رواحو نعلمكم حاجة يا الجايحات ـ وصفة خاصة من ابداعي

[الامين محمد]

قبل ما نبدا الموضوع اود ان اشكر الأخت المجرمة جدا
@Soumia hadj mohammed
لأنها هي سبب اكتشاف موهبتي في الطبخ
لأنها مرة كنت وحدي في البيت و المدام مسافرة
قلت ليها ما نعرف نطيب حتى حاجة
يعني كي نكون وحدي نشري سردين مصبر
او حليب و تمر و خبر
ضحكت عليا المجرمة
قبشت مشاعري و قررت نتعلم و ارفع التحدي
فعلا تفرجت على قناة سميرة
و بحثت في اليوتوب حتى تعلمت

المهم هته الوصفة سرية
اتصلوا بيا عدة قنوات و ما حبيتش نفيقهم

قلت نعلم اهلي في اللمة بلاكش يهزها واحد حرفة و يفتح مطعم
بلا طول حديث إليكم العمل
بالتفصيل الممل
ـــــــــــــــــــــــــــــــــــــــــــــــــــــــــــــــ

أول حاجة نحل الفريجيدار و نخير 3 حبات بيض سمان
نجبد البيض و نمسكه في يد واحدة
العفسة واعرة لكن لازم تتعلموها
ثاني حاجة و اللي هي مهمة جدا تغسلوا البيض تحت الحنفية
هاذي تاع غسل البيض قالت ليا المدام نسموها نحلل البيض
بمعنى اذا ما غسلتهش يعتبر جيفة
انا صراحة ما فهمتش علاه نغسلوه ياك القشور تترمى
المهم نغسلوا البيض ​

ـــــــــــــــــــــــــــــــــــــــــــــــــ

كي نغسلوا البيض نحطوه على الجهة اليمنى فوق البوطاجي
على الجهة اليمنى ركزو معايا ماهو قريب ماهو بعيد
ـ ماهو بعيد ماهو قريب والله ق تصلح اغنية ههههه ـ

نحط طبسي نقية و مغسولة جيدا بأجاكس
نبدا بسم الله
و نهز بالحبة و نضرب الوسط تاعها على حاجة قاطعة
طرف الطبسي او القنت تاع البوطاجي
ضربة ماهيش قوية و إلا راح يجيك البيض في وجهك سيدتي

ضربة تشبه للصفعة تاع الزعاقة اللي تضربي بيها البيبي تاعك

هنا حذاري ترمي الصفار و البياض في لابوبال الصغيرة اللي تحت البوطاجي
و تحطي القشور في الطبسي
والله ق صراتلي و رميت شحال من حبة في لابوبال و خليت القشور

نفس العملية كرريها مع باقي البيض



نزيد شوي ملح و شوي بهارات اللي تحبوها انا نحب الحب الكحلة تعطي بنة مليحة
تقدري تحطي كعبات فورماج معليكش
عندك الحرية حذاري فقط تحط سكر راه العشا كامل يفسد

نحط مقلة فوق النار مع رفعها و خفضها في كل الجهات
باش الزيت يتفرق



هنا اللحظة الجميلة لديها مشاعر خاصة
و هي كي تفرغي البيض في المقلة و تسمعيه يطيب
انا صراحة نحس روحي شاف تاع طبخ جاي من تركيا

ما تفقدش التركيز و بقا مركز
هز المقلة و بقا تميل فيها كل مرة في جيها
و مع الفرشيطة
الجيهة اللي تطيب
جبديها للوسط
باش البيض اللي راه يقارع في دوه ينزل مكانه يطيب
و هكذا حتى يطيب كل البيض

نحي المقلة من فوق النار

باش يجي العمل شباب حافظي على هاذيك الخبزة تاع البيض
باش يجي التقديم شباب

جيبي طبسي مسطح
وحطي البيض بالعقل برك باش الزواق ما يفسدش

كي تحطي البيض تاعك
تقدري تحطي فوقه ورقة قسبر او نعنع
للتزيين غي مكان لاه تاكل هاذي الورقة و طيشها مباشرة كي تبدا تاكل
تقدر تحط سبع ورقات تاع السدر اذا كنت تعاني من الخلعة او العين
ههههههههه



