قالوا ناس زمان ..

[أمير جزائري حر]

وقالوا..

اِذَا بْغَاوَكْ بْلَا مَا تَشْقَى، وِ اِذَا كَرْهُوكْ مَا تْكَثَّرْ نَفْقَة!

 

[أمير جزائري حر]

وقالوا..

اَرْكَبْ كُلّْ يُومْ؛ تَسْتَفْرَسْ .. !

 

[أمير جزائري حر]

وقالوا..

اَرْوَاحِي يَا آمَّا نْوَرِّيلَكْ دَارْ آخْوَالِي .. !

 

[أمير جزائري حر]

وقالوا..

آمْيَاتْ خُطْوَة ، وَلاَ تَنْڨِيزَة.

 

[أمير جزائري حر]

وقالوا..

اَوْقَاتْ؛ الصّْبَرْ عَلَّة، وُاَوْقَاتْ؛ يْبَرِّي العْلَايَلْ، وُ اَوْقَاتْ؛ حَمْلَكْ تَرْفْدُو وَ تْزِيدْ فُوقُو عْدَايَلْ .. !

 

[أمير جزائري حر]

وقالوا..

بُو لْسَانْ غْلَبْ بُو عَيْنِينْ .. !

 

[أمير جزائري حر]

وقالوا..

البِيرْ اللِّي تَشْرُبْ مَنُّو؛ مَا تَرْمِيشْ فِيهْ الحْجَرْ، واللِّي تْحَبْ تْعَاشْرُو؛ ما اطَّيَّحْشْ مَعَاهْ القْدَرْ.

 

[أمير جزائري حر]

وقالوا..

تَحْكَمْ الحَامْيَة كِي الكَابُويَا.

 

[ذات الشيم]

وقالوا..

البِيرْ اللِّي تَشْرُبْ مَنُّو؛ مَا تَرْمِيشْ فِيهْ الحْجَرْ، واللِّي تْحَبْ تْعَاشْرُو؛ ما اطَّيَّحْشْ مَعَاهْ القْدَرْ.

اقوى مثل

 

[ذات الشيم]

وقالوا..

الحمار حماري.. وركوبي من الرول ( الاخير ) ..

 

[أمير جزائري حر]

قالوا..

آخْذَاهَا بَالدِّينْ؛ و قَالْ: العْرُوسَة مَنْحُوسَة.

 

[أمير جزائري حر]

وقالوا..

اِذَا بْكِيتْ، اَبْكِي حْذَا المَهْمُومْ، واِذَا غَنِّيتْ، غَنِّي حْذَا المَغْرُومْ.

 

[أمير جزائري حر]

وقالوا..

اِذَا صَاحْبَكْ اَعْوَرْ؛ شُوفُو عْلَى العَيْنْ الصْحِيحَة.

 

[أمير جزائري حر]

وقالوا..

رْخَسْ الحْرِيرْ؛ وتْمَسْحَتْ بِيهْ الطْنَاجَرْ .. !

 

[أمير جزائري حر]

وقالوا..

اَسْتَحْفَظْ عْلَى حْمَارَكْ تَحَجّْ عْلِيهْ.

 

[أمير جزائري حر]

وقالوا..

اَعْطِينِي اليُومْ صُوفْ؛ نَعْطِيكْ غُدْوَة خْرُوفْ.

 

[أمير جزائري حر]

وقالوا..

اڨْلَعْ الطْمَعْ؛ يْبَانْ الحْسَابْ..

 

[أمير جزائري حر]

وقالوا...

اِذا عْطاتك لَيّام؛ نارك فَـ المَا وتڨدي، واِذا خانك سعدك؛ اَنت تلمّ والرّيح تدّي..

 

[أمير جزائري حر]

وقالوا..

اللِّي مَا تَعْرَفْشْ تَشْطَحْ ؛ تْقُولْ: الاَرْضْ عَوْجَة.

 

[أمير جزائري حر]

وقالوا..

المَقْرُوطْ كْي تْعَسْلُو بَزَّافْ يَحْسَبْ رُوحُو بَقْلاوَة..