Pas 2 Tahleb !!!!!!! **فريق أمل اللمة **

[** غزال الصحراء **]

السلام عليكم , اليوم راني جاي نحكي على كلمة دات السوكسي هنا في البلاد و هي

Pas 2 tahleb ناس قاع و لات تحكي بيها برة لي تحكي معاه يقولهالك في الغناء

نسمعوها في التواقيع نلقوها في الحيوط كتبوها تبانلي مام نتوم تحبوها ؟ خمم في المعنى

تاعها مليح يعني كي يجيك واحد وقولك حنا عقلبية ما نحلبوش و الله لا مشكلة كبيرة

هاذي ! ما نحلبوش معناه ما نعلموش و ما نورو لحتى واحد حاجة و علاه الأنانية هاذي

؟ واحد تلقاه يعرف دومان يقولك ما نعلم حتى واحد أوخر و حاسب روحو راه يمشي

بعقلية مليحة و متقدمة يا خي قبل كل شيء رسولنا صلى الله عليه و سلم قال

( لا يؤمن أحدكم حتى يحب لأخيه ما يحب لنفسه ) ..

أنا نتمنى تتجنبو هاذي الكلة لي ولات قريب تدي بلاصة( السلام عليكم ) و ولينا قاع

نحكو بيها كي شغل رانا نديرو في حاجة مليحة من قلم خوكم هشام .
​

 

[parkour14]

يعطيك الصحة خويا غزال والله عندك الحق في كل كلمة قلتها
و كاين الي يقولها معلبالوش واش دير هذي الكلمة في قلب الغير كي يقولهالوا

بارك الله فيك
​

 

[young_gang]

و الله عندك الحق يا غزال الصحراء هدي الكلمة راهي دايرة حالة :scared:
أو كاين كلمات من نفس العائلة كيما "حبست تحلاب" ولا "ما نحلبوش الكافي" ههههه
انا نقول ألي يبغي هاد الكلمات باين خردة او يبقى خردة هههه
​

 

[** غزال الصحراء **]

يعطيك الصحة خويا غزال والله عندك الحق في كل كلمة قلتها
و كاين الي يقولها معلبالوش واش دير هذي الكلمة في قلب الغير كي يقولهالوا

بارك الله فيك
​

الله يهنيك صح يا عادل عنك الحق

و الله لا كلمة واعرة و يليق الواحد

يقيس كلامو قبل ما يقيسو :sneaky2:
​

 

[** غزال الصحراء **]

و الله عندك الحق يا غزال الصحراء هدي الكلمة راهي دايرة حالة :scared:
أو كاين كلمات من نفس العائلة كيما "حبست تحلاب" ولا "ما نحلبوش الكافي" ههههه
انا نقول ألي يبغي هاد الكلمات باين خردة او يبقى خردة هههه
​

و الله لا صح كلمات في نفس الفئة يا محاينك !!

ما عندي ما نزيد ربي يهدي ما خلق

و ان شاء الله نتخلصو منهم .
​

 

[parkour14]

و الله عندك الحق يا غزال الصحراء هدي الكلمة راهي دايرة حالة :scared:
أو كاين كلمات من نفس العائلة كيما "حبست تحلاب" ولا "ما نحلبوش الكافي" ههههه
انا نقول ألي يبغي هاد الكلمات باين خردة او يبقى خردة هههه
​

oui viva le gang

lolllll
​

 

[lamilam88]

أنا مانحبهاش أصلا هاديك الكلمة تبنلي طايحة
و زيد اللي يقولها غير اللي شاك في روحو و حاسب روحو حاجة كبيرة

 

[ميسومة الدلوعة]

شكرا اخي على الموضوع هادي الكلمة نقولوها بزاف سيرتو حنا لبنات نستعملوها في حوايج بزاف يعني ما نحلبوش الكافي مي صح كا ينين كافيا كي يتحلبو يلعبوها خيرمنك ملا تقعد pas 2 tahleb

