وعليكم السلام ورحمة الله تعالى وبركاته
قبل كل شي نقولك ربي ينورك كيما نورتي الموضوع وربي يحفظلك لوليدات ويكبرهم على طاعتو ورضايتو ويشدلك فيه يارب ونقولك تان العفو الموضوع راه باهي غير بيكم أنتم ربي يخليك
سمعت أنا تاني البعض لي يقول ماشي مليح لي يدير لي سونري تاع القرأن ولا تاع الأذان وعلى حساب مافهمت ممكن الإنسان ينساه ويدخل به لأماكن نجسة ولا حاجة كيما هكذا والحاجا لي فيها شك مولاه ينحيها ويتهنى خير لي سونر تاع الطبيعة هي فالحقيقة سونري شابين بزاف ومرات الواحد بلا مايديرهم سونري يحب يسمعهم يحس براحة تامة وعلى هذي حنا الجزائريين مشكلتنا في الأعصاب بزاف على خاطرش الطبيعة ماشي عاطينها قيمتها ولوكان كل واحد يدير خطرة فالأسبوع ولا حتى فالشهر خرجات للطبيعة والله غير يحس بواحد الراحة مابعدها راحة تاع الصح اللله غالب
بصح السونري لي راني غير نضحك تاع لي تكره لحياة هذي طرن طرن طرن هههههههههههههههه
تاع بكري يعني لوكان يسوني في بلاصة يحسبوه تيايفون فيكسي راكي رافداتو هههههههههههه
لي سونري تاع الضحكات تاع ولادك ولي ربي يحفظهم ويخليهم والله غير نعمة من ربي دراري صغار
والصوت تاعهم يوزن النيا بما فيها لكن واش نقولك ربي يستربرك من هذ العباد يعني ضحكة ومايطلقوهاش مانيش عارف لقلوب بواش مخدومة ومن رأي بدلي لي سونري تاع الضحكات تاع ولادك لي ربي يحفظهم والعباد ربي يستر من قلوبهم و الحافظ دايما مولانا وأنا من رأي خليهم مسجلين بصح ماديريهمش سونري برك كاين قلوب قاسحة والعياد بالله وحتى الدين تاعنا والرسول عليه الصلاة والسلام يوصينا بالتحفظ في مثل هذ الأمور وربي خير منهم كامل
فيما يخص جماعة السيلونسيو كل واحد والسبة تاعو وهذا خوك لي ربي يحفظو هو كذلك ربما يديرونجوه بزاف وعلى هذي يخلي البورتابل سيلونسيو وبزاف لي يدروه سيلونسيو وكيما سبقت وقلت أنا وليت ندير الكود ماشي غير السيلونسيو من كثرة الغاشي خاصة في الوقت لي راني متكلف بقضية خمسين عامل وأتصوري أنت كل يوم غير عشرة ولا 15 منهم يسقسوك واش جديد هههههههههه
واكين لي يدير سيلونسيو على أمور أخرى على كل حال هذي خصوصيات وكل واحد وعقليتو
ربي يخليك وربي يحفظك وربي يعطيك ماتتمني ونقولك الموضوع موضوعك وتنوري وقت ماحبتي
وربي يحفظك ويحفظلك وليداتك ويصونهم ويكبرهم على طاعتو ورضايتو بإذن الله دمتي بألف خير وهناء إن شاء الله
على العام و البورتابل تاعو سيلونسيو و باش نحكموه لازملنا:glare:
