كلام الناس ... هل شي نُصغي أم نمضي ؟

[ام أمينة]

السلام عليكم و رحمة الله تعالى و بركاته




كلام الناس ... هل شي نُصغي أم نمضي ؟






في هاد الدنيا الناس دائما تهدر و الكلام ما يوقفش
كي تكون ناجح يهدرو
كي تغلط يهدرو
حتى كي تكون ساكت و يلقاو واش يقولو

بصح السؤال اللي لازم كل واحد يسقسي روحُو

واش من قيمة نعطي لكلام الناس ؟
هل نعيش حياتي باش نرضيهمة؟
و لا نعيشها كيما نحب و كيما نرتاح ؟

كاين ناس يتأثروا بزاف بكلام الناس كل كلمة تقال عليهم تولي كأنها حكم نهائي

يتقلقوا و يطيحوا في الشك و مرات حتى يبدلو شخصيتهم باش يرضوا الغير





بصح الحقيقة هي الناس ما يشوفوش كامل الصورة و ما يعرفوش واش كاين فالقلب و ما عاشوش واش عشناه

و اللي يهدر يهدر من وجهة نظرو و من تجاربُو و مرات من غير سبب

ماشي غلط نسمعو للناس بصح الغلط هو اننا نعيشو حياتنا كامل على حساب كلامهم

لازم الواحد يعرف واش يهمو و واش يخلي موراه

النقد البنّاء نسمعولو بصح الكلام اللي يجرح و يحبط المعنويات نرموه و نكملو

الحياة قصيرة باش نضيعوها في إرضاء كل واحد و مهما درنا دائما كاين اللي ما يعجبوش الحال

عيشو كيما تحبو و خليكم ديما صادقين مع رواحكم

اللي يحبكم صح راح يفهمكم و يوقف معاكم و اللي يهدرو بلا سبب خليهم يهدرو الريح ما يضر الجبل

هل كلام الناس خلاكم تبدلو قرار كنتو ناويين عليه ؟

و بكل صراحة هل كلام الناس يجرحكم ؟ و لا تتجاهلوه و تكملو ؟

واش تنصحو واحد يأثر عليه بزاف كلام الناس

انتظر ردودكم و تعليقاتكم

في أمان الله
​

 

[إلياس]

كلام الناس يؤثر في نفسية الشخص إيجابيا و سلبيا حيث ينبغي لا يتكلم في شخص لا يعرفه و لا يضع في كلام لا يسمن و لا يغني من جوع ولا يجمع بين الحق و الباطل لان غاية الناس لا تدرك

 

[أم إسراء]

قالها أحدهم "كلام الناس لا بقدم ولا يأخر"..
قلتيها الناس هادرين هادرين.. و الشيء اللي يأثر شخصيا فيا و نرجع انسان قاسي أنه انسان مالحقتوش و ماخلطتوش و بالمختصر ماعندي معاه ولا علاقة يقول سحائب الشوق فيها او هدرت أو فعلت..
أنا انسان بالعكس صريحة او متصالحة مع ذاتي لو نكون مخطئة أو مصيبة في شطيء ما و يقولو عليه نحاول نعدل من الشيء هذاك أو أكد مايقال عليا..
أما أتهم زورا، أحيانا في مواضع كنت ندير شيء ارضاء لربي سبحانه نبطلو، و نقول مش بالسيف عليا ياك انا مش مليحة لنستمر في انا مش مليحة.
نفوسنا ضعيفة أختي لعزيزة و كيما قلتلك شيء فعلتو ولا قلتلو و يتكلمو عليه عادي أما انت في الحياد و تدير الواجب او كيما قلت لارضاء الله و يهدرو فيك أو يشوهو صورتك فحسبنا الله و نعم الوكيل.. (كيما نقولة الحمد لله كاين ناس يبطلو الادعاءات ويشهدولك بالخير في غيابك).

