يما هيا نديك تحوسي ............

[mimi.dz]

بسم الله الرحمن الرحيــــــــم

السلام عليكم واليوم مع مشكل جديد والله غالب المشاكل في هاذ الدنيا متخلاصش

حكايتي ليوم شحال حكينا فيها وشحال قلنا حرام متديروهاش بصح ربي يهدي جامي بطلوها او حاولو يبطلوها

تبعوني درك تفهمو حبة حبة

_________________________

هو : يما ( وحشمان زعمة )

هي : انعم يا وليدي واش بغيت ؟

هو : حاب حاجة بصح لازم تعاونيني

هي : تضمو لحضنها الحنون وتقولو قول يا وليدي ومتخافش

هو : حاب نتزوج

هي : تفرح وتزغرت تشقى ليل ونهار باه تجيبلو بنت لحلال اللي تسترو وتستر بيته

هو : اتزوج وفاتت ايام

زوجته : شوف انا منقدرش نعيش مع يماك

هو : واش واش ؟ واش بيك يا بنت الناس هاذي يما وين رايح نديها ؟

الزوجة : دار العجزة

هو : امشي لا .........

لزوجة : واش فيها يخي دار وخلاص تعقب فيها عمرها اللي بقا

وبعد عناء طويل راح ليماه

هو : يما لعزيزة مديك تحوسي البسي درك نجي

هي : فرحت مسكينة وليدها يحبها ومديها تفرح وتنحي على قلبها

ركبو في الطوموبيل ووصلو لدار العجزة دخلها وقالها يما ابقاي هنا درك نرجع

وراح ومن هاذيك مزادتش شافتو

والمشكل بعد هذا كامل الكبدة تتوحش ومزالت حابة تشوفو

_______________

والله حرام علاه يديرو هكذا في والديهم

زعمة ماعلابالهمش بللي ربي كاين وراهو يشوف

بللي رايح يجي النهار اللي يتحاسبو فيه

ولبنات اللي يديرو هكذا واش رايح يكون مصيرهم

وهل في يوم من الايام ممكن تفكر انك تدير هكذا ؟

ولو زوجتك اقترحت عليك واش تدير ؟
​

 

[جوانا]

مشكورة أختي على الموضوع و بالفعل راكي تحكي على ظاهرة موجودة و بي كثرة في بلادنا الغالية مي أنا جامي و لا نفكر ندير كيما هاك هاديك راهي بي مثابت أمي و أنا كي نتزوج و نخرج من دار والديا راني رايحا نلقا والديا 2 في بيت زوجي و ان شاء الله يقدرني و نتهلا في عجوزتي و نحطها في عينيا و نبلع عليها أمين يا رب

 

[mimi.dz]

يعطيك الصحة اختي
وانشاء الله واحد ما يفرط في والديه
​

 

[انتصار*]

الجنة غالية والدنيا امتحان ........بارك الله فيك لاهتمامك بهذ القضية .تقبلي مروري​

 

[moha073]

و الله يا اختي بدون تعليق فعلا موضوع في غاية الروعة
.....100000000000 كلمة شكر لا توفيك حق تميز موضوعك تقبلي مروري ​

 

[ISMA.dz]

لا حول ولا قوة الا بالله يقولك الخير مرة والشر مرة والمرة هي اللي تس9م الراجل وهي تعوجوا ومن سوء حظو جاتو مرة كي الرهج ربي يبعد علينا انشالله وربي يهدي كل مومن يفكر يديرها اليمات كل حاجة في الدنيا سبحان الله!!!!!!!!!!!!

 

[mimi.dz]

الجنة غالية والدنيا امتحان ........بارك الله فيك لاهتمامك بهذ القضية .تقبلي مروري​

وفيك بارك الرحمان غاليتي

و الله يا اختي بدون تعليق فعلا موضوع في غاية الروعة
.....100000000000 كلمة شكر لا توفيك حق تميز موضوعك تقبلي مروري ​

الله يخليك خويا هذا من حسن ذوقك
ويخليلك والديك

لا حول ولا قوة الا بالله يقولك الخير مرة والشر مرة والمرة هي اللي تس9م الراجل وهي تعوجوا ومن سوء حظو جاتو مرة كي الرهج ربي يبعد علينا انشالله وربي يهدي كل مومن يفكر يديرها اليمات كل حاجة في الدنيا سبحان الله!!!!!!!!!!!!

