عضوة في ضيافة ركن العناية بالجسم (العدد الثاني: مع العضوة: امونة الشاوية)

اهلا وسهلا بالجميع ان شاء الله نستفادو من بعضانا انا بشرتي دهنية نحب نستعمل غسول الوجه كليراند كلين هايل لاكن مانستعملوش كل يوم يوم نستعملو اي نغسل بيه ويوم ندير ماسك الخميرة والحليب
ماحبوش الصور يتحملولي من النت ظفت الصورة هاذي تاعي حتى نلقا صورة لعبوة الغسول

السلم البنات غدوة ان اء الله نصورك ونفيدكم ونجاوبكم ان شاء الله نفيدكم

قال رنيم الصمت:

اهلا و سهلا بيك امونة
سؤالي عن طريقة اهتمامك بالمناطق الحساسة من حيث النظافة و الرائحه .... الخ​

إضغط للتوسيع...

السلام حبيبتي شكرا على السوال والاهتمام بالموضوع
اول حاجة واش نقولك يظهرلي عندي 40 ملابس داخلية وكل وحدة وتاع وقتها تاع الليل ههه بلا تاع ....... وحدهم *** نقصد تاع الرقاد نلبس المقطنين الواسعين باش نكون مرتاحة ونبدل قبل ما نرقد بعد حتى لو كانت نظيفة نقول نرقد بوحدة شايحة
وتاع العادة الشهرية نلبس اللي فيهم لاستك ويلمو مليح والالوان الغامقة للاحتياط
وتاع الايام العادية منوعين ونبدل كل وقت من 3 الى 4 مرات في النهار ولما ندخل الى الحمام واستنجا امشح بالمناديل الورقية مانديرش منشفة لانك لازم تغسلي كل وقت وتشيحي في الشمس واذا ما اهتمتيش بالنظافة تاع المنشفة تولي مجمع البيكتيريا
في الغسيل نستعمل سافورال 3 مرات في الاسبوع فقط لانو لما نكثرو من الغسيل تشيح المنطقة وتقتل حتى البيكتيريا النافعة

في العادة الشهرية استعمل الويز هايلين بارفيمي وفراش
وندير الريحة في ملابسي مانديرش في لحمي
الحق الحق لي لانجات انتيم عمري استعمتلتهم نخاف نقول برودوي شيميك يكون حتى غالي
الحلاقة نطبق السنة الحلق فرات نقص بالمقص ومن بعد الموس الغالي ب 10.000 ما يدير حب ما يكثر خاصة لما تنقصي بالمقص
هه هاذي هي طريقتي عمري عمري راني متزوجة وولدت 2 مرات عمري دارتلي انفكسيون وحتى في الحمام لما اغسل بالصابون تاع الطرف البلدي
هكا طريقتي ما نستعمل حتى برودوي نخاف من احكة ولانفيكسيون
ااااا نسيت نقولك بين فخاضي ندير بودرة انشونتار ريحتها هايلة


موس الحلاقة المليح

قال la_safa:

السلآم عليكم و رحمة الله و بركآته /

مرحبآ بيكـ أختنآ - أمُّونَة الشَّآوِيَّة - و أسئلتي ليكـ :

آسكو عندك مشآكل في البشرة تآعكـ كالحبوب مثلآ !
و كيمآ توآجهكـ أي مشكلة كيفآه تتعآملي معآهآ ، تزوري طبيب ولآ !
أنت من النسآء لي يديرو المآكيآج بشكل دآئم و كيفآه يكون !
و في الأعرآس وش تحبي تديري كوم مآكيآج !

​

إضغط للتوسيع...

