البنت التي تمارس الرياضة واش راكم

[mohamedsport]

السلام عليكم ورحمة الله تعالى وبركاته الى كل شاب وشابة في المنتدى هل تحبو الفتاة التي تمارس الرياضة ام لا بصراحة واذا طلبت منك اختك ان تمارس الرياضة ماذا سيكون رد فعلك

 

[جازية]

انا نضن نورمال تمارس رياضة اذا كانت مستورة
شكر على الموضوع
​

 

[mohamedsport]

انا نضن نورمال تمارس رياضة اذا كانت مستورة
شكر على الموضوع​

شكرا على الرد وكاين الي ما يحبش

 

[fatima188]

وراهو لعيب وحدة تلعب سبور المهم تكون متحجب ومغطية هاذا هو المهم
تقبلو مروري​

 

[هشام مادي]

اخي نقولك حاجة العيب ليس في الرياضة بحد داتها او في جنس ممارسها ولكن العيب في مجتمعنا.وكثيرا ما نسمع عن مايحدث لبنات داخل الثانويات والمتوسطات وغيرها واعتقد ان خير رياضة تمارسها البنت هي رياضة الاعمال المنزلية.
شكرا على الموضوع

 

[mimi.dz]

انا نظن مكانش مشكل في الرياضة
انا وحدة من نفسي نلعب في الثانوية
وفي الصالة برا ياسكو نتاع بنات
ندير كاراطي وباسكات
واهلي معاندهم حتى مشكل
المهم محجبة الباقي كل واحد مسؤول على نفسو
​

 

[Moha le sage]

مكانه في ركن الحوار والنقاش

 

[ninno28]

شكرا على الموضوع الرائع

 

[ababz]

تبانلي كون جينا في مجتمع مثقف ومحترم عادي بصح كيما رانا في مجتمع ماتليق فيه لا الطفة لا الطفلة شويا صعيب نخلي اختي بصح شكرا على الموضوع الحساس

 

[aMiNa-K]

وين راه المشكل.. يخي كاين دي صال غير للبنات
انا وحدة ندير سبور في صالة ماشاء الله تاع بنات
و الحالة مستورة و الحمد لله​

 

[hiba85]

أنا نظن انو الرياضات ياااااسر وكاين رياضة معليش الطفلة تلعبها وكاين رياضات لا
ومن جهتي نورمال الطفلة كان لعبت رياضة في قاعة خاصة بالنساء وكاينين ياااااااااسر والرياضة مليحة خاصة لتنقيص الوزن

 

[نجاة40]

فكرتني مرة بغيت نجري شويا نوضني بابا على 5 نتاع الصباح داني لواحد البلاصة ماكاين حتى واحد فيها جريت قتلني وروحت مكسرة للدار من ثم ماخممتش نزيد نعاودها مع اني متحجبة لكن العقليات تختلف كاين لي يحب وكاين لي عندو الحرمة حتى فالسبور​

 

[lady.nina]

صديقتي تلعب مع usmb
volley انا كي انتقلت للثانوية حبست من الجمعية و واصلت في المدرسية و تحصلنا على المرتبة الاولى وطنيا -في المدرسية فقط-و هي مازالت رغم اننا رانا قريب نكملو دراستنا الجامعية

اسرتي ما تقبلتش لان المكان بعيد و الدخول متاخر للبيت و مرات يكونو عندنا ماتش نباتو بالاسبوع يتقلقو عليا و اسرتها كانت معاها و اتقبلتها عادي


كل اسرة و كيفاش تخمم