الطفلة في 19 مراة ... و الطفل في 19 مهوش راجل

[Moha le sage]

هذا مهوش عنوان مضخم .. لموضوع فارغ ..و لكن لقضية هي الاخيرة قبل ما نترك المنتدى.... ذرك نطرحها عليكم


تخيلوا معايا هاذ الطرح وبدلو الاسامي في راسكم إذا حبيتو:

سليم 19 سنة مع سعاد 19 سنة

وين تقولوا تروح قصة حبهم ؟؟

أنا نقولكم : ما تديش لحتى طريق ..ونهايتها محذوفة ..كيما يقولوا بالإنجليزية No way

و بالفرنسية ... nullpart

لانو ببساطة الطفلة في هاذ السن واجدة للزواج و الطفل مازالو على الاقل 6 سنوات

باه يلحق عمر 25 و اذا علمنا ان معدل الزواج عند الذكور هو 30 سنة فما فوق ( هاذو احصائيات فعلية ومش من نسج خيالي ) فان سليم في المثال هذا مازال باقيلو 11 سنة باه يتزوج

وهل سعاد في هاذ المثال راح تصبر 11 سنة ؟؟؟؟؟

معناه ان سليم محكوم عليه يحب عل الاقل 2 فتيات في هاذ الفترة او اكثر وكي يبلغ 30 سنة فما فوق و يقرر يتزوج راح يخمم يدي واحدة في عمرها 19 او 20

اما سعاد فمحكوم عليها اما تحب سليم و كي يجي خطاب اخر تتزوج .. علما انها تقدر تتزوج بسهولة اذا حبت في 19 او 20 او21 ...30 ..
من هاذ المنطلق تصبح تخمم دائما تدي واحد اكبر منها ب 6 او 8 سنوات لانو جاهز...وراشد
وتصبح الحب تاع 19-19 او 20-20 مستحيل..

لانو في هاذ المرحلة الطفلة تخمم في الدار الي تسترها , الاولاد .. فكرة الامومة...و الطفل يخمم في حبيبة القلب , الانيس , وحدة يتباها بها امام صحابو

في الاخير راح يولي مختلف اعمار الزوجين هو: ( امين 36 سنة + فريدة 22 سنة ) , (عمار 40 سنة + حليمة 26 سنة ) , ( سناء 19 سنة + محمد 28 سنة ) ........

راكم معارضين هاذ الطرح ...

توقفوا ...

شحال عمر ابوك .... سنة ؟ شحال عمر امك .... سنة ؟ كم الفرق ؟ اكبر من 5 سنوات ؟

شحال عمر خوك المتزوج ... سنة ؟ شحال عمر مرة خوك ..؟ كم الفرق ..؟ اكبر من 5 سنوات ؟

اذن الطرح تاعي صحيح ...محكوم على الطفلة انها تحب ماشي الطفل اللي يقرى معاها و لكن الاستاذ اللي يقري فيها او سائق ااحافلة ..او مول الحانوت ...او ..او ...اللي اعمارهم تفوق 30 سنة

ومحكوم عليه انو اذا احب .. راح يخسر .. و اذا لعب .. راح يربح

ببساطة الطفلة في 19 مراة يعني كيما يقولو قص زواج..و الطفل في 19ماهوش راجل يعني ماهوش واجد باه يدير دار..وما تفهمونيش غلط ياذكور

اخيرا ضف الى معلوماتك ان سن البلوغ عند المراة صغير لا يتزاوج 18 سنة

وعند الذكر اكثر من ذلك ... وزد على ذلك البلوغ العقلي عند المراة يكون في سن 20 بينما عند الرجل سن الرشد قد يبلغ 35 احيانا ...

نختم كلامي بسؤال مفتوح :

نزل الله عز وجل القران على رجال ..و ما نزلش على نساء لحكم و أسباب قد نعرف قليلها وما خفي أعظم ...علمها عند ربي , و نزل الوحي على رسولنا الكريم صلى الله عليه وسلم في سن 40 , فهل لو اراد الله عز وجل اصطفاء امراة كنبية .. لاختارها في نفس السن او اقل ؟؟ و الله اعلم ان كان يحق لي طرح هذا السؤال من باب الشرع..


لاحضو جيدا اني ربطت قصة الحب بالزواج .. ماشي بالخروج الى الحدائق العامة و حضور الحفلات و دخول مختلف البيتزيريات ...لانه انا اامن بالحب العفيف ... وكثير منكم مافهمنيش في موضوعيا السابقين وظن بي الغلط ....
وسلامتكم

نخليكم ونروح ... واللي مالف بالحفا ينسى صباطو

خوكم محمد

قبل ما تديرو ردود اقراو 2 رود تاوعي هاذو الي راهم في صفحات الموضوع .. وعلابالي بالي واحد ما راح يطل عليهم مالا راني ضفتهم للموضوع الاصلي

الرد 1




انتي لي ماكش فاهمة الموضوع :
قال صلى الله عليه وسلم: يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء..

يااختي الكريمة انتي تقولي اذاكان في سن العشرين وعندو الامكانيات علاه نا يتزوجش ..اناى نقلك ربي يباركلو من ذرك ... ولكن هل حالة الشخص هذا هي حالة نصف الذكور او الثلث .. او اقل من ذلك بكثير..

كاين 2 في المئة يتزوجو في عشرين .. غالبيتهم يتزوجو في 30 .. نتي من قسنطينة وانا من سطيف ..
تحب غدوة نجيبلك الاحصائيات تاع اللي زوجو العام اللي فات برك من البلديات .. شحال راح نلقاو واحد تزوج في عشرين ولا 23 ؟؟؟؟

علابالنا بالي الزواج المبكر ستر وعفاف و احفظ للفرج... والمشكل انه الزواج توخر وصار مور الثلاثين ولا مراكش عايش في دزاير؟؟

تلقا اللي في عمرو 16 وعقلية راجل .. وتلقى راجل في عقلية ذراري .. و تلقى طفل صغير مهوش يلعب .. و لكن يخمم و مديقوتي و هاذو من مظاهر العصر ...

راكي تقولي داخلها كتاب و سنة .. انا مانستشهدش بحاجة الا اذا كنت نعرف حكم الشرع و سبب نزول الاية او ذكر الحديث .. و نعرف الكتاب و السنةو الاجماع و الاجتهاد ...

و انا انسان جامعي و نمارس 3 لغات .. وندخل في تقريبا كامل المنتديات ...

و منيش من النوع الي ياخذ نص من منتدى اخر يدرلو copier و ينسبو ليه .. بلاما حتى يغير العنوان ..

موضوعي يا اختي الكريمة هو قصة الحب المستحيلة .. اذا كنت في سن العشرين

و هذا رايك ونحترمو انا ... والي نقدني معناها قيمني و قيم موضوعي

الرد 2

بعد بسم الله

اولا ما قلتش ان سن البلوغ عند الراجل 30 سنة هاذي ما يقبلها لا ربي لا العبد .. انا نوريك ولد جارنا في عمرو 15 نتي تقوليه راجل..

ثانيا مارانيش نحث في الناس باه يدو وحدة اقل منهم ... بل بالعكس راني نقول بسبب تردي حالة المجتمع .. يعني صعوبة المعيشة .. الواحد ما يقدرش يتزوج اذا كان في العشرين بوحدة خاصة اذا كان يحبها ...

ياو افهموني .. راني نحكي على الحب المستحيل .. الذي ما يقدرش يتوج بزواج لان الطفل مزال ماهوش واجد .. و ليس ماهوش ناضج...

