شاشرة شيرات أرواحو نلعبو لعبة تاع دويرة بالحميرة

[Houda Chaouienne DZ]

bounayaty ....bounayatry ...
Na3am yama .....na3am yama
hagawizki......hagawizki
liman yama ....liman yama....
Libachbouchi libachbouchi ....
Mahibouchi ....mahibouchi .....hhhhhhhhh
w mazalat lhouma ga3 tak3ad tastghal fina

​

هههههههههههههههه
و الله يا هاذي فكرتيني فيها
ههههههه .. فوووور
​

 

[شوشونة]

والله تحيا يامات الصغر و الالعاب ودروك مابقى والو انا كنت تعجبني لعبت سي صلا لمونا ههههههه

 

[secret de coeur]

وعليكم السلآم
... موضوع فوووور فكرني بيآمآت كون نحس نعود نشريهم بالدرآهم
ونولي صغيرة نلعب دويرة بالحميرة هههه
ذكريآت ماتتنسآش ... يعطيك الصح’ـة خويآ
​

 

[alisare]

hhhhhhhhhhhhhhhhhhh

 

[nawal 88]

ياحسراه على أيام زمان​

 

[مينة آلاء الْقُدُّوس]

هههههههههههههههه
و الله يا هاذي فكرتيني فيها
ههههههه .. فوووور
​

hhhhhh yamat mayatansawch

basah yabkaw dikra chaba

:re_gards:​

 

[malak fcb tlemcenia]

hhhhhhhhhhhhhhhhhhhhhhhhh
walah ki natfakar yamat zman noud nad7ak 3la rou7i
wache kont dayra
hhhhhhhhh
merci bcp
​

 

[missa_1]

هههههههههههههه
فكرتنا في يمات الصغر
دويرة بالحميرة ويديرو واحد فالوسط والله نسيتها مش متفكرتها مليح
ايه وثاني تاع زم زم زم والله كنا فور كي كنا الصغار
ضرك هاك كي نشوفهم يلعبو نبدا غير نضحك شي نهارات تسبقني الدمعة
مي مزلت نلعب شي العاب هك كيما الغميضة
مشكور خيو موضوع فور
​

 

[narjes81]

اووو يا خويا وين رديتنا شحال من عام للوراء يامات ابدا لا تنتسى
نتفكر روحي كنت زعيمة العصابة كنت عاد ما دخلتش نقرا لاسيتي قاع يخافو مني لي نقولهالهم يديروها يموتو مني تزوجو ودارو ولاد وكي يشوفوني ديما يتفكر كي كنت

اه على الصغر والبراءة

شكرا اخي لك مني احسن تقييم +

 

[nina bonoise]

تاع الدويرة الحمراء منعرفهاش ههههه
بصح فكرتيني في لغناية تاع مي مي مي سي سي سي ههههههههه

 

[soussou.31]

هههههههههههههههههههههه

بصح بصح يامات شابين

 

[وفاء22]

اه خيي ربي يرحم هديك ليام
شكرا لك الغميضة و الحويقة و الباشين .................
و متنساش الميكي نتاع مروكو​

 

[Jagwar]

السلام عليكم


هآلووو خويا البوغرامور ، راك جبتلنا بروغرام New فى واش راك تهدر :shiny:

و الله يا خويا راك فكرتنا بالوجى المليح فى أروع مرحلة سنية فى عمرنا
يا ليت الصغر يعود يوم
و لا خليها
يا ليت الشغب يعود يوما :shiny:

ياو رانى نسمع فى الحكايات تاعكم و حاير فى روحى علاش ما فوتش صغر كيما تاعكم غناء و لعب :scared:

الصغر تاعى الناس تنبؤو ليا بنهاية سوداء و مصرعى قبل بلوغ سن المراهقة :shiny:
تالمون ماشاكلى بزاف

كنا نكسرو البيض على الطوموبيلات و الحكومة تجرى مورانا :scared:
كنا نخدمو الرونمون هاذيك و نديرو بيها كوارث و مجازفات خليها على ربى
كنا فى العطلة ندخلو للمدارس نكسرو الطوابل و الكراسى
كنت كل يوم ناخد طريحة صباح و عشية
و كنت رونكيلى فى الكرطيات لى مجاورينا كل
كنا نلعبو البالو توجور 5 جرحى من الفريق المنافس و 5 من الفريق تاعنا :shiny:


يعنى الصغر تاعى الله لا يشوف فيه بنى آدم صغير :shiny:

اييييه يامات ، لوكان شفتونى بكرى و تشوفونى درك تقولو أمبوسيبل هذا هو أسامة زمان فى الصغر i-o:


صحيت شريكى فكرتنا بسوجى مليح يفكرك ربى فى الشهادة

آيا نشوفك على خير

سلام


​

 

[هديل الربيع]

ايييييييييييييييييييييييييييييه يا حصرا على الصغر نتمنى نرجع لهدوك ليام لعزاز كنت نحب نلعب الغمايضة و اللعبة تاع الكادو ههههههههههههههه نجيبوا شكارة تاع حليب فارغة و نعمروها بالكواغط تاع الجرنان و نديرو de groupes و زوج من الgروب الللول يرميو علينا منين يقيسونا و نخسروا يدخل الغروب التاني و تتعاود اللعبة عليهم هههههههههههه و الله فور و كنت في الصيف تحلالي اللعب في الليل و يعود papa يعيط عليلا هاملة على ديما ههههههههههههه سبحان الله و ضؤك نكره الخروج برا بزاف ههههههه ايه يا الصغر حقا فكرتني كي قلت العشرية السوداء انا هداك الوقت كنت صغيرة و كي نسمع صوت الرصاص في اللي تبانلي لعبة و يعجبني الحال ههههههههههه يا خااااااااااااا عليا كي نتفكر نموت بالضحك ​

 

[manel@]

:lol:ههههههههههههههههههههههههههههههههه
فكرتني بأيام زمان

 

[manel@]

كنت شادتها غير لعب بلعب
مانيش عارفة اذا كنت متشردة ولا لالا
كنت نخرج من الدار على الثمنية ولا التسعة ونرجع على الوحدة نفطر ومبعد نخرج حتى لثمنية نتاع الليل وانا نلعب
كنت كيما الصوفة الطايرة بصح كنت نزغد بزاف ويما كانت غير بالبليغة والتيو
:shiny:هههههههههههههههههههههه يعطيك الصحة خويا على الموضوع
فكرتنا بالأيام الحلوة نتاع زمان

 

[zagane]

السلام عليكم
هذيك اللعبة نديرو سلسلة واحد من ورا واحد و نقولو

طيط طيط مشينة جات العودة تدينا هههههههههههههه

 

[Mr mino]

هذو العاب بكري الزينين نورمالمو يديروهم في

ps3

يعطيك الصحة خيوووو


​

 

[تاج الجزائر]

ياااااااااااا واه فكرتني بصغري
تعرف انت باينة من الغرب هادو gاع كنا نلعبوهم
تعرف وحد اللعبة ثاني كنا نلعبوها شاشرة شيرات كرة القدم فريق شاشرة وفريق شيرات
وحد الخطرة كانت البالون عندي جا واحد شير قالي حطيها ولا نضربك كانو يحقرونا شاشرة في المقابلة ويقولك حنا اربحنا :schmoll:
وكاينة وحد اللعبة نتاع الباشين نتاع ليموناد:shiny:
فريق شيرات وفريق شاشرة
ايا فريق شيرات يستفو 7باشين ويضربوها بالبالون ويشردو ايا شاشرة تولي عندهم البالون ويبقو يصيدو في الشيرات باه ما يوصلوش للباشين ويستفوهم
لانه اذا ستفوهم يخسرو الشاشرة i-o:
مين نتفكر العاب نزيد نقولكم
والله مكان كي الواحد مين يكون صغير :sadwalk:

صحيت خويا ربي يحفظك

 

[zagane]

ياااااااااااا واه فكرتني بصغري
تعرف انت باينة من الغرب هادو gاع كنا نلعبوهم
تعرف وحد اللعبة ثاني كنا نلعبوها شاشرة شيرات كرة القدم فريق شاشرة وفريق شيرات
وحد الخطرة كانت البالون عندي جا واحد شير قالي حطيها ولا نضربك كانو يحقرونا شاشرة في المقابلة ويقولك حنا اربحنا :schmoll:
وكاينة وحد اللعبة نتاع الباشين نتاع ليموناد:shiny:
فريق شيرات وفريق شاشرة
ايا فريق شيرات يستفو 7باشين ويضربوها بالبالون ويشردو ايا شاشرة تولي عندهم البالون ويبقو يصيدو في الشيرات باه ما يوصلوش للباشين ويستفوهم
لانه اذا ستفوهم يخسرو الشاشرة i-o:
مين نتفكر العاب نزيد نقولكم
والله مكان كي الواحد مين يكون صغير :sadwalk:

صحيت خويا ربي يحفظك

سلام عليكم
شحال لعبتها في الصغر للباشين