 

[** غزال الصحراء **]

أنا مانحبهاش أصلا هاديك الكلمة تبنلي طايحة
و زيد اللي يقولها غير اللي شاك في روحو و حاسب روحو حاجة كبيرة

ايه و الله كلامك جواهر .
​

 

[** غزال الصحراء **]

شكرا اخي على الموضوع هادي الكلمة نقولوها بزاف سيرتو حنا لبنات نستعملوها في حوايج بزاف يعني ما نحلبوش الكافي مي صح كا ينين كافيا كي يتحلبو يلعبوها خيرمنك ملا تقعد pas 2 tahleb

هاذيك هدرة وحد أخرى تاع ناكر الجميل , و إذا فهمتي السوجي مليح راني نحكي على

لي ما يعلموش الناس في دومان تاعهم يعني الحاجة لي يتعلموها يديوها معاهم لقبر

داخلينها Pas 2 Tahleb و هاذي ولات صفة كبر و تكبر هنايا !!!!!!

يعني المختصر المفيد علمي الناس لي ما يعرفوش كاش حاجة و مبعد الباقي على ربي

إذا نكرو الخير بينهم و بين مولاهم و ما تنسيش مول التاج يحتاج .
​

 

[حفيد هواري بومدين]

رايي من رايك يا بنت الحاسي
:biggrin:
​

أنا مانحبهاش أصلا هاديك الكلمة تبنلي طايحة
و زيد اللي يقولها غير اللي شاك في روحو و حاسب روحو حاجة كبيرة

 

[jiji 94]

شكرا لك اخي هشام ..........​

 

[lamilam88]

رايي من رايك يا بنت الحاسي ​

:biggrin:​

:blush::blush:مليح مليح
راك عندك ميموار تاع دب ولا تع جمل
شفيت عليا باللي أنا من حاسي مسعود
يا سي فلان مول البدلة الرسمية

 

[aMiNa-K]

السلام عليكم
صح خويا كاين بزاف اللي يقولو.. حنا مانحلبوش
مانحلبش الكافي:thumbdown:

وحد الوقت كانو ماعندهم حاجة ..الحاجة اللي يعرفوها يعلموها.. بصح جاو وحد الكعب (كما يقولو هوما) مايعرفو والو.. و كانو كاينين النوايا بزاف .. علموهم بصح صراهم كما المثل اللي يقول: علمتلو الصلاة سبقني للحصيرة.. يعني كاين اللي كانو يورولهم بصح دارو عليهم.. و ولاو حاسبين رواحتيهم يعرفو خيرمنهم.. من تماك خرجت pas de tahlab

واللي يقولوها هوما الكعب تاع الصح.. نساو رواحتيهم بلي كانو كعب وحد الوقت و تحلبو..و زعمة قافزين تعلموها بالخف ولاو يطبقوها .. كلمة زوج يقولك pas de tahlab.. و زادو بزاف من عندهم

و هادي تتسمى عنصرية..الله يهديهم

موضوع شباب صحيت خويا​

 

[Badech]

سمعوها في غنية

نحن لا نحلب نحن لا نصاحب

ـالْفـَ اهِمْ يَفـْ ـهَـ مْ
سَامِـ حُونِي عَلَى الِإزْعَ ـاجْ
لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ
اللـهم أَعِ ـنِ عَلـ َى ذِكْرِكَ وَ شُـ كْرِـكَ
إِقْرَا جَيـِ ـ دًا مَا بَيـْ نَ السُـ ـطُورْ​

 

[فؤاد الورقلي]

السلام عليكم

نعم هشام كيما قلت كلمة راح تدي مكان كبير في الهدرة
الكل يهدر بيها الصغير الكبير البنت المراة
تهدر مع واحد بينك وبينو حاجة يقولك انا حبست تحلاب الذر او مشابه لها

المهم ربي يعافينا ويسامحنا


شكرا اخي وفقك الله وجراك الجنة

 

