شكون حنا ..

[أم أُنٌَيسة]

السلام عليكم ورحمة الله وبركاته



فكرة للعبة، كل عضو يحط امور معروفة عن دولة او ولاية معينة ثم يختم بشكون حنا ..

واللي يجاوب يزيد يحط نفس الشيء وهكذا ..



مثال:



البغرير نسموه غرايف

والكسكس نسموه بربوشة

والمطر نسموه النو

شكون حنا؟

 

[أبو خديجة]

حنا لبساكرة

البركوكس نسموه عيش
لفطير نسموه كسرة
المردود نسموه بومفور

شكون حنا

 

[Oktavio_hinda]

السلام عليكم ورحمة الله وبركاته ​

فكرة للعبة، كل عضو يحط امور معروفة عن دولة او ولاية معينة ثم يختم بشكون حنا ..

واللي يجاوب يزيد يحط نفس الشيء وهكذا ..



مثال:



البغرير نسموه غرايف

والكسكس نسموه بربوشة

والمطر نسموه النو

شكون حنا؟

نتوما صحاب الشرق الجزائري

خيار الناس

 

[Oktavio_hinda]

حنا لبساكرة

البركوكس نسموه عيش
لفطير نسموه كسرة
المردود نسموه بومفور

شكون حنا

ههههه راك دايخ خويا حاتم
قاتلك ماتقولش شكون نتا قول للي قبلك شكون هو ونتا اكتب واش كتبت لكن ماتقولش نتا منين

نتا بسكري خيار الناس

 

[Oktavio_hinda]

لي عودة إن شاء الله نصلي ونرجعلكم

شكرا عزيزتي ام أمينة على هذا ألم ضوع الجميل الذي يعرفنا على بعض وفي نفس الوقت نعرفو تقاليد بلادنا

تحيتي لك​

 

[space-cowboy]

حنا لبساكرة

البركوكس نسموه عيش
لفطير نسموه كسرة
المردود نسموه بومفور

شكون حنا

لي عودة إن شاء الله نصلي ونرجعلكم

شكرا عزيزتي ام أمينة على هذا ألم ضوع الجميل الذي يعرفنا على بعض وفي نفس الوقت نعرفو تقاليد بلادنا

تحيتي لك​

ام أمينة ؟ لا لا هاذي أم أنيسة هههه

إيييه يا بنيتي، جيتي تضحكي على حاتم خليفة، وها نتي خلّصتيها فالبلاص…

واقيلا السيّد شريف، ولا الدوخة اللي فيه معدية هههه

مُهم راكم في زوج دايخين...

نخرج من الموضوع قبل ما ندوخ حتى انا ههههه


(شكرا للأخت أم أنيسة على الموضوع الطريف والمفيد)

 

[إلياس]

شكرا على ما قدمت أختاه سلمت يمناك على الطرح
لي عودة إن شاء الله

 

[Oktavio_hinda]

ام أمينة ؟ لا لا هاذي أم أنيسة هههه

إيييه يا بنيتي، جيتي تضحكي على حاتم خليفة، وها نتي خلّصتيها فالبلاص…

واقيلا السيّد شريف، ولا الدوخة اللي فيه معدية هههه

مُهم راكم في زوج دايخين...

نخرج من الموضوع قبل ما ندوخ حتى انا ههههه


(شكرا للأخت أم أنيسة على الموضوع الطريف والمفيد)

ياودي خلطوهالي الكل ام فلان وفلانة
ام أمينة ولا ام أنيسة ولا حتى ام وليد المهم المشاركة وخلاص هههههه

 

[Oktavio_hinda]

انا من زوج عروش
عرش ناحية الام القائد المقراني
العصبان نقولو تيكركابين
والخبز نقولو اغروم
والكسكس نقولولو كسكسو
البغرير نقولولو البغرير

ومن ناحية الأب من منطقة أقدم الثقافات في شمال افريقيا
الكسكس نقولو الكسكسي
البغرير نقولولو غرايف
المسمن نقولولو ملاوي
والمطر نسموه النو


شكون انا

 

[space-cowboy]

إضافة جانبية لإطراء الموضوع.

بلا ما تدوّروا عليا فالجزاير... راني خارج الخريطة... لهيه شق لحدادة هههه

الكسكس نقولوا الطّعام
البغرير نسمّوه خرينكو (khringo)
المسمن نسمّوه بإسمه "المسمّن" أو المفروق
المطر نسموه النّو. والأم ديالي عندها دُعاء ما سمعتو غير منها. فاش تعاتب شي حد بدُعاء لطيف تقول :"الله يعطيك النّو"

 

[Oktavio_hinda]

إضافة جانبية لإطراء الموضوع.

