السلام عليكم كيراكم لاباس واش لحوال انشاء الله بخير
المهم علبالي تستغربو من العنوان مي والله هادي الحقيقة صحا انا نسقسيكم:
ياترى تمنيت تحكي مع ارهابي يالوكان من بعيد؟؟؟؟؟؟؟؟؟؟؟؟؟؟؟؟؟؟
انا تمنيت وما زالني نتمنى قولولي علاش بويسك :
الظلم والقتل والكفر وووووووووووووووو كثرو وطغاو بزاف وشكون اللي يدير هاذ الشيء ارهاب
وكل هاد الامنية من يوم وانا نبحث في قوقل لقيت موضوع في الجزيرة والله ماني متفكرا ايكزاكت مي لقيت مناقشة حادة بين متشددين وجزائرين بالضبط وهاذ المتشددين ماشي من الجزائر برك وكانو يتناقشو على التفجيرات اللي صرات فباتنة واللي كان هدفها رئيسنا لعزيز بوتفليقة
المهم اشتدت المناقشة بينهم وانا حبيت نشوف لعقلية انتاعهم كيفاه دايرة قالو لجزائرين الشعب ما عندو مادخلو فالسياسة واللي قتلوهم اطفال ونساء بعيدين تماما عن السياسة
واش قالولهم؟ قالولهم لالا الشعب اذا حب بوتفليقة مام هو طاغي وعاصي وحتى يالطيف كافر المهم والله هدرة تنيرvي انتاع الصح
وتعرفو والله ديك الدقيقة تمنيت نهدر ولا نتناقش مع واحد فيهم
صحا اذا كفر واحد هوما واش دخلهم اذا كان رب الكون يسامح ويغفر وكل شيء هم اعلاش مايحاسبوش نفسهم قبل ديجا ما نخبيش والله كثروا منهم لله حسبي الله ونعم الوكيل
انا نطلب من جميع الاعضاء يشاركوني احساسي ويقلولي اذا تحققت هذه الامنية واش تقولهم؟
لواش تدعيهم؟
شاركوني راي لانه والله ردودكم تفرحني وبزاف
ونقولكم كلمة الله يحمي بلادنا وكل الامة العربية والاسلامية ويخلينا احبابنا
اختكم sama-h
