ناسنا بكري...و ناسنا ضرك...نخليلكم بقية الكلام

الحالة
مغلق ولا يسمح بالمزيد من الردود.

safa rym

:: عضو بارز ::
أحباب اللمة
إنضم
29 جوان 2008
المشاركات
4,322
نقاط التفاعل
5
النقاط
317
السلام عليكم كامل...واش راكم صافا؟؟:001_wub:
رانا عايشين في زمان يخلي الواحد bouche bee:mellow::mellow:قدامو...و مالحوايح لي حبستلي مخي ناس بكري و ناس ضرك...أمالا قلت ندير مقارنة صغيرة بين les gens تاع ضرك و تاع بكري...
تشوف لناس بكري و ناس ضرك تحير..و حبيت نعطيلك غير بعض الأمثلة...تلقى راجل بكري صحيح الله يبارك لا دواء و لا هم يحزنون..تلقى صحتو بخير و الحمد لله malgré تلقاه في 70 عمرو ماطاح ماوالو مازال رافد روحو:thumbup:...و احنا في وقتنا هذا الدواوات أنواع و أشكال...الطبّا غير هوما...و زيد les appareils كل يوم يجيبو من برة وحدة جديدة زيّ (تقول هوما يجيبوهم من المرض يزيد منا..:eek:hmy::confused1:).. تلقاه jeune في ال 30 ..مركّب فم...الشعر طاح...العينين راحو...بلا مانهدرو على المرض تاع
الداخل...السكر..لاطونسيون...ليستوما..المصران...(تشوفو يمشي على بيو ماتعرفش شكون الأب فيهم ...ههههههه:music_whistling:)...
أما النساء..(يييييي على النساء الحراير تاع بكري ماشي المطرافكيين تاع ضرك...ههههه :001_tt2:)...
تلقاها عايشة في جبل ..لاتريسيتي ..لا ماء..لا غاز ..والو هاجدك...مي تلقاها هاهي طلعت لفوق الجبل..هازة جرّة الماء فوق كتفها...رزمة الاعواد تاع الحطب باه تشعّل النار فوق ظهرها ..و زيد في يدها وليدها...خلّي بلا خدمتها معا راجلها في الفلاحة ...الخ...و المشكل جامي تلقاها شكات و en plus تلقى صحتها 10على 10..اما ضرك 25 سنة تبدى مسلسل الشكايات و البكايات الذي لا ينتهي:music_whistling:...أيا ظهري..أيا ليستوما..أ التعب و لي تلقاها قدامها تشكيلها سورتو مالتعب..و المشكل تلقاها كي تنوض بكري ...تنوض على العشرة..:001_unsure:..الحوايج يتغسلوا في الmachine a laver ...الولاد في la creche مللي يزيدو...و المسكينة تجيب وحدة تعاونها في التسياق...و معا التعب هذا كامل تببعث تجيب الغداء من برة( أمّا على العشاء مدايرين ريجيم...ههههههه:scared:)...و زيد راجلها مسكين يجي مالخدمة عيان نينعس مالشكايات تاعها..(ماشي تحير هاجدّك...ههههه:blink::blink:)...
و ال pire تاع الصح اللي تدوّخ:closedeyes::closedeyes:...قضية الزواج...الراجل بكري مايشوفش مرتو حتان ليلة العرس و تلقاهم عايشن العمر كامل هانيين و الطلاق تلقاه قليل مرّه...:bored::bored:..اما ضرك تلقاه يعرفها و تعرفو و حبو بعض و لا روميو و جولييت...شهر شهرين...طلّقوا..اما حلات الطلاق ضرك حدّث و لا حرج تلحق ديفوا حتال للنّص...
ماشي هنا تبقى حاير....؟؟؟؟:001_huh:
نخليلكم بقية الكلام...و ليكم الحكم على كلامي........؟؟؟؟؟؟؟
:sleep::sleep:
 
لي عودة .......................................
 
