×÷·.·´¯`·) »(** الشعب راه كـــره - { 0 } - ** ) « (·´¯`·.·÷×

[Moha le sage]

بادئ ذي بدئ الصلاة و السلام على الحبيب المصطفى محمد صلى الله عليه وسلم ​

السلام عليكم اخواني واخواتي وكل من اعرفه و من لم أعرفه ​

واللذي يجمعني معهم قاسم مشترك .. حب اللمة ​

::::::::::::::::::::::::::::::::::::::::::::::::::::::::::::::::::::​

من اجل رقي منتدانا الكريـــــــــــــــــــــــــــــــــــــــم​

:::::::::::::::::::::::::::::::::::::::::::::::::::::::::::::::::::​

يقولو الساكت على الحق شيطان اخرس ...

انا نحكم فمي ديما باش منديرش النش ... بصح ديفوا الواحد قلبو يتملا ولازم يهدر في امور تحيرو ومايلقالهاش اجابات

ولينا نشوفو في اخر الزمن هذا مظاهر الواحد يوجعو قلبو منها ... ونا هنا راني نحكي على المظاهر و العوج .. ماشي على لعباد ولا فلان وفلتان ..

اول المظاهر هذو هو الاشراف اللي ولا يتوزع كي جوائز اخر السنة ... المشكل ان احيانا كاينين ناس تستاهل تشرف وعنها افكار في المستوى .. و تقدر عليها .. والله غالب نلقاو ناس اخرى ميعرفهم لا لقديم لا الجديد ...

وفوق هذا .. كي يحكمو الاشراف نتا تقول هازين سيف للغاشي ...اللي يحكم عليه يطيرولو راسو ... تدير موضوع يحذفوه ..والمبررات راحو ...

نبقى في باب الاشراف ... ناس شادة الحقد لناس ولا بيناتهم امور وشريات .. واحد يولي مشرف ..طول يبدى يستغل الصلاحيات هذو باش يبرد قلبو ويصفي الحسابات ... وويولي الانتقام و التعسف هو سيد الموقف ... ونولو لوقت بكري اللي يقول الصح ..راسو يتنح

في اخر باب في الاشراف ... قضية تقلقني بالبزاف ... كثرة العنصر الانثوي في المشرفين ... والسؤال يبقى مطروح علاه ؟؟

الله يبارك كاينين بزاف ذكور يستحقو يجو مشرفين وحنا نحترموهم بزاف و يسهلولنا التعامل .. وفي اي قرار يديروه راح يكون اكيد تفهم بين الاعضاء وهاذو المشرفين اللي يكونو اعضاء متميزين ... بصح كل يوم نشوف اسم عضوة كان ازرق ولا احمر يعني ولاة مشرفة

وكيما يقول القاوري : why ??

ياسيدي علاش ما يديروش الفوط ..يعني الانتخاب ... كل واحد يحب يترشح لقسم ..يمركي روحو في موضوع معين ..والاعضاء لخرين تصوت .. اللي يدي الاشراف يكون مستحقو .. وراي واحد يغلط .. وبزاف الاراء متغلطش .. يعني مشي كي يعينو شخص مثل ما يعينوه البقية ...

نقطة اخرى هامة ... وانا نعتبرها ثغرة من ثغرات اللمة .. الوقت مابين ال 1:00 تاع الصباح و ال 6 :00 .. ماكانش الاداريين ..يعني ببساطة مكانش لي يقدر يحذف عضوية تاع واحد دخل يسب ويدير في المشاكل

عندها يومين دخل واحد و طيحلي الهدرة و زاد طيح لجماعة بزاف في موضوع درتو انا ... المشكل كانت الساعة ال 2:00 تاع اليل

كتب الكلام السفيه حتى عيا وزاد حتى البسودو تاعو كلام عيب .. وميهمنيش هو عضو من اللمة ولا لا ولكن لي يهمني القضاء على هاذ التصرفات في المستقبل ... واحد مايقبل يطيحلو الهدرة ... كون جيت برا كون راني بردت قلبي فيه .. ولا حتا سكايب بصح كي جيت في المنتدى هذا حشمت .. وحتا الاعضاء لخرين لي سبهم طلبت انا منهم السماح والحمد لله مزية كانو كاينين معايا رجالة في ذاك الوقت

