.. بتقدري تتعالجي من هاد الشي بذهابك إلى أخصائي حيث يقوم بتقديم لك العلاج المناسب لحالتك وهو العلاج المعرفي السلوكي راح ترتاحي عليه كتير وبنصحك تستشيري طبيب نفسي حتى يشخص حالتك لانه هناك اضطراب نفسي اسمه اضطراب التشوه الجسدي اذا اثبت الطبيب وجود الاضطراب لديك فهنا تحتاجين إلى علاج دوائي ونفسي
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
12,455
النقاط
2,061
محل الإقامة
الجزائر الحبيبة
اضافة الى ما قاله الاخوة قبلي
هته علامة من علامات الاصابة بالعين الخبيثة عملي رقية
او عمليها بنفسك لنفسك رقية الغسل بماء السدر نااافعة جدا جدا جدا باذن الله
 

طموحة

:: عضو فعّال ::
إنضم
27 أوت 2016
المشاركات
1,584
النقاط
471
محل الإقامة
الجزائر العاصمة
الجنس
أنثى
السلام عليكم و رحمة الله و بركاته
أهلا حبيبتي لن تنهاري باذن الله مكانش قوة في الدنيا تقدر تحطم انسان مستعين بالله ..وكل مشكل وعندو حلو ان شاء الله
اهتمامك بجمالك ليس عيب ان لم يلحق لحد الهوس لأنو المرأة مجبولة على هدا الأمر أومن ينشؤ في الحلية ....
لكن هذا الاهتمام يكون في اطاره الشرعي وخلينا نقولو العقلاني كذلك لانو تقارني نفسك بفتيات ميستحقوش منك الاعجاب بصنيعهم لحرمته و لضرره كذلك شيء لا أراه صائبا ألبتة ..
اذا مشيت و راء الناس راح توقفي يوما ما أمام نفسك مراحش تعرفيها و لا راح تحبيها و لا راح يحبها غيرك اذن خلي الناس وراءك و تزيني على الشكل لي تشوفيه نتي روحك شابة بيه طبعا فيما يرضي الله و جامي تذمي نفسك قدام نفسك حتى فضلا على قدام غيرك لانو راكي تنقمي على الله الذي أنعم عليك بأشياء يراها غيرك قمة العافية و تدمي فرصة لغيرك يتطاول عليك مستقبلا
تقبلي نفسك الله سبحانه و تعالى خلقك في أحسن تقويم و طبعا لست حورية من الجنة يا غاليتي خلقة الدنيا هكذا اكيد لن تكومي كاملة فلم يكمل أحد
و زد عليه كم من جميلة لا ترى جميلة لفظاظتها و نقص أدبها ربما ترينها جميلة الا أن تصرخ فتكسر جمالها بفعلها ...عليك أن تتجاوزي ظواهر الأمور غاليتي و صح واش قلتي الجمال جمال الروح و الدليل انو نشوفو ناس بجمال لا يراهم به غيرنا لأننا علمنا من نفوسهم ما لم يعلم غيرنا
أحبي نفسك و اعتن بها من الباطن الى الظاهر جملي قلبك بالتقوى و عقلك بالعلم وجملي لسانك بالكلام الطيب واخيرا اعتن بهذا الجسد لكن لا تنسي نهايته في التراب
ربي يوفقك
 

أسينات أسينات

:: عضو منتسِب ::
إنضم
6 جوان 2020
المشاركات
44
النقاط
5
محل الإقامة
الجزائر العاصمة
الجنس
أنثى
السلام عليكم
اختي الكريمة
اولا : انني ارى ان الانسان هو الذي يصنع نفسه فالافكارالتي تكررينها في عقلك الباطني هي التي تشعرينا بها فان تكرار الافكارالسلبية تولد لكي نوع من الهواجس تجعلكي تؤمنينا بها فعليك ان تقري في عقلكي انك جميلة حتى تستشعري بجمالك
ثانيا : فانا معيار الجمال نسبي فلا يعني ما اراه انا جميلا يعجب الاخرين فربما هناك من يراك قمرا كما هناك من ينتقضك فلا تبني حياتك على راي فالناس اذواق فلو كان الذوق واحد لما وجدنا اناس اقل جمالا تزوجو فالحب ارواح تلتقي فلا تعلقي على الجمال الخارجي فياما اناس ارتبطوا بمن يرتاحون لا بالاكثر جمالا
ثالثا :اشغلي نفسكي وطوريها حتى تضعي بصمتكي في الحياة لا ان تقفي على ترهات لا ناقة لكي فيها و لاجمل فهناك وزعت كارزاق لا دخل لنا فيها كالجمال اما الابداع و ابهارالناس بالانجازات فهذا قرار عليك باالبدء بيه من اليوم
رابعا : عليك بالرقية و قراءة القران الكريم لانهما شفاء الروح
خامسا : ارجو منك الاخذ بجميع التوجهات و اخذ القرار بالتغيير لقوله تعالى: " إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ "
ولك مني كل التقدير
 