نعرف شحال من واحد يحكيلي عاش قصة حب ... يقولولي قلتلها اتزوجي وديري حياتك

انا في هذا الموضوع .. كون فهمتيه مليح .. بجانب الفتى المخلوق الي يحب فتاة .. و يتمنى تكون شريكتو .. لكنو مش قادر شقاه ... و الطفلة التي باه ماتروحش ضحية قصص حب فارغة .. و باه ما تودرش شبابها .. صارت تفضل انها تحب و ترتبط بشخص اكثر منها ... وهاذا كامل من املاء المجتمع

مانيش نحكي على لي يقدرو يتزوجو في سن مبكرة .. هاذوك نسبة قليلة .. راني نحكي على معضم الشباب اللي يشوفو امام عينهم فتاة احلامهم .. ومايقدرو يديرو والو

كيما قال صاحبي اللي عاش قصة حب عندها 3 سنين : قلتلها روحي كشما يجيبلك ربي مكتوب .. و باه ما نظلمكش .. قالهالي و دمعو عينيه .. لاخاطر هو انسان زوالي .. ويحب الطفلة ذيك ..

انا كون جيت رايس تاع بلاد .. نزوج اغلب الشباب في 20 و نديرلهم منحة تاع 20مليون مثلا يعون روحو بيها باه يتزوج .. و نديرلهم باه يقدرو يشرو دار تسترهم بالتقسيط او اي نوع من الدعم ...

نشاء الله الاعضاء قبل ما يزيدو يردو عليا يقراو هاذ الرد تاعي

 

[أمــ وليــد الجزائرية]

موضوعك فور ومعلوماتك صحيحة راني معاك فلي قلتوا عندك الحق شكرا اخى على هاذ الطرح الجيد تقبل مروري​

 

[عمار صادق]

موضوعك روعععععععععععععععععة وعندك الحق في كامل واش قلت إلا تاع نزول القران
أحسن لك أن تتأكد قبل الافتراء والله أعلم
سلام

 

[Moha le sage]

ربي يحفظك ونتي وقيل اخر من نردلو... لاني رايح

مالا احكي عني للخرين .. قوليلهم .. راكم ظلمتوه

كنت قادر نسكت .. كيما راني من بكري ساكت .. ولكن هدرت

واذا كان الكلام من فضة ... ف السكوت من الالمااااااااااااااااااااااااااااااااااااااااااااااااااااااس

وداعا

 

[im£ne]

يعطيك الصحة عال الموضوع
الهاااااااااااااااااايل!!!!!!!!
لا تحرمنا من جديدك..​

 

[imaneBBA]

والله عندك الحق في كل كلمة قلتها :sad:
رانا نشوفو فيهم في30 سنة ومصاحبين بنات تاع سيام
وبنات الليسي يدنقوا للزملاء كي خاوتهم الصغار:blink:
ويحوسوا على الأساتذة .........والمراقبين:blushing:

 

[sara_k]

كلامك صحيح اخي لانه البنت انضج من الولد لي في نفس سنها مشكووور على الموضوع الرائع لا تحرمنا من افكارك الممتازة واسمحلي نقيم الموضوع على انه في القمة
​

 

[messikimo]

موضوع رائع لكن...............
ما عندكش الحق تهدر على نزول القرآن
يرجى منك تعديل الموضوع

 

[hichem.karate]

sujet fort belbezef allah yahafdek

 

[sleepingbeauty]

اتسائل ماهو الهدف من الموضوع
اذا كان الرجل صغير و واجد باه يتزوج و عندو الامكانيات واش هو المانع باه يتزوج صغير بالعكس
و انت دخلت القران و السنة و الاخوة راهم يشجعوا فيك و يقولولك موضوع في القمة ما علابالكومش بلي الرسول عليه الصلاة و السلام يحث الشباب على الزواج المبكر لانه ستر و عفاف
و ماكاين حتي مانع انو الشاب يدي اللي قدوو لا حتى اللي اكبر منو في العمر اذا حب ماراهيش عيب و لا حرام
ماجاتش في العمر تقدر تلقا واحد في عمرو 40 سنة و مازال عقلو صغير و العكس صحيح كاين اللي في عمرو 20 و عقلو الله يبارك