آمين يا ربي ويهدينا كامل

شكرا حنونتي
​

 

[Jagwar]

و عليكى السلام اختى Mimi خيار الناس

و الله يا اختى تقول عليك حكيتى على ولد عمتى لى راه كان ناوى يعمل العملة هاذى
راه قالك حقا حقا يما راهت كبرت و خرفت و ما علابالهاش بالدنيا
أيا نروح نديها لدار العجزة و نتهنى من تعبها و الكوشمار تاعها .
يا ولدى واش من كوشمار و واش من تعب لى راك تحكى عليه
هاذى أمك و لوكان تخدم عليها عمرك كامل ما راحش توصل لربع واش عملت هي معاك
و الله الناس تقول عندها روشى ما عندهاش قلوب .
أنا نهار لى سمعت بيه بكيت حتى كرهت ماشى على خاطر هي عمتى
بكيت على خاطر هي أم كانت تتوقع كلش من الدنيا غير باش يديها وليدها لدار العجزة على جال دار و لا على جال زوجة .
يا ناس الدنيا هاذى ما راح ندو منها غير عمايلنا .
وربى سبحانه وصى على الوالدين .

نرجع السؤال تاعك اختى ميمى .

وهل في يوم من الايام ممكن تفكر انك تدير هكذا ؟
​

نتمنى نموت أبشع ميتة على أنى نفكر فقط باش نعمل عملة تاع بنى يهود كيما هاذى .

ولو زوجتك اقترحت عليك واش تدير ؟



بصراحة قادر نعمللها أكثر من واش راح يعملو شخص آخر و أكثر بكثير مما يستطيع العقل تصوره .​

​

 

[Jagwar]

الله يسلمك على الطرح اختى ميمى
جزيل الشكر اختى














​

 

[dida-kh]

سلام
مشكورة على الموضوع الواقعي و الاليم اللي رانا نشوفوه في مجتمعنا و للاسف
لما قريت موضوعك اختي جات في بالي قصة واقعية حبيت نحكيهالكم
امراة عجوز مسيحية كانت عايشة وحداها بعد ما كبر وليدها وراح وخلاها كيما علابالكم بعقلية الاجانب .كانت تتفرج و بالصدفة بدلت لقناة عربية فيها مسلسل سوري شافت لقطة: الام قاعدة في الكرسي وولادها يسلمو على يديها علابالكم واش دارتهدي العجوز ؟ حوست شكون هادو و عرفت بلي مسلمين و بلي الاسلام يامر ببر الوالدين و ان الجنة تحت اقدام الامهات فاشهرت اسلامها.
و جا في بالي تاني مثل يقول*** الي لعب مع والديه بكى*** اما الي رماهم في دار العجزة غير يويس!!!!!!
يا شباب و يا شابات اياكم و الوالدين​

 

[mimi.dz]

و عليكى السلام اختى Mimi خيار الناس

و الله يا اختى تقول عليك حكيتى على ولد عمتى لى راه كان ناوى يعمل العملة هاذى
راه قالك حقا حقا يما راهت كبرت و خرفت و ما علابالهاش بالدنيا
أيا نروح نديها لدار العجزة و نتهنى من تعبها و الكوشمار تاعها .
يا ولدى واش من كوشمار و واش من تعب لى راك تحكى عليه
هاذى أمك و لوكان تخدم عليها عمرك كامل ما راحش توصل لربع واش عملت هي معاك
و الله الناس تقول عندها روشى ما عندهاش قلوب .
أنا نهار لى سمعت بيه بكيت حتى كرهت ماشى على خاطر هي عمتى
بكيت على خاطر هي أم كانت تتوقع كلش من الدنيا غير باش يديها وليدها لدار العجزة على جال دار و لا على جال زوجة .
يا ناس الدنيا هاذى ما راح ندو منها غير عمايلنا .
وربى سبحانه وصى على الوالدين .

نرجع السؤال تاعك اختى ميمى .

وهل في يوم من الايام ممكن تفكر انك تدير هكذا ؟
​

نتمنى نموت أبشع ميتة على أنى نفكر فقط باش نعمل عملة تاع بنى يهود كيما هاذى .

ولو زوجتك اقترحت عليك واش تدير ؟



بصراحة قادر نعمللها أكثر من واش راح يعملو شخص آخر و أكثر بكثير مما يستطيع العقل تصوره .​

ربي يخليك خويا ويحفظلك والديك وميوصلكش لموقف كيما هذا
الام اللي تسهر على جالنا كي نمرضو
كي نسافرو الوحيدة اللي تخمم فينا
كي نرقدو تجي تطل علينا وتغطينا
كي نفرحو تكون اسعد انسانة
ودارت حوايج بزاف بزاف والاخير تنتظر منا اننا نحملوها في كبرها نحميوها ونلبيولها طلباتها وهاذ اقل حاجة نديروها
واللي يدير كيما راه فكر ولد عمتك ربي مينساهش

