إجتماع طارئ ~ شكون حنا

لا شكر على واجب
كما هنا اللمة نحس الرجال تع الصحة ماشي ليقولك انا رجل وهو فرغ كما
خوي مجمد لمين كما خوي محمد أمين كما أنت كما خوى العنقا كاين بزاف نحسى بلي إحبوا بلدهم
 
وعليكم السلام
ههههه واقيل جبتيها انت ختي كيما قال عمو سلال
حنا هوما الفقاقير هههه
صح ناقص بزاف البحث الله غالب
تلفتلي شكون نسقسي ههههه
جيت لعندكم تقولولي شكون حنا
شكرا لك ختي

ههههههه تلفتلك لا متلفلكش
حنا كيفنا مكانش
قهوة بونال هي بنة الدار هههههه
حنا اللي نحبوا الشاب حسني والشعبي بصح نسمعوا ونشطحوا على الواي الواي هههحخخخهه
حنا اللي الريح يجي يدينا
حنا اللي نموتوا واقفين ههههههه
هذو هوما حنا الموسوسين في كل الاجواء
حنا اللي حلمنا اوروبا وكي نروحوا ليها نضحكوا
علينا البرانية
حنا تاكل الجاج تاكل الجاج تاكل الجاج
هههههه هذوما هوما حنا
 
أهلا بالمدريدية بنت لبلاد ياه ياه هههه
عبقرينو تاعنا للمرة الثانية أو الثالثة لي نفوتها بالمواضيع ههههه
زعما نقول ختيتي شاطرة بصح أنا خفيف عليك وذكي شويا عليك
خموس عليا هههه ماتعاينينيش هههه
واش يا عبقارينو كنت نستنا قلت أنت لي تلقاينا الحل
وفي الأخير جيتي بحناكك ممبعد شكون أنت معلبالكش هههههه
ألقاينا أزربي شكون حنا ياو هههه

اليوم كان عندي المات و كنت نخمم في هذا الموضوع
شوف وااش لقيت
شكون حنا
حنا لي عندنا الة حاسبة و ما نعرفوش للmath
حنا لي في حصة الmath يا تكتب و ما تفهمش
يا تفهم و ما تتكتبش
شكون حنا
حنا لي ما نكتبو ما نفهموا
خخخخ علابالي راني غير نخرط
بصح صح المات هبلتني هذو اليمات
خلاص رايحة بلا ما تحوزني هههه​
 
السلام عليكم
هههههه عن جد انت مهبووووول و مريض
مزالك تزيد تحوس شكون حنا حنا هو لي الغاشي طلعوا للقمر و احنا مزالنا نلبسو في لحمر ( خخخخخخ عبارة سمعتها قبل قليل خخخخ بمناسبه عيد الكره هههه )

و الله و تريح طول حياتك تعرف شكون حنا نأكدلك بلي مرحش توصل لنتيجة يااو صعيبة هاذي

و ايلا تحب تعرف صح شكون حنا انا في بالي بلي أحنا هوما : Dz الجيريا سبوعا و لبات في وقت فات هههههه
ميرثي مالك عالميضوع الثباب بذااف هايل
تشكرات
اخطيك من شكون حنا حوس على شكون هوما بلاك تصيبهم
 
بصح شكون خلانا نكونو هكذا
يا و هوما ليخلاونا هكذا
حقرونا صديقي ايه حقرونا أنا من دزاير صديقي
حطونا الموس فالرقبة ونهبو أرضنا وثرواتنا صديقي
هوما لي مرمدونا وخلاونا نتمناو نعيشو بحقوقنا برك صديقي
أك فاهم خوو ;)
:cool:
فاهم مليح مليح يا خويا
--
هاذوك لي حقرونا .. هاذوك هوما حنا .. حنا في حنا ..
ولاّ حسبت هذا الشعار : (من الشعب و إلى الشعب) ما عندوش معنى ؟

حنا الشعب رافس بعضاه .. غير لي يرفد راسو يلحقو ليه خاوتو بالخف .. و الكل يدوس و يدوس حتى يرجع الراس للطينة
حنا هوما حنا .. حنا في حنا .. إذا خير .. نلقاو الخير ..... و إذا الشر .. ما نلقاو غير لغبينة
--
من نهار خلقت و عدياني في عايلتي و جيراني ..
و الزوالي ما يقدر يعس غير خوه الزوالي ..
و إذا شبع خوه بعشا ليلا تلقاه يتشوكا و ما يرقد هاني
هاذوك هوما حنا .. حنا في حنا
--
الصبر و النية تسلك على خير
 
آخر تعديل:
نحن أسطورة من التاريخ
وأعجوبة من أعجاب الزمان
من لايعرفنا فليفتح كتاب التاريخ
في مجلده الأول
في صفحته الأولى
بعنوان :
شعب لم يرى مثله التاريخ
حكام ينامون على الكراسي إلى أن يأتيهم ملك الموت
وشباب يستيقظ على العاشرة صباحا
وبنات لايشعرن بالبرد في الشتاء
ولاعبون يسكنون في الفيلا
ويخلصون بالملايير
ومشردون ينامون على الأرصفة
حقا شعب لم يكن مثله في التاريخ
ولكن كاين الخير هههه تشااااااو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top