المهم الوصفة سرية ما تخبروش بيها
و اللي تخدم بيها في كاش مطعم معليش ندي 30 بالمية من الارباح
ههههههه
ــــــــــــــــــــــــــــــــــــــــــــــــــــــــــــــــ
عارف الموضوع للمزاح لكن حبيت
نفكركم ان اللمة راهي محتاجة للمواضيع تاوعكم
فلا تبخلوا عليها من كرمكم
ــــــــــــــــــــــــــــــــــــــــــــــــــــــ
الشاف العالمي الامين محمد
و اللي يضحك نبلوكيه
هههههه
@سكون الفجر
@السلطانة
@لؤلؤة قسنطينة
@يلوو شيش
@الامين محمد
@طموحة
@حلم كبير
@خووخه
@NAPOLA
@Amant liberti
@أم منيــــــر
@الصراحة راحة
@صمت النبض
@حاتم07
@آڸعيۉن آڸسۉد
@ملكة زوجي
@الفتاة الاميرة
@quěěŋ ŏŏŏŏf gříěf
@Adam dz
@صمت النبض
@زهور الشوق
@الطيب الجزائري84
@Autumn leaves
@السلطانة
@الملك الظليل
@ليليا مرام
@Ma$Ter
@Malika Tlm
@الوهم
@البشير البشير
@*amani*
@ناصر dz
@اميرة الالم
@اميرة المدائن
@طيور السلام
@سوار سوف
@عبدالرؤوف
@Soumia hadj mohammed
@rafid2
@فتى من الغد
@سعد606
@خيرة جانت
@خيرة الوهرانية
@خديجة ph
@آية نور اليقين
@sami44
@ناصر dz
@زخة مطر​

 

[البشير البشير]

برافو اخي النشيط الشاف الامين محمد، أنا فخور بك لرفع راية التحدّي وحل المشكلات بأسرع وقت ممكن
احسنت

 

[ناصر dz]

هههههه وصفة سحرية الامين خلى عضوات المنتدى تحفظها فى الا رشيف تاعهم ههههههه

 

[الوهم]

شكرا ليك بزاف خويا امين جربت الوصفة نتاعك ولا اروع كون غير تشوفها ام وليد باه تبات قاعدة وتخمم تقولك دوك يحل قناة ويدي عليا قاع مشتركين قالك رجال ميعرفوش يطيبو

 

[Wissem wiwi]

وانا علاه ماطاقيتونيش هههههه ولا ستخسرتو فيا عظمة؟ ههههه اني نضحك بصحتك

 

[وۣۗهۣۗہۣۗم]

السلام عليكم.....
ههههههه هنيئااا لنا حقااا
واخيرااا اكتشفنا الوصفة الخيالية والمبهرة لسيادتكم اخى الفاضل
ههههه
جزيت الف خير​

 

[الامين محمد]

واش ما عجبتكم الطبخة تاعي ولا كيف هههههههه
علابالي راكم غايرين مني ههههه

 

[السلطانة]

الله الله على الشاف بوراك تاعنا هههه
نحيتها لبوراك التركي كامل وصفة سحرية شهية جاري التجريب

يعطيك الصحة خويا

 

[Bouchra zarat]

انا ماطاقيتنيش باينة عرفت بلي متديهاش عليا
صحيت على الوصفة يا شاف غادي نسييها

 

[الامين محمد]

الله الله على الشاف بوراك تاعنا هههه
نحيتها لبوراك التركي كامل وصفة سحرية شهية جاري التجريب

يعطيك الصحة خويا

الله يسلمك اختي فالحقيقة ما كنتش حاب نخبركم
بموهبتي قلت بلاكش تقولوا راه يزوخ علينا هههههه

المهم الوصفة ما تخبروش بيها قنوات تاع الطبخ يسرقوها منا ههههه

 

[الامين محمد]

برافو اخي النشيط الشاف الامين محمد، أنا فخور بك لرفع راية التحدّي وحل المشكلات بأسرع وقت ممكن
احسنت

اهلا حبيبي البشير اكيد لازم تفتخر بيا و بهاذ الموهبة هههههه
سررت بكرم المرور حبيبي انت

هههههه وصفة سحرية الامين خلى عضوات المنتدى تحفظها فى الا رشيف تاعهم ههههههه

خوي العزيز ناصر ان شاااء الله تقدر تفهم لهجتنا ام اعمل ليك ترجمة ههههه
حبيبي انت سرني مرورك

 

[الامين محمد]

شكرا ليك بزاف خويا امين جربت الوصفة نتاعك ولا اروع كون غير تشوفها ام وليد باه تبات قاعدة وتخمم تقولك دوك يحل قناة ويدي عليا قاع مشتركين قالك رجال ميعرفوش يطيبو

