portable ...........................

[**@sami@**]

انا يا ناس البورتابل راهو أكتر من خويا

ما نقدرش نخرج بلا بيه

دايمن معايا

هو كل شي

وين نروح معايا

خطرة نسيتو في الدار

حسيت نسيت حاجة كبيرة

تلفلي قاع programme

واش رايكم؟ كل شخص يمد الانطباع نتاعو.
​

 

[mimi.dz]

حاجة نورمال
هذا هو العصر الحالي عاد البورتابل جزء من الانسان
بصح ماشي لهذه الدرجة
يعني ممكن متعلق بيه بصح نورمالمون تقدر تستغنى عليه ولاّ؟؟
وتوقيعك فور راني سرقتو ههههههههه
​

 

[moha073]

حتى انا والله تقول عليا نسيت حاجة مني و بالخف نرجع نجيبو مانقدرش نبقى بلابيه
مع انو كاينين ايامات مايصونيش النهار كامل هههههه ماعنديش شكون يتفكرني
شكرا على الموضوع الرائع
​

 

[mouna1993]

ههههههههههههههههههههههههه

 

[السلطانة]

وي البورتابل اصبح من الضروريات في وقتنا تقدر تقول توأم الروح انا مثلك مانقدرش نخليه حتى ولو مانحكيش بيه المهم راهو معايا
شكرا على الموضوع الهايل تقبل مروري

 

[وردة الامل]

انا سرقولي البورطابل قريب ما هبلت خلصتو غالي جدا بصح شريت اخر لي سرقهولي من الاقارب​

 

[**@sami@**]

شكرا على الآراء خاصة عائشة.
​

 

[amira51]

انا تاني منقدرش نخليه في جهه و انا في جهه
نهبل​

 

[وردة الامل]

 

[**@sami@**]

شكرا على المرور
​

 

[بسومة المنتدى]

ياخو نتا باينة عليك تحب حنونتك بزاف و متقدرش تفوت عليك ساعة بلا ماتكلمها........ولا هي قاطعاها فيك ههههه
حتا انا كان ساريلي هاد لفيلم ومزية ربي هناني منه (البورطابل+الحنون...)

 

[بسومة المنتدى]

ربي يشافيك نشالله........

 

[أمين حاجي]

عندك الصح مي هادي و الله ماهي حاجة اللي نفتخرو بيها
نورمالمو الواحد فينا يدير شريك لحياتو اللي هو كتاب القرآن الكريم
مي حنايا ولينا للبورتابل هو شريكك تاع الصح كون تروح تصلي تديرو سيلونسيو تخاف واحد يعايطلك و يصيبو طافي
كاينة و لا ماكانش منها ايلا راني غالط خاوتي صحولي لأنو كل بني آدم خطااااااااااااء و خير ......
أنتوما بالاك راكم تقولو هذا السيد راه ناسي روحو بصح أنا نقلكم حتى أنا و فيا هذا الديفو ربي يعينا على عمل الخير و ذكر كتابه الكريمو التواصل معه
في الأخير هذا مجرد رأي
و شكرا
​

 

[nina bonoise]

alors انا
نخاف نخليه في الدار لازم ديما معايا
و اذا خليتوا نخزنوا في بلاصة باه واحد ميمسوا
سورتوا في السمانة تاع الباك ممنوع البورتابل

 

[**@sami@**]

ياخو نتا باينة عليك تحب حنونتك بزاف و متقدرش تفوت عليك ساعة بلا ماتكلمها........ولا هي قاطعاها فيك ههههه
حتا انا كان ساريلي هاد لفيلم ومزية ربي هناني منه (البورطابل+الحنون...)

هههههههههه شكرا على المرور
​

 

[عاشقة الخضرة]

صح ول البورطابل حاجة مهمة و انا تاني ما نقدرش نستغنا عليه و دايمن معايا تقبل مروري و شكرا على الموضوع

 

[ملاك الليل]

منكدبش عليكم معنديش بورطابل حتى للجامعة ان شاء الله نخمم ونردلكم الخبر

 

[naamane3]

انا مازلت فالعصر الحجري ماعنديش بورطابل

 

[fatiya89]

انا مــا يهمــــــــــــــــــنيش البورتـــــــــــــــــابل ديما مرمي فــــــــــــدار نفليـــــــــــكسي خطــــــــــرا في الشهــــــــر ويعيطواـــــــــــــي النـــــــــــاس خطرا في السمانة كي يسحقــــــــــوني urg
وكي يعيطــــــــــلو يتمسخرو لقيـــــــت حل شباب نطفيــــــــــه سمانة من بعد ينساونــــــــــــي ننصح كل بنت ما تحبش تمـــــــــــــــــسخير في البورتـــــــــــــــابل ديـــــــــر كما هههه
شكــــــــــــــرا

 

[بسومة المنتدى]

لوكان تهرسه ماشي خير.......هههههههه