 

[ام أمينة]

كلام الناس يؤثر في نفسية الشخص إيجابيا و سلبيا حيث ينبغي لا يتكلم في شخص لا يعرفه و لا يضع في كلام لا يسمن و لا يغني من جوع ولا يجمع بين الحق و الباطل لان غاية الناس لا تدرك

لا ينبغي أن نتكلم في الناس دون معرفة فالكلام مسؤولية و الحق لا يُخلط بالباطل و رضا الناس غاية لا تُدرك

مشكور على الرد و المرور في الموضوع

 

[ام أمينة]

قالها أحدهم "كلام الناس لا بقدم ولا يأخر"..
قلتيها الناس هادرين هادرين.. و الشيء اللي يأثر شخصيا فيا و نرجع انسان قاسي أنه انسان مالحقتوش و ماخلطتوش و بالمختصر ماعندي معاه ولا علاقة يقول سحائب الشوق فيها او هدرت أو فعلت..
أنا انسان بالعكس صريحة او متصالحة مع ذاتي لو نكون مخطئة أو مصيبة في شطيء ما و يقولو عليه نحاول نعدل من الشيء هذاك أو أكد مايقال عليا..
أما أتهم زورا، أحيانا في مواضع كنت ندير شيء ارضاء لربي سبحانه نبطلو، و نقول مش بالسيف عليا ياك انا مش مليحة لنستمر في انا مش مليحة.
نفوسنا ضعيفة أختي لعزيزة و كيما قلتلك شيء فعلتو ولا قلتلو و يتكلمو عليه عادي أما انت في الحياد و تدير الواجب او كيما قلت لارضاء الله و يهدرو فيك أو يشوهو صورتك فحسبنا الله و نعم الوكيل.. (كيما نقولة الحمد لله كاين ناس يبطلو الادعاءات ويشهدولك بالخير في غيابك).

الناس تهدر و تنسى أن الكلام مسؤولية مدام نيتك صافية و الله شاهد ما يهمكش فالهدرة
الخير يبقى و الباطل يزول

مشكورة عزيزتي على المرور و الرد في الموضوع

 

[habib2]

ناس تهدر يا لكان انت رسول ، املا خليهم مزال لعام طويل

 

[ام أمينة]

ناس تهدر يا لكان انت رسول ، املا خليهم مزال لعام طويل

صح
الواحد كي يعرف روحو واش يكون
ما يهموش نهائيا واش يقولو فيه

مشكور على المرور و الرد في الموضوع

 

[نجـود]

هاذ النوعية بالذات من المواضيع الي فيها نوع من تطهير الأنا واتهام الآخرين ودكهم مانقدرش نفصلها عن انو حنا تاني جزء من هاذ الناس وانو الضرر لي ممكن يلحقنا بسبب تعليق او انتقاد سيء منهم قادرين حنا تاني نكونو سبب فيه مع ناس آخرين
بالمختصر حنا بالنسبة للناس ناس تاني
والبروبلام أنو حتى وحنا مختبرين الألم النفسي الي يجينا م الاخرين مرات حنا نكونو سبب في ألامهم ايضا.. والمبرر : النية؟ فهل النية الحسنة شفيع حقا في القاموس البشري؟

فهاد الموضوع نظن لازم يتناقش من المنظورين:
منظور اتهام الناس ومنظور اتهام ال أنا..
......

وكعودة لصلب موضوعك: اعتقد انو الفكرة تقوم على طبيعة الفعل والشخصية، والواحد ادرى بتشعبات اموره مع اني اتحفظ نسبيا على أمر الدراية هذا لانو خطرات البنادم رايو يتلف صح وكيما قالك " البعيد على الزازا بعقلو" وبالتالي هنا كلام الناس حتى وكان جارح ضروري باه الواحد يستف روحو شوية.. نشوفو هاذ النوع في عتاب الوالدين والاحبة لبعض تصرفاتنا
اما اني نهدم مخطط كامل وواضح بسبب كلمة من شخص حاقد او حاسد فهذا من ضعف الشخصية ، على العكس شخصيا هذاك وين نزيد نشحن اكتر ونكمل..


