السلام وعليكم واش راكم
ياخاوتي وياخواتاتي اليوم حبيت نحكي في موضوع يتكلم على لاشان تاع الريسطو -ريسطو تاع الجامعة- معظمنا فات بحكاية كيما هذي بصح بالفارسيون نتاعو بصح هذا الموضوع بالفرسيون نتاعي ان شاء الله يعجبكم
المهم
الريسطو يفتح على الساعة 7.00 صباحا في و جبة الفطور واش كاين فيها كاين تيبانة يابسة و لا لاوية فيها كونفيتير تاع كرطوس و لا ماعلاباليش هذي في 2006 ودركا عادوا يعطوهم الكرواسون ولا بتي بان بصح الحاجة اللي ماتبدلتش هي البروميل تصرع من ريحتو على بعد 13 كلم ديجا تدوخ كي تفوت على الريسطو حتى و مادخلش ليه النهار كامل البروميل يدور في راسك كي الزطلة
و على 11.00 نورمالمو يفتح بصح يبدا لاشان تاع لغدا قبل بنص ساعة الكروكوات دايرين رايهم _جمع كروكوديل_
و لعشية على 6.00 و نفس الحكاية توجور كاين الكروكوات
درك نحكو على لاشان وما ادراك و ما اللاشان مشكل يعانوا منو كامل الطلبة اذا ماوالفتش لاشان و تكاسلت من نهارك لول كلاك بوبي لازملك تريزيستي من المعركة الاولى باش تشد الريتم سي نو ضعت شر يا صاحبي احكي رفيزي والعب دودة تاع 1100 و مزااااااااااااااال زيد احكي ارقد نوض اقعد و مزاااااااااااااااال مالحقتش للفيراج لول لاشان داير كي حبة الزلابية فيه 8 فيراجات ولا 9 المهم ماتلحق للبلا نتاعك راه ديجا طاح منك النص يعودو يدزوا فيك باش تلحق للطابلة و اكري تاكسي باه ترجع للشمبرة...ورانا نمشوا في لاشان..................مزااااااااال..................مزال...بدا يبان الفيراج الاخير..............مزال شوية.........اصبر شوية.............ديجا نتوما تعبتوا علابالي بيكم رانا قريب نلحقوا........
وااااااااااااااااااااااااااي لحقنا تسخيب روحك كاليفي واااااااااااااي مش حاجة ساهلة واااااااااااااااااي والله عيط معايا واااااااااااااي
بسم الله راني هزيت لبلا واش فيه .......فيه 19 حبة حمص منهم 11 ماهمش طايبين 6 كحولا نحيتهم و عاودت رجعتهم علاه في رايكم قاعد يشوف فيا واحد من نتاوع النيجر ولا مانيش عارف فهمتو من عينيه قاعد يقول ليزالجيريان دي راسيست و الباقي تاع الحمص تقاسمتو مع صاحبي مادارش لاشان دينا وحدة ونص لكل واحد وفي لبلا كاين تاني جرارة تاع كاشير و ياوورت
وسلاطة اونسيكلوبيدي تاع لي زانساكت و ماكاين لامغرف لا فرشيطة الناس كامل بيديها المهم ناكلوا و غير ربي لي سترنا منين ذاك تجي توكسيكاسيون بصح انا ليستوما نتاعي ديما ريزيستيبل
و نخرجو من الريسطو بعد الوجبة الشهية و نزيدو نريقلوها بقازوزات زعمة بعد 3 ساعات و تشوف الناس خارجة تاني واحد هاز كسرونة و لاخر طاوة وصاحبو 12 نتاع الخبز يطلعوا تقول الحرب نايضة و عندهم الحق ساعات الواحد كي يسهر يجوع يعود ياكل في الخبز اليابس تاع 3 ايام و هكذا تدور ايام الجامعة بين الثالوث الاسود الريسطو ...لاسيتي...ولانستيتي
و اسمحولي طولت عليكم
