راك تشوف افلام جزائرية؟؟؟؟

[Holly]

السلام عليكم و رحمة الله و بركاته​

واش راكـــــــــــــــــــــم​

ان شاء الله لاباس​

حبيت اليوم نسقسيكم ​

واشنو هو افضل فيلم ولا مسلسل جزائري شفتيه حتى الان؟؟؟​

واشنو هي الحاجة الي عجباتك فيه؟؟؟​

حبيت نعرف برك اذا راكو تشوفو افلام جزائرية و لا لا​

بانتظار ردودكم.........​

 

[Rabah kabyle]

اختي كاين البذرة
وهيبة
الجناح الاسود
​

 

[محسن غطاس]

الأفلام الجزائرية - مع كل إحتراماتي للتلفزة الجزائرية - أرى مُعظمها سخيف ولا يحمل أي رسالة .
والأدهى والأمر هو أن تمنح جائزة الفنك الذهبي لهاته
الأفلام التي لا يفهم المشاهد المسكين ما الغرض من بثها أصلا .
والمسلسل الوحيد الذي شاهدته وأعجبني هو " عمارة الحاج لخضر " فقد كان يمس القضايا الجزائرية بشكل مباشر وبطريقة ذكية .




شكرا على الموضوع



******************************************************​

 

[iam-The-Darkness]

عمارة الحاج لخضر الوحيد لي تفرجتو و لي عجبني

 

[bilal_bou]

عمارة الحاج لخضر الوحيد لي تعجبني

 

[salah.f]

الي نعرفو فالتلفزة الجزائرية الفهامة غير هي الي تصلح

 

[LOveLy cOmpLex]

بربي قوليلي
و دزاير كشما عندها مسلسلات تصلح و لا افلام
و سيرتو العام هادا انتجوا ربعة مسلسلات سيتو
البذرة
اشواك ناعمة
و ما نعرف الزوج الاخرين
المهم كان تفرجتي اك الضحكة تع تسليم جوائز الفنك
عاملين رواحو تقدموا
و الله و زادة حاجة حيرتي اك الزوج البنات الي يقدموا الرسائل كيما في تسليم جوائز الاوسكار حقة حقة
تقول الدزاير خلت و معنهمش الزين خلاص ما نعرف من جبوهم
بخسوا بينا قدام العالم العربي و حاجة تكرز
تقول عقاقين الي يخرج يحكي غير فرنسية
انا المهم تفرجة غير الحاج لخضر لانو مسلسل يضحكو او نفهم لهجتوا
تقبلي مروري
​

 

[RaNiA]

عجبني المسلسل تاع العام لي فات
موعد مع القدر

عجبني على خاطر هذيك هيا اول مرة نشوف فيها مسلسل جديد تاع دزاير
على خاطر يحطو غير القديم

 

[adelskikda]

والله اختي نحب الافلام والمسلسلات الجزائرية كاملة.......................شكرا

 

[البرايجية]

عجبني المسلسل تاع قلوب في صراع كان روعة

 

[Holly]

شكـرا لكم على الردود الجميلة جميعا

نورتووووووو الصفحة​

 

[hafida nanicha]

عمارة الحاج لخضر الوحيد لي تفرجتو و لي عجبني

 

[سلافة]

الحق عجبني البذرة الجزء الاول غير هك ما شفنش وجابلي ربي تفرجت العام اللي عدا مسلسل موعد مع القدر ثاني عجبني

مشكورة ننتظر جديدك

 

[Lonely Girl]

الله يبارك عندنا مواهب مشاء الله عليهم يمثلو عجب والمسلسلات الجزائرية في الاغلب تمس الواقع الحقيقي للمجتمع الجزائري عكس المسلسلات المصرية
بصح امكانيات محدودة في التصويركاميرات عادية والاضاءة عيانة بصح نورمال كلش ماشي :thumbup:​

 

[iméne09]

دزاير مسلسلات ضياعة فيهم عجبني موعد مع القدر وقلوب في صراع هادو صح شبان ولي بقى مكان مكان
يعطيك الصحة ع الموضوع ​

 

[هاجر جزائرية]

كله سخافة في سخافة او حتى حاجة ماتعجب سيختو السنا افلام 00000000000 مافهمت والو يروحو يقراو على الفن بلاك ينجحوا هادا هو راي

 

[zola_ta]

ايه نشوف كامل الأفلام و المسلسلات و كل حاجة يديروها فالدزاير ، مام يكونوا خطرات ماشي شابين نصح نحبهم و الله غير نمووووووووووت عليهم ، خصوصا الأفلام تع الثورة و المسلسلات كيما موعد مع القدر و قلوب في صراع و جمعي فاميلي و ..... كامل ، و عندنا ممثلين ماشاء الله ، كاين اللي عيانين شوية ما نكدبش عليك بصح في كل بلاصة كاين الصالح و التالف ... و الحاجة اللي تعجبني بزاف فالقناة تع الدزاير و أفلامها و برامجها النقا يعني محتومين و الحمد لله تقدر تشوف كل حاجة en famille بلا ما تخاف على العكس الأفلام المصرية و غيرها و الله ما تشوفي لقطة منهم غير ال ... و يزيد يقوللك الفن الجزائري رديء نقوللهم ايه رديء بصح نقي ، و زيد الفن الجزائري يساير الواقع كيما قالت الأخت ، يعني اللي كاينة نوريوها و نديرو صؤالح واقعيين ماشي غير الخرطي و نهاية سعيدة :glare: و يقوللك حنا فنانين :angry: ، malgrée راهم يحطمو فيهم كيما شفنا في الفنك الذهبي مدوا التكريمات غير للسوارا و اللي ما يستهلوهاش بصح ماعليش يجي النهار اللي يعترفوا بيهم و ربي كبير

اسمحيلي ادا طولت و يعطيك الصحة أختي العزيزة​

 

[بلبلة الجزائر]

السلام عليكم

الصراحة أحسن فيلم جزائري رأيته هو فيلم :

الطاكسي المخفي < لوردية >

يضحك و روعـــــــة .


​

 

[rــآآآج ــــ الاميـرهـ ــo]

الحق الحق المسلسلات الجزائرية مليحة مي ناقصة بصح واش نديرو الله غالب هادي هي الامكانيات
انا تعجبني غير الفهامة وعمارة الحاج لخضر

 

[حفيظ16]

أهلا التلفزيون الجزائري ، و الله بدأ في التقدم و خاصة في ايامنا هذه
من حيث الفكاهة ، احب ان اشاهد '' جمعي فاملي ''
اما من ناحية المسلسلات ، فأرى ان البذرة ، و مسلسل حينما تتمرد الاخلاق
اراها ذات معنى ايضا ، و توصل الرسالة بشكل غير مباشر