مليح راني نستنا فيكم.....بالاكو ماتوليوش
 
H@teM، تم حظره "حظر دائم". السبب: مخالفة القوانين
والله وش نقولك اختي بكري كانوا ياكلوا
الماكلة لمليحة ودورجين ماشي ضرك كلها مصبرات
وخلي .......
اما في قضية الزواج وش نحكيلك وش نخلي ضرك مش كان يشوفها
يدرير 0661 فيه نميروا قراطوي للمخطوبة الرقاد ميعرفوهش هههه
اما في الطلاق تاعين بكري يفهموا معنى العشرة الزوجية
اما ضرك لا هموا وكتاش يطلق باه يجيب اختها
مشكورة اختي على الموضوع
 
موضوعك هايل يعطيك الصحة راكي جبتيها بالتفصيل

واش نقولك وقت بكري مالغري الأعراف والتقاليد تحكم بصفة كبيرة بصح كانت كاينة رحمة ربي والنية
وهاذي هي الحاجة المليحة اما في وقتنا راه غير الخداع الا من رحم ربي
 
هههههههههههههههههههههههههههههههه
ضربتي كلش في الناقص
يعطيك الصحة
 
ههههههههه والله عندك الحق في كل كلمة قلتيها
فرق كبييييييييييير بين زمان ودرك ... انا بابا يقولي انتم العجايز واحنا الصغار
قالي كي كنا قدكم جامي شكينا من حاجة ولا طلبنا حاجة نجيبو كلشي بذراعنا ... .. مللي نوضو وحنا نخدمو .. قالي نقراو ونخدمو نجيبو مصروفنا وحدنا
قالي وانتوما اعطيني هذيك راهي خصتني هذيك ، اشريلي هذيك ن ومن الفوق لا قراية لا والو .
بكري ماكانش كتابات وأدوات وووو .وقراو .. وحنا درك متوفر كلش ونتكاسلوا
والله فرق شاااااااسع بين بكري ودرك
نزيدلك حاجة بالنسبة للإحترام ... ماما تحكيلي قاتلي كي يعيطلنا بابا نموتوا .. نحبطوا راسنا .. ونوليو نرجفوا .. مش يخافوا منوا ولا .. يحترموه بزاااااف .. بص في وقتنا حاشا البعض مدايرين والديهم نشافة حشاك .... يعيطوا عليهم وتوصلت يضربوهم .. قداه حالة تاع ضرب الوالدين شفتها
بزاااااااف حوايج وكيما قلتي انتي الزواج هو الكارثة العظمى
وزيد المرا مش غير تشكي برك متحترمش راجلها يضربها ترجعلو الضربة .. ما تعطيلوش حقو ، ملي ييخرج وهو خدم وفي الأخير كي يدخل للدار تزيدلو على همو تكسرلو راسو ... مش كيما زمان المرا تعاون راجلها فالخدمة ، كي يدخل تسلم على راسو وتحطلو العشا وواش يأمرها تلبي ، وزيد اذا ظلمها هي اللي تطلب منو السماح
حنا درك مع التطور يزيد يفسد المجتمع حاشا البعض اللي مازالت حاكمة فيهم التربيةو الأخلاق تاع بكري
مرسي اختي على الطرح المميز
 
و عليكم السلام

و الله كلام صح بكري كانو صوليد و ضركا و لينا فراجيل كي لبنات كي ذراري قاع تبدلنا !