ماغيكاي تشان

:: مشرفة :: نجمة اللمة
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,929
النقاط
2,256
الجنس
أنثى
وعليكم السلام ورحمة الله
اولا، بارك الله فيك لثقتك وان شاء الله تستفيدين من الاخوة والاخوات
ثانيا، أختي الغالية انصحك من قلبي واعتذر ان كنت تعتبرينها اهانة انما الله يعلم بنيات عباده، لايجوز وصفك لنفسك هكذا اختي الكريمة
ثالثا، نحن خلق الله وكل خلق الله جميل ونحن من نجمل انفسنا بأخلاقنا وأعمالنا أو العكس مع عدم اهمال انفسنا وفق مايرضي الله عز وجل.. أختي الكريمة الله عز وجل يقول أنه جعلنا في أحسن صورة فمن نحن لنقول عن أنفسنا تلك الامور؟ الشكل أمر بيد الله عز وجل وما بيدنا هي أخلاقنا وهي التي تجملنا او تجعلنا بشعين واحذري اختي الغالية انت الان بكلامك ذاك تخرجين من نطاق الإيمان بالقضاء والقدر خيره وشره ..
ولست اتكلم كي اهدئك او كي اجعلك تشعرين بالرضى عن نفسك، لان هذا الامر لا يستطيع فعله غيرك، ومافائدة أن يقول لك الاخرين انك جميلة شكلا ان كان داخلك بشعا؟
احكي لك قصة حدثت لي، هناك فتاة كنت اراها فاتنة سبحان الخالق المصور، متى ما التقيتها اقول لصديقاتي ماشاء الله لاقوة الا بالله جميلة جدا.. حتى درست معي ورايت اخلاقها والله العظيم تشوه وجهها في نظري بطريقة لايمكن تفسيرها.. والعكس كانت فتاة عادية وحين تعرفت عليها وعاشرتها ماشاء الله لاقوة الا بالله وجهها أصبح جميلا بطريقة لا استطيع وصفها كذلك.. بارك الله فيها وبها وفيمن ربياها وكان مثواهم الفردوس امين يارب
فكري جيدا بينك وبين نفسك وستجدين انك ربما نفرتي من فتيات جميلات شكلا بشعات خلقا الله يهدينا واياهن
وان اردتي التواصل معي يمكنك مراسلتي هنا
أسال الله ان يريح قلبك وأن يهدينا واياكم
اعتذر ان اسات اليك او ان كنت قاسية

تحياتى القلبية، احترامي وتقديري
 

ONjINE

:: عضو مُشارك ::
إنضم
13 سبتمبر 2019
المشاركات
305
النقاط
21
العمر
16
محل الإقامة
ويكفيني فخرا اني جزائرية
الجنس
أنثى
السلام عليكم ورحمة الله
انا فتاة في سن 17 لم يبقى كثير وادخل 18 مشكلتي اني ارى نفسي اسوء فتاة من حيث شكل ولا يعجبني اي شيىء فيا برغم من ان ملامحي جميلة و رقيقة و حنطية او بلوندة بشرة لكن ارى نفسي بشعة جدا جدا حتى صفاتي جيدة بدات اخسرها واحس نفسي دونية والكل اجمل مني صغارا او كبار نعم اعرف ستقولون الجمال جمال روح لكن جمال روحي خسرته بسبب جمال شكل لا ارى نفسي جميلة لبتة مع ان الجميع يقولون لي انتي جميييلة و صافية وجه ما عليكي فقط ان ترفعي وزنك فوزني هو 53 لكن الوزن سهل لكن لا ثقة لدي في جمالي وعندما ارى صور فتيات بالمكياج وسناب شات او سيفيليزي او حتى محجبات احس نفسي اقبح واحدة وغير راضية بجمالي

