الجزء 4 والأخير العياشي والنورية دبي أ نتاعنا

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,539
الحلول
4
نقاط التفاعل
13,907
النقاط
2,156
الجنس
ذكر
العياشي والنورية عند الساڨية.

(جزء 2) العياشي والنورية في la ville

(ج3) العياشي والنورية في المحلات..

دائما مع الجزء 3 العياشي والنورية في المحلات

...

اتوجه العياشي للكروصة وقال لمرتو اركبي ذرك نديك لدبي ولا خير من دبي ڨع.
النورية فرحت وقالت ياعجبي دبي ڨع ق بعدا كان ڨلت العاصيمة ولا جيجل .

اركبي اركبي .

العياشي يحزم راسو ملبيح يشد الطريق الظهراوية ويشڨ الصحرا كي النوارا ينڨز من الڨودرون للبيست ( الطريق الترابي) القبارة تقبر وراه تڨول ناقلة جنود.

هو يكون قريب للسوق الاسبوعي يبراكي مع وحد الحنية ويعدل الكروصة تحت زوج نخلات مڨرونين ولايح ظلهم على الارض بلاصة مريڨلة.

هبط العياشي وفتح البيبان شوAG و DAروات كلها باه يخرج دخان الموتور و غبارة الطريق ويضربها الكوروندار من كل مكان و يدخلها البرود زاد فتح لامال جبد فيها فراش شعشبونة خادماتو جداه بكري وهيدورة مطرزة بنوارات من كل لون نتاع امو الله يرحمها عطاتولو نهار عرسو .

...ايا النورية كسلي ڨوايمك واتنفسي استنايني اهنا زوج دقايق هاني جاي.

حطلها بيدون الما الملبس بالخيش مزال شاد البرودة لاباس والطاس نتاع الاينوكس ويڨول ربي للسوڨ موش بعيد عليه قصاص خطوات .
العياشي حوتة وطاحت في الماء راه في المحيط البيئي اللي موالف بيه ومتناغم معاه السوڨ حافظو ركنة بركنة وحجرة بحجرة وشراي وبياع .

يدهمي على عجالة عشة حسين البسكري اللي ناصبها في وسط السوڨ يوصيه على زوج طباسة دوبارة حاميين بالفول يعومهم بزيت القبايل وذراع خبز ويفوت على خيمة الوناس بن شلالي يوصيه ثاني على براد أتاي منعنع ويجيبو عند طابلة الحاج دولار للاقمشة والمفروشات.

الحاج دولار هو اللي ملبس كل الدوار ومجهز كل العرسان مين يزيد اليشير ويڨمطوه لحتى يموت ويكفنوه عندو كل الاقمشة والالبسة الداخلية والخارجية ومافوق الخارجية. تحب تجيبلو ڨيطون يفصلولك برنوس رايح.
لبسة ذراري وشبان وعجايز وشيوخة ونسوان وعرايس وفتيان وحاط على جنب سروجة نتاع عوادة ودواب وثيران.

ايا العياشي حاب يقضي صالحة النورية خلاها تستنى وبطا عليها .

آ الحاج راعي ليا لهون شوفلي ڨطعات كتان زينين من تاع عينيك يا عينيك و لا كتان حليمة مرت الشادلي وهذاك تاع جانيتو وعفسة الڨط وحليلي وين تقعد و،، و،، وشيني هاذيك الحية ،،،

المهم دبر راصك اعطيلي الشايع في الكتان المرا راها تتوحم عليه والعيد زدم علينا.

ينوض الحاج دولار يجمل كوكتيل أشكال وألوان ويلوحو على كتاف العياشي ويڨلو ادي للمرا اتخير اللي يليق بيها والحساب ساهل.

ايا يعود العياشي لمكانو بكل اللي وصاه وزاد عليه جاجة محمرة طايبة عالجمر سخف عليها في طريڨو.

يلحق للنورية يلوح في حجرها قطعات الكتان خيري ياملكة الزمان واش يهب ڨلبك من ألوان وهاكي قرعة الريحة والمسك والكحل والمسواك هو ومعريفتو العياشي في ادوات التزيين واش لقى معروض في جيهة النسوان.

يضربو فيها فطور مريڨل ويبدا العياشي يحسي في الشاي يهدر و يڨصر :

آ النورية راكي تسمعي ول ،،، ابراهيم راه ماهوش عاجبني خلاص يظل حاكم الحية نتاع البوطابل ولاصق بين الڨصب تڨول محضن عالبيض.

ڨداه نخطرة نڨولك يالعياشي نبيعو البڨرة ونزيدو عليها وندفعولو الشرط وندخلولو الصيفة الجاية يتهنى ونتهناو.
العياشي ... موش عاجبني الطفل خلاص مسيب الخدمة وڨاعد قير آلو آلو ههدري هڨولي يخي زمان يخي.

النورية : علاه أ العياشي ڨليل وما درت انت ول هراه خارج ليك ،، الطريق نتاع دارنا بكري حفرتها انت وحمارك رايح حاي رايح جاي وتغني ..


