▒ الله يستركم أدخلوا و قولوا رايكم ▒

[ayoub_online]

السلام عليكم ورحمة الله تعالى وبركاته

و الله يا إخواني و أخواتي أعضاء اللمة عندي سؤال راهم محيرني بزاف

وهو أني حاب نعرف رايكم في واحد يتزوج بوحدة كثر منو

رغم أنو هوما راهم راضيين بهذا الزواج

بصح حاب نعرف رايكم في هذا الزواج

يعني واش هي سلبيات و إيجابيات هذا الزواج

وماذا بيكم كل من يقرا هذا الموضوع يعطي رايو

و بارك الله فيكم​

 

[poli]

اقتدي بالرسول تزوج خديجة و هي اكثر معليه
يعني نورمال ما يصرا والو
مارسي
ماتخافش ههههههه

 

[نجمة رجاص]

انا بصراحة ضد هذا الشيء مهما يكونو قابلين الفكرة لكن هذا القرار غالط 100/100
هو صح قرارهم بصح هذا القرار رايح يندمو عليه هوما 2
لانو راح تظهر اختلافات بيناتهم

 

[IMANE91]

عآآدي بصح في حالة اكبر منو بعام ولا ثنين

آكثر نظن ماتصلحش علاقتهم

ومع ذلك اذا كانو متفاهمين ويحبو بعضاهم العمر مايعمل والو
ومايشكل حتى مشكل

شكرا آخي​

 

[ayoub_online]

اقتدي بالرسول تزوج خديجة و هي اكثر معليه
يعني نورمال ما يصرا والو
مارسي
ماتخافش ههههههه

صح كاينة منها

بصح والله راني حاير

لي نقولو يقولي أخطيك

مافهمت فيها والو

شكرا لك ​

 

[ayoub_online]

انا بصراحة ضد هذا الشيء مهما يكونو قابلين الفكرة لكن هذا القرار غالط 100/100
هو صح قرارهم بصح هذا القرار رايح يندمو عليه هوما 2
لانو راح تظهر اختلافات بيناتهم

بصح وراهو الخطأ

يعني واش هي سلبيات هذا الزواج

و شكرا لك​

 

[ayoub_online]

عآآدي بصح في حالة اكبر منو بعام ولا ثنين​

آكثر نظن ماتصلحش علاقتهم​

ومع ذلك اذا كانو متفاهمين ويحبو بعضاهم العمر مايعمل والو
ومايشكل حتى مشكل​

شكرا آخي​

والله هاذي هدرة باهية و تفرح

ربي يحفظك​

 

[نور الانوار]

وش فيها كي تكون اكبر منكـ
والله مافيها والو

بصح اتونسيون الراجل يعايرها بركـ مستقبلا
​

 

[كلي امال]

السلام عليكم و رحمة الله تعالى و بركاته
انا في رايي مهوش زواج ناجح بزاف و سلبياتو تكون على المرأة اكتر من الرجل ديما تقعد حاسة بنقص و زيد و كان يحدث مشكل الراجل رايح يعايرها و يقولها كان جبت وحدة صغيرة خير منك و قد ماكان يحبها و قد ما كانوا متفاهمين راح يحدث هاد الشيئ
انا ننصحك انك تصلي صلاة استخارة و ان شاء الله ما تلقا غير الخير

 

[rania 3asla]

انا بالنسبة ليا عادي الكبر مش في السن وحدو مي العقلية هي كلش والتفاهم معناها ممكن اذا كانت المراة صغيرة على رجلها وللا كبيرة العمر مش مشكل وما كان حتى سلبيات وانا عجبتني هاذ الفكرة لانها نادرة في مجتمعنا

 

[أبو عاتكة]

ضعو انفسكم محل تلك الفتاة التي تجاوزت ال 25 و30 وحتى ال40 سنة

ماهو شعورك اختي والقطار يتسارع وانتي تحلمين ببيت الزوجية والاطفال ينادوكي ماما

ماهو ذنبها اذا كان كل واحد حاب يتزوج مولات 16 و18 و20 سنة ونسبة العنوسة راهي في العلالي

امالا بناتنا رايحين يخرجو عن الطوع ويدخلو في ما لا يرضاه لا ربي ولا العبد

المخير يعطيني سبب مقنع عن عدم الزواج بالاكبر منك سنا .

