الضيف الحادي عشر و الأخير في رمضان *11*

[فريد أبو فيصل]

نرحب بالضيفة العزيزة

sleepingbeauty​

​

هديتنا لكِ اغلى هدية

​

​

​

 

[korbali]

السلام عليكم
صبا الخير يا اخت sleepingbeauty
اهلا وسهلا بك معنا را ني خليتلك بلاصتي غير باه ماتزعفيش ههههههههههههه
رامي نقصر برك
نبداو بالاسئلة
1 الاسم الحقيقي اذا امكن ؟
2 العمر ؟
3 فاه تقراي ؟
4 مامعنى اسمك في اللمة ؟
5ماهو احب عضو اليك في اللمة ؟
6ماهو احسن قسم في اللمة بالنسبة اليك ؟
7كيف تقضي يومك في رمضان ؟
8كيف تعرفتي على اللمة ؟
9ماهي اجمل امنية تتمني ان تحققيها ؟
10هل كنت تعرفين العضو كوربالي قبل اليوم ؟
شكرا الرد مسبقا هههههههههههههه
صحا فطورك سلام
​

 

[حفيد هواري بومدين]

:yahoo::yahoo::yahoo:اهلا بيها اهلا
منبعد نلحق بالكاتالوg
نتاع لي كيستيون
:biggrin:
​

 

[sleepingbeauty]

-FARID@;1586240]

نرحب بالضيفة العزيزة

sleepingbeauty​

​

هديتنا لكِ اغلى هدية

​

السلام عليكم
شكرا اخي فريد على الدعوة بارك الله فيك
علابالك رمضان كامل واحد ما عرضنا نسهروا عندو واحد ما دار علينا غير انت يعطيك الصحة راك فرحتني بزاف :yahoo:
و شكرا على الهدية هادي اغلى هدية
ربي يخليك خويا و ربي يقدرني على الاسئلة هههه
​

 

[sleepingbeauty]

السلام عليكم
و عليكم السلام و رحمة الله
صبا الخير يا اخت sleepingbeauty
مساء الخير خويا كوربالي
اهلا وسهلا بك معنا را ني خليتلك بلاصتي غير باه ماتزعفيش ههههههههههههه
رامي نقصر برك
يعطيك الصحة خويا :yahoo:هههههه
نبداو بالاسئلة
1 الاسم الحقيقي اذا امكن ؟
خولة
2 العمر ؟
23 سنة

3 فاه تقراي ؟
خلصت قرايتي في الجامعة العام لي فات
4 مامعنى اسمك في اللمة ؟
الاميرة النائمة و خيرتوا على خاطر نحب الرقاد بزاف هههههه
5ماهو احب عضو اليك في اللمة ؟
نحبكم كااااااااااااااااااااااااااااااااامل ما نقدرش نخير صعيبة
6ماهو احسن قسم في اللمة بالنسبة اليك ؟
بلا هدرة قسم واش راك تهدر هو لي فيه لا سيركيلاسيون بزاف هههههههه
7كيف تقضي يومك في رمضان ؟
بلاش فضايح يا اخي هههههههه
ننوض صباح نبدا في الخدمة تاع الدار كي نخلص نكوناكتي و مبعد نصلي و مبعد نروح نعاون في الكوزينة ساعة ساعة نهرب نروح نكوناكتي هههههه و اذا لقيت شوية وقت نقرا القرآن يعني في النهار ما نشوفش لا تيلي خلاص و مبعد نفطر الماعن ما نغسلهمس تهنيت منهم نحطهم في الغسالة و مبعد نشرب قهوة و نكوناكتي شوية كي ياذن نروح مع بابا للمسجد نصلي العشاء و التراويح و نروح للدار اللتم وين نشعل لا تيلي و نبدا نتفرج جمعي فاميلي و شر النفوس و مبعد نكوناكتي في اللمة حتى يجي بابا يحاوزنا انا و خويا و نروحو نرقدو و بس
8كيف تعرفتي على اللمة ؟
كنت نحوس على منتديات جزائرية لانني كرهت من المنتديات لخرين ديجا العبد في الغربة و يزيد يتغرب تاني في المنتديات بزاف مالا طحت في اللمة الحمد لله :biggrin:
9ماهي اجمل امنية تتمني ان تحققيها ؟
انني نعيش في بلادي و في وسط اهلي و احبابي و والديا و خاوتي تاني يكونوا معايا هاكدا باه ما نتوحش حتى واحد
10هل كنت تعرفين العضو كوربالي قبل اليوم ؟
طبعا و هل يخفى القمر هههههه
شكرا الرد مسبقا هههههههههههههه
الله يسلمك خويا
صحا فطورك سلام
و انت زادة صح فطورك خويا و ربي يقبل صيامك و صيام جميع المسلمين
​

