:: .. حالة وحد البنات دزيريات !! .. ::

[aMiNa-K]

و الله يا امينة منكدب على ختي انا وحدة من البنات اللي كنت نخمم هك و الله الموضوع هدا تقول كاتبتو عليا انا بصح درك تبدلت العقلية هدي نحيتها و موليتش نخمم هك خليتيها انت في نهاية المطاف نعود نشوف في روحي وحدي.يعطيك الصحة و شكرا على الموضوع​

اهلا اختي هديل الربيع

الحمد لله كي تبدلت العقلية عندك
رانا شفناهم اللي بهاد العقلية .. زادونا في نسبة العنوسة برك :thumbdown:

بارك الله فيك اختي.. الله يبعثلك ولد الحلال​

 

[H@teM]

اهلا خويا حاتم
راك تشوف كيفاش يخممو.. قالتك تكمل قرايتها و تخدم و تزيد تعيش la belle vie ههههه

للعشرة مايعرفوش يحسبو كيفاش يحسبوها للبعيد

رايك في محلو.. بارك الله فيك خويا

​

[/QUOTE]

البارح كي قريت الرد تاعها حبيت برك نوضحلها
وضرك اك علابالك قداش الدنيا غالية وكيما قلت ازمة السكن
وخلي وخلي اصلا الزواج وحده اك تعرفي المصاريف قداش
بالنسبة للراجل يعني حبيت نقول ادا جا مكتوبك وراجل مليح ويهنيك
علاه لا ؟؟
كيما قالت هيا la belle vie متجيش بين نهار وليلة
تجي بالعشرة وكل واحد يفهم لي عليه ولي خاطيه
سمحيلي دخلت مرة ثانية في موضوعك
​

 

[aMiNa-K]

بالنسبة لياانا نعارض شوية هادو لبنات مالقري راني نقر وحابة اكيييييييييد نكمل مي كون نلق راجل يامنلي حياة محترمة ويوفر عليه عناء رحلة دراسة طويلة اكيد نقبل
انا مشي ضد لقراية لكن لقراية في بعض الاحيان ما هيش كل شيء

اهلا اختي
تعارضي شوية برك :angel_not:

و شوفي وش يخرج عليك

مشكورة على المرور​

 

[aMiNa-K]

صايي

يليق يديرولك تشريف و لا رائيسة المنتدى كامل

هذا موضوع ولا بطل .. و الله فووووووووور


و الا جابة منقدرش نجاوب لانو ممكن نجرح بعض البنات

اهلا خويا ابراهيم

لالا الاشراف خليه لماليه :angel_not:

و جاوب على روحك.. بالاك شوية بنات يفطنو من الكومة اللي راهم فيها

صحيت على الرد​

 

[aMiNa-K]

و فيكي بركة أمينة ! ايه و الله لا عمر غدار و ( لا يصلح العطار ما أدفسده الدهر )​

يعني لي فاتو وقتو ما يطمع في وقت الناس حنا رانا قاع pاساجي لازم نوزنو لزمان ​

عقوبة و ماناش ضد الخدمة تاع المرا و لا قرايتها لعكس مي وشيه يليق توفق بين هاكا ​

و هاكا خير من لي تخرج بوالو ... و لا نعرفو كيفاش نشوفو حياتنا بعقلانية ​

و هاكا نمشو فيها بلي كتب ربي الله يهنيك تحياتي .​

اهلا بيك مرة اخرى خويا غزال
وين راهم اللي يعرفو يوفقو بين هكا و هكا.. و مكانش اللي يتنازل على اي حاجة :glare:

الله يهنيك انت تانيك خويا.. منور الموضوع
صحيت​

 

[aMiNa-K]

والله موضوع في القمة
و أنا تبانلي هاد الوقت لي قبدت في شي راجل تشد فيه وتتكل على ربي
وطبعا تكمل قرايتها :biggrin:

اهلا خويا تيتو

مشكور على المرور​

 

