وحد تحب بلادها
:: عضو منتسِب ::
- إنضم
- 23 نوفمبر 2009
- المشاركات
- 54
- نقاط التفاعل
- 0
- النقاط
- 2
- العمر
- 32
السلام عليكم , يا جماعة الخير يا جماعة اللمة واش راكم ؟
إن شاء الله في صحة و عافية , كاش سخانة باردة ؟ كاش مطر مgلص
إن شاء الله ما كانش احممم معليش اليوم راني جاي نحكي على الكذب
لي راهو داير سوكسي فلعرب تاع ال 2010
و الله كاين ناس في لبلاد ولاو مراض تاع كذب يعني يتقهوى بكذبة
و يرقد بوسادة :001_unsure: و المشكل لكبير في الناس لي يكذبو عليك و يحسبوك مصدقهم
بففف قولولهم النية راحت مع ناس زمان , و بزيادة كاين ناس تكذب كذبة متحوفة
يعني في حدود المعقول مي تاع ( البارح كنت في السودان تفرجت الماتش و جيت )
و هو مريح في الكارتي هاذي قاتلهم أرقدو !!! و الله نعرف أنا ناس
des pros في الكذب يعني كون ما جيتش عارفو بلي كذاب كا تتحلبش لكذبتو :bored:....
تلقاه يكذب على صحابو على باباه على يماه على خوه ..
إن شاء الله ما يكونش ضاربها بكذبة على روحو برك , و تلقاه جامي يسكت بالع
كسيطة كل سوجي عندو فيه حكاية يعني الجان ماهو مراطي والو كل حاجة
عندو عليها فيلك علاش لالا مادام ربي عاطيه ليماجيناسيون
أيا طولت و أنا نكذب عليكم نقولكم تبقاو على خير أيا ويو .
والله العظيم نعرف واحده تكذب 10000000000 في الساعه كانت تهبط معايا تكذب تطلع معايا تكذب وانا راني عارفاتها بلي راهي تكذب مي هي ماهيش متحلبه لروحها ربي يهديهم