ان شاء الله يديرو حل للنقطة هاذي .. يعطو صلاحيات لمشرف ولا يخلو رقم بورتابل تاع كشما ايداري و لا يغلقو المنتدى من وقت معين لوقت اخر


مشكلة اخرى نشوفوها هي الجهوية والعنصرية والسيستام تاع لي كلان ... حنا هنا ولادة دزاير وحدة و 48 ولاية خاوة ودم فريد ... منحبش الجهوية تاع الثمانينات وعقلية زيتنا في بيتنا والبراني الا ... بلا منسمي ... رانا كرهنا السكات

مشي لازم نكونو الحاشية تاع المليك نقولو ايه ونسكتو .. الحق حق ..نقولوه ولو كان مر .. وندعو ربي يهدي ناس بزاف

واحد ماراهو خير من خوه ... رانا كامل ولاد 9 ...

ان شاء الله تصفى الامور ... وتتعدل الاجواء ونشوفو الاستقرار كيما يقول خويا فريد في جمهورية اللمة



خوكم محمد

 

[نور الانوار]

خوود راحـتكـ.. ^^
​

 

[sofiane dj]

×÷·.·´¯`·) » { -2 -} الشعب راه كـــره « (·´¯`·.·÷×

السلام عليكم يا احلى اعضاء​

ان شاء الله كامل راكم صافا ​

موضوع من أجلـــ
:::::::::::::::::::::::::
اللمة العزيزة
:: منتدانا الغالي الذي عشنا فيه اجمل لحظات حياتنا ::
::::::::::::::::::::::::​

من أجلـــ رقي اللمة و ازدهارها ​

:::::::::::​

احبتي اخوتي اخواتي الكرامــ

منتدانا راهو فايت على ازمة و ميزيرية ​

راح نحكي على 2 نقاط انا ملاحظهم فيه​

انعادم التنظيم فيه و مكانش رقابة نهائيا ! ​

وعلاه خليتوها حتى يدخلو و يهدرو كلام العيب قدام خاوتنا هنا ؟ ​

معظم الاشراف للبنات و لبنات مايسهروش ! وواحد ماعندو صلاحية !​

النقطة الثانية ​

انتشار الاعضاء السلبيين لي خدمتهم غير الصابوطاج برك هاذو لازم نقضيو عليهم على خاطر ​

راح يكونو مابين اهم الاسباب تاع انهيار المنتدى ​

العضو مسكين يتعب و يدير موضوع و فالاخير يجي واحد يكتبلو رد يخليه نادم على النهار لي كتب ​

فيه الموضوع !​

و هذا الموضوع راه على جال المنتدى ماشي على جال المشاكل ​

على جال ​

منتدى غالي ​

ديما في بالي ​

قدرو عالي​

و عليه سهرت الليالي ​

على كل حال​

اتمنى مناقشة موضوعي هذا بكل لباقة و بكل منطقية . اي لي عجبو يرد لي ماعجبوش مايردش .​

و لي يدخل بأسلوب مخالف لقوانين اللمة راني مانردش عليه ​

تقبلو تحياتي ​

 

[Moha le sage]

خوود راحـتكـ.. ^^​

ربي يخليك و هذا شيء جميل و يرفع المعنويات ...

 

[sofiane dj]

الله يخلف عليك بالجنة خويا ​

ينحل المشكل و بكل تقدير​

ربي يسترك​

بارك الله فيك خويا

لك مني اجمل تحية ​

 

[406_nassim]

السلام

:blush: الله يخلف عليك بل الجنة خويااا شكون دوكااا لمعندوش مشاكل قلي برك :blush:

 

[sarah02]

والله ماعرفنا كيفاه ....
وهذا المشكل راه مطروح حتى في الادارة ...وان شاء الله يتصلح هاذ الخطا انا عني راني دايرة مراقبة مشددة في قسمي :biggrin:
متتقلقوش برك /

 

[sofiane dj]

بارك الله فيك خويا

ويعطيك الصحة ​

 

[sara_k]

البني عميــــــــــــــــــــست راها هنا فاللمة
بارك الله فيك
​

 

[sofiane dj]

:blush: الله يخلف عليك بل الجنة خويااا شكون دوكااا لمعندوش مشاكل قلي برك :blush:

بارك الله فيك خويا

و مشكلنا فالمنتدى هو مشكل الجميع
​

 

[sofiane dj]

والله ماعرفنا كيفاه ....
وهذا المشكل راه مطروح حتى في الادارة ...وان شاء الله يتصلح هاذ الخطا انا عني راني دايرة مراقبة مشددة في قسمي :biggrin:
متتقلقوش برك /

اوكي ختي ان شاء الله يتصلح

بارك الله فيك على المرور و المساندة​

 

[Silent Hill]

الـمــм.ş.ήــ الشعب راه كره ــالـمــм.ş.ήـــ

:: . :ّ بسم الله ّّ: . ::
السلام عليكم و رحمة الله و بركاته
اخوتي اخواتي في الله
اسف على العنوان
اني خذيت بلسان قاع الناس
كلام صغير و المعني كبير
كلمتين لا غير​

فوضة عارمة تسللت الى صفوف اللمة الغالية
لا اعلم اهيا من المدير او المشرف ام الاعضاء
فقد حارت فيها ابياتي الى متى و من اين ؟؟؟؟
و بسبابها ظاقت فضائي . . .
و اللحد صرا بجثتي ارضي سمائي . . .
و اللحد يحكي ظلمة فيها ابتلائي . . .

يا من يعرفني يا من سمعني
لكم مني نصيحة
الرجل ما يصيب غير الراجل
و الفحلة ما تعاشر غير الفحلة
و قاع نعرفكم رجال
و بنااتكم بنات فاميلة
يهديكم ربي افطنوا
و شوفوا لحوالكم
و ان شاء الله تتسقم اللمة
جزاك الله كل الخير
مشكورين على مروركم
في رعاية الرحمان
ــــروحي غزةــــ
تحياتي و احترامي و تقديري
ـــــسلامــــــــــــ
:blush:
و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[sarah02]

السلام عليكم

وعليكم السلام

من اجل اللمة العزيزة :biggrin:

اهلا:biggrin:
اخوتي هدا المنتدى صرح جميل في طريق الرقي لكن الرقي ماشي بسهولة
الله يبارك راه دارنا :yahoo:
الرقي يكون بأساسيات و من اهمها ان يأخذ كل منا حقه

موضوع مليح عليه 10 نقاط مثلا لازم لكل الأعضاء ماشي الأعضاء المعروفين برك :biggrin:
شكيت الاعضاء باه انعرفوا تعبوا وعندهم صافي لونطو ملي هوما هنا علاذيك يسهلوهم وانا ديما نحترم الاعضاء القدم:blush:وكلشي يبان معا ليام

و الإشراف يكون للعضو لي يستاهل :biggrin:

؟؟مثلا
و كامل رانا نحسووو :wink:




و راني بالأسلوب هدا جارح شوية مي ماعليه نخلي الإحترام هو اول و اهم شيء



اللمة رانا نغيروو عليها و اذا تمت السياسة هدي حانكرهوو اللمة :001_cool:

و ان شاء الله تكون ردة فعل الكل بطريقة منطقية و ليست تهجمية على الكاتب و شكرا

لالا عادي

و طبعا لي عودة للمناقشة

سلااام خير الختام احبتي :001_rolleyes:​

وعليكم سلام

 

[sofiane dj]

بارك الله فيك خويا

مشكووووووووووووووور على المساندة​

 

[zinnoo walido]

بارك الله فيك على الموضوع الهادف
والله رانا حابين التغيير

 

[Moha le sage]

راني ولـــــــــيت

 

[zinnoo walido]

بارك الله فيك قمة فالطرح
ان شاء الله اعضاءنا يتعلمو ونطلعو باللمة الى ابعد الحدود

 

[Silent Hill]

:: . :ّ بسم الله ّّ: . ::
يعطيك الصحة خويا
و ان شاء الله تتسقم اللمة
جزاك الله كل الخير
مشكورين على مروركم
في رعاية الرحمان
ــــروحي غزةــــ
تحياتي و احترامي و تقديري
ـــــسلامــــــــــــ
:blush:
و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[sarah02]

اني معاك بصح موضوع بلاصتو مشي هنا ديرو في قسم شكاوي
هاهي القوانين تاع دندونة
https://www.4algeria.com/vb/t145033.html
قاتلكم حطو كل موضوع في قسموولا يتحذف :biggrin:

 

[sarah02]

اني معاك بصح موضوع بلاصتو مشي هنا ديرو في قسم شكاوي
هاهي القوانين تاع دندونة
https://www.4algeria.com/vb/t145033.html
قاتلكم حطو كل موضوع في قسمو ولا يتحذف:biggrin: