نوبات الهلع😥

[sanaya mery]

السلام عليكم خاوتي فاللمة...
أولا توحشت اللمة توحشت هاذ البيت الدافئ اللي مهمااااا طولنا عليه نرجعو لو... ربي يحفظها و يحفظ خاوتنا اللي كلما نتفكرهم ندعيلهم في ظهر الغيب....
من اربع سنوات او اكثر راني نعاني من نوبات الهلع...
الهلع يعني الخوف اللي يخلي الانسان يتعرق و قلبو يخبط و النفس تتقطع وووووو.....
ما نعرفش اذا عندي خلعة و راني سير راهي عندي دارت هاك ولا كفاش...
كاين خلعة اللي تحكم الانسان مي متكونش قاوية بزاف مي بالخف تحكمو...
مثلا وليدي طاح ...
سمعت عياط...
شفت دم...
ولا سيرتو كنكون نسوق ونلقى باراج باسكو عندنا قليل وين يديرو باراج...
من الخلعة رجليا نولي منحسش بيهم... وكما هاك مواقف صغار ولكن يأثرو فيا بالخف...
المشكل هاذ الأمر يضرني بزاف و يخليني نمرض...
أما نوبات الهلع القوية لدرجة وين الدم ينشف في عروقي صح في فترة غياب الزوج ليلا كنسمع لكلاب برا ولا أي حركة نسمعها نفطن ميتة من الخوف ....
صرات قبل اليوم محاولة سرقة ولكن والحمد لله فقتلهم و لكن مام من قبل كانت تحكمني هاذ النوبة لدرجة الدم نحس بيه فراسي(مكاش كفاش نشرح هاذي)...
حاولت نتأقلم مع الوضع قلت ممكن مش موالفة نبات وحدي ولكن والله ما قدرت ...
خطرات نسمع حس و نروح نفريفيي واش كاين مالقري كلشي مغلوق تحكمني واحد الرعشة بسيف باش تحبس...
موراها نمرض ايامات... خطرات رجليا خطرات شعري يبدا يطيح ولا الام في البطن
ماهو علاج الخلعة؟
كيفاش يمكن التخفيف من نوبات الهلع هاذو؟
وشكرا جزيلا لكل شخص قدم نصيحة ...

 

[إلياس]

هذه نوبات الهلع التي هي اولا تأتي من الوسوسة الشيطان ثم ما يحدث في النهار يرجع لك أحلام و ارق في البيت هذه عليك لمعالجتها بالرقية الشرعية، قادر تعالج بنفسك

1. اذكار الصباح والمساء و قراءة ورد من القران الكريم على الأقل حزب في اليوم و تبدره و ختمه في الشهر على الأقل مرة
2. مصاحبة الأخيار
3. الوضوء لكل صلاة حتى لم تستطيعي
4. الصلاة والسلام على رسول الله صلى الله عليه وسلم كل يوم
5. المحافظة على الصلوات الخمس
6. قراءة اذكار النوم و الوضوء عند النوم
7. الدعاء و الإستغفار

ان شاء الله جربي هذه الأدوية تشفي من نوبات الهلع لي عندك
جزاك الله خيرا
اسف على الازعاج و الإطالة

 

[aljentel]

الله يشفيك ويهدي من روعك
وعيدك مبارك وكل عام وانتي بخير

 

[ذكريات]

نوبات الهلع تزداد حدة عندما تكونين تعيشين إضطرابات ولاتشعرين بالأمان، أو تقطنين بمنطقة يكثر فيها حوادث سرقة أو ما شابه، أو كنت قد تعرضتي لحادث في طفولتك، غير ذلك قد يكون جسمك يحتاج لفيتامينات أومعادن إن زودته بها ستشعرين بتحسن بإذن الله، أجري بحث على الانترنت عن أعراض نقص الفيتامينات والمعادن وستكتشفبن ذلك بنفسك منها الأعراض التي ذكرتها كتساقط الشعر،مثلا نقص المغنزيوم بالجسم يجعلك تشعرين بثقل في الصدر وصعوبة في التنفس وكأن قلبك مريض، واقرئي سورة الشرح ومانصحك به الأخ إلياس، والشفاء بيد الله سبحانه وتعالى

 

[أبو عاتكة]

مرحبا أستاذة سعداء بتواجدك بيننا من جديد عيدكم مبارك وربي يتقبل منا ومنكم.