ومتقولوليش العقلية والنضج لان عقل الرجل ينضج قبل المرأة وعقل الرجل يوزن 20 مرأة لماذا لانه يدخل معترك الحياة من صغره ويعرف صلاحو قبل المرأة متعرف صلاحها وهو الي يخالط في الحياة ويكتسب الخبرة والمعرفة اكثر من البنت ولو كانت اكبر منه سنا ..يعني باش راح تفوتو بالطول ولا بالخشانة ؟؟؟؟

اذا لا يوجد اي سبب يمنع ذلك سوى الانانية والرؤية الضيقة واحتقار الكبيرة بينما الكبيرة هي الاولى بالزواج وتعين الرجل اكثرمن البنت الصغيرة التي ربما لا تعرف حتى معنى انها زوجة لرجل .

خويا بالباراكة عليك ويجعل كل شيء مبروك
والعيب في اللسان ماشي في الزواج من لتكبرني في العمر


​

 

[*amina*]

السلام عليكم
هذا الامر اخي الكريم فيه حساسة نوعا ما فمهما كان الطرفان متراضيان وراضين بهذا الزواج فهذا لا يمنع حدوث خلافات في المستقبل و انا لست مع فكرة الاقتداء بالرسول عليه الصالاة و السلام فشخص الرسول الحبيب لا احد يستطيع فعل ما فعل وايضا وقته منهب اما شباب اليوم و وقتا اليوم شيء أخر شتان بين شباب اليوم و الرافضل خلق الله و شتان بين وقت حبيبنا المصطفى و ووقت اليوم
في الاخير ربي يسهل الامور اخي
تقبل مروري​

 

[ayoub_online]

والله راكم فرحتوني بأراءكم المميزة

والله ماتوقعت بلي تتفاعلو مع الموضوع هكذا

بارك الله فيكم

وربي يعطيكم ماتتمناو​

 

[أبو عاتكة]

والله راكم فرحتوني بأراءكم المميزة

والله ماتوقعت بلي تتفاعلو مع الموضوع هكذا

بارك الله فيكم

وربي يعطيكم ماتتمناو​

يعني نقولو مبروك ؟

​

 

[ayoub_online]

يعني نقولو مبروك ؟​

تقدر تقول

ان شاء الله

ادعيلي معاك برك

مرسي​

 

[killua0555]

...اييه نورمال علاش لالا ادا تفاهمو مع بعضاهم ...بصح انا منين نتلقا بحكاية كيما هادى يكون فيها يادراهم يا ليبابيى هههه مصلحة ....بصح عموما متقلقنيش هاد الفكرة

 

[ayoub_online]

...اييه نورمال علاش لالا ادا تفاهمو مع بعضاهم ...بصح انا منين نتلقا بحكاية كيما هادى يكون فيها يادراهم يا ليبابيى هههه مصلحة ....بصح عموما متقلقنيش هاد الفكرة

لا . الحمد لله ماهيش تاع مصلحة

شكرا لك​

 

[SaMi_o7]

السعادة و الهناء
و بهذا الإكتفااء

و من هذا يلزمني الإختفاء
من هذا الموضوع و الإختباء

شكراا​

 

[البراءة]

الصح في الهنات
وكي يولو الزوج عاجبين بعضاهم
يولي يشوف فيها صغيرة عليه مام لوكان كبيرا عليه
​

 

[[ايمآن]]

ما يهمش العمر مادام قابلين وربي يسهل