ملخص المشهد: كلام الناس قادر يبكيني ويضرني ويجيب بيا نوي بلونش كنوع من ممارسة الطبيعة البشرية بداخلي لكن استحالة أنو نخليه يخليني انهزامية في مسيرتي نحو غاية ما...

شكرا ام امينة

 

[ام أمينة]

هاذ النوعية بالذات من المواضيع الي فيها نوع من تطهير الأنا واتهام الآخرين ودكهم مانقدرش نفصلها عن انو حنا تاني جزء من هاذ الناس وانو الضرر لي ممكن يلحقنا بسبب تعليق او انتقاد سيء منهم قادرين حنا تاني نكونو سبب فيه مع ناس آخرين
بالمختصر حنا بالنسبة للناس ناس تاني
والبروبلام أنو حتى وحنا مختبرين الألم النفسي الي يجينا م الاخرين مرات حنا نكونو سبب في ألامهم ايضا.. والمبرر : النية؟ فهل النية الحسنة شفيع حقا في القاموس البشري؟

فهاد الموضوع نظن لازم يتناقش من المنظورين:
منظور اتهام الناس ومنظور اتهام ال أنا..
......

وكعودة لصلب موضوعك: اعتقد انو الفكرة تقوم على طبيعة الفعل والشخصية، والواحد ادرى بتشعبات اموره مع اني اتحفظ نسبيا على أمر الدراية هذا لانو خطرات البنادم رايو يتلف صح وكيما قالك " البعيد على الزازا بعقلو" وبالتالي هنا كلام الناس حتى وكان جارح ضروري باه الواحد يستف روحو شوية.. نشوفو هاذ النوع في عتاب الوالدين والاحبة لبعض تصرفاتنا
اما اني نهدم مخطط كامل وواضح بسبب كلمة من شخص حاقد او حاسد فهذا من ضعف الشخصية ، على العكس شخصيا هذاك وين نزيد نشحن اكتر ونكمل..


ملخص المشهد: كلام الناس قادر يبكيني ويضرني ويجيب بيا نوي بلونش كنوع من ممارسة الطبيعة البشرية بداخلي لكن استحالة أنو نخليه يخليني انهزامية في مسيرتي نحو غاية ما...

شكرا ام امينة

كلام الناس يوجع لكن ما يكسرش العزيمة و النية الحسنة ما تعفي من المسؤولية و الوعي بأننا نجرح كما نُجرَح هو مفتاح التوازن
نسمعو نتعلم و نكمل الطريق بلا إنهزام

مشكورة على المرور و الرد في الموضوع

 

[aljentel]

الناس من خلق الله الدنيا وهم علك في حلوق الناس الكل يتحدث عن الكل ، لكن هناك من يتحدث بسؤ عن الآخرين ويحاولوا يبحثوا عن عيوبهم لينشروها لا ليستروها وهؤلاء قله ان شاء الله الله لا يكثرهم لكن لهم وقع مزعج في المجتمع ويسببوا مشاكل في العائلات وهم قله لكن لكثرة ردات الفعل يعتقدوا الناس انهم كثيرون .. وهذا امر لم تسلم منه الناس منذ عهد الصحابه .. نسأل الله السلامه …

 

[ام أمينة]

الناس من خلق الله الدنيا وهم علك في حلوق الناس الكل يتحدث عن الكل ، لكن هناك من يتحدث بسؤ عن الآخرين ويحاولوا يبحثوا عن عيوبهم لينشروها لا ليستروها وهؤلاء قله ان شاء الله الله لا يكثرهم لكن لهم وقع مزعج في المجتمع ويسببوا مشاكل في العائلات وهم قله لكن لكثرة ردات الفعل يعتقدوا الناس انهم كثيرون .. وهذا امر لم تسلم منه الناس منذ عهد الصحابه .. نسأل الله السلامه …

هي فئة قليلة لكنها تؤذي بكلامها و تثير الفتنة لكن أثرها كبير رغم قلة عددها نسأل الله أن يحفظنا و يجعلنا من أهل الستر

مشكور على الموضوع و الرد على الموضوع

 

