تحبها و لا تكرهها

[وردة الشوق]

السلام عليكم
تحبها و لا تكرهها
و لا ما تحبهاش
اذا تحبها قول وعلاش
و اذا ما تحبهاش قول وعلاش
ماشي هاذيك الل راكم تخمموا فيها
راني على روحكم
يعني تحبوا روحكم كيفاش تحبوها
و كيفاش تكرهوها
واش من وقت تخمموا في روحكم
و واش من وقت نسيتوها
هيا نهدروا شوية عليها
....
ارجو منكم المشاركة
سلام​

 

[noussy 03]

انا نحبها بزاااااااااااف وواحد ما يدي بلاستها

 

[mimi.dz]

ههههههههههههههههههه

والله غير نفس الجواب

نحبها بزاف بزاف
​

 

[سالومي10]

انا نحب نفسي بزااااف وعزيزة عليا لدرجة كبيرة
​

 

[khadidja2]

bien sur nhabha mais mantfakarhache daymen

 

[سفير اللمة]

نحبها ويعطيك ربي زى ماتحبي انشاء الله

 

[الستار سوسو]

السلام عليكم
تحبها و لا تكرهها
و لا ما تحبهاش
اكيد نحبها:blushing:
اذا تحبها قول وعلاش
على خاطر هي انا:001_wub::w00t:

يعني تحبوا روحكم كيفاش تحبوها
نحبها كي تكون صح :thumbup:
و كيفاش تكرهوها
نكرهها كي تولي غير عقلانية:glare::001_unsure:
واش من وقت تخمموا في روحكم
دائما:laugh:
و واش من وقت نسيتوها
نسيتها بزاف خاصة العام اللي فات

كي تلقا فيمن تخمم:001_unsure:



شكرا:yahoo:​

 

[الشيخ عبد الله]

من منا لا يحب نفسه ابني ..
شكراا
​

 

[من الماضي]

السلام عليكم...اكيد كل واحد يحب نفسو انا نحبها لما تكون تمشي في طريق الصح...و نكرها لما تحثني ندير حوايج ماشي ملاح...فكل نفس امارة بالسوء.

 

[اميرة وهران]

اكيد كل واحد يحب نفسه بالاعتناء بها و تطويرها و المحافظة عليها
شكرا على الموضوع

 

[حفيد هواري بومدين]

مافهمتش الهدف من الموضوع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
​

 

[وردة الشوق]

السلام على كل من نور لي موضوعي
على كل حال ربي يحفظكم
مادام كل واحد يحب روحو
و ماشي معناه اللي يحب روحو يتسمى اناني بالعكس
اللي يحب روحو يقدر يحب اللي معاه
وجهة نظر
اما انت الاخ سي فلان مول الكوستيم
بالاك الموضوع ديالي صغير بزاف على هاذيك ما
فهمتش الهدف منو
مع ان الهدف كثير متواضع
و اللي هو
.....
هدرة في قسم واش راك تهدر
تقدر تعتبرها سطور استفسار
على كل حال اكثر من هكذا ما نقدر نزيد نفهمك والو
سلام
و نورتو الموضوع بتواجدكم​

 

[الناصر صلاح الدي]

أكيد نحبها و نحب الي يحبها.

 

[fakhri-dz19]

دوك كي تجي روحي نسقسيها
اي راحت تشري برك هههههههه​

 

[iam-The-Darkness]

هههههه عجبتني تاع فخرو ههههههه
اما انا راهي راقدة كي تنوظ نقولها و نردلك بالخبر :001_smile:

 

[وردة الشوق]

امتعتني ردودكم الطيبة
الف شكر
سلام​

 

[la rose de sable]

والله ما علابالي

راني حاقرة روحي
وربي يديرلي نايب

 

[Adel Adel1]

كاره من روحي و مانحبهاش
ياليتني كنت ترابا​

 

[imaneBBA]

اكيد نحبها
بصح للصراحة في اغلب الاوقات كارهتها​

 

[المتفائلة خيرا]

أكيد الروح هي اجمل هدية قدمت لنا ...وبالتالي يجب علينا حبها والعناية بها