.. وراكي شافية يالنورية.

ياخاه كيفاش منشفاش ايييه نشفى عليك وعلى الحمار محشوش وذنتو ولصباط جلد الحنش تظل تزوخ بيه ونواظر ( ري بان ) تظل لابسهم نهار مع الليل .

يا حسراه تظل تقنيلي هذيك القنية نتاع عبد الحليم حافز .

العياشي يتمرغ بالضحك اييييه هههها مزالك شافية ياو هههها حلوفة ياه

حلاتلو العياشي الذيب شغل ديمو وتريڨل على bien sport HD

النورية: وش تڨول القنية مزلت حافظها ولا نسيتها.

مزلت حافظها ياولي ننساها عڨبت بيها لارمي باه نتفكرك ياحسرا. كنت شاري كاسيطة نتاعها متفكرها راها الذرك في صندوڨ المفاتح نتاع الكروصة معلمها بالويزنڨل احمر.

وبدا العياشي يتفكر و يدندن عند وذن النورية وهي تخبر في قطعة الروبةاللي تخيطها للعيد،،،


بحلم بيك انا بحلم بيك ،، تيرارا
،،، وابأشواءي مستنيك ،،، تيرارا ،،،
إما سألتيش فيا ،،، يبأى كفايا علااايا ،،،
إما سألتيش فيا ،،، تيرارا
يبأى كفايا علا ..

FB_IMG_1645291724277.jpg

عيد سعيد
للمة


- النهاية -
FIN



دبي ولاماهيش دبي​
 
آخر تعديل:
[v3 تنبيهات -2021/2022 ®️فريد أبوفيصل🔔]

@همس الوُرود @Asseli Queen @سكون الفجر
@طموحة @sana barhoumi @إلياس @Hakan
@سعد606 @ذكريات @barca.moha @عبدالرؤوف1
@aljentel @الامين محمد @dahman kz
@أشــواق 19 @جليلوس @"viola"
@السلطانة @adam doon alger @أم منيــــــر
@بسمة القلوب @جمال عبدلي
@زخرفة حرف @ڪبہريﮩأء أنﹻثى @rafid2
@شجـ الروح ـون @Zamenhov
@ملكة زوجي @Soumia hadj mohammed
@الرومانسي الجاد @ahmedroyce339
@وصال اية @فريد أبوفيصل @*amani*
@{مُدَلَّلَتُهُ} @Golden Man @رحيق الفردوس
@ليليا مرام @Ma$Ter @ℓσɴєℓу GĪяℓ
@assinat @زاهية بنت البحر @حفياد آدم
@بيسان بيبا @Oualid Kamel @حكايا الورد
@Sanaya klara @هدية من الله @الفضل10
@AMH1398 @Andy_Delort @randa.hac
@Rǿmẳņĉį LŎvès @خربشات غيمة @SOFIANE020
@إيمان~ @النجم البعيد @العَنْقَاءُ @Amine7N
@ثَسْكُورْثْ نَثْدُوكْلِي @sami44 @أبو مارية
@Adel Adel1 @Jorh @soso ana @صاحبة الأثر
@الورد الأحمر @{هِشام} @ضآحكة مستبشرة
@متهجئ الحرف @زهور الشوق @لاريمان
@the world @Skor m@k @ناسليهان @الريــان
@بيسان بيبا @زاد الرحيل @امير الصحراءdz
@ilina loulou @القطة الزهرية @خيرة الوهرانية
@Oussama.GF @!≈[سُِـِيٌــِـِفّ اٌڷِخً‘يٌـرُ]≈! @اميرة المدائن
@الوهم @Malika Tlm @afnene @زهور الشوق
@الفتاة الاميرة @الطيب الجزائري84 @طيور السلام
@bilel.dz @ام أمينة @الملك الظليل @لاجودان شاف
@فتاة حساسة @hamza__2006 @بوعزة عامر 77
@Chouaib28 @faith8 @الأميرة بلقيس @EL General
@حكايا المطر @Tama Aliche @عبد المـــالـــــك
@حياة71 @بنت الشمال @اسيل الحياة @نبيل مسلم
@dida007 @Bfatiha @ظل سيريالية @chirine zina
@louai loulou @اسراء سروري @Oum Loukmane
@الأستاذ مصطفى @خووخه
@فتى من الغد @@R@ZIK @ALIGSM
@HAMZA USMA @visiteur @Moha le sage
@يونس قاسم @نذير1 @طيور السلام @زخة مطر
@وحي القلم @MARYTA @صاحبة الأثر @نرجس الريحان
@شيماء شوشيشا @Asm90 @ديكتاتــــــور @tayeb20
@prince of love @naouri65 @Ra Off @Djamel.Dz
@أشــواق 19 @الہٰوردة الہٰسہٰوداء @رضا ا̍ڸمۘڜٰا̍ڪ๛
@النورس @الفراشة الحساسة @Ozdemir Sirac
@اليزابث @space-cowboy @randa.hac @نجمة الأرض
@*ياسر* @rycerz @صمتي حكاية @صانعة الإبتسامة
@NAPOLA @صدى الصورة. @أم أحمــــد يــسّ
@هدوء المطر @sidali98 @نعمات @4LI_4LGERI4
@املي @secret de coeur @oumsif @حاتم خليفة
@ناصر dz @🌌🔮متألقة🔮🌌 @prncess fifi
@بنقابي افتخر @ضآحكة مستبشرة @طيور السلام
@أحمدوا @مواكب الراحلين @أريج محمد
@ahmedroyce339@ @rose09000@ @opira99
@ام محمد24 @أمـيـر الـجـزائـر @خديجة ph @Rayhan
 