الله اعلم هاذي يسموها الخلعة ونظن كنتي تشكي منها بزاف سابقا واكثر احساس بيها يحكم في البطن يعني الام في البطن تقطع النفس ويحس الانسان ضيقة وتزيار في القلب طبعا كل هذا يتوسع الى كامل جسم الانسان لانو القلب هو الاساس.

العلاج طبيا والله معندي فكرة يحكو عليها الناس بصح منركزش معاهم اللي نعرفو انو كاين عجايز كبار يعالجوها بالطب البديل وينحوها يقولو ينحيلك الخلعة اللي تتركز في البطن وتكون شبه كتلة كاين حتى اللي تشوفيها بعينك. نسمع ناس تقول ارتحت وخفت الالام ونسمع ناس يقولو دارو عمليات وارتاحو.
الامر يحتاج الى معرفة وعلم وتثقف اذا عرفت حقيقة الالم تعرف كيفاش تقاومو وتتجنبه في العادات اليومية.

للعلم كاين الام يحسبها العبد معدة او قولون وهي خلعة وتجي بعد الوقوع في صدمة كيما نقولو نشعة تاثر عليه كسماع خبر وفاة قيب او حادثة وتبقى معاه مع الوقت حتى نبحة كلب تصيبه بالهلع والاحساس بالخوف والالم.

انا عندي لكن خفيفة ونتعب منها لدرجة اني ايضا منتفرجش على المقابلات الكروية لانها تحركلي هاذي الخلعة وقلبي نحسو راح ينفجر.

وربي يجيبلك الشفاء باذن الله.

 

[أبو عاتكة]

نوبات الهلع تزداد حدة عندما تكونين تعيشين إضطرابات ولاتشعرين بالأمان، أو تقطنين بمنطقة يكثر فيها حوادث سرقة أو ما شابه، أو كنت قد تعرضتي لحادث في طفولتك، غير ذلك قد يكون جسمك يحتاج لفيتامينات أومعادن إن زودته بها ستشعرين بتحسن بإذن الله، أجري بحث على الانترنت عن أعراض نقص الفيتامينات والمعادن وستكتشفبن ذلك بنفسك منها الأعراض التي ذكرتها كتساقط الشعر،مثلا نقص المغنزيوم بالجسم يجعلك تشعرين بثقل في الصدر وصعوبة في التنفس وكأن قلبك مريض، واقرئي سورة الشرح ومانصحك به الأخ إلياس، والشفاء بيد الله سبحانه وتعالى

والله حاب نعمل تحاليل طبية لاجل هاذي الامور حاس انو حاجة غير عادية التعب الملازم وضعف القلب .بارك الله فيك.

 

[الامين محمد]

اهلا اختي الحاجة مريم و الله نورتينا
من خلال معرفتي بيك في اللمة انت انسانة مثالية بامتياز
لكن عادة هته الحالات تكون بسبب شوك او خلعة و بقية معاك كالمرض
لكن لكل داء دواء ـ تود ادوية صيدلانية باروكسيتين (Paxil) أو سيرترالين (Zoloft) او سيروكسات
و الاخير هو الافضل لكن اخذه عن طريق الطبيب ضروري و لديه جوانب سيئة كالنوم و فتح الشهية
و هنا افضل من يفيدنا هي اختي @خديجة ph
و هناك علا بديل و هذا جربه احد معارفي و نفع معه بل و اكثر مما تتخيلي
الحجامة و القرآن و مطالعة كتب السيرة النبوية و التاريخ
الاخ الآن اصبح استاذ بل استاذ ناجح بعدما كان يعاني من الخلعة و الخوف

اختي حاجة مريم لو اردتي شرحا اكثرا فأهلا و سهلا

 

[sanaya mery]

هذه نوبات الهلع التي هي اولا تأتي من الوسوسة الشيطان ثم ما يحدث في النهار يرجع لك أحلام و ارق في البيت هذه عليك لمعالجتها بالرقية الشرعية، قادر تعالج بنفسك

1. اذكار الصباح والمساء و قراءة ورد من القران الكريم على الأقل حزب في اليوم و تبدره و ختمه في الشهر على الأقل مرة
2. مصاحبة الأخيار
3. الوضوء لكل صلاة حتى لم تستطيعي
4. الصلاة والسلام على رسول الله صلى الله عليه وسلم كل يوم
5. المحافظة على الصلوات الخمس
6. قراءة اذكار النوم و الوضوء عند النوم
7. الدعاء و الإستغفار

ان شاء الله جربي هذه الأدوية تشفي من نوبات الهلع لي عندك
جزاك الله خيرا
اسف على الازعاج و الإطالة