شفتي الفن يا اختي اقصد فن الطبخ و الاناقة في الطبخ
اكيد الوصفة رائعة من عند شاف منحرف ههه اقصد محترف هههههه
لالا اصلا ام وليد ما نحكيش معاها بيناتنا تنافس خخخخخخ

وانا علاه ماطاقيتونيش هههههه ولا ستخسرتو فيا عظمة؟ ههههه اني نضحك بصحتك

لالا اختي والله مرحبا بيك لكن خفت تنقلي الطبخة لكاش قناة
بلاك تعمليها هههههه اهلا اختااه والله سرني مرورك

 

[الامين محمد]

السلام عليكم.....
ههههههه هنيئااا لنا حقااا
واخيرااا اكتشفنا الوصفة الخيالية والمبهرة لسيادتكم اخى الفاضل
ههههه
جزيت الف خير​

اهلا اختي هههههه
اكيد راكم محضوضين اني تواضعت ليكم و علمتكم ههههههه
سررت بمرورك اختااه

انا ماطاقيتنيش باينة عرفت بلي متديهاش عليا
صحيت على الوصفة يا شاف غادي نسييها

هههههه لالا انت منافستي في فن الطبخ لكن راح نغلبك
خصوصا نهار نطلع موضوع تاع السلاطة الخضرة مع الخيار
و طريقة تحضيرها
متاكد راح نقضي عليك هههههه
سررت بكرم المرور اختااه

 

[sanaya]

ههههههههه قريت الموضوع حسيته كشغل شخص ممل جدا و لاصق في واحد هو يهدر و صاحبه يسايي كفاه يجبد روحه و مايقدرش

 

[الامين محمد]

ههههههههه قريت الموضوع حسيته كشغل شخص ممل جدا و لاصق في واحد هو يهدر و صاحبه يسايي كفاه يجبد روحه و مايقدرش

ياااه اختي مريم راهي هنا راني نقارع تكتبيلي تقرير عن سبب الغياب
او تجيبي الوالد يمضي عليك باش ما تعاوديش تتغيبي ههههه

راني عارف راكي غايرة مني بسبب الموهبة تاعي تاع الطبخ هههههه
كل القنوات راهي تتمناني نشارك معاكم و مانيش حاب هههه

 

[❤️كلي أمل❤️]

وااااااو يعطيك الصحة ههه
هاذي صعيبة بزاااااف نخاف نجربها وماتنجحش هههههه

 

[الامين محمد]

وااااااو يعطيك الصحة ههه
هاذي صعيبة بزاااااف نخاف نجربها وماتنجحش هههههه

ههههه واه راني عارف الوصفة صعبة هذاك علاه قلت نعلمكم هههه

 

[ناصر dz]

اهلا حبيبي البشير اكيد لازم تفتخر بيا و بهاذ الموهبة هههههه
سررت بكرم المرور حبيبي انت


خوي العزيز ناصر ان شاااء الله تقدر تفهم لهجتنا ام اعمل ليك ترجمة ههههه
حبيبي انت سرني مرورك

الامين من عاشر القو م صرت احكى مثكم تمام هههههه

 

[أم أُنٌَيسة]

السلام عليكم
الحق موش عليك
الحق على لحمارة اللي هي انا
اللي قاعدة نتبع خطوة بخطوة بكل تركيز
حتى لما شفت الصورة عرفت انه بيض مقلي
هههههههههههههههههههههههههههه
الله الله عليك اخي الكبير
وصفة اول مرة شفتها فحياتي
اذا تبغي نعلمك وصفة تهبل بالطون والبيض فوووووور
اختراع الوصفات اختصاصي
نتخيل الطعم ونبدا نجرب والحمد لله ديما تجي بنينة
لكن للاسف نعجز بسبب كسلي اني نصور ونحط وش طيبت
هههههههههههههههههه

 

[الامين محمد]

السلام عليكم
الحق موش عليك
الحق على لحمارة اللي هي انا
اللي قاعدة نتبع خطوة بخطوة بكل تركيز
حتى لما شفت الصورة عرفت انه بيض مقلي
هههههههههههههههههههههههههههه
الله الله عليك اخي الكبير
وصفة اول مرة شفتها فحياتي
اذا تبغي نعلمك وصفة تهبل بالطون والبيض فوووووور
اختراع الوصفات اختصاصي
نتخيل الطعم ونبدا نجرب والحمد لله ديما تجي بنينة
لكن للاسف نعجز بسبب كسلي اني نصور ونحط وش طيبت
هههههههههههههههههه

ههههههه هته واحدة من مواهبي بكل تواضع ههههه
خلاص نفتح منافسة بيني و بينك و نشوفو ههههه