:angel_not: مرحبا بنات و اولاد بلادي,نتمنى تكونو بخير...
في الحقيقة هذه اول مشاركة ليا,و رايحة نقدملكم وصفة ديال موسكوتشو اسفنجية,شابة,و سهلة بزاف.و نتمنى تعجبكم...ما نطولش عليكم يا العزاز و نخليكم مع المقادير:
-كاس زيت.
-كاس حليب.
-كاسان سكر عادي.
-كاس كاكاو.
-4 بيضات.
-3 كؤوس فرينة.
-2 خميرة كيميائية(نوارة).
-شوية سكر ناعم.
-علبة شكلاطة ذائبة في حمام مائي.
و الان نروحو لطريقة التحضير:
*اولا,نضع في كسرونة كاس زيت+كاس حليب+كاسان سكر+كاس كاكاو,خلطي مليح المكونات بواسطة ملعقة خشبية حتى تتداخل المكونات.ضعي الكسرونة فوق نار متوسطة مع التحريك بلطافة الى ان يغلي الخليط الغلية الاولى,انزعي الكسرونة من فوق النار و خليها تبرد جانبا.ناخذ وعاء واسع و عميق,نضع فيه حبات البيض و نضربهم بواسطة شوكة(ما تستعمليش الخلاط الكهربائي).بعدما يبرد الخليط ديالنا,نضيفوه فوق البيض و نحرك بملعقة خشبية لكي تتداخل المكونات.نخلط الخميرة الكيميائية مع الفرينة و نغربلهم و نضيفهم بالتدريج للخليط ديالنا مع التحريك المستمر بواسطة شوكة,عندما يتجانس الخليط ندهنو صينية مربعة او مستطيلة الشكل بالزبدة او زيت,كيما تحبو.و افرغي الخليط في الصينية و لازم يكون الخليط في مستوى واحد.طبعا نعرفكم شاطرين و خفاف,تكونو مسخنين الفرن على درجة حرارة متوسطة لمدة ربع ساعة من قبل.ثم ندخل الكيكة الى الفرن و نقصو درجة الحرارة.و خلوها تطيب و تطلع مدة 15د,ثم اشعلو الفرن من الفوق و خلوها تنشف مدة 5د اضافية.نخرجو الموسكوتشو ديالنا من الفرن و نخلوها تبرد قليلا.و نزينوها بالشكلاطة الذائبة و نرشو فوقها سكر ناعم ثم نقطعوها مربعات او مثلثات و نقدموها بالصحة و العافية.و الله شكلها لذيذ و طعمها الذ.جربوها و ردولي الخبر.
الله يدوم الصحة و الهناء عليكم و السلام.