شكرا أخي الياس و جزاك الله كل خير

 

[إلياس]

شكرا أخي الياس و جزاك الله كل خير

العفو اختي مريم و اياك

 

[sanaya mery]

الله يشفيك ويهدي من روعك
وعيدك مبارك وكل عام وانتي بخير

اللهم امين وعيدكم مبارك

 

[sanaya mery]

نوبات الهلع تزداد حدة عندما تكونين تعيشين إضطرابات ولاتشعرين بالأمان، أو تقطنين بمنطقة يكثر فيها حوادث سرقة أو ما شابه، أو كنت قد تعرضتي لحادث في طفولتك، غير ذلك قد يكون جسمك يحتاج لفيتامينات أومعادن إن زودته بها ستشعرين بتحسن بإذن الله، أجري بحث على الانترنت عن أعراض نقص الفيتامينات والمعادن وستكتشفبن ذلك بنفسك منها الأعراض التي ذكرتها كتساقط الشعر،مثلا نقص المغنزيوم بالجسم يجعلك تشعرين بثقل في الصدر وصعوبة في التنفس وكأن قلبك مريض، واقرئي سورة الشرح ومانصحك به الأخ إلياس، والشفاء بيد الله سبحانه وتعالى

ايه نعم في طفولتي تعرضت لصعقة كهربائية في عمود كهربائي و نظن هي الخلعة اللي اثرت عليا لليوم أما الاعراض فتساقط الشعر وفشل عام وووو يجوني بعد كل نوبة هلع و مبعد يروحو و يرجعو شكرا جزيلا

 

[sanaya mery]

مرحبا أستاذة سعداء بتواجدك بيننا من جديد عيدكم مبارك وربي يتقبل منا ومنكم.

الله اعلم هاذي يسموها الخلعة ونظن كنتي تشكي منها بزاف سابقا واكثر احساس بيها يحكم في البطن يعني الام في البطن تقطع النفس ويحس الانسان ضيقة وتزيار في القلب طبعا كل هذا يتوسع الى كامل جسم الانسان لانو القلب هو الاساس.

العلاج طبيا والله معندي فكرة يحكو عليها الناس بصح منركزش معاهم اللي نعرفو انو كاين عجايز كبار يعالجوها بالطب البديل وينحوها يقولو ينحيلك الخلعة اللي تتركز في البطن وتكون شبه كتلة كاين حتى اللي تشوفيها بعينك. نسمع ناس تقول ارتحت وخفت الالام ونسمع ناس يقولو دارو عمليات وارتاحو.
الامر يحتاج الى معرفة وعلم وتثقف اذا عرفت حقيقة الالم تعرف كيفاش تقاومو وتتجنبه في العادات اليومية.

للعلم كاين الام يحسبها العبد معدة او قولون وهي خلعة وتجي بعد الوقوع في صدمة كيما نقولو نشعة تاثر عليه كسماع خبر وفاة قيب او حادثة وتبقى معاه مع الوقت حتى نبحة كلب تصيبه بالهلع والاحساس بالخوف والالم.

انا عندي لكن خفيفة ونتعب منها لدرجة اني ايضا منتفرجش على المقابلات الكروية لانها تحركلي هاذي الخلعة وقلبي نحسو راح ينفجر.

وربي يجيبلك الشفاء باذن الله.

ايه نعم هاذي هي بالضبط وأبسط الأمور قادر تسبب في نوبة هلع يبقى السؤال هو الخلعة القديييييمة كفاش يتم الشفاء منها...
توجد طرق قديمة جربتهم انا شخصيا ولكن تنفع أيام ولا شهر فقط...
شكرا لمرورك و عيدكم مبارك....

 

[sanaya mery]

والله حاب نعمل تحاليل طبية لاجل هاذي الامور حاس انو حاجة غير عادية التعب الملازم وضعف القلب .بارك الله فيك.