علما اني اتو لخطبتي اي تعليمي حتى نكمل دراسة ولما ادرك خطيب هذا صرخ علي وقال متزيديش تعاودي هاذي هدرة نتي شابة ومانيش نجامل فيك مكانش فتاة باخلاقك وجمالك

انا ركزت على ذي نقطة لانه سيصبح باذن الله زوجا حلالا لي

لكن بسبب عدم ثقتي بنفسي بدات اخسر كل شيىء في اي مجال

و صرت اغااااار يشدة على كل من يحيط او يريد سرقة ما احب لاني ارى نفسي قبيحة ولا اجذب في اي شيىء


انا متحجبة والحمد لله ولا اتزين ابدا بمكياج جامي درتوا لا في بيت او خارج دوما على طبيعتي بشعري طويل و بشرتي التي صفرت وعيناي اللتان كانتا كبيرتان اصبحتا مقفرتان و ذابلة حتى اني عندما ابتسم او اضحك اكره نفسي لاني ارى ابتسامتي بشعة حتى زميلاتي يالنني لما لا تضحكين مطلقا لديك ابتسامة وضحكة رائعة وغمازات

ولا استطيع ان ابين لهم ضعفي كما ان انفي كان طويل و رقيق و ( مسيب ) ليس مخنش لكن اصبحت اراه انه كان فيه عظمة في وسط كااخروف
اصبببحتتتت اكرررره نفسييييي بشدةوةةة
خاصة انه ليس لدي اخت وامي لا تفهمني فهي ذو بشرة بيضاء وعيناها خضراء حتى اخوتي ذكور اجمل مني



كرهتتت اخاف ان اخسر اشياء عدة خااصة اشخاص بسبب اني لست جميلة وسيمل مني و يبحث عن غيري خاصة انه محيط بفتيات اقل ما يقال عنهم لا ماء لوجههم وحرام عندهم عادي كاجانب اظن اجانب محترمات احسن منهن


وعليكم السلام ورحمة الله وبركاته
اول شي مشكلتك كاين بزاف ناس يعانو منها يعني حاجة طبيعية في سن المراهقة خاطر هذا السن هو القاالب لي راح يشكل شخصية الانسان

انا في عمري 16 سنة تقريبا في مثل سنك
نحكيلك على تجربتي


حتى انا مريت بظروف واوقات وين تسوء حالتي ونحس روحي وحدي ونفقد الثقة بذاتي { هذا صار ماضي طبعا } مرة ... فعلا وصلت لاسوء حالاتي
فلحظة هذيك خممت ؟؟ شيماء .... عندك خيارين اما تستسلمي وتبقاي فالقاع حياتك طول او تستجمعي قوتك وتقومي تبداي حياتك من الصفر
انا اخترت اني انا نشق طريقي بنفسي نخلق حاجات وعالم بتفاصيلي انا
قررت نحب شيماء نحب ذاتي كيف ماكانت فهمت انو ال16 سنة لي عشتها علمتني دروس بزاف
اول شي لي يشد فربي عمرو مايخيب تعلمت انو سجادتي ومصحفي هي تفاصيل السعادة في حياتي هي وجهتي طول سواءا كنت فرحانة نحمد ربي او مش فرحانة سجادتي وحدها لي تحمل دموعي وفالحالتين انتي الرابحة فكل حالاتك توجهي لرب العباد مش العباد { يعني شكون من غيرو قادر يستقبلك 5 مرات فاليوم ويسمعك ويحققلك كلش ويتحملك }
ثاني شي عايلتك .... مهما كانت طبيعة علاقتك فيهم او معاملتك هم اساس سعادتك امك وابوك هوما برك لي يتحملوك بكل حالاتك ومزاجيتك هوما لي يحبوك بصدق وخاوتك هوما سندك
ثالث شي مستقبلك وذاتك .... حلمك لازمك تحققيه حطي هدفك بين عينيك وكوني متاكدة انك راح توصلي هواياتك والاشياء الجميلة فحياتك مش لازم تتخلاي عليهم
هذو 3 حاجات لازم تخليهم اساسيات حياتك
انتي بنفسك قلي انك جميلة ياك انتي برك ناقصة فترة نقاهة ناقصك تواجهي نفسك وتواجهي مخاوفك كيف عملت انا وحد النهار اذا حطيتي كل شي مخوفك وقعدتي قدام المراة وتصالحتي مع ذاتك رح ترجع ثقتك بنفسك


مش لازم تجلدي نفسك وتلقي اللوم على روحك صدقيني هذي هي فترة المراهقة فترة التقلبات خخخخ يمكن تكوني قاعدة تنوضي تندبي وحدك ومبعد تولي تضحكي عادي جدا :rolleyes:
ياحبيبتي الدنيا مافيها شي حتى نقضوها نكد
اذا انتي كيف ماقلتي كارهة نفسك ومظهرك معنتها انتي راكي ناقمة على حالك وحياتك
ساو رح نجرب نمدلك نصائح وحاجات يمكن يساعدوك
اول شي جيبي ورقة وستيلو ومراية { يمكن تبانلك حاجة سخيفة لكن انا فكل مرة ننصح بيها انسانة تنجح متاكدة يعني } اقعدي فدار وحدك هدوء ..... دوك تحكمي هذيك الورقة تكتبي مخاوفك اهدافك احلامك شكون انتي وش حابة وين حابة توصلي وكل فكرة تجي لراسك اكتبيها
وقت المواجهة دوك انتي كتبتي مخاوفك ... رح تواجهيها واحد واحد وابرزها انا لست جميلة ؟ جيبي لمراية هذيك وقولي انا رح نحب روحي كيف كنت سواءا شابة ولا لا متهتميش بالمعايير البائسة التافهة لي حطها المجتمع الغربي كمعايير للجمال هوما احرار هذاك مفهومهم لجمال لكن احنا مسلمين مجرد كونك انثى مسلمة بحد ذاتك يخلي زينتك الحياء والعفة والصدق والامانة هذو يغنوك عن الاف مستحضرات التجميل وهذوك التوافه طبيعتك ونقاءك وبراءتك حاجات لازمك تفتخري بيهم تفتخري بكونك عمرك لاجربتي تغيري طبيعتك بعكس الناس اللي انتي تشوفيهم شابين وهوما كتل من الماكياج وعمليات التجميل والفلترات
حاجة اخرى عالم السوشل ميديا وسناب ووو هذاك متنسايش راهو عالم افتراضي .... متخلهمش يخدعوك نسقسيك صحا انتي في رايك هذي يوتيوبر ولا وحدة فالانستا كي تحط فطواتها ولا فديوهات رح تفرغلك قلبها وتحكيلك على مشاكلها ؟؟ رح توريلك الجانب المظلم والسلبي والمؤلم من حياتها ؟؟ طبعا لا رح توريلك فقط لي حاباتك هي تشوفيها انها عايشة فسعادة سرمدية وحياتها تمام وانها شابة ومعندهاش مشاكل وووو تحبي الصراحة انا عندي نقرا كتاب او رواية افضل من هذو التفاهات مش لازم ياثروا عليك انا دوك كي نشوفهم والله يجيني الضحك من بعضهم يحاولو يكونو مثاليات العالم الافتراضي والحاجات والناس لي يخلوك تحسي بالنقص والسلبية تجاه نفسك تخلصي منهم وانتي مطمئنة اوكاي ؟

بالنسبة للسيد خطيبك { 18 سن صغير يعني } نبشرك اذا انتي رجعتي واثقة من نفسك وقوية تلقائيا رح تكتفي بذاتك رح يرجعوو هذوليك 3 حاجات لي ذكرتهم الفوق اساس حياتك لارجل ولا حب ياثرو فيك لحتى تلقاي الانسان لي صح يحبك ويهتم بيك يحب روحك قبل شكلك يعني انتي حتى خطيبك شايفك جميلة ومتخلقة كيف انتي لا ؟ اذا كان هو الانسان لي حاسة روحك قادر يخليك سعيدة وصح تحبيه وعمرك ماراح تملي منه كملي واذا حاسة لالا وقفي وواجهيه


بالنسبة لانك تغاري يسرقو حاجاتك { لاياحليش لهنا راني معاك كاراتي جيدو كلش في سبيل ممتلكاتي 😂😂 } المهم معرفتش هنا وش قصدك بحاجاتك ولكن نعرف انو لازمك انتي تحافئي على الحاجات لي ليك وتحبيها ومتشوفيش لعيوبها ومتشوفيش لممتلكات الاخرين حتى مترجعيش تحسي بالنقص


انتي لازمك تركزي على انوثتك تحسي فعلا بجمال كونك انثى قوية ناجحة وملهمة بعدي عليك افكار انو خاوتك ولااختك اجمل خلاص متبقايش تقارني روحك بيهم كامل ربي سبحانو اعطى لكل شخص مواطن جمال انتي دورك تشوفيها وتطوريها

احم بالنسبة لبشرتك وعيونك يختشي كاين ماسكات وعلاجات مكانش حاجة مستحيلة يعني انتي جمالك طبيعي ناقصك شوي تراعي بشرتك اعملي روتينات مش شرط فصالونات ولاتشري حاجات غالية قادر فالدار تعملي حاجات بسيطة

لازمك تعملي نقطة تحول وتخرجي من قوقعتك✌


المهم نظن طولت بزاف فالهدرة .. ساو حبيبتي نتمنى تكوني فهمتي وش قتلك اذا حابة اي شي تواصلي معي واذا حابة نعطيلك حسابي فالفيس ولا واي شي تحتاجيه وانا نقدر نساعدك مش راح نقول لا اعتبريني اختك
نحبك انا حتى بلا منعرفك لانك كنتي شجاعة كفاية حتى تعرضي مشكلتك وهذي اول خطوة حتى تكوني قوية وواثقة من نفسك 😍

فالاخير رح نحطلك قصة ليزي فيلاسكيز اقرايها وتقدري تزدي تبحثي عليها


غدت صورتها كأيقونة للاستهزاء وإثارة سخرية الآخرين على شبكة الانترنت، لقبها البعض بالفتاة الأكثر قبحا في العالم..لكن كل هذه التمثلات السلبية لم تجعلها تنزوي على نفسها خوفا من نظرة الآخرين، بل شيدت من كل هذه الانتقادات، طريقا فريدا لتحقيق أحلامها وللتأثير على العالم بشكل قد لا يقوم به الكثير من أصحاب وصاحبات الوجوه الجميلة.

