تفكير

[يقينن]

انصحوني
السلام عليكم ورحمة الله وبركاته
أنا عضوة جديدة معاكم تأمنوني كي مالقيتش صح لي يفهمني وليت نحوس على نصائح نقرا منشوراتكم غير باه نتحفز شوية مؤخراََ قلت نشارك ونحكي همي ليكم انتم خير شفتكم تنصحو من قلوبكم كي نقرا تعليقاتكم نلتمس فيها الصدق

المهم حكايتي شوية طويلة راح نختاصر شوية
اول حاجة انا جاية نحشم بزاف ونخاف مهم الثقة بالنفس مكاش سيغتو كي يصراولي حاجات عيانة نفقد الثقة بنفسي
مالgrè ف زين مخاصني والو حمد لله بصح عندي نقص نحس روحي مش شابة خطرش ولا شخص حبني ولا تمناني حلالو
ولي تغيضني فيا وحد صفات قليل وين تكون عند طفلة مرانيش ندعي ف المثالية لكن حمد لله انا كنت متمنية غير زوج صالح يهنيني ونهنيه برك لكن مكاش نحس اي شخص يتكبر عليا خطرش كان يعجبني وحد الشخص وكان علابالو بهاد شي بصح هو يحب زيييين لي يخلع وانا زيني عادي اي عجباتو وحدة من هداك نهار انا نبانلو مكن والو ولي تغيضني أكثر انا فيا صفات مليحة بصح ظاهريا نبانلو عادي كاين امور دايهم عليا مش ف بللصتهم
أنا إنسانة نصلي حمد لله باديا نحفظ قرٱن وحلمي نختم ونلبس حجاب شرعي بصح جامي بينتلو نحس هاد الشي بيني بيني خالقي انا مانحبش نزكي نفسي قدام اي شخص كان نحب الأفعال تاعي يبينوا وهادي مع العشرة اكيد
اي مؤخراً جبد عليا سيغتو كي عرف كاين شعور من جيهتو اي خليتو براحتو بيناتنا كونطاكت سلام عليكم برك
بصح ف نفسي نقعد نقول نتي الجوهر تاعك مكاش حد لٱن لي عرفو غير ظاهريا يحكمو عليك
نعرف روحي لكان تدي هاد شخص انا نهنيه بحكم نشترك ف عدة أمور لكن هو ما علابالوش غير انا نشوف هاد شي


مهم طيييييبة وما نٱذيش ما نحبش نافق نعاون اي شخص يا لكان عدويا نهار يطيح يلقاني في كتافو الله غالب جاية هكدا وجامي ما حقدت على وحدة لكان ندابز وحدة ولا نوليلها ومش حارزة روحي ولا العكس مافياش الحيلة نولي خير من قبل معاها بصح هوما لا اي قعدت وحدي ماصدقولي لا صحبات لا انسان تمنيتو
بصح حمد لله على كل حال
وعندي بزاااااف امور ف حياتي حكيت غير هادي خفت الموضوع تاعي يطلع ولا ويعرفوني توسوست شوية
مهم انصحوني ومن ناحية الثقة بالنفس ونخاف من الناس تتلفلي الهدرة المشية كلش

 

[ذكريات]

وعليكم السلام أختي الكريمة، من كتابتك حسيتك مودرة، وأول شيء عليك إكتشاف ذاتك الصفات الي ذكرتيها مليحة ولكن ماشي مع كامل الناس يلا كان واحد يآذيك وترجعي معاه أحسن من قبل هادا يعطيهم إنطباع أنك إنسانة ماعندهاش شخصية، على الأقل توضعي حدود وتنقصي التعامل مع الشخص ليعلم جيدا أن خطأه في حقك هو الذي أدى لذلك، وأول شيء ننصحك بيه هي حب نفسك وتطوير قدراتك ومعرفتك والإهتمام بعائلتك فقط بالأخص الوالدين، ومن بعد يحبوك الناس، وكاين قاعدة ذهبية نأمن بيها بزاف هي كي ما تتغيرش الظروف علينا نحن أن نتغير فالعيب فينا وفي طريقة تفكيرنا، نساي هاذ الشخص، أو حطيه جانبا وإهتمي بتطوير نفسك ويلا عندك هواية مارسيها وعطيها معظم وقتك، يلا تقراي شغلي نفسك بقرايتك ونجحي فيها، ولا ماكثة فالبيت سجلي في مركز التكوين المهني تعلمي حاجة الي تفهمي فيها، وتنفعك مستقبلا، أي شيء يعطيك حياة جديدة، والنجاح فيه يعطيك قوة وثقة بالنفس لأن بناء آمال على أوهام سيصيبك بخيبة أمل وتفقدين تقديرك لذاتك، والجمال الخارجي ينبع من حبنا لنفسنا وتقديرنا لقدراتنا.
بالتوفيق أنتظر قرارك بفارغ الصبر لأعرف مالشيء الذي تجيدينه وتهتمين به

