النعمة من مطبخي

[السلطانة]

’السلام عليكم ورحمة الله وبركاته’



جبتلكم أكلة تقليدية بالنسبة للمطبخ الجزايري تعتبر من أشهر الوصفات وطنيا وكل ولاية أو منطقة كيفاه تحضرها.


(النعمة الخاصة بولاية ڨالمة)

بعد ماتحضري عجين النعمة أو الفطير أو المسمن
تحضري المرق:
زيت+دجاج+بصل+ثوم+ملح+فلفل أسود+فلفل أحمر+حمص+جزر يتقلاو على،نار هادئة مع طماطم خضرا وطماطم مصبرة بعدها تمرقيها وتخليها تطيب







تفوري المسمن مع الورق وتحليه كي يطيب المرق تسقيها وتاكلوها بالصحةوالهناء

(شهيتكم في الجنة)














​

 

[أبو عاتكة]

يعطيك الصحة ربي يبارك فيك

كليتها عند صديق الدراسة الثانوية اصله من قالمة وتربى في سكيكدة وأبوه انتقل الى بوسعادة رئيس دائرة مانعرف والدته قالمية او سكيكدية اللي نعرفوا انو تشبه للشخشوخة لا؟

 

[السلطانة]

يعطيك الصحة ربي يبارك فيك

كليتها عند صديق الدراسة الثانوية اصله من قالمة وتربى في سكيكدة وأبوه انتقل الى بوسعادة رئيس دائرة مانعرف والدته قالمية او سكيكدية اللي نعرفوا انو تشبه للشخشوخة لا؟

الله يسلمك
الله يبارك هذا السيد يعود عندو معرفة كبيرة بالأكل والعادات هههه
هي تشبه للشخشوخة البوسعادية في المسمن وإنما المرق حاجة خلاف

 

[إلياس]

ما شاء الله تبارك الله

 

[وۣۗهۣۗہۣۗم]

المرق تاعها تشبه شوي للشخشوخة فالاول حسبتها شخشوخة ههههه تلفت ظهرت شئ خلاف ​

​

بصحتكم الزينة يعطيك الصحة ​

 

[secret de coeur]

شهيتينيييييييي نموووووت عليه
دك تحيري تقولي كيفاش فتلمسان ويديروها
نديرو نفس الشئ ونسميوه تريد بالمرقة ( خاطر كاين تريد بالعسل يشربو بيه قهوة)
نموت عليه سيرتو فالبرد ويجي على غفلة

 

[الامين محمد]

ها الهدرة اللي تقبش المشاعر
ربي يهديك سلطانتنا وينه حقي هههههه

روووعة والله و تسخف يعطيك الصحة
و الحاجة بصحتها عطيها حقي ههههه

 

[أبو خديجة]

يعطيك الصحة
تشبه لشخشوخة نتاع القبايل
جوعتيني بعدما تعشيت

 

[الورد الأحمر]

سلااام

هذا احنا نسموه لفتات كان من بين أفضل الأكلات عندي بعد الشخشوخة ودرك في زوج ما بقاوش يعنولي بصح لذيذين

يعطيك الصحة وشكرا ع مشاركتنا الطبق

 

[Oktavio_hinda]

تسلم ايدك اختي السلطانة

باينة تشهي وبنييينة

تشبه الشخشوخة وشنو الشخشوخة حنا مانديرولهلش الجزر

شكرا على الوصفة والتقديم​