 

[Moha le sage]

اتسائل ماهو الهدف من الموضوع
اذا كان الرجل صغير و واجد باه يتزوج و عندو الامكانيات واش هو المانع باه يتزوج صغير بالعكس
و انت دخلت القران و السنة و الاخوة راهم يشجعوا فيك و يقولولك موضوع في القمة ما علابالكومش بلي الرسول عليه الصلاة و السلام يحث الشباب على الزواج المبكر لانه ستر و عفاف
و ماكاين حتي مانع انو الشاب يدي اللي قدوو لا حتى اللي اكبر منو في العمر اذا حب ماراهيش عيب و لا حرام
ماجاتش في العمر تقدر تلقا واحد في عمرو 40 سنة و مازال عقلو صغير و العكس صحيح كاين اللي في عمرو 20 و عقلو الله يبارك

انتي لي ماكش فاهمة الموضوع :
قال صلى الله عليه وسلم: يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء..

يااختي الكريمة انتي تقولي اذاكان في سن العشرين وعندو الامكانيات علاه نا يتزوجش ..اناى نقلك ربي يباركلو من ذرك ... ولكن هل حالة الشخص هذا هي حالة نصف الذكور او الثلث .. او اقل من ذلك بكثير..

كاين 2 في المئة يتزوجو في عشرين .. غالبيتهم يتزوجو في 30 .. نتي من قسنطينة وانا من سطيف ..
تحب غدوة نجيبلك الاحصائيات تاع اللي زوجو العام اللي فات برك من البلديات .. شحال راح نلقاو واحد تزوج في عشرين ولا 23 ؟؟؟؟

علابالنا بالي الزواج المبكر ستر وعفاف و احفظ للفرج... والمشكل انه الزواج توخر وصار مور الثلاثين ولا مراكش عايش في دزاير؟؟

تلقا اللي في عمرو 16 وعقلية راجل .. وتلقى راجل في عقلية ذراري .. و تلقى طفل صغير مهوش يلعب .. و لكن يخمم و مديقوتي و هاذو من مظاهر العصر ...

راكي تقولي داخلها كتاب و سنة .. انا مانستشهدش بحاجة الا اذا كنت نعرف حكم الشرع و سبب نزول الاية او ذكر الحديث .. و نعرف الكتاب و السنةو الاجماع و الاجتهاد ...

و انا انسان جامعي و نمارس 3 لغات .. وندخل في تقريبا كامل المنتديات ...

و منيش من النوع الي ياخذ نص من منتدى اخر يدرلو copier و ينسبو ليه .. بلاما حتى يغير العنوان ..

موضوعي يا اختي الكريمة هو قصة الحب المستحيلة .. اذا كنت في سن العشرين

و هذا رايك ونحترمو انا ... والي نقدني معناها قيمني و قيم موضوعي

 

[imaneBBA]

والله اعجبني هذا الرد اكثر من الموضوع
بارك الله فيك​

 

[Moha le sage]

والله اعجبني هذا الرد اكثر من الموضوع
بارك الله فيك​

بارك الله فيك انتي اختي ايمان .. و بارك الله في اي شخص شكرني

و نحترم اراء الناس كامل .. حتى و لوكانو ضد طروحاتي ..

 

[عاشق الوفاق 1]

عندك حق خويا وهدا يسبب مشاكل اجتماعية بزاف
شكرااا

 

[سوسو العاصمية]

والله يا اخي ماعرفتش واش نقول بصح ماقدرتش مانردش في نفس الوقت

شوف هي في الحقيقة هاد الضاهرة صحيحة في العصر الحالي الجزائري طبعاا
لكن .......

وزد على ذلك البلوغ العقلي عند المراة يكون في سن 20 بينما عند الرجل سن الرشد قد يبلغ 35 احيانا ...

