صحا عيدك خويا الظل الطويل وكل عام وأنت بألف خير
شوف خويا قبل كل شي نقول موضوع قمة ويعطيك الصحة وربي يبارك فيك ونقولك خويا كلمة نختصر بها هذ الأمور كامل الراجل* لو كان يلقى مرى بهذ الصفات لي ذكرتهم مايروحش للخدمة يقعد مريح ومقابلها من هذ المحاسن تاعها ولا تخليه الدنيا يحطها في يديها ويقول قليل ولوكان راه عندنا نسبةالطلاق ماكانش ولوكان راه عندنا جيل متربي ولوكان ولوكا ن إلا مالا نهاية لكن خويا راك تسمع وتقرى وتشوف من اللول داخلينها حيلةمن اللول تقولك أنا لالا لوكان يدير هكذا ولا هكذا يعني راني دايرة الإحتياط تاعي وهي ماراهي قضية إحتياط ولا هم يحزنون هي قضية قضية حرية لي حبو كامل يعيشو فيها حبو يخرجو حبو يقابلو الرجالة حبو يإختصار يولو رجالة ومنها راك تشوف خلي يخدمو وخلي رجال تشد الحيط درك شكون يتزوج بالأخر لازم تاني يقلبوها خويا الظل ماشي الراجل يتزوج بالراجل لكن يقلبوها لازم الطفلة تتزوج بالراجل يعني هي لي تجيبلو القفة وهي لي تجيه لدار والديه تمد عليه الكلمة وهو يفكر ويرجعلها لخبر وعلى خاطرش حتى هو منين يروح يشوف خدمة يلقاها معمرة طفيلات وهذي سياسة جابتلنا غير لفساد وماشية وتزيد ونسبة العنوسة رايحة تحطم رقم القياسي ونسبة الطلاق مانهدروش واش من مجتمع رانا عايشين بيه ونعطيك نسبة تاع إحصائيات على مستوى إحدى البلديات من مصدر مؤكد من وكيل الجمهورية يقول من مجموع 235 حفل زفاف أقيم في سنة 2008 مابين شهر ماي وجوان وجويلية وصلت القضايا الخاصة بالطلاق من هته 235 حفل زفاف 167 قضية طلاق في شهر أوت وسبتمبر وتصور هذا العدد يعني ظاهرة جعلت وكيل الجمهورية يضع يده على راسه ويصرخ زواج تاع 6 أشهر وعلاش إذا من اللول كنتو حابين طلاق وعلاش تتزوجو وكلها من هذ الأمور تاع العقليات الجدد الطفلة فقدت الأنوثة تاعها وهي ماراهيش فايقة ومنين تفهمها ماتفهمش تقولي وحدة تروح للخدمة إحتياج ماعليش محتومة تروح للخدمة شبعة والله غير حرام وشوف خويا الظل الطويل مارانيش ضد الخدمة تاع الطفلة وماعندي هذ العقلية لكن عندي عقلية ضد الفساد ضد إفقاد الأنثى لأنوثاتها ضد باش طفلة يرجلوها كيما راهي السياسة تمشي ومفتعلة ومتعمدة لأهداف واضحة لكن الله غالب الطفيلات ماحبو يفيقو وتهدر معاهم ولا تقول كلمة ترجع أنت جاي من بكري وأ،ت معقد وأنت وأنت إلى مالا نهاية شكون لي راها تحط راسها مع لمخدة وتفكر شوية برك وعلاش هذي ووعلاش هذي لي تحط راسها فوق لمخدة تفكرلك غير في حبيبها واش قالها ولا صاحبها ماكلمهاش ولا ويقتاش يفرج عليها ربي ويتقدملها واحد لزواج بصح الصح حتى واحد مايفكر فيه حتى واحد مايفكر واش هي الأسباب لي خلات العنوسة في بلادنا في إزدياد واش هي السبة لي خلات نسبة الطلاق كيف كيف وكاين لي تقولك الراجل يلعبو عينيه برا ونقول في مكان أي واحد هذي ماشي مرى ولازم تروح تشوف واش هي الحاجا لي راهي مقصرتها في حقو وبعدها تهدر ولي تقولك تاني انا نديرها غير إحتياط نقولك كيف كيف عقلية وحدة وهذي فاقدة الثقة في نفسها ومن كلامي راني نقصد الراجل لي تقبل الطفلة تتزوج بيه وهو مايقبلش خدمتها أما لي من اللول متفاهمين هذا كلام أخر وحتى مانكونش ظالم تاني كاين بعض أشباه الرجال لي وصلونا لهد الحالة
لي يعرفو يترجلو غير مع نساهم ويولو داين مرى كلي راهم دايين حيوان ماشي بشر عندو إحساس وعندو شعور
ياخويا الموضوع يحتاج ويحتاج أكتفي بهذا وربي يحفظك وربي يخليك وصحا عيدك مجددا *