بارك الله فيك على القصة القيمة والمميزة
لك مني أجمل التحيات وكل التوفيق لك يا رب
في مواضيع اخرى
 
يعطيك الصحة ضحكتني وأنا مش قادر
بعد رمضان راك معروض على دوبارة حارة عندي مش عند حسين😂

وصحا عيدك
 
الله يبارك 😂😂😂😂
حكاية وعليها الكلام، أواه نتا لازم تولي كاتب عالمي
صحا عيدكم كامل
 
قتلتني القنية تاع عبد الحليم حافز

وتحية لكل واحد قراها باللحن

ياجدك سيناريست وتلفهالو قسمبله

مصاريني تعوقو من الضحك 😁😁😁

بصحة النورية الروبة لي راح تخيطها وتهنى العياشي من تنڨريشها

وصحا عيد اللمة تولمووووند
 
نهاية جميلة وغير متوقعة، بيني بينك كنت نستناها تتراوس بين العياشي والنورية، سعا كملت بنهاية سعيدة 🥰🥰🥰 عجبتني بزاف👏👏👏 مع أنك كنت قادر تضيفلها أجزاء كثيرة، قصة جميلة ومخيلة خصبة وأسلوب مليء بالتشويق، وجمهورك الله يبارك يحب تواجدك بكثرة.
ڨطعات كتان زينين من تاع عينيك يا عينيك و لا كتان حليمة مرت الشادلي وهذاك تاع جانيتو
هادا القماش نشفى عليه، الوالدة ربي يرحمها كانت خياطة وكان شايع بكري، دنيا والله كبرنا والوقت تبدل 360 درجة😂😂
حطلها بيدون الما الملبس بالخيش مزال شاد البرودة لاباس والطاس نتاع الاينوكس
هادا هو الزمن الجميل، وزدت النهاية بالعندليب الذي أعشق صوته وأغانيه، حولت مسار القصة بإبداع يستحق التقدير وبعقلية الرجل الجزائري الطيب المسالم فعلا هي الحياة البسيطة الأصيلة والنهاية اللائقة، تحياتي لك سيدي الكريم.
 
لديك خيال خصب
 
نهاية جميلة وغير متوقعة، بيني بينك كنت نستناها تتراوس بين العياشي والنورية، سعا كملت بنهاية سعيدة 🥰🥰🥰 عجبتني بزاف👏👏👏 مع أنك كنت قادر تضيفلها أجزاء كثيرة، قصة جميلة ومخيلة خصبة وأسلوب مليء بالتشويق، وجمهورك الله يبارك يحب تواجدك بكثرة.

هادا القماش نشفى عليه، الوالدة ربي يرحمها كانت خياطة وكان شايع بكري، دنيا والله كبرنا والوقت تبدل 360 درجة😂😂

هادا هو الزمن الجميل، وزدت النهاية بالعندليب الذي أعشق صوته وأغانيه، حولت مسار القصة بإبداع يستحق التقدير وبعقلية الرجل الجزائري الطيب المسالم فعلا هي الحياة البسيطة الأصيلة والنهاية اللائقة، تحياتي لك سيدي الكريم.
شكرا للجميع.
ألغيت و قفزت على عدة مواقف حتى لايسأم القارئ كنت سأدخل شخصيات ثانوية من بينهم ام العياشي لزيادة الارتباك لكن إطالة السرد والتشعب تقضي على الفكرة الاساسية العميقة للقصة عموما وتخرج عن نطاقها هي مجرد رحلة بين زوجين بدأت بشواظ الغيرة والعناد وانتهت بنور القناعة ودفئ المشاعر التي تحتاج دوما الى استفزاز للبزوغ.
ربي يبارك فيك.
 
قتلتني القنية تاع عبد الحليم حافز

وتحية لكل واحد قراها باللحن

ياجدك سيناريست وتلفهالو قسمبله

مصاريني تعوقو من الضحك 😁😁😁

بصحة النورية الروبة لي راح تخيطها وتهنى العياشي من تنڨريشها

وصحا عيد اللمة تولمووووند
والله وانهار العيد واش صارلهم النورية والعياشي منحكيلكمش.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top