[aMiNa-K]

لي كوات الخطابة بارت​

صح كاينة منها .. و خير الكلام ما قل و دل

بارك الله فيك خويا​

 

[aMiNa-K]

البارح كي قريت الرد تاعها حبيت برك نوضحلها
وضرك اك علابالك قداش الدنيا غالية وكيما قلت ازمة السكن
وخلي وخلي اصلا الزواج وحده اك تعرفي المصاريف قداش
بالنسبة للراجل يعني حبيت نقول ادا جا مكتوبك وراجل مليح ويهنيك
علاه لا ؟؟
كيما قالت هيا la belle vie متجيش بين نهار وليلة
تجي بالعشرة وكل واحد يفهم لي عليه ولي خاطيه
سمحيلي دخلت مرة ثانية في موضوعك​

[/QUOTE]

اهلا بيك مرة اخرى

هيا قالت تحب تعيش la belle vie.. و باش تعيش la belle vie لازم تقرا و تخدم و تتزوج بواحد قاري و دارها وحدها..و ماراهيش مزروبة الزواج ماراحش يطير
بالاك ادا لحقت لل 40 سنة و مازال ماتزوجتش عندها نورمال مازال مابارتش :confused1:

السماح خويا ماتعتدر ماوالو.. الموضوع موضوعك
مرحبا بيك في اي وقت
​

 

[aMiNa-K]

الخط صغير​

مبان والو​

اسمحولي
هاني كبرت الكتيبة و بدلت اللون :angel_not:​

 

[killua0555]

اهلا اختي كيلوا​

راني لحقت ليك انتيا تانيك.. ارواحي لهنا تشوفي :cursing:

دوك نلحق استناى
​

شحال تعيا يماك تدوملك.. خسارة الوالدين مايدوموناش :crying:

ماما صح مدومليش بصح هادى دنيا حاجة فيها مادوم
يظهرلي راكي ضاربتها جمونفو.. و خليها كما جات جات.. علابيها قلتي وين مكتوبها تروح

هههههه شوفى دوكا البنات راهم من صغرها تتخطب بصح ادا تزوجت و تقولى نقرا ياو غير تنساها ممبعد تشد دارها و تخير طريق الزواج
​

روحي اتعلمي تحسبي شوية.. و احسبيلها مليح مليح

هههه تما لقيتينى حابسة اسكتى متبهدلينيش خاطينى الحسابات ههههه
​

صحيتي اختي على المرور

بلا مزية نتى صحيتى على موضوع الشباب
​

 

[طارق القبطان]

السلام عليكم
اختي انا عندي اضافة الفتاة من حقها تشوف مخروجها بصح اذا كان الزواج ماهوش من الاولويات والخطابة ترجعهم
وعلاش العلاقات الغرامية في الليسي والجامعة المشكل راه هنا حبيب نعم زوج لا​

 

[بنت الـ25]

عجبني موضوعك أمينة

للأسف معظم لبنات من هاد النوع يخمو هكا...وهو بيان سير تخمام غالط

كاينة وحدة نعرفها من لي دات الباك حتى ولات أستادة فالليسي مرسمة وهي تتكبر على هدا وهداك...هدا خدمتو مش سطابل..

..وهدا مش زين

وهدا ماعندوش طوموبيل

...وهداك ماعندوش النيفو

........طططططططط
ومبعد فاللخر كي قربت توصل للتلاتينات ولات تحوس برك يجيها اي واحد ويطبطب على دارهم

وتقولو ايه

يعطيك الصحة عالموضوع أمينة​

 

[youba115]

ماراهومش يتقلشو راهو يبورو بزاف

 

[asmaa_h]

وعلاش اللي تزوجوا واش داروا جاب اولاد هدا مكان

 

[بنت الـ25]

تفاءلو بالخير تجدوه يا جماعة
​

 

[BarBi3]

اهلا اختي باربي
هاني لحقت ليك انتيا.. ارواحي لهنا تشوفي :angry:

امالا عندك la belle vie هي الخدمة و تعيشي مع واحد قاري :confused1: :confused1:
هدامكان؟؟؟؟.. مكانش حاجة وحدخرة :confused1: :confused1:

ماعلابالكش بلي الخدمة تعيي.. سورتو ادا كانو عندك دراري.. و الله ماتصيبي روحك.. و روحي شوفي المتزوجات و يخدمو كيفاش راهي حالتهم

و ماشي كل واحد قاري يهنيك.. كابابل طيحي فواحد قاري بصح يمرضك حياتك كامل.. و كاين اللي ماقراوش و معيشين نساهم la belle vie.. و ماغلطوش ناس بكري كي قالو (اعطيهولي فاهم و الله لا قرا)

و دارك وحدك تانيك.. وقيلا ماسمعتيش بازمة السكن في الجزائر

اختي la belle vie ماشي في الخدمة و تتزوجي بواحد قاري..



مشكورة على المرور


​

hanouna jabli rabi saksitini 3la rayi w 3titoulek
wana 3labali wech rani nahder manich rayha ntih 3la wahed kari w complexè wela .....etc
koul wahed chayef kifech rayeh ykoun alaiz wana b krayti w khadti .... w bechroti tani
w lkhadma mat3ayenich psk nakhdem pour le plaisir machi bech nesref 3la dar
en + pour moii:001_wub:
ghir zawaj li sahel w bchroti w lwakt li nhab w bi men nhab ..
w rabi yakhlef 3la li tharget 3la zwaj w rahet hyatha
​

 

[BarBi3]

اهلا خويا حاتم
راك تشوف كيفاش يخممو.. قالتك تكمل قرايتها و تخدم و تزيد تعيش la belle vie ههههه

للعشرة مايعرفوش يحسبو كيفاش يحسبوها للبعيد

رايك في محلو.. بارك الله فيك خويا

​

[/QUOTE]

جابلي ربي ما حطيتيش موضوع باش كامل يعاودلوك هدرتك و يقولولك عندك الحق اختي
و زيد انا كي رديت محطيتكش رايحة تقولي قالتك تكمل قرايتها و تخدم و تزيد تعيش la belle vie ههههه
سامحيني ختي عمبالي هذا موضوع للنقاش بصح خيبتي ضني :thumbdown:

 

[farida91]

اولا اختي نشكرك على الموضوع
فووور بزاف
ثانيا انا وحدة من هذا النوع
يعني لازم نقرا ونكمل باش نتزوج
و اللي عندها راي مخالف تشوف لروحها
ماتحوسش قاع الناس يديرو كيفها
انتي مكيش باغيا تقراي و راكي باغيه الزواج الله يسهل عليك تزوجي عادي
بصح......
ماتحوسيش كامل لبنات يديرو كما نتي
كل وحدة وكيفاش تخمم
والقرايه يا اختي راهي مستقبل البنت ...مكيش ضامنة واشراهو مخبيلك المكتوب
رانا نشوفو بزاف بنات مطلقات مرميين برا ماقبلوهم لاخواتهم لا اهلهم وفي موقف كما هذا قوليلي القرايه مشي مليحه ​

 

[farida91]

آآآآآآسفة على الاطالة
ونتمنى انو ماجرحتش بكلامي​

 

[bessmounette]

يا ختي كل واحد يهدر على روحو
انا نكمل قرايتي و نخدم
و زواج ماشي راح يهرب والبنات اللي يحكيو على العنوسة و يحوسو على اسبابها هوما اللي طمعو فينا الرجالة و لا يجي حابس ما عندو حتى مستوى يروح لطبيبة و يقول واش خصني قرات 7 سنين و بارت تحمد ربي اللي رايح نديها

ربي يهديكم يا لبنات ديرو قيمة لرواحكم يديروهالكم الرجالة
​