ايه ديما نترحمو على ناس زمان رجالة بحق و نساء بحق مي هاذي هي كل ما تقدم العالم و

العلم يزيد لمرض ( كيما قلتي 30 سنة شعرو طايح ) و حنا ولينا تاع نت و قهاوي

و نتوما تاع مسلسلات و تمنشير هههه , و الله لا ربي يكون الخير و خلاص

و الجيل لي راه طالع أكثر و أكثر .. و على تاع الزواج قلتي بلي بكري ما كانش يشوفها و

يتزوجو ويعيشو لعمر كامل , ضركا يشبع منها قبل الزواج يكره و جهها و بالاك كان حاب

يتزوجها يبطل قاع

موضوع رائع تمت الإظافة

( http://4algeria.com/vb/showthread.php?t=164660 )
 
مارسي كامل على المشاركة...نورتولي موضوعي
 
عندك الحق ..راه شويه برد يخليهم في الفراش مدة اسبوع ويسبب بالمرض كي يحب يتفنين حتى يلقى روحو مريض صح​
 
شكراااااا على الموضوع هذا وين تفكرتها..واش تحبي حتى الوقت نسانا في حوايج
 
هههههه تبدل الوقت
بكرى كانت فاهم ولا هلا قرا دوكا قارى و لاهلا فهم هههههه

:001_tt2::001_tt2::001_tt2::001_tt2::001_tt2::001_tt2::001_tt2:
 
كل وقت و وقتو وكل واحد يعيش في وقتو انشاء الله برك الجيل الي جاي يكون خير من الجيل الي دركا (مبصح ما ضنيتش)
تقبلي مروري و مشكورة على الموضوع
 
هههههه تبدل الوقت
بكرى كانت فاهم ولا هلا قرا دوكا قارى و لاهلا فهم هههههه

:001_tt2::001_tt2::001_tt2::001_tt2::001_tt2::001_tt2::001_tt2:


يرحم هاذاك الفم

تستاهلي جائزة الفم الذهبي :thumbup1:
 
و الله عندك صح كل مازاد التطور زاد العجز تاع الناس من قبل كانو يروحوا يبدلو من التليفيزيون ضروك التليكوموند عاجزين باه يرفدوها رجعوا يصفقوا باه يشعلوه

تقبل مروري
 
ايه كاينة يا جداتو والله عند الحق كيم قالك واحد ضرك في عمرو 30 سنة مطاشي بالسلك في وذنيه معندوش سنة في فمو ضهر عوج قاع رايح فيها

هذا راجع لعدة عوامل لي نضن منها
بكري الناس كانو يشربوا حليب ماتهم وضرك سيليا او شكوكو ولا لويا او فاني . ماما اعطيني سيليا فرمبواز حاجة
او زدي بكري كانو يضربو الحامضة والمطلوع ماش الخبز


المهم كلشي تبدل مش قضية الصحة يا مشرفة القسم الصحي

مارسي على الموضوع او توحشنا مواضيعك بالزااااف

ايا خلاصخ شا با نزيدك صلاة النبي

ايا للساع
 

وي كاينة منها وعندك الحق
بصح ثاني كاين اسباب لهذه الحالة
اولا مادية
المعيشة تبدلت
بكري كل شي ناتورال طبيعي
هذا ساعد كثير على حفظ الابدان من الاسقام
والمرض ثاني راه تطور كيما يتطور الدواء
خنا ذرك كلشي فيه مواد كيمياوية تؤثر بشكل او بآخر على صحة الانسان
راكي تشوفي كل يوم يخرج علينا بدراسة المادة الفلانية في الاطعمة الفلانية تسبب امراض كذا وكذا
ثانيا المعنوية
اليوم متطلبات الحياة كثرت بزاف
وين ولا الواحد قد مايجبد ويدير يشوف في روحوا مازال مادار والوا
لذلك ديما تلقاه التخمام والدمار على عكس بكري حياة بسيطة لكنها سعيدة
مشكورة على هذا الموضوع
والله موضوع رائع وقيم


 
ههههههههههههههههههههههههههههههههههههههههههههههههه ماذا اكتب
 
"تلقى راجل بكري صحيح الله يبارك لا دواء و لا هم يحزنون..تلقى صحتو بخير و الحمد لله"
على خاطر ناس بكري عاشو بالزيت .................
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top