الله يسلمك على الطرح اختى ميمى
جزيل الشكر اختى

الله يعيشك خويا اسامة ميرسي بزاف ليك
​

 

[Mr mino]

هذي الام اللي ولداتو وتعبت عليه وسهرت الليالي عليه وهيا بسبتها يدخل للجنة ويديرلها هكا

ويطيشها في دار العجزة

يسما لوكان جات الام تتشرى بالدراهم كيفاه يكون مصيرها ؟؟؟

ياو اقل حاجة يعملها معاها يطيشها في واد فيه الماء

والله ربي يهدينا برك والله هذا ما نتمناو

مارسي ميمي ربي يخليك ديما مواضيعك فور

ربي يشدلك في ميمتك

ايا على خير اي


​

 

[mimi.dz]

هذي الام اللي ولداتو وتعبت عليه وسهرت الليالي عليه وهيا بسبتها يدخل للجنة ويديرلها هكا

ويطيشها في دار العجزة

يسما لوكان جات الام تتشرى بالدراهم كيفاه يكون مصيرها ؟؟؟

ياو اقل حاجة يعملها معاها يطيشها في واد فيه الماء

والله ربي يهدينا برك والله هذا ما نتمناو

مارسي ميمي ربي يخليك ديما مواضيعك فور

ربي يشدلك في ميمتك

ايا على خير اي


​

ربي يهدينا

الله يخليك مينو ميرسي بزاف ليك

ويخليلك يماك انشاء الله
​

 

[كنزة]

صح هادي كاينة منها
ربي يهدي ما خلق

 

[mimi.dz]

ميرسي خاوتي ربي يحفظلكم والديكم
​

 

[كنزة]

امين يا ربي

 

[magique]

ايه والله غير تصير ربي يهديهم

 

[sisi1]

(و قضى ربك ألا تعبد الا اياه و بالوالدين احسانا)
موضوع رووووووووووووووووووعة

 

[mohamed ali 1992]

والله حرام علاه يديرو هكذا في والديهم

زعمة ماعلابالهمش بللي ربي كاين وراهو يشوف


​

السلامـ عليكم ورحمـة الله

أخترت من بيـن ماخطـت يداك أختي ميمي هاته العبارة
بحـق هـي المؤثرة :crying:

ياخاين الأمانـة وين مادي والديكـ
حرامـ عليك تفكـر ربي كاين يشوف فيكـ
الدنـيا فانيـة حاجة ماهي باقيـة ليكـ
رضـى الوالدين غالـي وغضبهم صعيب عليكـ
- - - - - - -
ياراجـل أفطـن واش بيكـ
اذا كنـت للجنـة تدخـل ماذابيك
رضـي خير عليك والديكـ
ماأولادك ولا مرتكـ في الأخرة تنجيكـ
- - - - - - -
أولاد مشتاقة حنان الأم وانت علاه دايـر هكـا
ولا الحنــــان فايـض عليكـ
يكذب عليكـ الي يقلك كاين خير من والديكـ
نوصيك ياراجـل رضي والديكـ
نصحـية منـي يارب يهديكـ
- - - - - - -
حـتى في صغركـ من كانت الناس تقول فيك وفيك
وهـي وحدها في الدنـيا الي تحامي عليكـ
تخاف عليك وكلمة تخرج من الفم صح كي تقول نبغيكـ
ماش تمسخير مراة تلعب بيكـ
- - - - - -
صحيت كبرت وليت راجـل
وحرمت والديكـ من القعدة معاك وفرحـة العيد
هي تعقبوا تبكي مسكينة وانت فارح مبسوط وسعيد
- - - - - - -
تفكـر راهو الموت يناديكـ
لاتنوض نهار الصباح تلقـاها تغمضت عينيكـ
نصحيـة أمشي رجعـ للدار والديكـ

لا يشرفـني أن أتزوج فتاة بهاته العقلية المنحـطة
و ان أرادت العيش مع أمي فعلى العين والراس
وان لمـ ترضـى فالباب مفتوح والرزق على الله
لسنـا وحوشا لنعيش بمفردنا ...الا اذا هنالك سبب يجعلنا نعيش بمفردنا
كظروف عمـل أو شيئ مشابهـ .
الجـو العائلـي جو لا نحس به الا عند فقدانه
فهـو بحق رائعـ وماأحلاها لما يتم شمـل العائلة .

- - - - - - - -
باركـ لله فيكـ أختي ميمي على الموضوع الجميل
والالتفاتـة الطيبـة
ربي يحفظكـ ويهنيكـ
ويعطيكـ ماتتمني




​

 

[somiasahraoia]

شكرا على الموضوع