سهير الليالي رشاني !

الحالة
مغلق ولا يسمح بالمزيد من الردود.
اشرب الهيبتاجين ضربة بضربة ههههههه
 
bon slt khouya ghazal bayen fik rak m9ale9 3la jal er9ad mais ana wallah kount kifek apres rouht 3and le medecin 3tali un sirou wallah el3adim walit nour9oud wana wa9fa hhhhhhhhh
ismou***soulamine*** 3labalek tour9oud kitfoul esghir w kitnoud tkoun onforme
w rabi ykoun m3ak
w saha 3idek w koul 3am wenta bialfi khayr​
 
السلام عليكم و رحمة الله وبركاته
والله غير عندك الحق........ ومن بعد نحصلوها في رمضان ....
 
مكلاه اتقلق راسك راهي جاي لقراي وترقد بكري وتنود بكري وقول
مقلهاش ولد اطبيب
 
ههههههههه

واش نقولك نلقا الحل لعمري قبل

بالاك كامل رانا هكداك انا نبات مع التيليفيزيون تان او كي نطفيه نشعل mp3 الله يستر برك دوك وقت لقرايا


اللع يستر واش نقدرو نقولو
 
روح للسبيطار يديرولك lvaliomتنصرع قبل متلحق للدار

الى تحوس على معريفة قولي
 
bon slt khouya ghazal bayen fik rak m9ale9 3la jal er9ad mais ana wallah kount kifek apres rouht 3and le medecin 3tali un sirou wallah el3adim walit nour9oud wana wa9fa hhhhhhhhh​

ismou***soulamine*** 3labalek tour9oud kitfoul esghir w kitnoud tkoun onforme
w rabi ykoun m3ak

w saha 3idek w koul 3am wenta bialfi khayr

و الله ؟ ما ذا بيا أنا نولي نرقد كي البيبي و الله نشوف عليه هاذا ربي يهنيك و صحا عيدك و كل عام و انتي بألف خير .
 
ماشفتوش موضوعك يا هشام

نقلك حاجة ..انا وليت نروح نرقد باش نوض غدوة للخدمة ولا عفسة خلاف ... ماشي علاجال جاني نعاس

نزيدك حاجة هشام ..عييت نجيب نهار كومبلي .. ونا منيش من اليوم عندي سنين ونا هكذا

قالولي كي نتزوج نولي نرقد هههههههه معرف صح ولا يكذبو

الفايدة ديما نطفي الميكرو نروح نتفرج فيلم .. والناس راقدة

ذرك مناش في عطلة ..وليت نحتم روحي نطفي الميكرو على 3 ولا 4 ..

انا نظن بلي السيركوي تاع النوم صوطات ..


ولا وش تخمم نتا ؟



قالي عادل نديرو زعما جميعية تاع الساهرين ... بصح لقيت روحي وحدي .. نطلع ونهبط في الباجات

الوقت تاع الصباح ديما نقرافيه الشعر ..كيما لي راني نجيب فيه في قسم الشعر . .. ولا نتفرجو في اليوتوب

كي تلقى حل قولي ..ولا نقلك

راه قريب خيك يتزوج ..راني نبعثلك بعد شهرين زواج ميساج نقلك اذا اتعدلت ولا مزلت كي بكري
 
السلام عليكم و رحمة الله وبركاته

والله غير عندك الحق........ ومن بعد نحصلوها في رمضان ....


و عليكم السلام و رحمة الله تعالى و بركاته

كيفاش حبيبي فهمني ؟
 
ههههههههه


واش نقولك نلقا الحل لعمري قبل

بالاك كامل رانا هكداك انا نبات مع التيليفيزيون تان او كي نطفيه نشعل mp3 الله يستر برك دوك وقت لقرايا



اللع يستر واش نقدرو نقولو

نتي ما عندك ما تنصحيتي لا كون ديريلي تاع المريض يداوي في الطبيب :biggrin:مرسي عليك .
 
