الهدرة باطل

[بنت الزيبان]

وش احوالكم اخوتي الكرام
بصراحة كنت قاعدة مع روحي تفكرة كلام صديقاتي ليا وهو اني فوووووووووور ونعرف نخمم واني انسانة مثقفة
اكيد هدا الكلام يفرح كي يسمو اي شخص
لكن مش هدا الي حيرني بصراحة وليت شايفة روحي نحكي مليح ونتفلسف بزاف وربي عطيني موهبة الاقناع لكن انا مانعرفش ندير فيها حتى حاجة
يعني راني نحكي برك والفعل تبالي ربي يجيب
علاه رانا في الهدرة احنا الاولين مي في القبض ربي يجيب مثلا نعطيو رايانا في المنتديات بك برود اعصاب لكن في الواقع لو تحطينا في موقف حقيقي في الواقع بلاك نديرو عكس وش رانا نحكو
منعرف بلاك انا برك مي اكيد كاين الي صايرلو كيفي
ارجو تتواصلو معايا وتعطوني رايكم

 

[نبيل ونزة12]

 

[** غزال الصحراء **]

راح نحكي في نقطة ماهيش هي تاع موضوعك قدقد مي شدتني كلمة ( عندي موهبة الإقناع )

علابالك مع غاشينا تاع اليوم كل واحد فينا راهو ينفخ في بيدون مثقوب , نقاشات عقيمة

كي يولي الإنسان اللي تحاور فيه مشمع ( كأغلبية الناس ) كيفاش رايح تقنعو ؟

ياو يحبلك ما تعيا تعطيه في الخيط والو ..

المهم بخصوص موضوعك حكاية المنتدى و الواقع هاذي حكاية قديمة و حكينا عليها

مثلا لما يقولك موضوع ( إذا ماتلك واحد عزيز ) في المنتدى رايح ترد بحكمة مراعيا كل الجوانب

(( أخلاقية , دينية , إجتماعية )) و تعطي رد مثالي و هذا ما يسعى له كل منا في العالم الإفتراضي

و هو ليس عيب

أما في العالم الواقعي فلا خيار للتريث و التريث ليس خيار

ثما يبان شكون الصح و شكون المتريشي ..فيلامان .

 

[** غزال الصحراء **]

تم النقل من قسم النقاش إلى : ( منتدى واش راك تهدر)

 

[MATADOR007]

صح انت اعرفي كفاش تستغليها
يعني انصحي مانقلكش لالا
مي العكس انتاعك مايتبنيهش للغير
بسك كون يشوفك بيه راهم يحقدو عليك
ويستصغروك
يا البسكرية بنت بلادي
سلام​

 

[chiva.]

هههههههههههههههههه راكي فيلسوفة جيبي دوسي نتاع عندي رانا نسحقوك بزاف ههههههههههههههه

 

[زهرة القدس]

لي عودة باذن الله

اسفة مستعجلة *راني رايحا نقرا ههههه
ولاه دخلت اصلا: والله باه نشفى على الموضوع برك

...............

 

[SOUHA]

هههههههههههههههههه يا فيلسوفة

 

[lamilam88]

في المنتدى عندك الوقت المافي باش :
تخممي .........تعاودي تخممي.......تمدي راي أولي........تعاودي تبدلي رايك شوية........
تزيدي تزوقيه و تشبحيه بكلمات مؤثرة..........تزيدي تبدلي فيه شوية
منا و منا حتى يولي راي يؤخذ بعين الاعتبار
الصح هو الوقت و الموضوع
و تاني كي يعود بين ناس برانيين
مايلوموكش على رايك الصريح
يسما ما يقولولكش واش دخلك.

 

[dana1993]

ختي نقولك الصح انا وش نهدر ندير
اذا الهدرة شي لي في عقلي ولا قلبي يخرج من فمي الصح الصح منخبيش ههه
كي نبغي حاجة نديرها
وهاذي هي العقلية لي تربيت عليها هههه
مرسي

 

[walid09]

عطاك ربي موهبة إفناع الشخص لازم تستغليها في مواقف لي تحتاجيها هم كل يوم هذا رأي نتاعي على ما أظن:001_unsure:

 

[رضوان39]

صباح الخير اولا وليس اخرا شكرا على ضيافتك الطيبة هدا من اصالة ناس بسكرة اما عن الموضوع الرائع صحيح يهدر الانسان بصح ماش هدرتو كامل تتحول الى حقيقة الواحد فينا يحكي نقدرو نسموها امنيات نتمنو في يوم من الايام تتحقق نتمنالك التوفيق

 

[sasito]

ديما الهدرة اسهل من الفعل
كي تجي دوريها للواقع تطلعي
بزاااف حسابات على الحاجة لي راح
ديرها

 

[nour93]

موضوع رائع شكرا اختي

 

[مكسورة]

...............................................................

 

[azzedine02]

ماكيش بنت انت جنية من اهل الشيطان...............الشيخ عز الدين

 

[.:nassima:.]

عجبتيني كي قلتي الهدرة باطل
راني فهما ولواش حبيتي توصلي
حبيتي تقولي الي حنا ولينا شعب نهدرو ونهدرو مي في الصح ساعة التطبيق ماكان والو
وي عندك الحق حنونة في هادي
شاطرين حنا بزاف في الهدرة
والله مرات نقول وكان غير جا الكلام بالدراهم هكداك اموا الواحد مايهدرش الي لي قادر عليه
ومرات نقول والله نعرفو حجا خرمن مانعرفو والو
هكدا باش يقولو اموا فالحين في الهدرة
الكارثة اذا كنا مانفهمو مانعرفو نهدرو وزيد مانديرو والو
تخيلي الكارثة
ربي يستر
موضوع في القمة حنونة
شكراااااااا

 

[صفوة الوفاء]

صح نفس الشعــور ....
ابطآل في الهدرة و الفعل رب يجيــب....
مآ فهمتش كي نفهم علآهـــ تمآ ...نرجــع
احلى تحية

 

[النورس]

السلام عليكم

صح واش تطرقتي ليه الاخت بنت الزيبان...حاليا راني نشوفو ولات كاين ياسر هؤلاء لعندهم اسلوب الاقناع لكن كي ايجي ايطبق في حياتي ما يعرفش السبب الله اعلم

لكن احسن حل هو انو الواحد فينا ايحاول انو يخرج من زمرة المنافيقين الذين قال الله فيهم ...الذين يقولون ما لا يفعلون وباش نخرجو من هده الزمرة على الاقل لازم كل واحد فينا تكون النية تاعو حسن
وخلي الباقي على ربي

شكرا على الموضوع​

 

[DARINE05]

فسلسوقة اللمة

هذا الرد برعاية كار عيشوش بقادة دارين =اليوم تتكسر اللمة =للنقل الترفيهي