خيمة قدامى مجاهدي و محاربي اللمة ( الاعضاء باللون الازرق خاصة )

السلام عليكم ..انا ما نشمش كليتو شوا قلنا معليش نص ليل بانتلي فبراد لاتاي وحكابات نتاع بكري احي رجعتوني نحس روحي عجوزة. يا ويلي بالخف كبرنا لي تزوج ولي ولد ولادو وراهم يقراو ولي تزوجت راهي باولادها غي انا وصحفية ساخرة قعدنا كما خليتونا كما رانا ...ظا تبدل والو
يا حسراع عاللمة واش عرفت فيها ناس واش عڨبت فبها حاجات ملاح فرحت معاكم وفرحتوني بكيت فيها. وجع جاني من ناس خلف كواليس وافراح ثاتي يامات سهرات رمضان وكنت بوجادية وحيدة لي مازال ما تعرفش للفايس بوك كنت نظل فالميكرو مع لمة من صباح لليل كا نوضش منو من قسم لقسم مالك الازرق الملكي. ومريم قسنطينة حلم كبير خوخه اختنا وام منير. وتبسي ودحمان. وخلي وخلي الورد الاحمر ما عرفتها لا ولات ورجدة غوز والا وين راهي فالادارة خويا حكيم. وابو ليث وعادل حزن نبلاء اخونا اليجانتل الكويتي وبزاف بزاف اعضاء لي ما نقدرش نحصيهم ونخاف نظلم منهم وام اسلام حبيبتي ناس سطسف وباتنة وتبسة وبوسعادة وجلفة وخويا حكيم وبوكرش الامين وخويا سامي44 لي بزاف توحشناه سمية الحاج مهبولة ام شعر مشعطط ما تمشطوش عالعام ورشدي وموحا صاحب موضوع وخونا جمال قلم مغرور القلم الذهبي توحشناه. وبزاف العايلة الحقيقية ليا والله فحياتي ما نقدر ندخل منتدى ولا نعرف ناس كما نتوما. احلى اخوات واروع اخوة خويا الو فريد نعم الاخلاق وتربية نتمنى تكون نظرتكم لينا نفس نظرتي ليكم نتمنى عڨبنا ايام جميلة. ..مع تنو والله ثابتة فمكاني فراش وادوية ومرض ويا حسراه على اوقات وينوتت اولى فاللمة واليوم ضاعت اعوام فوق الفراش ناس تغيرت حياتهم الا انا زمن وقف فوق الفراش والحمد لله. لكن ولو انا غايبة لكن لازم نظل عاللمة غياب نفسي والله كرهت كلش نستنى غير فربي يدي امانتو برك

تحياتي لكل واحد منكم وفرحت لاخراركم طيبة ونتمنى هاك مرة مرة نتفكرو بعضانا خويا موحا موضوعك بزاف رجعلي الحنين يعطيك صحة دمتم بخير
اهلا بيك
ماعليش ختي الصبر ثم الصبر
خلي ثقتك بربي كبيرة و ديما ادعي برزقك الشفا
و من جيهتنا ندعولك ربي يرزقك الصبر و الشفا العاجل ان شاء الله
 
انا من قدامى المحاربين بالمنتدى على ما أذكر من 2007 او 2008 وانا هنا غيل نطل ونعطيها

هاراك تشوف كي دخلنا هنا كنا صغار في ريعان شبابنا كنا نتجرجرو وحدنا ودرك الشعر شاب ورانا مجرجرين معانا ولادنا هههههه
بروغرامور الله يبارك مرحبا بيك عندك مدة مابنتش
يخي لاباس أمورك هانية ؟
الحمد الله على طلتك
مزالنا ان شاء الله شباب اللمة
 
السلام علي
اهلا بيك
ماعليش ختي الصبر ثم الصبر
خلي ثقتك بربي كبيرة و ديما ادعي برزقك الشفا
و من جيهتنا ندعولك ربي يرزقك الصبر و الشفا العاجل ان شاء الله
السلام عليكم
الامر لي فلحت فبه فحياتي هو الصبر حمد لله انو ربي اعطاني قوة نحمل ونصبر هذي بحد ذاتها نعمة
آمين خويا ربي ييسر أموركم يا رب
 
اهلا بيك سامية

سامحيني راني درت الروطار مكنتش قاعد خلاص ...

ها شفت الناس تداور وواحد ما يكتب ولا يعلق قلنا نحلو قيطون نتلايمو فيه

بيناتنا كنت صح نغلق مواضيع بصح في اغلب الاوقات ندير روحي ما شفتش .. و نقول مافيها والو كي العبد يشايخ و يقول كلمتين ... بصح اليوم الحال تبدل .. الغاشي راه في التيكتوك و الانستاغرام .. المنتديات ولات ما تساعدهمش .. بقينا فيها غير حنا ليزانسيان

الدار دارك سامية .. و كشما تشوفي واحد من معارفنا طاقيه هنا نشوفوه و نسمعو خبارو

ميرسي ع الطلة :)


حتى ومايكونش لون عضويتي ازرق نصحح وجهي ونجي زادمة 😂😂ريحة الشوا خبطتني حتى راحلي التركيز هههه
نهارك زين محمد ان شاء الله تكون بالف خير..
شوف سبحان الله من مفارقات الحياة وباه تعرف الدنيا كيفاه دارت فينا رأيها
محمد كان يظال عقابنا فالمواضيع "يغلق بسبب الدردشة " 🥸😎 النفس نقطعوها

واليوم جاي هو يابعد يفتح قيطون للشياخة 🫣🥸 ههه.
اكيد محمد الواحد كل مايكبر تكبر مسؤوليته
ويكثروا التزاماته ربي يعين كل مومن يارب
انا من شفيت وانا متضاربة مع الدنيا نهار تغلبني ونهار نتغلب ونسكت 😂😂😂😂
ربي يعين برك
صحيت موح
نجيب
سنيوة تاي ونقعد نكبر الجماعة 😄

 
اهلا بيك خويا دحمان ...

و الله نسيت اخر مرة حكيت معاك فيها ... وقيل عيطتلك بالتلفون ولا حاجة هكا

نشفى على اسمك لول دحمان لي كنت بيه ... جيت ندخل لملفك نتفكر كشما موضوع لقيتك مدايرلو الكادنة هههه

اسمع فكرني في هاذاك المشرف لي ظلمني ووش هي القصة اذا ما عادتش خصوصية يعني

كبرنا صح و كبرت معانا اللمة ...

وعليكم السلام خويا موح
وفكرتنا في ياسر ناس عزاز علينا نسينا اساميهم في اللمة عدينا معاهم ايام حلوة وغابو
ربي يسمعنا اخبارهم و ربي يسمعنا بيهم الخير
مانيش عارف اذا راك متفكرني وله لا بالصح نعرفك ونشفالك مليح ونشفالك مرة بعثتلي رسالة وقتلي المشرف الفلاني ظلمني وحڨرني هههه
ونشفالك ساعه ساعه تهبط تصاورك
اسمي كان قبل _دحمان_ ومدة اخرى كان الكناري ..هاذو للي شفيتلهم اذا ما خانتنيش الذاكرة
كبرنا او ولينا نودرو هههه
 
رشدي و عوام لاجوناس هههه كنت ناشط صح ...

وين راهو راديو الفهامة و القعدة علامة ..... :cry:

لومبيونص الزينة لي كانت

راح الوقت هاذاك و ما يوليش ... البركة فينا لي مزلنا






يا حصراه على اللمة تاع زمان نهار كان الفايسبوك يڨزيستي بصح حنا خاطيينو
نشفى مليح سجلت عضويتي لولة في 2008 عقبت وقيل 8 سنين هايلين سيرتو لعوام لولين هنا جامي ننساهم كان لواحد صغير و طايش هههه لمهم والله لواحد راه يحن ساعات لهدوك لوقات تاع المنتدة و الضحك و عفس عفس فالميضوعات و طيييط و منتدى النكت و التصميم و كل حاجة كانت مليحة في اللمة ♥️
لوكان تعاودو تلموهم شوي هنا ديرو مزية درك لواحد يروح للبلدية يبدل لادات نيسونس و يجي 😄
 
سبعة خشان و عشرة اذا كانو رقاق :LOL::)

و في رواية اخرى ثناش :oops::ROFLMAO:

تزيد تجيك الصحافية الساخرة تامة بموضوع تقول نسخة من جرنان نتاع الشعب ولا الجمهورية تتغطى بيه انت وسبعة من الناس.
 
يا ختي ليليا مالقيت ما نقلك غير ربي يشفيك و يفرج عليك ..

احتسبيه أجر عند ربي سبحانو ...

حنا من جيهتنا راكي ختنا و الي تقيسك تقيسنا ... و كي يضيق خاطرك و متلقاي بيها وين راكي هنا في دارك مع عايلتك

عرفنا اللمة كيما قلتي وقت الغفلة ... عرفنا فيها ناس من 48 و لاية .. تعلمت فيها الكثير و هزيت فيها الكثير .. و الحمد لله درنا فيها صداقات مزاللت لذرك بعد قربي 15 سنة ...

اللي مريض ربي يشافيه .. و اللي غايب ربي يسمعنا عليه كل خير ...



السلام عليكم ..انا ما نشمش كليتو شوا قلنا معليش نص ليل بانتلي فبراد لاتاي وحكابات نتاع بكري احي رجعتوني نحس روحي عجوزة. يا ويلي بالخف كبرنا لي تزوج ولي ولد ولادو وراهم يقراو ولي تزوجت راهي باولادها غي انا وصحفية ساخرة قعدنا كما خليتونا كما رانا ...ظا تبدل والو
يا حسراع عاللمة واش عرفت فيها ناس واش عڨبت فبها حاجات ملاح فرحت معاكم وفرحتوني بكيت فيها. وجع جاني من ناس خلف كواليس وافراح ثاتي يامات سهرات رمضان وكنت بوجادية وحيدة لي مازال ما تعرفش للفايس بوك كنت نظل فالميكرو مع لمة من صباح لليل كا نوضش منو من قسم لقسم مالك الازرق الملكي. ومريم قسنطينة حلم كبير خوخه اختنا وام منير. وتبسي ودحمان. وخلي وخلي الورد الاحمر ما عرفتها لا ولات ورجدة غوز والا وين راهي فالادارة خويا حكيم. وابو ليث وعادل حزن نبلاء اخونا اليجانتل الكويتي وبزاف بزاف اعضاء لي ما نقدرش نحصيهم ونخاف نظلم منهم وام اسلام حبيبتي ناس سطسف وباتنة وتبسة وبوسعادة وجلفة وخويا حكيم وبوكرش الامين وخويا سامي44 لي بزاف توحشناه سمية الحاج مهبولة ام شعر مشعطط ما تمشطوش عالعام ورشدي وموحا صاحب موضوع وخونا جمال قلم مغرور القلم الذهبي توحشناه. وبزاف العايلة الحقيقية ليا والله فحياتي ما نقدر ندخل منتدى ولا نعرف ناس كما نتوما. احلى اخوات واروع اخوة خويا الو فريد نعم الاخلاق وتربية نتمنى تكون نظرتكم لينا نفس نظرتي ليكم نتمنى عڨبنا ايام جميلة. ..مع تنو والله ثابتة فمكاني فراش وادوية ومرض ويا حسراه على اوقات وينوتت اولى فاللمة واليوم ضاعت اعوام فوق الفراش ناس تغيرت حياتهم الا انا زمن وقف فوق الفراش والحمد لله. لكن ولو انا غايبة لكن لازم نظل عاللمة غياب نفسي والله كرهت كلش نستنى غير فربي يدي امانتو برك

تحياتي لكل واحد منكم وفرحت لاخراركم طيبة ونتمنى هاك مرة مرة نتفكرو بعضانا خويا موحا موضوعك بزاف رجعلي الحنين يعطيك صحة دمتم بخير
 
أهلا بيك عبد الرحمان هاذي غيبة خويا

وين راك عايش هاذا وواش خبارك

رانا كبرنا و طيحنا الضروس في هاذ اللمة .. وولادنا محبوش يجو لهنا ههههه جيل التكتوك و سبونج بوب ..


بصح نتا مزالك صغير .. في عمرك 34 سنة و 03 شهر و 22 يوم وشوي سوايع وشوي دقايق و شوي ثواني :cool:



شوف هاذ الموضوع تاعك ... في 2010 ... مزلنا هنا انا و الخاوة نردو عليك بعد 13 سنة يا جدك هههه

يوم من أيام programmeur




انا من قدامى المحاربين بالمنتدى على ما أذكر من 2007 او 2008 وانا هنا غيل نطل ونعطيها

هاراك تشوف كي دخلنا هنا كنا صغار في ريعان شبابنا كنا نتجرجرو وحدنا ودرك الشعر شاب ورانا مجرجرين معانا ولادنا هههههه
 
آخر تعديل:
حقى نسيت نسقصيك قبل ما تكون باسم Programmeur وكتاش درت عضوية وهران الباهية ؟ :confused::cool::D

راني نشوف في ليزونسيان كومباتا تاع اللمة راهم ملمومين هنا وانا لاخبر هههه
 
رشدي و عوام لاجوناس هههه كنت ناشط صح ...

وين راهو راديو الفهامة و القعدة علامة ..... :cry:

لومبيونص الزينة لي كانت

راح الوقت هاذاك و ما يوليش ... البركة فينا لي مزلنا
اااو راك تشفالو راديو الفهامة اااه يعطيك الصحة
ههه هيه يامات لازوناش و النشاط و الحيوية 😄 بصح مزلت ناشط ماتخافش على خوك ماتبدل فيه والو غير الشيبات لي كل يوم يخرجو هههه
 
ما لقيت اسمي في بداية الموضوع لكن الحمدالله احوالي بخير :)
 
راني جيت وحدي
ديما يديرو العرضات وماكنش الي يعيطلي :(:(
معليش يجيبني الحنين لدارنا ونجي مدام عندي المفتاح نحل الباب وندخل:rolleyes::rolleyes:
ان شاء الله كامل تكونو بخير
وديرولنا راديو نديرو فيه اهداءات لكامل ناس اللمة القدام والجدد نقولهم لمزية كي مازلتو هنا بلابيكم ماتقدش اللمة مفتوحة يعني انتوما راكم مخليينها ع الأقل نشطة شوية
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top