روح للسبيطار يديرولك lvaliomتنصرع قبل متلحق للدار



الى تحوس على معريفة قولي

وي يخصني معريفة باش نجيب فيزا ..:glare:
 
السلام خويا محمد

ياو نتا علابالي بيك دايمن نلقى فيك معايا لصباح مي ليوما نخليك وحدك راني بعيد على

الدار السيبار يهدر :biggrin:

اه عندك سنين ونتا هاكاا أنا فيروس جديد برك إفلونزا الرقاد ربي يعافينا


ياودي كي تتزوج ماشي غير ترقد بزاف حوايج يتريقلو يا صاحبي مي وين راه الزواج

أنا نهار الثلاثاء لي فات قعدت في الميكرو حتى ل 8.45 و مبعدا طلعت ضربت دورة في

الليسي ما لقيت حتى واحد غير العساس يسيق ايا درت شويا و مبعدوليت لدار جوايه ال

12.30 و رقدت حتى للمغرب :cursing:

السيركوي تاع النوم صوطات .. هاذي سور قاع مي وين نخدموها




جمعية السهرانين افار هاذي راه جا وقت ليكول يا شريكي الجمعية تبور على حساب

الشوفة أنا واحد نولي نزير روحي حتى نرقد و لا نتبع السيروات كيما قالولي الجماعة

ايه اليوتوب ديما نهربولو كي تحد بينا و الله

اه راك قريب تتزوج مبروك يا سيدي يليق ديرنا البارود في اللمة :angel_not:
 
السلام عليكم
اليوم وين شفت الموضوع
حبيت نقلك بلي هدا البروبلام عندي انا تاني
سيرثو في رمضان نتساحر ونصلي ونروح لبلاصتي ساعة وانا نحاول في الرقاد يجي ماكان والو
جيسبار كي نوليو نقراو نرجعو كي لعباد
باسكو موالفة ما نرقدش بكري وامباعد ما نوضش بكري ويروح عليا الحال
و ما نفطرش ونجوع حتى 12
خليها لربي برك
المهم كاش دواء جديد راني هنا
صحا
 
السلام عليكم
اليوم وين شفت الموضوع
حبيت نقلك بلي هدا البروبلام عندي انا تاني
سيرثو في رمضان نتساحر ونصلي ونروح لبلاصتي ساعة وانا نحاول في الرقاد يجي ماكان والو
جيسبار كي نوليو نقراو نرجعو كي لعباد
باسكو موالفة ما نرقدش بكري وامباعد ما نوضش بكري ويروح عليا الحال
و ما نفطرش ونجوع حتى 12
خليها لربي برك
المهم كاش دواء جديد راني هنا
صحا

اه وي رانا كيف كيف ندابز مع السرير و ما نعيا نتقلب و الرقاد والووووو , و مام انا

كانت تصرالي في القراية و الله نجي روطار حتى وليت نحشم من المراقب ,,, هانية

كاش دواء راني نراسلك :biggrin:
 
قبل ماترقد ادعي ربي ودكرو وقرا القران وكتر وسورة البقرة قراها خلاف وتشوف كيفاش ترقد مرتاح ou bien صلي ركعتين ربي يكون معاك
attachment.php
 
السلام عليكم

انا نقولك هشام احكي ليه حكاية جحا تلقى غير الشمش طالعة هههههههههه

المهم
لازم تتعود نهار بعد نهار
كنت متعود على السهر قبل ما كنت تسهر كنت ترقد بزاف وباش وليت تسهر عنيب كل يوم تزيد شويا حتىوليت ما ترقدش حتى الموالفة على الرقاد دير معها هكذا

شكرا اخي وفقك الله
 
صحى عيدك خويا وكل عام وانت بخير
هذا الأرق والظاهرة هاذي موجودة عند ناس كثيروانا شخصيا عندي من 10 سنين تقريبا وعلى مدار العام وعانيت منها معاناة شديدة ماخليت حتى حاجة ما درتهاش صدقني نرقد يوميا على7_8 تاع الصباح وساعات نبقى في بلاصتي أكثر من8 ساعات نحاول كاشما نرقد وسنوات عديدة وانا فهاذ الحال .الناس تروح تخدم وانا هذاك وين يجيني النوم وفي أغلب الاحيان نروح نخدم بلا ما نرقد ..الليل نعديه قاعد وفي النهار تعبان .وفلخر تغلبت عليها بالعلاج تاع الطبيب والصلاة وقراءة القرآن في الليل.قبل ماتحكم بلاصتك توضى وصلي ركعتين لله وقرى حزب ولى ثنين قرآن وتشوف روحك كيفاه تولي والظاهرة هاذي يجي التخلص منها تدريجيا ماشي خطرة وحدة..وحاجة أخرى لكان تشرب فالقهوة بزايد حبسها.ولى شربها غير الصباح برك وماتشربهاش لعشية وفي الليل.
وعليك بالقرآن والوضوء قبل النوم.
وربي يوفقك خويا غزال.

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top