هاااااااااا طيط يعود من جديد ...سبحان الله
اهيه راني جيت مي المرة هدي خفيف ظريف الله غالب لازم نسبق الوقت
هههه
اهيه قتلكم دي فوا نسألو وحد الاسئلة تعيي صح معارف تجي وحدها ولا نجيبوها
المهم اصبرو برك درك نعطيكم مثال ولا زوج
مي قبل مانلقكم هد الامثلة قوليلي قبل راكم بخير؟
:shiny:
دي فوا تكون راقد على السرير و مغمض عينيك ويجي واحد يقلك
راح ترقد؟؟
لالا راح نسيي نموت بلا والو؟؟
****
و ساعات يصوني التلفون الفيكسي نتاع الدار و كي تهز وتبدى تحكي
يقلك وين راك؟؟
تقول في بالو راني ندور برا و مركب خيط طويل كي مايكل جوردان؟
****
تكون واقف في لاسونسير في رودشوسي-الطابق الارضي-
و يجي واحد يقلك طالع الفوق؟
ومالا نستنى في الشمبرة تهبط ليا؟؟
****
تكون في الحمام احم احم و يجي واحد يخبط
واش راك دير؟؟
او تقول كي تحل لباب تلقى صطاد في رايو راك تلعب ماتش هههه
****
يا سيدي تدير اكسيدون و تفسد الطوموبيل و كي يشوفها واحد
يقلك واش اكسيدون؟؟
لالا مش اكسيدون هدا ستيل جديد نتاع الطوموبيلات
ههه
هيا تبقاو على خير كاش نهار رانا نتلاقاو
