احلى سهرة

الموضوع في 'أرشيف رمضان (1429هـ)' نشر بواسطة Rohana, ‏4 سبتمبر 2008.

حالة الموضوع:
مغلق عن إضافة مشاركات جديدة.
  1. Rohana

    Rohana :: عضو مُتميز ::

    تاريخ التسجيل:
    ‏26 ديسمبر 2007
    المشاركات:
    1,322
    الإعجابات المتلقاة:
    9
    نقاط الجوائز:
    0
    اليوم جبتلكم البوقالات باش تقدرو تسهروا سهرة هية
    ماعليكم غير تنووا او تعقدوا
    نورمالمون تعرفو طريقة اللعب
    تلموا بنات الحومة ولا نساء العائلة ولا الاخوات
    المليخة انها تكون اكبر واحدة فيكم اللي تقرا لكم البوقالات
    حنا كونا نلعبوها هاكا
    تربطي خيط في الخاتم او تنوي اومبعد تحطيو في اناء ولا كاس يكون فيه ماء الزهر

    نبداو

    1 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .


    2
    يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة

    3النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا ..

    4اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

    5
    فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا

    6.
    علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

    7
    أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .

    8
    يا لشمس الضوايا يا العالية في سماك لو كان صبتك مرايا نشوف وجهي بضواك يعود ربحي و غنايا و يقسم سعدي ذاك .

    9 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .

    10 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت السور معاه المعيشة تحلى حبيبي الساكن في القصور .

    11 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .


    12 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .


    13 غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .





    14 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .


    15 يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .


    16 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .


    17 يا لساكنة في الخيمة و الريح جاني قبلي ردي أوراقك ديمة لا يولي الريح غربي .


    18 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .


    19 يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي .




    20 حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .



    21 علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .



    22 عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .



    23 يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .



    24 و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .



    25 ذاك الحمام اللي محبوس في السجنة يعيا و يفرج ربي و نرجعوا خير من اللي كنا .



    26 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .


    27ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه .



    28شجرة على طرف البير و أعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا



    نشا الله تعجبكم او صحا رمضانكم





     
    مشاغب معجب بهذا.
  2. nounette

    nounette :: عضو مُشارك ::

    تاريخ التسجيل:
    ‏30 جوان 2007
    المشاركات:
    105
    الإعجابات المتلقاة:
    1
    نقاط الجوائز:
    0
    ملييييح

    يعطيك الصحة والله ماكاش كيما يمات بكري البوقالات و الحالة ...
     
    مشاغب معجب بهذا.
  3. أنفال

    أنفال :: عضو مُتميز ::

    تاريخ التسجيل:
    ‏10 أوت 2008
    المشاركات:
    715
    الإعجابات المتلقاة:
    1
    نقاط الجوائز:
    0
    يعطيــــــــــــــــــــــــــــــك الصحة على هذ البوقالات الهايلة
     
    مشاغب معجب بهذا.
  4. حنين الامل

    حنين الامل :: عضو مُشارك ::

    تاريخ التسجيل:
    ‏3 سبتمبر 2008
    المشاركات:
    122
    الإعجابات المتلقاة:
    3
    نقاط الجوائز:
    0
    مشكورة يا الغالية

    بوقالات هايلة

    رمضان مبارك :thumbup1:
     
    مشاغب معجب بهذا.
  5. شهد الجزائر

    شهد الجزائر :: عضو مُتميز ::

    تاريخ التسجيل:
    ‏28 فيفري 2008
    المشاركات:
    1,359
    الإعجابات المتلقاة:
    16
    نقاط الجوائز:
    0
    السلام عليكم ورمضان مبارك للجميع
    يعطيكم الف عافية عالبوقالات الحلوة بتجنن
    وانا بدوري راح اهديكم بوقالة جزائرية ان شاء الله تعجبكن
    " عييت من الوقوف وعييت مانشوف وعييت من المسيد واقفة
    قدام بابو ادا انت قريت انا هجيت والحرف لي انت نسيتو نجاوبك عليه
    راني نستنى في القلوب القاسحة وقتاش يرطابو"
     
    مشاغب معجب بهذا.
  6. Rohana

    Rohana :: عضو مُتميز ::

    تاريخ التسجيل:
    ‏26 ديسمبر 2007
    المشاركات:
    1,322
    الإعجابات المتلقاة:
    9
    نقاط الجوائز:
    0
    شكرا على مروركم شرفتوا
    صح رمضانكم
     
    مشاغب معجب بهذا.
  7. المتفائلة خيرا

    المتفائلة خيرا :: عضو بارز ::

    تاريخ التسجيل:
    ‏30 ماي 2008
    المشاركات:
    5,837
    الإعجابات المتلقاة:
    6
    نقاط الجوائز:
    0
    بوقالات جميلة جدا
    مشكورة يالغالية
     
    مشاغب معجب بهذا.
  8. نجم البحر

    نجم البحر :: عضو مُتميز ::

    تاريخ التسجيل:
    ‏6 جوان 2008
    المشاركات:
    864
    الإعجابات المتلقاة:
    1
    نقاط الجوائز:
    0
    13 غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .
    هادي لي جاتني عبالك ديما نخير 13
    ومفهومة
     
    مشاغب معجب بهذا.
  9. Rohana

    Rohana :: عضو مُتميز ::

    تاريخ التسجيل:
    ‏26 ديسمبر 2007
    المشاركات:
    1,322
    الإعجابات المتلقاة:
    9
    نقاط الجوائز:
    0
    سور تخايري 13 او كاين رقم خير منو
    المهم كي فهمتيها
     
    مشاغب معجب بهذا.
حالة الموضوع:
مغلق عن إضافة مشاركات جديدة.