[السلطانة]

وعليكم السلام ورحمة الله وبركاته

موضوع مكتوب بطريقة مميزة
يعطيك الصحة
لي يتبع كلام الناس يمرض روحو برك
لكن كاين ناس تتأثر لانو كل واحد و شخصيتو

عن نفسي فاتت عليا تجارب حاليا نهاية كلش اللي سبحانو
لي هدر ولا قال ربي وكيلو اما باه نخير راسي ونمرض روحي فتتها هاد الحالة
نصيحة:الصحة غالية و الحياة وحدة

تقبلي مروري

 

[ام أمينة]

وعليكم السلام ورحمة الله وبركاته

موضوع مكتوب بطريقة مميزة
يعطيك الصحة
لي يتبع كلام الناس يمرض روحو برك
لكن كاين ناس تتأثر لانو كل واحد و شخصيتو

عن نفسي فاتت عليا تجارب حاليا نهاية كلش اللي سبحانو
لي هدر ولا قال ربي وكيلو اما باه نخير راسي ونمرض روحي فتتها هاد الحالة
نصيحة:الصحة غالية و الحياة وحدة

تقبلي مروري

اللي يركز هلى حياته و صحته راه فهم الحياة صح

مشكورة على المرور و الرد في الموضوع

 

[ذات الشيم]

هل كلام الناس خلاكم تبدلو قرار كنتو ناويين عليه ؟

شخصيا لا والحمد لله كلام الناس ما يأثرش فيا واذا أثر فيا يكون لحظة عابرة مشي لدرجة نبدل علاجالو قرار مثلا كي ربحت الباك وجيت نخير طب خيرت الولاية الاقرب مني وما خيرتش العاصمة ( كان عندي امتياز نخير وش نحب ) مع انو الناس مبعد قعدت تلوم فيا وتندم فيا بصح حاولت أن اثبت والحمد لله والكثير الكثير من المواقف

و بكل صراحة هل كلام الناس يجرحكم ؟ و لا تتجاهلوه و تكملو ؟

كاين الكلام لي صح يجرح ، وحدة ربي ما رزقهاش بالذرية ما يخلوهاش في خاطرها ، هي راضية بواش كتبلها ربي وهوما يقنطو فيها ، وحدة تأخر زواجها ثاني نفس الأمر
سما كاين صح ناس تطلق السموم من السنتها وماهيش دارية

واش تنصحو واحد يأثر عليه بزاف كلام الناس

نقولو يا اخي دير روحك ما تسمعش لانو كلام الناس ما يفيد ما يضر وكيما قالك ارضاء الناس غاية لا تدرك وارضاء الله غاية لا تترك فأدرك مالا يترك واترك مالا يدرك سما الواحد يرضي ربي سبحانو وفقطططط ولا يلتفت الى للوراء
القافلة تنبح والكلاب تسير
والانسان يسكتهم بنجاحاتو والواحد وعمرو لا يتأثر ولا يبان متأثر لان هذ الناس تقتات من مشاعر الناس صراحة

وربي يهديهم يسكتو علينا

مشكورة على الموضوع غاليتِي

 

[أم أُنٌَيسة]

وعليكم السلام ورحمة الله وبركاته
بفضل الله والحمد لله الذي هدانا لهذا وماكنا لنهتدي لولا ان هدانا الله، كلام الناس لا يهمني ولا يعنيني في شيء ..
مبدا احاول ان اعيش عليه: ارضاء الله غاية لا تترك وارضاء الناس غاية لا تدر، فاترك مالا يدرك وادرك مالا يترك ..
الناس مهما تديري مرحش يرضاو عليك، تحكي بعفوية يحكو، تجبدي روحك يحكو، تديريلهم وش يبغو يحكو، متديريش يحكو..
فببساطة نتعامل معهم وفق ما امر ربي ثم ما يوافق ظروفي ووضع خطوط عريضة على الخصوصيات التي لا اود لاحد ان يتخطاها ويعرفها بالاخص ان كانت ناحية الدين ..
ومادمت لم اظلمهم ولم افعل شيء معهم يخالف الشرع بفضل الله فلا يهمني رضوا ام سخطوا، طبعا بعد محاولات عديدة لايجاد حل وارضية مشتركة، فحين اجد انهم مصرون على رايهم وسخطهم وكل ما يهم هو ما يريدون ويريحهم وان كان يضرني في ديني خاصة ونفسيتي وصحتي عامة فالحيطان موجودين، يخيرو الحيط اللي يعجبنم ويضربو راسهم فيه.
ارجو تقبل مروري

 

[ام أمينة]

شخصيا لا والحمد لله كلام الناس ما يأثرش فيا واذا أثر فيا يكون لحظة عابرة مشي لدرجة نبدل علاجالو قرار مثلا كي ربحت الباك وجيت نخير طب خيرت الولاية الاقرب مني وما خيرتش العاصمة ( كان عندي امتياز نخير وش نحب ) مع انو الناس مبعد قعدت تلوم فيا وتندم فيا بصح حاولت أن اثبت والحمد لله والكثير الكثير من المواقف


كاين الكلام لي صح يجرح ، وحدة ربي ما رزقهاش بالذرية ما يخلوهاش في خاطرها ، هي راضية بواش كتبلها ربي وهوما يقنطو فيها ، وحدة تأخر زواجها ثاني نفس الأمر
سما كاين صح ناس تطلق السموم من السنتها وماهيش دارية

نقولو يا اخي دير روحك ما تسمعش لانو كلام الناس ما يفيد ما يضر وكيما قالك ارضاء الناس غاية لا تدرك وارضاء الله غاية لا تترك فأدرك مالا يترك واترك مالا يدرك سما الواحد يرضي ربي سبحانو وفقطططط ولا يلتفت الى للوراء
القافلة تنبح والكلاب تسير
والانسان يسكتهم بنجاحاتو والواحد وعمرو لا يتأثر ولا يبان متأثر لان هذ الناس تقتات من مشاعر الناس صراحة

وربي يهديهم يسكتو علينا

مشكورة على الموضوع غاليتِي

كلام الناس لا يغيّر من الحق شيئًا و النجاح هو الرد الأقوى
رضا الله هو الغاية و الباقي لا يُلتفت إليه و القافلة تسير بثبات مهما علت الأصوات

مشكورة على المرور و الرد في الموضوع

 

[ام أمينة]

وعليكم السلام ورحمة الله وبركاته
بفضل الله والحمد لله الذي هدانا لهذا وماكنا لنهتدي لولا ان هدانا الله، كلام الناس لا يهمني ولا يعنيني في شيء ..
مبدا احاول ان اعيش عليه: ارضاء الله غاية لا تترك وارضاء الناس غاية لا تدر، فاترك مالا يدرك وادرك مالا يترك ..
الناس مهما تديري مرحش يرضاو عليك، تحكي بعفوية يحكو، تجبدي روحك يحكو، تديريلهم وش يبغو يحكو، متديريش يحكو..
فببساطة نتعامل معهم وفق ما امر ربي ثم ما يوافق ظروفي ووضع خطوط عريضة على الخصوصيات التي لا اود لاحد ان يتخطاها ويعرفها بالاخص ان كانت ناحية الدين ..
ومادمت لم اظلمهم ولم افعل شيء معهم يخالف الشرع بفضل الله فلا يهمني رضوا ام سخطوا، طبعا بعد محاولات عديدة لايجاد حل وارضية مشتركة، فحين اجد انهم مصرون على رايهم وسخطهم وكل ما يهم هو ما يريدون ويريحهم وان كان يضرني في ديني خاصة ونفسيتي وصحتي عامة فالحيطان موجودين، يخيرو الحيط اللي يعجبنم ويضربو راسهم فيه.
ارجو تقبل مروري

إرضاء الله أولى و إرضاء الناس لا يُدرك فليكن السعي لما يبقى لا لما يتقلب

مشكورة على المرور و الرد في الموضوع