قالوا ناس زمان ..

[ذات الشيم]

وقالوا..

فْلَانْ فْلَانْ؛ مَكْسِي وَلَّا عَرْيَانْ.

هذا ايضا مكرر ..

 

[ذات الشيم]

وقالوا ..
سروالو حلفا .. ويتخطّا فالنّار ​

 

[ذات الشيم]

وقالوا ..
كي تحزّمت وجات.. لقات العرس فات ​

 

[ذات الشيم]

وقالوا ...
المرأة بلا خصلة.. كي القدرة بلا بصلة ​

 

[ذات الشيم]

وقالوا...
لي معندوش الزّهر .. فالكبدة يلقى العظم ​

 

[ذات الشيم]

وقالوا ..
وش خصّك يا العريان.. قالهم خصّني السّبتة ​

 

[ذات الشيم]

وقالوا ..
الي ماتعرفش تشعل الكانون وتغسل الدوارة
ماخذتها في وليد الناس خسارة​

 

[ذات الشيم]

وقالوا ...
ضربة بدمها ولا كلمة بسمها​

 

[ذات الشيم]

وقالوا ..
السترة يا مبهاها
ومايطيح ذبان في برمة بغطاها​

 

[ذات الشيم]

وقالوا ..
هاتولي فاهم والله لا قرا​

 

[ذات الشيم]

و قالوا تاني ...
الغدار غدار يالوكان بالعسل عاجنينو
والحر يبقى حر يا لوكان بالمر خابزينو​

 

[ذات الشيم]

وقالوا ..
الرجلة عندها ميزان
ومعدن بنادم مع الوقت يبان​

 

[ذات الشيم]

وقالوا ...
إذا شفت العيب في خوك
جيب لبرة ورقع
ماشي تجيب الموس وتقطع​

 

[أمير جزائري حر]

ستكون لي عودة و تعليقات على أمثالك الأخيرة المتشابهة/ المختلفة عمّا عندي...

../

 

[أمير جزائري حر]

وقالوا ..
سروالو حلفا .. ويتخطّا فالنّار ​

يقولون أيضا..

كعالتو حلفا ويتخطّى النّار..

 

[أمير جزائري حر]

وقالوا ..
كي تحزّمت وجات.. لقات العرس فات ​

عندي يشبهه يقول..

كِي تْحَزّْمَتْ العَمْشَى ؛ لْقَاتْ النْهَارْ مْشَى.

 

[أمير جزائري حر]

وقالوا ..
وش خصّك يا العريان.. قالهم خصّني السّبتة ​

عندي بصيغة..
قَاُّلو : وَاشْ خَصَّكْ يَا العَرْيَانْ؟ قَالْ: المَحَّزْمَة .. !
أو لصيغة..
قَالُّو: شَا خَصَّكْ يَا العَرْيَانْ؟ قَالْ: خَصّْنِي الخَاتَمْ يَا مُولَايْ .. !
.

 

[أمير جزائري حر]

وقالوا ..
الي ماتعرفش تشعل الكانون وتغسل الدوارة
ماخذتها في وليد الناس خسارة​

وهذا عندي هكذا..
اللِّي مَا تَعْرَفْشْ تَغْسَلْ الدُّوَّارَة ؛ مَاخْذَتْهَا في وَلْدْ النّاسْ خْسَارَة ، واللِّي ما يَعْرَفْشْ الذْبِيحَة والسْلِيخَة ؛ مَاخْذَاتُو في بَنْتْ النّاس فْضِيحَة .. !
.

 

[ذات الشيم]

شُكرًا على الإضافات
بارك الله فيك
​

ستكون لي عودة و تعليقات على أمثالك الأخيرة المتشابهة/ المختلفة عمّا عندي...​

../

 

[ذات الشيم]

وقالوا ..
دير كيما دار جارك.. ولا بدّل باب دارك ​