ياخاوتي وياخواتاتي اليوم حبيت نحكي في موضوع يتكلم على لاشان تاع الريسطو -ريسطو تاع الجامعة- معظمنا فات بحكاية كيما هذي بصح بالفارسيون نتاعو بصح هذا الموضوع بالفرسيون نتاعي ان شاء الله يعجبكم
المهم
الريسطو يفتح على الساعة 7.00 صباحا في و جبة الفطور واش كاين فيها كاين تيبانة يابسة و لا لاوية فيها كونفيتير تاع كرطوس و لا ماعلاباليش هذي في 2006 ودركا عادوا يعطوهم الكرواسون ولا بتي بان بصح الحاجة اللي ماتبدلتش هي البروميل تصرع من ريحتو على بعد 13 كلم ديجا تدوخ كي تفوت على الريسطو حتى و مادخلش ليه النهار كامل البروميل يدور في راسك كي الزطلة
و على 11.00 نورمالمو يفتح بصح يبدا لاشان تاع لغدا قبل بنص ساعة الكروكوات دايرين رايهم _جمع كروكوديل_
و لعشية على 6.00 و نفس الحكاية توجور كاين الكروكوات
درك نحكو على لاشان وما ادراك و ما اللاشان مشكل يعانوا منو كامل الطلبة اذا ماوالفتش لاشان و تكاسلت من نهارك لول كلاك بوبي لازملك تريزيستي من المعركة الاولى باش تشد الريتم سي نو ضعت شر يا صاحبي احكي رفيزي والعب دودة تاع 1100 و مزااااااااااااااال زيد احكي ارقد نوض اقعد و مزاااااااااااااااال مالحقتش للفيراج لول لاشان داير كي حبة الزلابية فيه 8 فيراجات ولا 9 المهم ماتلحق للبلا نتاعك راه ديجا طاح منك النص يعودو يدزوا فيك باش تلحق للطابلة و اكري تاكسي باه ترجع للشمبرة...ورانا نمشوا في لاشان..................مزااااااااال..................مزال...بدا يبان الفيراج الاخير..............مزال شوية.........اصبر شوية.............ديجا نتوما تعبتوا علابالي بيكم رانا قريب نلحقوا........
وااااااااااااااااااااااااااي لحقنا تسخيب روحك كاليفي واااااااااااااي مش حاجة ساهلة واااااااااااااااااي والله عيط معايا واااااااااااااي
بسم الله راني هزيت لبلا واش فيه .......فيه 19 حبة حمص منهم 11 ماهمش طايبين 6 كحولا نحيتهم و عاودت رجعتهم علاه في رايكم قاعد يشوف فيا واحد من نتاوع النيجر ولا مانيش عارف فهمتو من عينيه قاعد يقول ليزالجيريان دي راسيست و الباقي تاع الحمص تقاسمتو مع صاحبي مادارش لاشان دينا وحدة ونص لكل واحد وفي لبلا كاين تاني جرارة تاع كاشير و ياوورت
وسلاطة اونسيكلوبيدي تاع لي زانساكت و ماكاين لامغرف لا فرشيطة الناس كامل بيديها المهم ناكلوا و غير ربي لي سترنا منين ذاك تجي توكسيكاسيون بصح انا ليستوما نتاعي ديما ريزيستيبل
و نخرجو من الريسطو بعد الوجبة الشهية و نزيدو نريقلوها بقازوزات زعمة بعد 3 ساعات و تشوف الناس خارجة تاني واحد هاز كسرونة و لاخر طاوة وصاحبو 12 نتاع الخبز يطلعوا تقول الحرب نايضة و عندهم الحق ساعات الواحد كي يسهر يجوع يعود ياكل في الخبز اليابس تاع 3 ايام و هكذا تدور ايام الجامعة بين الثالوث الاسود الريسطو ...لاسيتي...ولانستيتي
و اسمحولي طولت عليكم
آخر تعديل:
