حلوة زمان الوردة

[Oktavio_hinda]

السلام عليكم

اليوم وانا نحوس في علبة طوابع الحلويات لقيت طابع الوردة واكيد كل بيت جزائري عندو هذ الطابع
هذ الحلوة سهلة ومقاديرها متواجدة في كل وقت وفي كل دار وبنينة وتتقؤمش تاكليها مع الشاي أو قهوة حليب أو وحدها بنييييينة


نبداو بالمقادير

01 حبية بيض
نص كاس حليب والباقي ماء
كأس ونصف فرينة
كيس فاني أو ملعقة صغيرة من الفاني
القليل من الملح




طريقة التحضير

في إناء حبة بيض والثاني نخلطهم مليح نضيف نصف كاس حليب ونصف الآخر نكملو بالماء يعني كاس حليب وماء نخلط مليح ونضيف كاس ونص فرينة نخلطها ويكون الخليط ثقيل شوي على الكراب



نحط الزيت في مقلة يسخن ونحط فيه المول كي يسخن ناخذ المول ونحطه في العجين ومالازمش دخليه كامل حتى للجانب برك ونرجع للمقلة وبواسطة فرشات تساعدي باه تخرجي المول وتبقى الحلوة تتقلى لما يرجع لونها ذهبي نحيها من المقلة ونكمل بقية العجين
كي نكمل نعسلها



وشهية طيبة ​

 

[أم إسراء]

يعطيك الصحة تشهي

 

[Oktavio_hinda]

يعطيك الصحة تشهي

شكرا لمرورك نورتي

 

[ام أمينة]

الله يبارك
جميلة جدا
تِسلم الأيادي

 

[Oktavio_hinda]

الله يبارك
جميلة جدا
تِسلم الأيادي

يبارك فيك الأجمل مرورك
نورتي​

 

[إلياس]

بورك فيك على الحلوى اللذيذة و الممتازة

 

[Oktavio_hinda]

بورك فيك على الحلوى اللذيذة و الممتازة

وفيك بركة اخي الياس شكرا لمرورك
تحيتي لك​

 

[ذات الشيم]

ايييه شحال موالفين نديروها جي ما تتشبعش
يعطيك الصحة

 

[Oktavio_hinda]

ايييه شحال موالفين نديروها جي ما تتشبعش
يعطيك الصحة

شكرا لك عزيزتي على المرور
نورتي الصفحة​