يمكن تجري تحاليل طبية و تظهر سليمة وممكن تلقى فقر الدم مثلا والخلعة تسبب فقر الدم ....
الطرق اللي جربتهم هي الكي بالبيض الساخن اتسما نطيبو بيضة ثم يكوى بها المريض ولكن بعلمه ولا هو من تلقاء نفسه اذا عندو الكوراج
الكي يكون من بداية الرقبة الى نهاية العمود الفقري بلاما يصل لمرحلة حرق الجلد...
وكذلك على مستوى الركبة من الخلف و على البطن وعلى اليدين في المعصم والكتف وين يبانو لعروق و الحرص على تدوير البيضة من الجيهة الساخنة اتسما ملازمش تكون باردة... وهنا المريض يتعرق و يحس بتنمل شديد في جسمو أو انتفاضة تكرر العملية ثلاث اسابيع مدة ثلاث ايام من كل اسبوع...
وهاذي ايفيكاس صح ولكن كما قلت متنحيش الخلعة القديمة بزاف... ولكن كل واحد وحالتو...
الطريقة الثانية هي مغلي الحلبة ونعناع الريحان نحطوه في الثلاجة بعد تصفيته و نخلوه يبرد مليييييح ونرشو بيه المريض ولازم على غفلة و تكرر ثلاث مرات او حتى اكثر الى ان يتم الشفاء... ولازم كنروشو المريض ملازمش يكون فالحمام مثلا أو رافد حاجة سخونة من الخلعة يطيحها على روحو اتسما نشوفو حالة المريض قبل وين راه واش راهو يدير موراها نرشوه وهاذي ثاني تخفف بزاف الخلعة و تستعملها النساء الحوامل في حالة نزول الجنين او هبوط المشيمة بسبب الخلعة أو توقفه عن الحركة بسببها بحيث يرش به بطن الحامل وسبحان الله يعود الجنين للحركة ويعدل وضعيته في الرحم و قرأت مؤخرا بحث بدلائل علمية عن فوائد الرش بالماء البارد ....
وبالشفاء عليك اخي

 

[sanaya mery]

اهلا اختي الحاجة مريم و الله نورتينا
من خلال معرفتي بيك في اللمة انت انسانة مثالية بامتياز
لكن عادة هته الحالات تكون بسبب شوك او خلعة و بقية معاك كالمرض
لكن لكل داء دواء ـ تود ادوية صيدلانية باروكسيتين (Paxil) أو سيرترالين (Zoloft) او سيروكسات
و الاخير هو الافضل لكن اخذه عن طريق الطبيب ضروري و لديه جوانب سيئة كالنوم و فتح الشهية
و هنا افضل من يفيدنا هي اختي @خديجة ph
و هناك علا بديل و هذا جربه احد معارفي و نفع معه بل و اكثر مما تتخيلي
الحجامة و القرآن و مطالعة كتب السيرة النبوية و التاريخ
الاخ الآن اصبح استاذ بل استاذ ناجح بعدما كان يعاني من الخلعة و الخوف

اختي حاجة مريم لو اردتي شرحا اكثرا فأهلا و سهلا

مرحبا اخي الأمين كيف حال البنات وخصوصا غفران ومريم وعيدكم مبارك...
بالنسبة للحجامة والله من مدة كنت أفكر فيها لما سمعت فوائدها العديدة ....
أما بالنسبة للأدوية فهل يبقى المريض يتناولها طول حياته وهل لو توقف عنها هل ستعود له نوبات الهلع أم لا؟

 

[الامين محمد]

مرحبا اخي الأمين كيف حال البنات وخصوصا غفران ومريم وعيدكم مبارك...
بالنسبة للحجامة والله من مدة كنت أفكر فيها لما سمعت فوائدها العديدة ....
أما بالنسبة للأدوية فهل يبقى المريض يتناولها طول حياته وهل لو توقف عنها هل ستعود له نوبات الهلع أم لا؟

و الله الجميع بخير الحمد لله
لا علاج مؤقت لكن بارشاد الطبيب
لازم تتدخل اختي @خديجة ph حتى تفيدنا اكثر

 

[خديجة ph]

السلام عليكم اختي الغالية مريوم
ان شاء الله تكوني بخير و عافية و الحمد لله على رجعتك
بالنسبة للخلعة اختي اذا كانت تتسبب في تعطيل حياتك يعني يومين ثلاثة و انت من الخلعة تفشلي ما تقدري تعملي ولا تقضي امورك هنا لازم تداويها
من الاحسن في رأيي تشوفي طبيب نفسي و من الاحسن او يتقن البرمجة اللغوية العصبية PNL هناك الكثير منهم من غرداية و هم متمكنون في هذا المجال
العلاج يكون مبني على اعادة برمجة رد الفعل تاعك تجاه الاشياء التي تصيبك بالهلع من المفروض و لو كان التشخيص جيد سيكون العلاج مفيد باذن الله
بالنسبة للادوية نعم تنفع لكنها لا تستعمل لتعالج الخلعة فتذهب لكن تستعمل لتوقف الخلعة حال حدوثها فتتوقف آثارها يعني كل ما تتخلعي لازم تشرييهم و عندهم آثار جانبية كالدوخة زيادة الوزن التعود على الجرعة فتضطري لزيادتها كل فترة و كذلك يتوقف جسمك عن محاولة تهدئتك لانه يصبح مرتبط بالادوية و يعتمد عليها لتهدئتك معناها تصبحي مضطرة لتناولها لتهدئي
العلاجات تاع بكري لا اعرفها لكن احذرك هناك من يمارسون الشعوذة و السحر لعلاج هذي الامور يقولو عندنا يقطعو الخلعة و في الاخير يكتبولهم حروز و أمور لا تجوز شرعا
بالنسبة للحجامة اول شيء ديري التحاليل اذا ما عندكش فقر دم اذا هرموناتك كلها عادية و اظنك اصغر من ان تعملي حجامة فالنساء عادة لا يقمن بالحجامة حتى يدخلن في سن اليأس
ربي يشفيك و اي استفسار راني في الخدمة
سلام

