شهادة البطالة

[أبو عاتكة]

السلام عليكم
بمناسبة افتتاح هذا الموضوع تحية لجماعة البطالة
اما بعد ...
تحيرني هاذ الوثيقة الادارية المطلوبة في كل ملف وكانها مولات الديجي واللي يحير اكثر انو يتم. طلبها من طرف وكالات الظمان الاجتماعي اللي يمكنهم بضغطة زر معرفتك او معرفة انو زوجتك مثلا بطالة وماشي مأمنة. واللي يحير اكثر انو مكاتب التشغيل anem يمكنهم الولوج الى شبكة الظمان الاجتماعي ومعرفة جماعة البطالة اسكو خدام مسوري ويباصوه مع العدالة والاغرب انو يمكن استخراجها بسهولة بشاهدين من الشارع لا يعرفونك ولا تعرفهم مع العلم انو تستخرج في البلدية اللي الموظف يميز بنيتو و لا يمكنه التاكد اسكو صح راك خدام ام لا ويكاشيهالك في خاطر goubli قهوة.

والعجب العجاب اننا في اخر سنة للرقمنة كيما يوعد الرايس مازالت هذه الوثيقة غير الموثوقة سارية المفعول.

 

[أم إسراء]

و عليكم السلام و رحمة الله..
بالفعل و حتى نذكر مرة خدمت في الڨيشي تاع البلدية منين يخرجو الوثائق هذو تسمع غير خويا عندك كارطا و لا بارمي، و العجيب أنه يشهدو عادي سواء بشهادة الحياة و لا العزوبة و لا هذي تاع البطالة( الشعب في خدمة الشعب)؛ و نقولك الأخ مرة ثان واحد موظف لأحد معارف هز بطاقتين من جماعة لي رح تخرج وثائق و عمر بيهم شهادة بطالة و امضى مكانهم بلا علمهم..
قانونا لو يتحاسب يتحاسب صاحب الادلاء الكاذب..
الجزائر الجديدة سمعناه بزاف حنا ننتظر الجديد مابان والو ربي يجيب الخير

 

[Oussama.GF]

رقمنة في جزائر راهي في بداياتها يعني مزال عدنا عقلية دير كوبي وجيبلي يعجز انوا باه يدخل يشوف
نموتوا على الاوراق بزاف
والله نظن انوا جيل الجديد يتعلم من الجيل القديم خبرة ويطبقها في الرقمنة من اجل التخلص من الاوراق هادي
حمدلله ران اشفناها في تطبيق بريد موب لي ساعدنا كثيرا ونقص علينا بزاف تعب وشقاء لي باه تروح لابوسط
ايضا في فاتورات الغاز والكهرباء والماء
لكن تبقى وثقية بطالة هذه ورقة غير رسمية بالنسبة لأنك انت ايضا كالموظف تقدر تخدمها بكل سهولة وبلا لف ودوران
مفهمتش مشكل فقط اين رقابة للأمر نورمالموا كي تجي باه تستخرجها يطلب منك بطاقة لكي يعرف انك بطال او لا لأنو يوقع فيها التزوير ورانا نشوفوا فيه

 

[الامين محمد]

بعض الادارات مازالها تمشي بالتفكير القديم
بالرغم ان الحكومة اصبحت تسهل الكثير من الملفات
باختصار الادارة الحالية لا تريد الرقمنة لانها تفضحهم
و هي تعمل على عرقلتها بطلب الملفات و الكثير من الاوراق الغير مهمة
مثلا في منحة المعوزين للتلاميذ المتمدرسين في ملف واحد تجد
صورة و صورة طبق الاصل لبطاقة التعريف و شهادة الميلاد و شهادة عائلية و تصريح شرفي
فيه كل المعلومات و شهادة مدرسية للتلميذ و في الاخير راح يحتاجو التصريح الشرفي
و شيك مشطوب فقط
الادراة تمشي عكس الحكومة و رغبة الرئيس في تسهيل الملفات الادارية و الرقمنة

 

[إلياس]

لي رجعة إن شاء الله

 

[أبو عاتكة]

و عليكم السلام و رحمة الله..
بالفعل و حتى نذكر مرة خدمت في الڨيشي تاع البلدية منين يخرجو الوثائق هذو تسمع غير خويا عندك كارطا و لا بارمي، و العجيب أنه يشهدو عادي سواء بشهادة الحياة و لا العزوبة و لا هذي تاع البطالة( الشعب في خدمة الشعب)؛ و نقولك الأخ مرة ثان واحد موظف لأحد معارف هز بطاقتين من جماعة لي رح تخرج وثائق و عمر بيهم شهادة بطالة و امضى مكانهم بلا علمهم..
قانونا لو يتحاسب يتحاسب صاحب الادلاء الكاذب..
الجزائر الجديدة سمعناه بزاف حنا ننتظر الجديد مابان والو ربي يجيب الخير

والله كلامك يا سيدتي عين الواقع والصواب مزلنا وقيلا بعااااد بزاف
كاين موظف في الظمان قالي نحشم نقول للناس استخرجوها لكن الادارة تطلبها.