السلام صفاء ربي يخليك حبيبتي على المشاركة في الموضوع تاعي
الحمد لله الحمد شفتي بنتي اللي الصورة لابو تاعها نفس لابو تاعي ماعندي حتى مشكل لا شعر ولا حب من شهر لشهر في وقت العادة يظهررو حبات ومن بعد يختفيو
وانا نغسل بكلين اند كلير وندير تاني ماسك الخميرة مع الحليب دافيء وندير الرغوة اللي تطلع منها
لان بشرتي دهنية شوي لكي لا تبقى الزيوت مترسبة وندير سوان دو فيزاج كل شهر لما قريت في الحلاقة تعلمتو الطريقة
المكياج حنونة مانديرش كل يوم ما نحبوش بزاف وراجلي تاني ما يحبوش ولما نخرج ما يصلحش لاني لابسة الحجاب النصف دائري لاكن نحب نشري المهم يكون عندي ولما نروح للحفافة ندي تاعي باش ما نخلطش هاذو بعض من حوايجي شاركنا في منتدى اخر بكسميتيك العضوات




هههه ما تحيروش في الماجيك راهو يطلع وردي ونثبت بيه اللون وحتى لما يتنحا البريون دو لفر يبقى وردي هايل ومخلط بالبريون جربوه تشوفو هايل نصيحة الشيخة تاع الحلاقة


المكياج في العراس نستعمل القاوي خلاص هه نعوض اللي ما درتش في الايام اللي فاتو
حبيبتي هاذي تجربتي البسيطة ان شاء تستفدي

قال Lovely ღ smile:

السلام عليكم امونة

امونة واش هي نوعية شعرك ؟ واش هي المستحضرات الي تستعمليهم للحفاظ عليه ؟

اكتبيلنا وصفة استعملتيها لوجهك و نفعاتك !

واش هو الصابون الي استخدمتيه و جا على نوعية بشرتك " افادك " §§

هادو هوما الأسئلة الي في راسي ضوكا ان شاء الله لا تفكرت وحدين اخرين نرجعلك ^^

سلام
​

إضغط للتوسيع...

السلام حنونة شعري شتان كلار رطب شعرتو وي خشينة انا حقا من العرس تاعي الحق نصحتني جارتنا قاتلي ديري المرة هاذي الكلار سيسون وما تزيديش با ش ما يفسدش شعرك ويولي يديرلك الشيب ويكحال شعرك انا اخذت بالنصيحة درت في عرسي من 8 سنين والصبيغة وليماش
وما زدتش عاودت ندير لي ماش على شعري يجيو هايلين خاصة ان شعري كلار واذا ما درتش عادي نجي نورمال ما تهبط صبيغة ما يديرلي الشيب وندير لشعري خاصة قناع صفار البيض وزيت الخروع والعسل باش تقوى الصفورة تاعو ويتغذى قبل الليماش وبعدهم
ولما ندير لي ماش نغسل بغليس يرتح الشعر ولما يرتاح نولي لدوف نموت عليه ويخرج على شعري

وقبل ما نستحم بنهار نعمرو سيروم ما نديرش بعد الدوش لانو شعري يزيت دقيقة
وهاذاك اللي القرعة البيترول جابو اخي من حاسي لاكن خفت منو مازال ما درتش
الوصفة اللي استعملتها حقا حقا وتبان النتيجة من اول مرة هوما 2 في الحق هزيتهم من 2M MAROUK من 5 سنين هاليييييييييييييييييييين حقا
الاولى العسل الحر والحليب والليمون والفرينة تديري عجينة خفيفة وتدهني بيها وجهك ورقبتك
والثانية شوي حليب وبنان تكرازيهم مع بعض وتطلي هايل تاني
وايضا هاذو مدتهم الاستاذة تاع الحلاقة بياض البيض والقارص يشبح الوجه
واش هو الصابون الي استخدمتيه و جا على نوعية بشرتك " افادك " §§
انا نستعمل غسول كلين اند كلير فقط واذا لا يوجد الماء فقط ما نحبش نكثر بزاف لي برودوي الطبيعي احسن
تجربيت البسيطة اتمنى نكون افدتك
وعصير الطماطم والليمون ينحي الدهون ويغلق المسامات

قال titissa dj-tissou:

السلام عليكم

اهلا بيك حبيبتي اموونة..

