واش رايكم في نهار لول تاع رمضان

[salah.f]

والله راسي راح ينفجر

 

[BellojojO]

معليهش عادي أنت جعت باسكو راه وقت لغدا

وموالف في هاد الوقت تاكل

يعني دركا تفوت نص ساعة ساعة تنسى الجوع خلاص​

هههههههههههههه
نضحك برك
مايغلبنيش رمضان

je suis une fille
:001_wub:​

 

[بين الثنايا]

لحد الآن لاباس ... بصح راهو العطش بدا يقتل فينا بالشوية ...

 

[حفيد هواري بومدين]

سخفت على الدلاع بارد

​

 

[chiraz*noor]

والله نورمال مي شوية تع عطش برك

 

[zagane]

مازال ماقولناش بسم الله ها سي تيتو
دورك تضرب ال5 ولا 6 وتما العبد يبدا يحكي

salam alaycom

راهي 01h:30 و ما سرا والواو عادي فيه البركة أنا منعت نشرب برك

 

[lala القالمية]

هههههههههههههه
نضحك برك
مايغلبنيش رمضان​

je suis une fille

:001_wub:​

أه سمحيلي أختي والله ماتولهت
صحا فطورك ​

 

[hadjira relizan]

يا خويا كي يتكون في اللمة رمضان انهار يفوت تم تم صحفطوركم

 

[titou0007]

سخفت على الدلاع بارد​

متسخفش وقت خلاص قريب يلحق لفطور هاك طبسي الدلاع كولوا بعينيك​

مممممممممممممممممممممممممم​

 

[حفيد هواري بومدين]

اه يا سي تيتو
هادا مايكفيش راك تشوفي في زقان مسكين موقبيل وهو يخزر لازملمو طبسي حتى هو

​

 

[طارق القبطان]

بالنسبة لية اول يوم راه صراتلي فيه مهاوشة

 

[titou0007]

اه يا سي تيتو ​

هادا مايكفيش راك تشوفي في زقان مسكين موقبيل وهو يخزر لازملمو طبسي حتى هو​

يا أستاذنا محترم هاك هدا الدلاع و خير واش تحب ​

صح فطورك و كل عام و أنت بألف خير​

 

[H@teM]

لحد الان رانا حاكمين رواحنا كلا من بعد الله اعلم
صحا رمضانكم
​

 

[bnbnbilal]

انا راهو غلبني

 

[** غزال الصحراء **]

راهو الصباح يا صاحبي , حتى لعشية و نترمضنو بيان ها خويا تقبل الله صيام الجميع .
​

 

[rania 3asla]

انا بالنسبة ليا مازال ما اثرش فيا ربي يصبرنا ويعطينا القوة الصيام ما يضرش السخانة لي تضرنا مي ربي يقوينا و يتقبل منا يارب

 

[lala القالمية]

يا جماعة الخير اللي يخدم فالكوزينة يجوع ويسخف
كون تشمو ذيك الريحة الله الله
راني خايفة نغلط​

 

[السوفي حمة]

يا جماعة الخير اللي يخدم فالكوزينة يجوع ويسخف
كون تشمو ذيك الريحة الله الله
راني خايفة نغلط​

لاله راكي ساخفة وإلا تسخفي فيبنا
وعلى حسب هدرتك ردي بالك
اليوم الأول صعيب أنا قريب نشرب الماء اليوم في الصباح

​

 

[lala القالمية]

لاله راكي ساخفة وإلا تسخفي فيبنا

وعلى حسب هدرتك ردي بالك
اليوم الأول صعيب أنا قريب نشرب الماء اليوم في الصباح​

والله غير اليوم اللول فالكوزينة كارثة
ياو انا بالاك 6 مرات اللي نجي زعما ندوق الشربة ولا كانش حاجة خرى ومبعد نتفكر
ربي يستر برك
ديجا مصراني بداو يغنيو هههههههههه​

 

[kamou]

الحمد لله الحمد لله الحمد لله
ماعندي مانقول
رمضان وحدو
عندو ريحتو وقيمتو
الناس عاقلة
والنسا بشغلهم لاتييت
والرجال ساكتين ولا راقدين

ربي يدومها ربي يدومها
لوكان غير جات الدنيا قع رمضان


والله ماغلبنيش لحد الان
نقولكم علاش
راني كاليت الجوع b1 فالسحور
صحا فطوركم من درك
مابقاش بزاف صاييد

جزاكم الله الشهر الفضيل
اكتروو من الدعاء​