و الله أعرف أنك مُوَسوَس أُدخل و اعترف

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
13,053
النقاط
2,061
محل الإقامة
الجزائر الحبيبة
الجنس
ذكر
السلام عليكم احبتي و اخواني
اليوم صباحا عزمتني خالتي الزايخة على بقايا الشرشم

الحقيقة كان شرشم و عليه الكلام
و بينما نحن نتناول الوجبة و كعادة الجزايرين عندما يشبع البطن يقول للراس غني
و نحن نتجاذب اطراف الحديث اخبرتني خالتي الزايخة ببعض اسرار اعضاء اللمة
و قالت لي بالحرف الواضح أن كل اعضاء اللمة مرضى بالوسواس

وااااو بالوسواس يا خالة
أي نعم بالوسواس
اعطيني امثلة يا خالة
مثلا مثلا مثلا @السلطانة عندها وسواس الغاز و تقوم من فراشها ليلا حوالي 5 مرات
تتأكد أنها اغلقت غاز الموقد و المدفأة بل و تتحسس علها تسمع صوت الغاز او تشمه
مسكينة حتى يذهب عنها النوم و هي ذهاب و إياب بين المطبخ و غرفة نومها ههههههه
حتى انها اصبحت تتكلم مع نفسها و تنفخ نفخا ههههههه

ـ أممممم اختي السلطانة تظهر انها عاقلة و رزينة مسكييييينة ربي يشفيها

مثال آخر يا خالتي الزايخة


مثلا مثلا مثلا @فريد أبوفيصل عنده وسواس غلق الابواب . المسكين يقضى جل وقته
في التأكد انه اغلق الباب سواء باب البيت الرئيس او باب الغرفة او باب السيارة
بمعنى اي باب يسبب له الوسواس فيبقى يبتعد عن الباب ثم يرجع إليه ليتأكد انه اغلقه
هههههههه مسكييين استاذ فريد


واااو الاخ فريد عنده حل واحد و هو تلحيم الابواب حتى يرتاح
زيديني عشقا زيديني أعتذر اعتذر خالة زيديني مثالا زيديني


مثلا مثلا مثلا @خديجة ph عندها وسواس عندما تغلق الساشي او الحقيبة
سواء تبع الادوية او اي مستزلمات تعيد فتحها لتتأكد مالذي وضعته في داخلها
فالزبون ينتظرها لربع ساعة و هي تتأكد من محتويات الساشي هههه


واااو مسكينة اختي خديجة
زيدي مثالا اخرا خالتي الله يرضى عليك


مثلا مثلا مثلا @إلياس لديه وسواس الخوف من الجراثيم
اذا صافحه رجل او زميل يغسل يديه 20 مرة خوفا من اي عدوى هههههه
فيغسل بالصابون ثم بالماء ممزوج بالجافيل بل بالجافيك لوحده و لا يرتاح ههههههه


ياااه الياس مسكين واش راه يعالني

ازيدك مثالا آخرا اختك @quěěŋ ŏŏŏŏf gříěf
عندها وسواس تنظيف البيت من الجراثيم مسكينة كل اليوم و هي تنظف الارضية و الاواني
و كل لحظة تقوم تنظف بالمطهرات و المعقمات و اي شي يسقط على الارض
تغسله 20 مرة و تعيد و تكرر ههههههه

و ايضا اختك مريم @sanaya
مسكينة حالها حال
المسكينة ما تقوم من السجادة حتى تشك في عدد الركعات فتظل راكعة ساجدة
و تعيد كل صلاة عدد من المرات و لا ترتاح هههههههه

ايضا اخوك محمد @Andy_Delort
لديه وسواس الاعتذار كل وقته و هو يعتذر من الاهل و الاصدقاء و الجيران و الاقارب
و من الاحياء و من الاموات حتى القطط يعتذر منهم ههههههه
محمد يخاف ان يزعل منه احد ههههههه

ايضا اختك @Yasmina zahra
عندها وسواس الاكتناز المسكينة خايفة من الفقر و كل دينار تصرفه يخليها حزينة لأنها تتوقع
انه راح يجي وقت اللي يملك اقل من مليار بدينار راح يكون فقير ـ فهي تخبي بالديار و السنتيم
لكي تصل الى المليار هههههههه

ايضا عندك الاخت @منى كريم
عندها وسواس الخوف من حوادث المرور تبقى كل الوقت تراقب السيارات تنتظر وقوع حادث
حتى اصبحت لا تسافر خوفا من حوادث المرور ههههههه


ياااه يا خالة تقريبا كل اهل اللمة مصاب بالوسواس

لااا ليس اهل اللمة فقط بل كل الشعب الجزايري مصاب بالوسواس
إسأل ردلي خبر ههههههه


اكيد خالة راح أسأل و أشوف
ـــــــــــــــــــــــــــــــــــــ
إذن أيها الشعب الموسوس أعترف ماهو الوسواس الذي تعاني منه
إعترف
هههههههههه

مع تحيات خالتي الزايخة
2.gif
 

Jorh

:: عضو مُتميز ::
إنضم
27 سبتمبر 2020
المشاركات
891
النقاط
51
محل الإقامة
في قلب اقزامي 😂😂
الجنس
أنثى
اول رد هههه
ياخالتكم الزايخة هذي هههه اممم منكدبش موسوسة من قداه نحاجة
مثلا كي نمشي وحدي في الطريق هههه نحس روحي راهم الكل يدنقو فيا خخخخ اما نتع الزايخة خخخخ وي كااااينة منها معاكم ملكه التوسويس الصراحة
لي عودة خخخخ دخلت باه نشد لبلاصة لولة :cool:
 

سكون الفجر

:: أمينة اللمة الجزائرية::
طاقم الإدارة
إنضم
29 أوت 2013
المشاركات
12,724
النقاط
2,301
محل الإقامة
مدينة جامعة - الوادي -
الجنس
أنثى
😂😂😂😂🤣🤣🤣🤣🤣
موضوع طريف جداً
والله ضحكت خير الله
عن نفسي ما عندي وسواس من شي 🤔
الحمد لله

بارك الله فيكم اخي على الموضوع الطريف والجميل
الله يجزيك الجنة
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,880
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته

ههههه قستني فالوتر الحساس صح موسوسة من تفقد الغاز
ربي يسترنا ويعافينا
كل لماوي موسوس من حاجة وانت كشفتهم ههههه
اعترفو ياموسوسين منواش تتوسوسو؟
 

ذكريات

:: عضو مُشارك ::
إنضم
14 أوت 2010
المشاركات
106
النقاط
609
محل الإقامة
تلمسان
الجنس
أنثى
السلام عليكم
أنا عندي وسواس الغاز و باب الدار
وولدي الصغير يلا راه مغطي
هادو نتاع الدار
و الزنقا ماشقاش نهدرو فيها بزاف
و الواعرة نخاف نودر مفتاح باب الدار نفقدو كل مرة
 

sanaya

:: عضو متألق ::
إنضم
8 ديسمبر 2016
المشاركات
3,291
النقاط
991
العمر
30
محل الإقامة
غرداية
الجنس
أنثى
قتلتني بالضحك
هههههه سرتو كي قلت للخالة الزايخة زيديني عشقا قصدي مثال
بون عندي وسواس الغاز مرة و ثلاثة نتأكد طافي فالليل وسواس الأبواب و لا كاش عبد متخبي فالدار و نظل ندور فالليل و نشوف كاشما نلقى .
 

خديجة ph

::طبيبة صيدلانية::مشرفة منتدى مشكلتي+منتدى الصحة العام
طاقم المشرفات
إنضم
14 أفريل 2015
المشاركات
890
النقاط
551
العمر
36
محل الإقامة
قسنطينة الجزائر
الجنس
أنثى
😵😵😵😵😮😯
علاه يعني اللي فيك يا هنية احصليه فيا
الوسواس خاطيني خويا لمين و الحمد لله بصح في الدواء لازم تتوسوس خاصة كي يعود الدواء تاع العقلية نخمم مرة و زوج و ثلاثة و نبقى ندقق في المريض و اللي معاه و اذا كان واحد يستنى فيه برا هههه والله خدمونا تحريات معاهم حتى عدنا نعرفو مزاطيل الحومة كلهم و طبعا تبقى القزولة أحسن حل مع هؤلاء ههههه
 
Top