 

[ملاك الرحمن]

وعليكم السلام ورحمة الله و بركاته
حبيت ننصحك ختي جامي جامي تحطي شخص محور حياتك و تركيزك لانو تولي تفقدي الثقة بنفسك و تهملي روحك تهملي حياتك اولا خلي عندك ثقة بالله سبحانه و تعالى لانو علاقتنا مع الخالق هي لي تستاهل نركزو عليها و نقويوها و دييييما ادعي قولي يا ربي الشخص هاذا اذا فيه خير ربي يقربو و اذا فيه شر ربي يبعدو عليك و يجعلك الخير في مكان اخر و مع انسان اخر يهنيك و يخاف ربي فيك. ثانيا حبي نفسك حبي عائلتك والديك هوما لي ينفعوك طوري مواهبك طوري روحك اتثقفي اتعلمي مثلا اذا تقراي لازمك تنجحي اذا قاعدة اتعلمي حوايج جدد حبي ذاتك احبي نفسك يوليو الناس يقدروك و يحبوك متفشليش و راكي قلتي ربي سبحانو عطاك حوايج ملاح في حياتك استثمريهم و دييييما ادعي و قولي ياربي نجحني و قويني و اهديني لطريق السوي بربي تلقاي روحك و ربي يرزقك و يعطيك ماتتمناي حبيبتي

 

[يقينن]

وعليكم السلام أختي الكريمة، من كتابتك حسيتك مودرة، وأول شيء عليك إكتشاف ذاتك الصفات الي ذكرتيها مليحة ولكن ماشي مع كامل الناس يلا كان واحد يآذيك وترجعي معاه أحسن من قبل هادا يعطيهم إنطباع أنك إنسانة ماعندهاش شخصية، على الأقل توضعي حدود وتنقصي التعامل مع الشخص ليعلم جيدا أن خطأه في حقك هو الذي أدى لذلك، وأول شيء ننصحك بيه هي حب نفسك وتطوير قدراتك ومعرفتك والإهتمام بعائلتك فقط بالأخص الوالدين، ومن بعد يحبوك الناس، وكاين قاعدة ذهبية نأمن بيها بزاف هي كي ما تتغيرش الظروف علينا نحن أن نتغير فالعيب فينا وفي طريقة تفكيرنا، نساي هاذ الشخص، أو حطيه جانبا وإهتمي بتطوير نفسك ويلا عندك هواية مارسيها وعطيها معظم وقتك، يلا تقراي شغلي نفسك بقرايتك ونجحي فيها، ولا ماكثة فالبيت سجلي في مركز التكوين المهني تعلمي حاجة الي تفهمي فيها، وتنفعك مستقبلا، أي شيء يعطيك حياة جديدة، والنجاح فيه يعطيك قوة وثقة بالنفس لأن بناء آمال على أوهام سيصيبك بخيبة أمل وتفقدين تقديرك لذاتك، والجمال الخارجي ينبع من حبنا لنفسنا وتقديرنا لقدراتنا.
بالتوفيق أنتظر قرارك بفارغ الصبر لأعرف مالشيء الذي تجيدينه وتهتمين به

حبيت نسقسيك نقدر نحي هاد المنشور ولا لا كنت راح نحيه ما عرفتش؟

 

[ذكريات]

لا بأس به المنشور، لمذا تريدين حذفه؟ بدلا من ذلك أكتبي منشورا آخر وأخرجي ما بقلبك حتى يرتاح من القلق فكلنا نكتب بأسماء مستعارة، بعيدا عن عالمنا نختار بعناية من نود البقاء معهم والنصح منهم ليس لغباءنا ولكن إشتياقا لأنفسناوعن حذف الموضوع أظن ليس بمقدورك ذلك