بلا ما تدوّروا عليا فالجزاير... راني خارج الخريطة... لهيه شق لحدادة هههه

الكسكس نقولوا الطّعام
البغرير نسمّوه خرينكو (khringo)
المسمن نسمّوه بإسمه "المسمّن" أو المفروق
المطر نسموه النّو. والأم ديالي عندها دُعاء ما سمعتو غير منها. فاش تعاتب شي حد بدُعاء لطيف تقول :"الله يعطيك النّو"

انت من الغرب الجزائري
خيار الناس

 

[space-cowboy]

انت من الغرب الجزائري
خيار الناس

تقريبًا !!
انا من مدينة وجدة شرق المغرب
غير حشرت انفي معاكم صحة ههههه
ناس الغرب الجزائري فعلا ناس ملاح
ربّي يحفظك اختي

 

[aljentel]

ياودي خلطوهالي الكل ام فلان وفلانة
ام أمينة ولا ام أنيسة ولا حتى ام وليد المهم المشاركة وخلاص هههههه

هههههههههه
راك دايخه مو بس حاتم دايخ هههههه

 

[أبو خديجة]

سامحوني خلطتلكم اللعبة راني دايخ صح

 

[Oktavio_hinda]

تقريبًا !!
انا من مدينة وجدة شرق المغرب
غير حشرت انفي معاكم صحة ههههه
ناس الغرب الجزائري فعلا ناس ملاح
ربّي يحفظك اختي

خياااار الناس اهلا بناس وجدة والمغرب الشقيق
منور اللمة الجزائرية التي تلم كل الشعوب مرحبا بكم أينما كنتم
منور اخي اهلا وسهلا بك

 

[space-cowboy]

خياااار الناس اهلا بناس وجدة والمغرب الشقيق
منور اللمة الجزائرية التي تلم كل الشعوب مرحبا بكم أينما كنتم
منور اخي اهلا وسهلا بك

الله يبارك فيك أختي هند على هذا الكلام الطيّب،
والله إني أحسّ أنني بين أهلي وناسي في أرجاء اللّمة.
و"اللّماويين" ما شاء الله، سواء كانوا من الجزائر أو من إخوتنا العرب، قمّة في الأخلاق والذوق والأدب.
تقبّلي مودّتي واحترامي

 

[dahman kz]

انا من مدينة وجدة شرق المغرب
غير حشرت انفي معاكم صحة ههههه

مولا الدار و راك منا وفينا عبد الرحيم ماحشرتش نفسك
وزيد وجدة حالة خاصة مالتاقة تشوفنا و عايلات مقسمة مغاربة و جزاىربين

 

[space-cowboy]

مولا الدار و راك منا وفينا عبد الرحيم ماحشرتش نفسك
وزيد وجدة حالة خاصة مالتاقة تشوفنا و عايلات مقسمة مغاربة و جزاىربين

بارك الله فيك أخي عبد الرحمن،

فعلا، وجدة عاشت التعايش بين المغاربة والجزائريين من قديم الزمان،

حتى أهلي، الله يرحم اللي راح، كانوا رُحّل يتنقّلون ما بين المغرب والجزائر، حتى لمناطق واد الشولي وما جاورها،
وبعض أفراد القبيلة استقرّوا نهائيا في الجزائر، وتزوجوا من هناك، وخَلّاو ذرية طيّبة.

يعني كما قلتها ببساطة: أنتم منا، ونحن منكم.

تحياتي الخالصة خويا عبد الرحمن

 

[السلطانة]

وعليكم السلام ورحمة الله وبركاته

فكرة هايلة يعطيك الصحة


الصحن نقولولو السحن

النافذة نقولولها التاقة

الشربة فريك نقولولها الجاري

الساعة الثانية مساء نقولولها الساعتين




شكون حنا؟

 

[Fethi.dz]

انا كي شفت عنوان الموضوع طول تفكرت

شكووون حناا ... زيمبابوي

لعرض هذا المحتوى، يتوجب عليك الموافقتك على تعيين ملفات تعريف الإرتباط (الكوكيز) للطرف الثالث. لمزيد من المعلومات، الرجاء زيارة صفحة ملفات تعريف الإرتباط.

قبول ملفات تعريف الإرتباط للطرف الثالث

المهم نرجع للموضوع:

*** احنا اللوطو نقولولها طونابيل ***

ربي يكسبكم طونابيل باش تعديو عليا تديوني نحوس