حبيت نسقسيك على ضفارك كي يتكسروا واش اديريلهم ؟؟
​

إضغط للتوسيع...

السلام حبيبتي انا نحب الفارني ونموت عليه وخاصة لما خرج تاع الرسم على الاظافر واش نقولك ندهش فيه لاكن مانديرش على الصلاة تبقاي تديري وتنحي بالديسالفون يفسدو الاظافر ويصفارو
لاكن لجمال اظافري ندفي شوي زيت الزيتون ونحطهم شوي فيه ومن بعد كي تنحي وهوما مزيتين بعد حكي بانصاص الليمون فالليمون مضاد للبيكتيريا وزيت الزيتون مغذي
وفي الليل لما تدهني يديك حاولي تحكي كل ظفر على حدي وانا لما نستعمل مواد التنظيف نستعمل القفازات
انا ما نربيش اظافري لاكن نحبهم يكونو نظرين ومعدولين
ااااااا الخضار والفواكه ملاح للشعر والاظافر ااا وتاني اذا اظافرك لونهم وردي زاهي راهم في صحة مليحة
اتمنى نكون افدتك حنونة من تجربتي البسيطة

قال lola mahboula:

السلام عليكم اختي

حبيت نسقسيك على

كيفاش تحافظي على االنعومة تع جسمك!! سلااام ​

إضغط للتوسيع...

سلام لولة وعلاه كتبتي المهبولة بعد ههه
شوفي حبيبتي بما اني عندي الدار والاولاد نبروفيتي في يوم الاستحمام تاع المعركة يعني حكان كبير
ماشي تاع دوش خفيف
في الصاح لما نوض ندهن روحي بالبزاف بفازلين ونخلي روحي نترنخ يعني ههه خاصة في الاماكن الخشنة الكوعين والركبة والاكعب
http://dc05.**********/i/01593/tlka63z06b8u.jpgوالايام ها
ذي خلصتلي هاذي راني نستعمل في الفازلين العادية
ثم ندوش اااااا راكي تعرفي المعركة ومن بعد لما نكمل ندهن جسمي بزيت جونسون للاطفال ونلبس ملابسي عادي ولما نشيح مليح نستعمل كريم انشانتار منها للريحة ومنها للترطيب
انا شخصيا نستعملو للرجلين كامل وللظهر
وللصدر اما لليدين عندي حليب للترطيب نديرو في الليل احيانا ماش ديما بصح في ندهن يديا بكريمات اليدين كل مرة نوع الي لقيت
وندير لرجليا الفازلين والبلاستيك والجوارب ليلة على ليلة وننسا يديا لاكن رجليا لا لاني نموت اذا كانو رجليا مشققين وتاني شواربي كل ليلة ندير حاطاتو قدامي في الفراش
ةوالترطيب ندير قبل الدوش اكبير فقط لان الوقت لا يسمح واذا زدت فرطت قبل الدوش تروح النفحة وهاذو بعض مرطباتي

امولتي وناس الشاوية
انا بغيت نسقسيك على فينوس للحلاقة
اللي حطيتيها شحال من مرة تقدري تستعمليها؟؟

انا حقيقة نستعملها حتى ل 6 مرات لاني مانيش مشعرة بزاف
لاكن للنصيحة اللي مشعرة بزاف واللي تستعملها كثيرا ما تفوت ل4 مرات الوقاية خير من العلاج
مشكورة حبيبتي

البنات نصيحة لكي تكون الاظافر تاع الرجلين لماعة حكوها دائما بانصاص الليمون ولما تكوني في المنزل ديري الفارني في اظافر الرجلين باي زيت عندك لوز خروع جونسون فازلين حتى تتغذى الاظافروكل ما يمسح تعاودي خاصة اذا كان في بالك تلبسي احذية عارية من الامام وطبعا الاطل المفيد يخلي الاظافر براقة وجميلة

سلام اختي
واش هما حوايج لازم ديهم معها لعروسة من مكياج وغسولوا نتع فم فهمني ارجوكي