شكرا على الاسئلة اخي راك نورت الموضوع
​

 

[sleepingbeauty]

:yahoo::yahoo::yahoo:اهلا بيها اهلا
منبعد نلحق بالكاتالوg
نتاع لي كيستيون
:biggrin:
​

الله يسلمك خويا عبدو
راني نستنى فيك بصح راك خلعتني كاتالوج بعد ههههههه
صح فطورك يا الحاج
​

 

[فريد أبو فيصل]

الاخت خولة ذكرت الغربة ماهو شعورك في الغربة ماهو سبب الغربة وماهو شعورك خارج بلدك وكيف هي الجالية الجزائرية في ابو ظبي وهل تتم سهرات جزائرية بينكم ؟

 

[الجزائري05]

نفطروا ونشفعوا و مبعد تحلى القعدة مع وليدات لبلاد
وجدي الصالون مليح يالموكيستة
​

 

[sleepingbeauty]

الاخت خولة ذكرت الغربة ماهو شعورك في الغربة ماهو سبب الغربة وماهو شعورك خارج بلدك وكيف هي الجالية الجزائرية في ابو ظبي وهل تتم سهرات جزائرية بينكم ؟

شعور صعيب بزاف يحس بيه غير اللي جربو
السبب هو عمل الاب
ما كانش كيما بلادي نقولك الصحة و انا من النوع اللي يحب اللمات و الجمعات مع العائلة ملي كنت صغيرة
راهم لاباس ماشي في بزاف و السهرات مع الجزائريين اللي نعرفوهم ساعة ساعة يجيبوا العائلة تاعهم و يتلموا و يجيو يسهرو معانا حتى من العيد يجوزوه عندنا
​

 

[sleepingbeauty]

نفطروا ونشفعوا و مبعد تحلى القعدة مع وليدات لبلاد
وجدي الصالون مليح يالموكيستة
​

ان شاء الله يا الموكيست مرحبا بيك و راني نستنى فيك احنا فطرنا و خلصنا :yahoo:
صح فطورك خويا انت و كل العائلة و ربي يقبل صيامكم
​

 

[الجزائري05]

الله يعيشك صح فطورك يالموكيستة نتي تاني
​

 

[sleepingbeauty]

أهلا وسهلا ومرحبا بك
أتمنى لكي إقامة طيبة
صح فطورك
ونشوفك ع خير

الله يسلمك اخي شكرا لك راك نورت الموضوع
انت زادة صح فطورك خويا
​

 

[abidou 20081]

صحا فطورك ختي خولة وربي يتقبل ولا الأميرة النائمة كيما تحبي تسمي روحك

باش مانكونش ثقيل بزاف عندي سؤال واحد فقط
ولي هو سمعنا من خلال مواضعك أنك قمتي بعمرة وحبينا نعرفو واش هو الإحساس تاعك ملي حطيتي رجلك
في ذلك المكان المقدس ولحظة إتمام العمرة والعودة كذلك
ربي يبارك فيك وربي يتقبل ونتمنى كنت خفيف وربي يحفظك وربي يخليك ​

 

[M!na]

صح فطورك اتمنى لك جلسه هنيئه
منوره يا قمر
موفقهــــــــــــــــ
c..you
​

 

[sleepingbeauty]