[** غزال الصحراء **]

السلام عليكم
صح خويا كاين بزاف اللي يقولو.. حنا مانحلبوش
مانحلبش الكافي:thumbdown:

وحد الوقت كانو ماعندهم حاجة ..الحاجة اللي يعرفوها يعلموها.. بصح جاو وحد الكعب (كما يقولو هوما) مايعرفو والو.. و كانو كاينين النوايا بزاف .. علموهم بصح صراهم كما المثل اللي يقول: علمتلو الصلاة سبقني للحصيرة.. يعني كاين اللي كانو يورولهم بصح دارو عليهم.. و ولاو حاسبين رواحتيهم يعرفو خيرمنهم.. من تماك خرجت pas de tahlab

واللي يقولوها هوما الكعب تاع الصح.. نساو رواحتيهم بلي كانو كعب وحد الوقت و تحلبو..و زعمة قافزين تعلموها بالخف ولاو يطبقوها .. كلمة زوج يقولك pas de tahlab.. و زادو بزاف من عندهم

و هادي تتسمى عنصرية..الله يهديهم

موضوع شباب صحيت خويا​

و الله لا هاذي هي , ضركا ما كانش واحد زاد متعلم و مام إذا دار عليك

ما عليش علمو و كيما يقولو دير الخير و نساه دير الشر و تفكرو

و كيما قلتي نتيا ديجا هوما حلبوهم !! و الله لا كلمة كاينة منها كياش أنت تشد حاجة

عندك و هي ماشي تاعك حتى ؟ و زيد بزيادة حتى كلمة Pas 2 Tahlab حلبوهم

عليها لا ؟ و الله ربي يصلح لحوال و عجبني تعبير لكعب .. الله يهنيك أمينة دائمة قوية

بتدخلاتك .
​

 

[** غزال الصحراء **]

سمعوها في غنية

نحن لا نحلب نحن لا نصاحب

ـالْفـَ اهِمْ يَفـْ ـهَـ مْ
سَامِـ حُونِي عَلَى الِإزْعَ ـاجْ
لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ
اللـهم أَعِ ـنِ عَلـ َى ذِكْرِكَ وَ شُـ كْرِـكَ
إِقْرَا جَيـِ ـ دًا مَا بَيـْ نَ السُـ ـطُورْ​

المشكل لي غناو الغنية هوما لي سمعوها عند الغاشي :biggrin:
​

 

[** غزال الصحراء **]

السلام عليكم

نعم هشام كيما قلت كلمة راح تدي مكان كبير في الهدرة
الكل يهدر بيها الصغير الكبير البنت المراة
تهدر مع واحد بينك وبينو حاجة يقولك انا حبست تحلاب الذر او مشابه لها

المهم ربي يعافينا ويسامحنا


شكرا اخي وفقك الله وجراك الجنة

ايه هاذي هي , مرسي عليك فؤاد تدخل قوي كالعادة .
​

 

[aMiNa-K]

و الله لا هاذي هي , ضركا ما كانش واحد زاد متعلم و مام إذا دار عليك ​

ما عليش علمو و كيما يقولو دير الخير و نساه دير الشر و تفكرو​

و كيما قلتي نتيا ديجا هوما حلبوهم !! و الله لا كلمة كاينة منها كياش أنت تشد حاجة ​

عندك و هي ماشي تاعك حتى ؟ و زيد بزيادة حتى كلمة Pas 2 Tahlab حلبوهم​

عليها لا ؟ و الله ربي يصلح لحوال و عجبني تعبير لكعب .. الله يهنيك أمينة دائمة قوية ​

بتدخلاتك .​

ايعيشك خويا

هادو صاريلهم كما المثل اللي يقول: الجمل مايشوفش لعرورتو.. يشوف لعرورة خاوتو :glare:
ماعندنا مانديرولهم.. نتجاهلوهم و خلاص :angel_not:

خويا مواضيعك هي اللي قوية
مشكوووور​