ليزي فيلاسكيز، مواطنة أميركية من مواليد سنة 1989، منذ مولدها وهي تعاني من مرض خطير ونادر للغاية اسمه متلازمة بروجي رويد. وزنها لم يتجاوز عند مولدها كيلوغراما واحدا وربع، ومع مرور السنوات، ظهر جليا أنها مهما تقدمت في العمر ومهما تناولت من أطعمة، فما تزنه سيبقى متوقفا في حدود 29 كيلوغراما، حتى وهي تتناول يوميا 5 آلاف من السعرات الحرارية، مقارنة مع المتوسط الذي يستهلكه المواطن الأميركي والمتجسد في أقل من 4 آلاف.
سنوات طويلة و"ليزي" تعاني من مرضها الغريب الذي جعل عظامها ضعيفة للغاية وأدى إلى فقدانها البصر بعينها اليمنى، كما أضعف جهازها المناعتي وتسبب لها بحالة صحية مترنحة..بأنفها الحاد وبجلدها الذي تظهر فيه علامات الشيخوخة، بقيت صورة "ليزي" مدعاة للسخرية حتى ولو كان بعض من ينشروها، يعتقدون أن الأمر يتعلق بتلاعب في الصورة باستخدام برنامج الفوتوشوب، وأنه من المستحيل أن تتواجد إنسانة ما على وجه الأرض بهذه الهيئة.
ليزي الآن هي خريجة جامعة..كاتبة..وملهمة الآلاف عبر أنحاء العالم..خرجت من بوتقة العجز إلى عالم الإبداع وحولت ضعفها إلى قوة، غيرت المفاهيم وبينت أن لا مستحيل في هذا العالم، الفضل في هذا التغيير كما صرحت بذلك في كل الحوارات التي أجرتها مع وسائل الإعلام، هو احتقار الآخرين لها وحطهم من كرامتها بشكل غير محدود.
نقطة التحول بالضبط، كانت مقطع فيديو استقبلته على بريدها الإلكتروني، شخص ما استغل لحظات بسيطة من ضحكها، لينشر فيديو تحت عنوان "المرأة الأكثر قبحا في العالم"..مقطع من 9 ثوانٍ جر بعده فيديوهات أخرى قدّر مشاهديها بالملايين، غالبيتهم يحتقرون هذا الوجه ويستخدمونه مدعاةً للضحك، وقلة فقط من فكرت في نفسية هذه الفتاة ومدى تقبلها لاستهزاء الآخرين من هيئة جسدية لا تتحمل أدنى مسؤولية في خروجها إلى الوجود بهذا الشكل.
بعد أن تتبعت هذا المقدار من الاستهزاء..قررت "ليزي" أن تجعل من حياتها منبعا للفخر، الحلم الأول كان التخرج من الجامعة، الثاني أن تصدر كتابا لها، الثالث أن تتحدث بشكل مباشر عن تجربتها مع الحياة كي تلهم الناس من أجل النجاح..وهو ما حققته، حيث تخرجت من جامعة تكساس في شعبة الاتصالات، وأصدرت كتابا تحت عنوان "كن جميلا..كن أنت" إضافة إلى نشرها لسيرتها الذاتية، كما تمت استضافتها في عدد من البرامج الشبابية كتيد إكس ولقاءات مباشرة على قنوات أميركية بوصفها امرأة ناجحة.
ذات مرة سألوها عن مرضها فأجابت" رزقني الله بأعظم نعمة في حياتي؛ وهي مرضي"..هي إنسانة مؤمنة بالله ومعتبرة أنه لم يختر لها هذه الهيئة عبثا، تقول إنها لا تتضايق أبدا من الطريقة التي تعيش بها رغم أنها مضطرة إلى تناول طعام ما كل ربع ساعة قصد البقاء على قيد الحياة، كما أنها لا تتضايق حتى من وصفها بـ"أبشع امرأة في العالم"..تعيش في تكساس حياة عادية ملؤها حب الحياة، كما تطمح إلى تحقيق إنجازات جديدة، ومن أهدافها المستقبلية مساعدة كل من يحس في جسده نوعا من النقص دون إلقاء البال إلى الساخرين والهازئين.


وهايليك صورتها نتمنى تكون قصتها عبرة ليك ✨ لازمك تحمدي ربي انك انسانة كاملة ومتخلقو وجميلة وفي تمام صحتك وعافيتك وعندك اهل يحبوك ومستقبل مش لازم تفقدي الامل لازمك انتى تخلقيه

1591634204713.png


قَالَ النَّبِيَّ -صَلَّى اللَّهُ عَلَيْهِ وَسَلَّمَ-: « مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا»؟
هذا حديثٌ عظيمٌ كأنما من كانت عنده هذه الأمور الأربعة:(آمِنًا فِي سِرْبِهِ) يعني في مسكنه ومنزله ومن حوله، الصفة الثانية: (مُعَافًى فِي جَسَدِهِ) من الآفات والأمراض المقلقة والمزعجة، هذا تمتَّ عليه النعمة؛ (آمِنًا فِي سِرْبِهِ) لا يخاف من الأعداء، (مُعَافًى فِي جَسَدِهِ) من الأمراض المقلقة والمزعجة .(عِنْدَهُ قُوتُ يَوْمِهِ): عنده غداءه أوعشاءه، (فَكَأَنَّمَا حِيزَتْ لَهُ الدُّنْيَا بِحَذَافِيرِهَا) لأنه اجتمعت له النعم والمتطلبات، وتمكن من الانتفاع بها، فهذه نعمةٍ عظيمة تكاملت في حقه النعمة، وهذه كلها والحمد لله الآن متوفرة لنا، فعلينا أن نشكر اللهَ -عَزَّ وَجَلَّ- بأن نستعمل هذه النعم في طاعة الله، ولا نبطر نعمة الله أو نتكبر أو نستعمل هذه النعم في معصية الله، وفي الإسراف والتبذير والبذخ وغير ذلك، (آمِنًا فِي سِرْبِهِ) (مُعَافًى فِي جَسَدِهِ) (عِنْدَهُ قُوتُ يَوْمِهِ) لأن الإنسان لا يدري هل يعيش بعد يومه هذا أو لا،لكن عنده ما يؤمّن يومه الذي هو فيه، واليوم الثاني والثالث يأتي الله بأرزاقها ولا ينسى عباده -سُبْحَانَهُ وَتَعَالَى- (وَمَا مِنْ دَابَّةٍ فِي الأَرْضِ إِلاَّ عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا)، فهذه النعم متوفرةٌ عندنا الآن ولله الحمد، عندنا الأمن، وعندنا الرزق متوفر وعندنا أيضًا العافية في الأبدان، من الأمراض المزعجة والمقلقة، هذه نعمٌ عظيمة، الدنيا كلها تنبني على هذه الأمور .

اتمنى لكي كل السعادة ❤
في امان الله
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
17 سنة ورقيقة اممم، احتمال علمي انو البلوغ تاعك مازال في بداياتو، كاين رجال ونساء كون تحطلو تصويرة تاعو كي كان في مثل سنك يحلف بلي ماهوش هو وصراتلنا شخصيا ههههه، كي تفوتي العشرين ان شاء الله بصحة وعافية رايحة تبان اشياء جميلة فيك بعد ما يكتمل البلوغ الجسدي تاعك ما دامك مخطوبة وزوجك ولا خطيبك يقلك راكي مليحة اذن علاه هذا القلق كامل، كاين شي بنات لا جمال لا اخلاق كي تشوف روحها في المرايا تشوف ملكة جمال تالمون ثقة عندها زايدة شوي 😅 .. مهم اختي اذا حابة تكوني جميلة في ليلة وضحاها ف هذي ما تصراش وانت اصلا في سن بلوغ مازال حوايج تتبدل وتأثر فيهم الهرمونات تاعك اصبري على الجسد تاعك وتأثير نفسي على الهرمونات ماهوش ساهل اذا حذاري وربي يجيب الخير.
 

خديجة ph

::طبيبة صيدلانية::
إنضم
14 أفريل 2015
المشاركات
636
النقاط
551
العمر
36
محل الإقامة
قسنطينة الجزائر
الجنس
أنثى
السللام عليكم
أختي الصغيرة ربي يعينك على تقلبات مرحلة المراهقة , أختي أنا فغلا قلقة عليك ليس على جمالك و هاذ الأمور لكن قلقة لأنك بعد مدة رح تصيري ربة منزل فهل أنت مقدرة لهذه المسسؤولية التي ستلقى على عاتقك
شوفي مع أمك كفاش تتصرف كفاش كلامها موزون كفاش تعامل باباك كفاش تخدم في المنزل ما تنسى لا صغيرة ولا كبيرة انتبهي لهاذ الامور الوقت راهو قاعد يفوت وانت مركزة على تفاهااات واحد ما راهو منتبه ليها حتى خطيبك حاير فيك علاواه راكي تهدري ربي يعينو هو متوقع يهدر معاك في أمور مستقبل و مصيركم و انت الله المستعان, كيما يقولو بالفرنسية quand le sage montre la lune l’idiot regarde le dois يعني لما الحكيم ينعت للناس القمر الغبي باقي يشوف مع صبع الحكيم , زوجك يهدرلك على الدار و كفاش نبنوها و واش لازم يكون فيها و كفاش نربيو الاولاد و انت كي الدراري تقيسي في خشوم البنات اللي يخدمو معاه و تقارني بخشمك اكباااري اختي راح الحال حشومة عليك غدوة تفشلي والديك قدام عجوزتك حقة حقة راهم متقابدين على خشم جارتنا و كرعين بنت خالتو وظوافر ايفانكا
واش وجدتي روحك للمسؤولية ولا لاتية غدوة طفل و زوج وثلاثة في حجرك راكي واعية ولا مزال و ماتقوليليش خليني مازلت صغيرة اللي صغيرة ما تتخطب
فتي و قررتي تزوجي خلاص انفظي غبار الدر هذا اللي في مخك خلاااص وش من نيف و بشرة و كراع و ما نعرف واش
سامحيني أختي قسحت كلام معاك بصح والله باه نفطنك لواش يستنى فيك
الوقت تاع الخطوبة داروه باه تعرفي الراجل هذا اذا يليق بيك ولا لا ماش باه تلعبي أدوار تاع مسلسلات تركية و تتخيليه كازانوفا و انت البطة الدميمة هذا هوس المراهقة يزي و بركايه ولا درك يكره و يروح يحوس على مرا تاع الصح و يخليك تلعبي في دار والديك
نوظي حبيبتي يا الله فيقي راكي عن قريب مولاة بيت ربة أسرة غدوة أولادك يشوفو معاك و يقتديو بيك
ساااامحيييني والله والله والله العظيم ثلاث في مصلحتك
 

sanaya

:: عضو متألق ::
إنضم
8 ديسمبر 2016
المشاركات
3,028
النقاط
991
العمر
29
محل الإقامة
الجزائر
الجنس
أنثى
لما كنت صغيرة كانوا صحاباتي يطلبوني نضحك و مين نضحك يبانوا غمازاتي و يبداو يضحكو لبناتو ثماك حسبت أنو الغمازات عيب خلقي ووليت ما نضحكش مام فالدار باش ميبانوش
و حتى لحقت 28 سنة باش عرفت انو كاين اللي يديرو عمليات تجميل بسبتهم
و في وقت كنت نشوفهم عيب لا لسبب الا بضحكات صديقاتي التي اوهمتني انها عيب خلقي
نفس الشيء ستكبرين و ستدركين أن ماكنت تكرهينة هو عين الجمال
اولا لعلك بحاجة للرقية فما تقولينه يدل و الله اعلم على عين او سحر ثم احمدي الله على نعمة الصحة و العقل ثم على نعمة الجمال أحبي نفسك ثقي بنفسك فالناس سيعاملونك و يرونك مثلما ترين نفسك
سلام
 

همس الوُرود

:: مشرفة ::
منتدى هذه مشكلتي
طاقم المشرفات
إنضم
29 ماي 2011
المشاركات
15,264
النقاط
1,576
محل الإقامة
جزر القمر
الجنس
أنثى
السلام عليكم
هادو العالم اكل يخبروك انك جميلة وانتي مواثقاش فروحك
خصك اختي تحطي ثقة فربي سبحانه قبل كاين ناس تحلم بالصفات يلي عندك و زوجك حابك ولو ماعجبتيهش مكانش يخطبك ..
اذا ناقصة فالوزن كولي وصاي والف وحده راهي تدير فريجيم باش توصل لوزنك
كل شخص ورأيه فالجمال .. بصح خصك انتي تتقبلي نفسك ولوو ماعجبتكش تتقبليها وتحمدي ربي عليها كاين ناس يحلمو يكون عندهم وجه عادي وجههم محروق
احمدي ربي على النعمة باش متروحش منك وتندمي مبعد تقولي وشداني كنت شابه متعيطيش على روحك بزاف وحبي نفسك حتى لو كرهك الناس .. ولو قالولك جميلة او بشعة ميهمكش شوفي مع روحك فالمراية وجبدي الامور الجميلة و امحي من راسك كل حاجة تشوفيها بشعة شوفي الجانب الايجابي فنفسك
ديري فبالك الطفله يلي واثقه فيلي عندها مستحيل تتحرك منها شعره ومجرد انك تحبي نفسك صاي كلش يكون مليح فالدنيا وناس يلي ترجع تغير منك .. الخلل كلو فنفسيتك فقط ربي يهديك هذا وش نقولك
 

hakimafethi

:: عضو منتسِب ::
إنضم
31 أكتوبر 2012
المشاركات
61
النقاط
3
الجنس
أنثى
ابنتى الغالية لا تجعلى الشيطان يفسد عليك حياتك اهتمى باشياء اهم من الشكليات تعلمى فن الطبخ فن معاملة الزوج اخرجى مهاراتك و مواهبك المدفونة ثقى فى الله و احمدىه على الصحة و السمع و البصر هناك فتيات فى مثل سنك يرقدن فى المستشفيات و هناك من بلغت الاربعين و لم تتزوج فاحمدى الله الكرىم على نعمه يا ابنتى حتى لا تزول عنك النعم اللهماننا نعوذ بك من زوال نعمتك و تحول عافيتك
 

sanaya

:: عضو متألق ::
إنضم
8 ديسمبر 2016
المشاركات
3,028
النقاط
991
العمر
29
محل الإقامة
الجزائر
الجنس
أنثى
الموضوع طويل و التقيت بمثله في قسم مشكلتي
حاجة محيرتني واش هو مشكل لبنات ليامات هاذو مع الجمال🙄🙄🙄
 
Top