ص

حا فطورك ختي خولة وربي يتقبل ولا الأميرة النائمة كيما تحبي تسمي روحك

مرحبا بيك يا اخي عبيدو راك نورت الموضوع صح فطورك
باش مانكونش ثقيل بزاف عندي سؤال واحد فقط
يا خويا ماراك ثقيل ماوالو خاصة انت اسأل واش تحب
ولي هو سمعنا من خلال مواضعك أنك قمتي بعمرة وحبينا نعرفو واش هو الإحساس تاعك ملي حطيتي رجلك
في ذلك المكان المقدس ولحظة إتمام العمرة والعودة كذلك
الحمد لله يا رب ان شاء الله تكون عمرة مقبولة و لعقوبة ليك خويا عبيدو و لكل اعضاء اللمة
و الله احساس هايل جامي حسيت بيه خاصة في المدينة المنورة هبلتني البلاصة هاديك تحس فيها بواحد الراحة النفسية ما تحسها في حتى بلاصة ماعلاباليش وعلاه كي جينا خارجين منها حبيت نبكي :crying:
حاجة برك قلقتني كي رحنا للبقيع طبعا النساء يشوفوا من الشباك برك ما دخلناش الداخل اللتم قلقت من البكاء تاع الشيعة داروا حالة فسدولي هاديك الزيارة
و مبعد رحنا للميقات و حرمنا و رحنا لمكة و درنا العمرة في الليل بالاك على ال2 تاع الليل ما كانش الغاشي بزاف و كان لبرود يعني الضروف كانت مليحة بزاف
احساس هايل تاني كي تشوف الكعبة الشريفة للمرة الاولى
كي خلصنا عالعمرة حسيت بالراحة و قعدت ندعي تكون عمرة مقبولة و ما تكونش آخر مرة أن شاء الله يا رب
و كملنا قعدنا سمانة مبعد روحنا
لعقوبة ليك خويا الكريم
ربي يبارك فيك وربي يتقبل ونتمنى كنت خفيف وربي يحفظك وربي يخليك
يبارك فيك خويا ربي يعطيك ما تتمنى كنت ماشي غير خفيف و اسئلتك ولا اروع نفس مواضيعك و ردودك الله غالب اللي فور فوور
​

 

[sleepingbeauty]

صح فطورك اتمنى لك جلسه هنيئه
منوره يا قمر
موفقهــــــــــــــــ
c..you
​

الله يسلمك حبوبة و صح فطورك انت تاني
انت لي نورتي الموضوع بطلتك الجميلة
شكرا اختي و سلامي لكي
​

 

[sleepingbeauty]

علابالكم انتوما السهرة تاعكم هادا وين بدات و انا تاعي راهي خلصت راهي 1 تاع الصباح عندنا اذا كان هناك المزيد من الاسئلة سأتشرف بالاجابة عنها غدا و صح فطوركم كامل و ربي يقبل صلاتكم
​

 

[الجزائري05]

واش وين بيها هدا
مزال الحال عليك ولا رايحة ترقدي
​

 

[Jagwar]

مساء الأنوار لأروع و ألطف و أقوى شخصية فى منتدى اللمة الجزائرية
صحا فورك أختى خولة
ان شاء الله راكى فى تمام الصحة و العافية
هاذى غيبة تاع الصح !!!
ما نعرف اذا تفكرتى أسامة "ميسى بومب" ولا راكى نسيتينى
على خاطر أنا تانى طولت الغيبة فالمنتدى
أيا ما نطولش الهدرة و نبداو
Je voulais vous poser quelques questions

س1_ عرفينا بنفسك باختصار .

س2_ شكون خير ( أبو ظبي خير و لا دزاير خير ) ؟

س3_ واش الأكلة المفضلة عندك ؟

س4_ كم هو طولك ؟

س5_ ما هو وزنك ؟

س6_ هل حدث و أن أزعجكى شخص معنا فى المنتدى _نعم أم لا ؟

س7_ ما هي البرامج التلفيزيونية المفضلة لديكى ؟

س8_ ما هو اللون المفضل لديكى ؟

س9_ حكمتكى التى تقتدين بها ؟

س10_ ماذا تعنى لكى الكلمات التالية :
* الأب
* الأم
* الأخ
* الصديق
* الألم
* الحقد
* الحب
* الشجاعة


أوووه باين طولت عليك أختى أيا خلاص رانى درت Stop

تحياتى ليك أختى

و صحا سحورك







​

 

[sleepingbeauty]

واش وين بيها هدا
مزال الحال عليك ولا رايحة ترقدي
​

راهي الوحدة عندنا واش بيك يا الموكيست
ماعليش درك نسيي نزيد شوية على جالكم برك
​