 

[أبو عاتكة]

رقمنة في جزائر راهي في بداياتها يعني مزال عدنا عقلية دير كوبي وجيبلي يعجز انوا باه يدخل يشوف
نموتوا على الاوراق بزاف
والله نظن انوا جيل الجديد يتعلم من الجيل القديم خبرة ويطبقها في الرقمنة من اجل التخلص من الاوراق هادي
حمدلله ران اشفناها في تطبيق بريد موب لي ساعدنا كثيرا ونقص علينا بزاف تعب وشقاء لي باه تروح لابوسط
ايضا في فاتورات الغاز والكهرباء والماء
لكن تبقى وثقية بطالة هذه ورقة غير رسمية بالنسبة لأنك انت ايضا كالموظف تقدر تخدمها بكل سهولة وبلا لف ودوران
مفهمتش مشكل فقط اين رقابة للأمر نورمالموا كي تجي باه تستخرجها يطلب منك بطاقة لكي يعرف انك بطال او لا لأنو يوقع فيها التزوير ورانا نشوفوا فيه

في منطقتنا راهي في 5 ايام بلا ريزو في لاسيرونس الغريب وزير الاتصالات كان هنا من يومين
حرام عليهم هذا نورمالمو يصنفوه مع الجرائم

 

[أبو عاتكة]

بعض الادارات مازالها تمشي بالتفكير القديم
بالرغم ان الحكومة اصبحت تسهل الكثير من الملفات
باختصار الادارة الحالية لا تريد الرقمنة لانها تفضحهم
و هي تعمل على عرقلتها بطلب الملفات و الكثير من الاوراق الغير مهمة
مثلا في منحة المعوزين للتلاميذ المتمدرسين في ملف واحد تجد
صورة و صورة طبق الاصل لبطاقة التعريف و شهادة الميلاد و شهادة عائلية و تصريح شرفي
فيه كل المعلومات و شهادة مدرسية للتلميذ و في الاخير راح يحتاجو التصريح الشرفي
و شيك مشطوب فقط
الادراة تمشي عكس الحكومة و رغبة الرئيس في تسهيل الملفات الادارية و الرقمنة

وقعنا ضحية صراع اجنحة السلطة وان شاء نشوفو الفرج عن قريب لانو كوارث قاعدة تصرا

 

[Oussama.GF]

في منطقتنا راهي في 5 ايام بلا ريزو في لاسيرونس الغريب وزير الاتصالات كان هنا من يومين
حرام عليهم هذا نورمالمو يصنفوه مع الجرائم

نروحوا نشكوا لعمي تبون يدرنا الحل معاهم هههههههه

 

[أبو عاتكة]

نروحوا نشكوا لعمي تبون يدرنا الحل معاهم هههههههه

كي نشوفو مقطع فيديو تاجر البطاطا اللي عامل ترند في الفيسبوك هذه الايام نفهمو الحالة كيفاش تسير.

 

[Oussama.GF]

كي نشوفو مقطع فيديو تاجر البطاطا اللي عامل ترند في الفيسبوك هذه الايام نفهمو الحالة كيفاش تسير.

نشاله فيها خير لا تيأس

 

[بدر شاكر]

شكرا ع الموضوع المميز
ونقول يعين الله ع هذه الحياه
وصراع البقاء. ربي يحفظكم

 

[ام أمينة]

مازاانا بعاد بعاد بعاد .....

 

[لمعانُ الأحداق]

في ظل الرقمنة وأي معلومة تُستخرج بضغطة زر
مازالو الادارات يعيوك بأوراق ماعندها حتى معنى
المعلومات كامل عندهم بصح يعجز يدخل
جيب الدوصي وريح تستنى وولي غدوا والريزو ماكاش
حتى تكره

بالحديث على ورقة عدم العمل
يمكن تصنيفها من بين أسوأ الوثائق ..

رانا بعاد كيما قالت أم أمينة

" ياترى يأتيكِ يوم، تزدهر فيه الحياةُ "

 

[Tama Aliche]

السلام عليكم ورحمة الله و بركاته

أهلا أخي "ابو فيصل" إن شاء الله تكون بخير ( دخلتها نسقسي على أحوالك مانيش نتصادف معاك ايا ونطل على منتدى واش راك تهدر نلقاك هنا هههه دخلت ديراكت )

الصح الصح أنا الكواغط نكرههم خلاص ، و كي لحقت السن القانوني تاع نقدر نخرج وثائق وحدي خلاص تخلى أبي عليا هههههه خلي برك الجري التبهليل ، سيرتو شهادة عدم العمل من أسوأ الوثائق ، ياو تعيي هههههه ، الرقمنة ما تصلحش شوف برك هذاك الكونكور تاع البريد آخر مرة واش صرى فيه ، حبوا يخدموه عن طريق الانثرنيت ايا دخلو للسيت كامل الولايات ماحبش يمشيلهم قالولهم ارجعوا للديار ههههه تمسخرش واش من رقمنة والفوا الجري هذاك لازم تعرق باش تجبد كاغط ​