هادي ماكاش منها قاع مع احترامي لك

و تاني كما قالت الاخت
ادا كان الشخص صغير فلعمر و قادر على شقاه يتزوج لي يحب سوا صغيرة عليه او العكس
و العقلية تاع واحد كبير يجيبها مولات 18 هدي عقلية تاع العجايز
مع احترامي للكل
و شكراا
​

 

[Moha le sage]

عندك حق خويا وهدا يسبب مشاكل اجتماعية بزاف
شكرااا

يعطيك الصحة خويا

قسنطيني و عاشق الوفاق .. اذا راك تحكي على الكحلة ..راك معروض في الكاس الثالثة انشاء الله

 

[nanin85]

اخيرا ضف الى معلوماتك ان سن البلوغ عند المراة صغير لا يتزاوج 18 سنة

وعند الذكر اكثر من ذلك ... وزد على ذلك البلوغ العقلي عند المراة يكون في سن 20 بينما عند الرجل سن الرشد قد يبلغ 35 احيانا ...


مشكور الأخ على هدي المعلومات ومادابيك تزيدهم لقاموس معلوماتك أنا عقلي ماتقبلهمش
وتقدر تقول أغلبية لكلام لي فالموضوع ماشي منطقي
هدا رايي برك ... شكرا ليك​

 

[ضحية صمت]

أِشكرك أخي على الموضوع .. فقد أشرت إلى نقطة مهمة ..بالنسبة لمن قالت أنه لو كان الإنسان جاهز عقليا و نفسيا و ماديا .. وقادرا على المسؤولية فلم لا ؟؟ له أن يتزوج ولو كان عمره 20 سنة .. هي محقة .. ولكن في زمننا هذا ... لا أعتقد ..
صحيح في زماننا هذا الشباب لا ينضجون بسرعة مع احترامي لك .. ففترة مراهقتهم تطول .. صحيح أن هناك من الشباب من والله تفخر بوجودهم حولك .. فهم فعلا منارة وشعاع مضئ ..
لكن صدقت أخي هذه نسبة 5% فقط .. أما الباقي فالكل فوق ال 27 سنة تقريبا ..
ونحن هنا نتكلم عن واقع .. و أحيانا الواقع يكون مر .. لكن الله المستعان .. هو وحده المعين ان شاء الله ..
لكن المشكلة ليست هنا ..
المشكلة الآن الشاب الذي يكون جاهز للزواج و عمره 20 سنة .. سيتزوج فتاة عمرها 16 17سنة مثلا..
وبالتالي ستضطر أحيانا لترك دراستها و عدم اكمالها للدراسة عند الانجاب.. مما ستضحي بأمور . أنا أعتبرها غير مقنعة.. فالفتاة في زمننا يجب أن تكمل دراستها ولو الثانوية .. والآن الجميع يبحث عن الفتاة المتعلمة ..
إلا إذا تزوج بفتاة تساويه في السن .. فهذا ممكن لكن لا أحبذ تساوي السنين .. من وجهة نظري .. يجب أن يكون هناك فارق ولو 3 سنوات ..

ولو أراد أقل سنا .. لا أعتقد أنه سيجد من تحمل مسؤولية بيت في زمننا هذا .. إضافة أنها مازالت صغيرة جدا ..

لذا أرجو من الأعضاء عند الرد .. التكلم بواقعية قليلا .. ونحن الآن في 2009 و ليس في زمن الرسول صلى الله عليه وسلم .. عندما كانوا يذهبوا لغزو الكفار وهم أبناء 11 و ال12 سنة ..

بالنسبة لكلامك ..
نزل الله عز وجل القران على رجال ..و ما نزلش على نساء لحكم و أسباب قد نعرف قليلها وما خفي أعظم ...علمها عند ربي , و نزل الوحي على رسولنا الكريم صلى الله عليه وسلم في سن 40 , فهل لو اراد الله عز وجل اصطفاء امراة كنبية .. لاختارها في نفس السن او اقل ؟؟ و الله اعلم ان كان يحق لي طرح هذا السؤال من باب الشرع..
بالنسبة لكلامك حول موضوع أن تكون المرأة نبية .. سأضع لك بعض الكلمات فأتمنى قراءتها بتمعن .. فلا دخل للعمر في مثل هذه الأمور ..
الحمد لله والصلاة والسلام على رسول الله
من المعلوم أن المرأة خلقت بطباع وفطرة خاصة مختلفة عن طباع وفطرة الرجل النفسية والجسدية؛ فكانت الحكمة من إرسال الرسل من الرجال دون النساء ؛ يقول الأستاذ الدكتور عبد الفتاح عاشور - من علماء الأزهر الشريف :ـ
أول الأنبياء آدم عليه السلام وآخرهم وخاتمهم محمد صلى الله عليه وسلم؛ وليس من هؤلاء الأنبياء ما ذكره الله وما لم يذكره وما قصه على رسوله وما لم يقصصه ما يشير إلى أن الله بعث من النساء امرأة لتكون حاملة الرسالة إلى قومها فلماذا لم يبعث الله إلى خلقه نبية من النساء ؟
الإجابة عن هذا السؤال مجرد اجتهاد يصيب ويخطئ لأن الله لم يذكر لنا في كتابه ولا في شئ من كتبه المنزلة الحكمة من ذلك ، كما لم يذكر لنا رسول الله صلى الله عليه وسلم شيئا من ذلك إلا ما ورد من قوله صلى الله عليه وسلم حين بلغه أن اهل فارس ملكوا عليهم بنت كسرى فقال : ( لن يفلح قوم ولوا امرهم امرأة ).
وفي مثل هذه الأمور التي لم يبين لنا ربنا ولا رسولنا وجه الحكمة فيها نقول :آمنا بالله وسلمنا له فيما اختار وفيما فعل وكل ما اختاره وفعله لحكمة عظيمة ولخير بني الإنسان ؛إلا أنه يمكن أن يقال أن الله أودع في النساء من الخصائص ما يؤهلهن للقيام بواجبهن في تربية الأجيال ورعايتهم والقيام بحقوق الأزواج وجعل بيوتهم سكنا ورحمة .
وهذه الخصائص ميزة للنساء لاتنقص شأنهن فكم يحتاج الرجل إلى بيت ملؤه الدفء والحنان والحب والعطف ولذلك قال الله تعالى:" ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ؛إن في ذلك لآيات لقوم يتفكرون"
وكم يحتاج الطفل إلى قلب خافق بالمحبة والرفق وهذا ما لا يوجد في الرجال، فشأنهم الكدح والعمل الدؤوب وهذا ما نلمحه في التعبير القرآني في سورة طه حيث قال ربنا:" وإذ قلنا للملائكة اسجدوالآدم فسجدوا إلا إبليس أبي ؛ فقلنا يا آدم هذا عدو ولزوجك فلا يخرجنكما من الجنة فتشقي ؛ إن لك ألا تجوع فيها ولا تعري وأنك لا تظما فيها ولا تضحي."

فآدم وحده هو الذي سيتحمل المسؤولية بأكملها كما ترى ذلك في خطاب الله تعالى له بقوله :فتشقي؛ تجوع ؛ تعري- تظما ؛ تضحي
وترتب على هذا أن كان الجانب العاطفي عند النساء هو الغالب ومع ما لهن من عقل وذكاء وفطنة ولكن هذه العاطفة كثيرا ما تطغي على الجانب العقلي وهذا بخلاف الرجال ولذلك لا تصلح المرأة في تولي القضاء والأمور العامة كرئاسة الدول على العموم بقطع النظر عن الحالات الخاصة ؛وغير ذلك فضلا عن أن تكون مسؤولة عن رسالة ووحي، ولا تصلح أن تكون لها القوامة على الرجال فقال تعالى :"الرجال قوامون على النساء بما فضل الله بعضهم على بعض وبماأنفقوا من أموالهم".
بكل هذا وغيره لم تشأ حكمة العلّى القدير أن يختار من البشر امرأة لتكون من الأنبياء لأن فطرتها التي خلقها الله عليها لاتؤهلها لذلك . والله أعلم.


تقبل مروري ..

 

[sleepingbeauty]

انت لي ماكش فاهم الموضوع :
قال صلى الله عليه وسلم: يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء..

يااخي الكريم انت تقول اذاكان في سن العشرين وعندو الامكانيات علاه نا يتزوجش ..اناى نقلك ربي يباركلو من ذرك ... ولكن هل حالة الشخص هذا هي حالة نصف الذكور او الثلث .. او اقل من ذلك بكثير..

كاين 2 في المئة يتزوجو في عشرين .. غالبيتهم يتزوجو في 30 .. نتا من قسنطينة وانا من سطيف ..
تحب غدوة نجيبلك الاحصائيات تاع اللي زوجو العام اللي فات برك من البلديات .. شحال راح نلقاو واحد تزوج في عشرين ولا 23 ؟؟؟؟

علابالنا بالي الزواج المبكر ستر وعفاف و احفظ للفرج... والمشكل انه الزواج توخر وصار مور الثلاثين ولا مراكش عايش في دزاير؟؟

تلقا اللي في عمرو 16 وعقلية راجل .. وتلقى راجل في عقلية ذراري .. و تلقى طفل صغير مهوش يلعب .. و لكن يخمم و مديقوتي و هاذو من مظاهر العصر ...

راك تقول داخلها كتاب و سنة .. انا مانستشهدش بحاجة الا اذا كنت نعرف حكم الشرع و سبب نزول الاية او ذكر الحديث .. و نعرف الكتاب و السنةو الاجماع و الاجتهاد ...

و انا انسان جامعي و نمارس 3 لغات .. وندخل في تقريبا كامل المنتديات ...

و منيش من النوع الي ياخذ نص من منتدى اخر يدرلو copier و ينسبو ليه .. بلاما حتى يغير العنوان ..

موضوعي يا اخي الكريم هو قصة الحب المستحيلة .. اذا كنت في سن العشرين

و هذا رايك ونحترمو انا ... والي نقدني معناها قيمني و قيم موضوعي

اولا مارانيش اخ بل اخت
ثانيا انا قلت ما قلته لانك ذكرت ان سن البلوغ او النضج عند الرجل هو 30 سنة و انا اقول لك ليس في كل الحالات اما اذا كنت تقصد الامكانيات المادية صح عندك الحق قليل وين تلقا واحد صغير و مكون روحو غير اذا كانوا والديه كاينلهم في هادي الهالة صح 30 سنة باه يقدر يخمم في الزواج اما النضج فيعتمد على الشخصية ليس العمر
ثالثا سالتك ما الهدف من الموضوع لانني لاحظت كانك تشجع الرجل على الزواج بمن تصغره في السن بكثير و كانها جريمة لو تزوج من تماثله او تقاربه في السن لان نجاح او فشل الزواج لا يعتمد على العمر
رابعا الحمد لله رانا كامل جامعيين وانا اتكلم 4 لغات و ليس 3
خامسا عذرا ان ازعجك كلامي و لكن الله غالب انا نقول واش في قلبي لا انافق و مارانيش من جماعة بني وي وي
سادسا شكرا على احترامك لرايي لان القليل فقط من الناس من يحترم الراي المعارض ، هذا يدل على رجاحة العقل فشكرا

 

[Moha le sage]

ختي ضحيت صمت...
بارك الله فيك على الرد اللي ما نقدرش نجاوب فيه ...

*** ولا تجادل ما ليس لك به علم ***

ولكن انا مكنتش نسال عن اسباب عدم اصطفاء نبية عوظ نبي ... هاذي امور اكبر من اناقشها