شكــــــــارة النــــــوم .. على قداه تنوضو؟؟؟
السلام عليكم ورحمة الله
هذا أول موضوع ليا في اللمة وفي منتدى وش راك تهدر
حبيت نهدر على وحد الحاجة مانعرف إذا نسموها طبيعة ولا عادة
وهي كثــــرة النـــــــــوم
كاين وحد الناس يرقدو بزاااف ويموتو على حاجة اِسمها نـــــــــــــوم
أنا نحير منين يجيهم هاذ النوم كاااامل
كيفاه يقدرو يرقدو كل هاذ الوقت
Bon
نبدا نعطيكم أمثلة:
- بنت خالتي نسموها شكارة النـــــــوم تيلمو ترقد بزاف، وين تجيها النعسة ترقد وتحت أي ظرف
مرة كانت تغسل في لماعن وما فقنا غير الطفلة راقدة وهي واقفة
مرة أخرى تقابضو خاوتها في الدار، لاgـــار ناضت والدار تقلبت على راسها
وهي راقدة ولا خبر
- أختي عندها أولادها لحد الآن ما شفتش لي يرقد قدهم، بناتها ينوضو على 11.30 تع الصباح وعلى 1 يرجعو يرقدو -زعما يديرو la sieste
http://thm-a02.********/nimage/6f50fdaf395ccb46-
ولدها ما نحكيش عليه، هذاك نسميه: اللي عايش في غدوة لأنو ينوض غدوة
.
- جارتنا عندها ثلاث بنات الله يبارك كامل نوامات، هاذو ينوضو على 11 ولا 12 وهي مسكينة دير شغل الدار كلو وحدها، والهوانم راقدين
أنا هاذي لي تحبسلي راسي، ما يعطينيش قلبي نرقد وماما تخدم كلش وحدها
علاه جابتني مالا؟ جابتني باه نخدمها ولا باه تزيد تخدمني؟
المعلوم أنو من السنة الواحد ينوض بكري ويسعى ويطلب الرزق، قال -صلى الله عليه وسلم-: (اللهم بارك لأمتي في بكورها).
ولو نرجعو للوراء شوي نلقاو الناس كانت تنوض بكري ويخدمو وكانت صحتهم الله يبارك، وكيما يقولو خاوتنا المشارقة: "نام بكير واصحى بكير وشوف الصحة كيف بتصير".
وكيما يقول الشاعر:
أَلا إنّ نَوْماتِ الضحى تُوِرثُ الفَتَى *** خَبالاً ونوماتُ العُصير جنون
ذرك نلقاو الشباب يضربوها بنـــومـــة للـ11 ولا 12 وزيد تكسيلة تع نص ساعة وزيدها نص أخرى حتى يعدل روحو ويخرج من الدار ويقولك الرزق ماكانش وما لقيناش الخدمـــة.
يا سيدي نوض بكري وروح اسعى ذرك يوفقك ربي.
علابالي كثرت عليكم بالهدرة وكسرتلكم ريسانكم، قوليلنا ذرك، هل انتم من الناس لي يرقدو بزاف؟؟
وش رايكم النوم عادة ولا طبيعة ولا ولف ولا واش بالضبط؟
والله أنا وحدة من الناس ما نقدرش نديباسي الـ9 تع الصباح لو كان نسهر للـ5، نقولهم في الدار إذا فاتت الـ10 وما نضتش أرواحي حركوني لعل مُـتْ
:s
هيا أبقاو على خير
هذا أول موضوع ليا في اللمة وفي منتدى وش راك تهدر
حبيت نهدر على وحد الحاجة مانعرف إذا نسموها طبيعة ولا عادة
وهي كثــــرة النـــــــــوم
كاين وحد الناس يرقدو بزاااف ويموتو على حاجة اِسمها نـــــــــــــوم
أنا نحير منين يجيهم هاذ النوم كاااامل
Bon
نبدا نعطيكم أمثلة:
- بنت خالتي نسموها شكارة النـــــــوم تيلمو ترقد بزاف، وين تجيها النعسة ترقد وتحت أي ظرف
مرة كانت تغسل في لماعن وما فقنا غير الطفلة راقدة وهي واقفة
مرة أخرى تقابضو خاوتها في الدار، لاgـــار ناضت والدار تقلبت على راسها
- أختي عندها أولادها لحد الآن ما شفتش لي يرقد قدهم، بناتها ينوضو على 11.30 تع الصباح وعلى 1 يرجعو يرقدو -زعما يديرو la sieste
ولدها ما نحكيش عليه، هذاك نسميه: اللي عايش في غدوة لأنو ينوض غدوة
- جارتنا عندها ثلاث بنات الله يبارك كامل نوامات، هاذو ينوضو على 11 ولا 12 وهي مسكينة دير شغل الدار كلو وحدها، والهوانم راقدين
أنا هاذي لي تحبسلي راسي، ما يعطينيش قلبي نرقد وماما تخدم كلش وحدها
علاه جابتني مالا؟ جابتني باه نخدمها ولا باه تزيد تخدمني؟المعلوم أنو من السنة الواحد ينوض بكري ويسعى ويطلب الرزق، قال -صلى الله عليه وسلم-: (اللهم بارك لأمتي في بكورها).
ولو نرجعو للوراء شوي نلقاو الناس كانت تنوض بكري ويخدمو وكانت صحتهم الله يبارك، وكيما يقولو خاوتنا المشارقة: "نام بكير واصحى بكير وشوف الصحة كيف بتصير".
وكيما يقول الشاعر:
أَلا إنّ نَوْماتِ الضحى تُوِرثُ الفَتَى *** خَبالاً ونوماتُ العُصير جنون
ذرك نلقاو الشباب يضربوها بنـــومـــة للـ11 ولا 12 وزيد تكسيلة تع نص ساعة وزيدها نص أخرى حتى يعدل روحو ويخرج من الدار ويقولك الرزق ماكانش وما لقيناش الخدمـــة.
يا سيدي نوض بكري وروح اسعى ذرك يوفقك ربي.
علابالي كثرت عليكم بالهدرة وكسرتلكم ريسانكم، قوليلنا ذرك، هل انتم من الناس لي يرقدو بزاف؟؟
وش رايكم النوم عادة ولا طبيعة ولا ولف ولا واش بالضبط؟
والله أنا وحدة من الناس ما نقدرش نديباسي الـ9 تع الصباح لو كان نسهر للـ5، نقولهم في الدار إذا فاتت الـ10 وما نضتش أرواحي حركوني لعل مُـتْ
هيا أبقاو على خير
آخر تعديل:
![!≈[سُِـِيٌــِـِفّ اٌڷِخً‘يٌـرُ]≈!](/forum/data/avatars/m/99/99162.jpg?1668076278){kind=avatar}