 

[حاتم خليفة]

السلام عليكم أختي وربي يشفيك ويعافيك يارب
ننصحك بهذا الطبيب المعالج قاع لي راحولوا ارتاحوا من الخلعة ومن كثير من الأمراض ، عندو معالجة خاصة بالنساء
العيادة متواجدة بالبليدة شوفي معاهم ويحجزولك موعد والشفاء إن شاء الله

 

[حاتم خليفة]

معاه معالجة للنساء

 

[sanaya mery]

السلام عليكم اختي الغالية مريوم
ان شاء الله تكوني بخير و عافية و الحمد لله على رجعتك
بالنسبة للخلعة اختي اذا كانت تتسبب في تعطيل حياتك يعني يومين ثلاثة و انت من الخلعة تفشلي ما تقدري تعملي ولا تقضي امورك هنا لازم تداويها
من الاحسن في رأيي تشوفي طبيب نفسي و من الاحسن او يتقن البرمجة اللغوية العصبية PNL هناك الكثير منهم من غرداية و هم متمكنون في هذا المجال
العلاج يكون مبني على اعادة برمجة رد الفعل تاعك تجاه الاشياء التي تصيبك بالهلع من المفروض و لو كان التشخيص جيد سيكون العلاج مفيد باذن الله
بالنسبة للادوية نعم تنفع لكنها لا تستعمل لتعالج الخلعة فتذهب لكن تستعمل لتوقف الخلعة حال حدوثها فتتوقف آثارها يعني كل ما تتخلعي لازم تشرييهم و عندهم آثار جانبية كالدوخة زيادة الوزن التعود على الجرعة فتضطري لزيادتها كل فترة و كذلك يتوقف جسمك عن محاولة تهدئتك لانه يصبح مرتبط بالادوية و يعتمد عليها لتهدئتك معناها تصبحي مضطرة لتناولها لتهدئي
العلاجات تاع بكري لا اعرفها لكن احذرك هناك من يمارسون الشعوذة و السحر لعلاج هذي الامور يقولو عندنا يقطعو الخلعة و في الاخير يكتبولهم حروز و أمور لا تجوز شرعا
بالنسبة للحجامة اول شيء ديري التحاليل اذا ما عندكش فقر دم اذا هرموناتك كلها عادية و اظنك اصغر من ان تعملي حجامة فالنساء عادة لا يقمن بالحجامة حتى يدخلن في سن اليأس
ربي يشفيك و اي استفسار راني في الخدمة
سلام

اهلا خديجة شكرا على هاذ المعلومات القيمة بالنسبة للدواء أخاف أن يصبح إدمانا خصوصا وأنني لا أتناول الأدوية كثيرا واستعين بالتيزانة أكثر...
الحجامة سأبحث عنها أكثر...
الطب البديل مجدي ولكن ليس بحروز و طلاسم طبعا لازم نعرفو شكون نقصدو...
مجددا شكرا جزيلا على الجواب الكافي وللاشارة عندما تصيبني نوبة هلع نمرض حتى سمانة فشل تعب دوخة علابيها تمنيت نلقى علاج نهائي

 

[sanaya mery]

السلام عليكم أختي وربي يشفيك ويعافيك يارب
ننصحك بهذا الطبيب المعالج قاع لي راحولوا ارتاحوا من الخلعة ومن كثير من الأمراض ، عندو معالجة خاصة بالنساء
العيادة متواجدة بالبليدة شوفي معاهم ويحجزولك موعد والشفاء إن شاء الله
مشاهدة المرفق 145598

شكرا جزيلا أخي حاتم سأشاهد الصفحة