 

[إلياس]

نحن هنا لمساعدتك تردينه في كتاب المنشور اخر

 

[يقينن]

لا بأس به المنشور، لمذا تريدين حذفه؟ بدلا من ذلك أكتبي منشورا آخر وأخرجي ما بقلبك حتى يرتاح من القلق فكلنا نكتب بأسماء مستعارة، بعيدا عن عالمنا نختار بعناية من نود البقاء معهم والنصح منهم ليس لغباءنا ولكن إشتياقا لأنفسناوعن حذف الموضوع أظن ليس بمقدورك ذلك

عندي بزااااااااف مكبوتات وتمنيت نفرغ هنا بصح تراجعت حسيت قاع واش كتبت قادرة تطلع لأي شخص ف عمي غوغل اي خفت

 

[{مُدَلَّلَتُهُ}]

السلام عليكم و رحمة الله و بركاته

عجبني موضوعك عفوي فيه وحد البراءة فكرتني بالماضي ههه ربي يحفظك و يعطيك قد نيتك

شوفي أول خطوة ديريها في حياتك بغض النظر على هاذ الشخص لي راكي تهدري عليه هي انك لازم توثقي في روحك على بالك أنو الحاجة لي انت تحسيها في روحك رح تنعكس على من حولك يعني مثلا لوكان تكوني تشوفي روحك شابة أي واحد يشوفك رح يحس بهاذيك الثقة لي عندك و يولي صح يشوفك شابة .. و قس عليه في أي صفة أخرى!
مليح أنك تكوني حشامة المرأة تاجها الحياء و عمرك ما تقولي كي ماجاونيش الخطابة معناتها راه فيا كذا و كذا خاطر ربي راه مسطر كلشي عندو و كلش بالمكتوب ادعي ربي انو يرزقك زوج صالح يخاف الله فيك و يحطك تاج فوق راسو

 

[ذكريات]

عندي بزااااااااف مكبوتات وتمنيت نفرغ هنا بصح تراجعت حسيت قاع واش كتبت قادرة تطلع لأي شخص ف عمي غوغل اي خفت

مادام تخمي فالناس ماتلقايش راسك، رانا عاد نوصو فيك خاصك تبدلي عقليتك، كتبي والي بغا يقرا يقرا، وهادا منتدى عام وأي وحدة تكتب وتقريبا كامل الناس عايشين نفس الظروف يعني تلقاي الحالة الي راكي عايشتها بالآلاف، قراي سورة يس وتوكلي على الله وما تخمي حتى في حاجة أخرى وحظ طيب

 

[وۣۗهۣۗہۣۗم]

نظنك حطيتى موضوعك فافضل مكان
وراح تلقاي افضل ردود واطيب قلوب ناصحة واذكى العقول المدبرة لدعمك وحل مشكلتك باذن الله

شوفي ختى الزينة كاين حاجة وحدة برك لازم كل واحد فينا ينميها في روحوو وهى ايمانوو بالله تبارك وتعالى والايمان بالقضاء والقدر والايمان بان الله سبحانه وتعالى مايدى شخص من حياتنا الا لخير وما يحط حد في طريقنا الا لخير وكل شخص دخل وخرج ولا بقي انما لامر من الخالق فله في خلقه شؤون سبحانه وتعالى متتقلقيش ايه بحكم انو حناا عباد خلقنا الله سبحانه وتعالى ضعفاء في نفوسنا بلخف نحسوو بالقنطة بالغبينة بلخف نبداوو يتبادر لذهننا الاف الاسئلة علاه ؟وكيفاه ؟وعلاه انا ؟ووش خصنى ماخصك والووو نسيتى دعوتك ودعوتك ميمتك ربي يبعد عليك الضر والهم ها نسيتى دريها بلي دعوتها خرجت وربي تقبلها وفوتى كيفاه تفوتى بصلاة الفجر صليها وادعى ارفدى يدك لربي العالى لانووو مكانش بغيروو اللى راح يعاونك قدرته فاقت كل شئ وقوليلووو اللهم ياحي ياقيوم برحمتك استغيث اصلحلى شأنى كله ويسرلي امورى كلها ولا تذرنى الى نفسي طرفة عين
ثقتك بالله راح تطور تلقائياا ثقتك بنفسك

ربي ينور دربك​