الاعضاء الخضر .. اذا ماشي من زحل .. اكيد من المريخ

[Moha le sage]

قالك ماشي كل خضر حشيش .. PSK كل خضر هو عضو جديد في اللمة ..بصح صاديبون شكون يكون :001_unsure:

كل واحد فينا يشارك و يعرف ناس في وقت قصير ولا طويل .. ويقدر يعرف ناس كثر من مشاركاتو .. ويقدر يشارك بلا ما يعرف بزاف ناس .. و يخرج من اللمة كيما دخلها ..اخضر

في الوقت لخر ولات لاكولور الخضرة مصدر ازعاج .. لسبب بسيط هو ان الناس لي نورمالمون تفيد اللمة و تفيد الاعضاء نقصو ..

ولاو كينين غير الخضر اللي هوما زرق في المنتدى و دخلو باش يوصلو المشرفين بكلام .. ولا باش يجبدو اخبار تاع ناس بعدما تحرقو بعضويتهم قدامهم

الكثير من الاعضاء الخضر ذرك .. جايين يديفوليو ولا يفرغو قلبهم اكثر من يفيدو الناس لي معاهم ..

المشكل الكبير هو انو لي تحطو موسى ..يطلعلك فرعون والهدرة قياس

العقليات منين رايحة تفسد .. و الناس مبقاتش تحترم بعضاها .. والنص الكبير تاع الجدد حاطين اللمة موفمون تاع ليسي جايين يدراقيو و واحد ما يخمم بلي هذو عضوات وواجب نحترموهم .. حتى و لو منعرفو عليهم غير البسودو

القدم في اللمة راهم اختفو .. باسكو البنة بدات تروح مع بنة المواضيع اللي بدات تروح .. و سيرتو مع العقلية اللي بدات تتبيريما .. بلاما نحكو على المواضيع .. :sneaky2:

نورمالمون سجلنا في اللمة باش نفيدو بعضانا ونتعرفو على بعضانا ..

يرحم والديكم الواحد راسو قد الجبل و قلبو قد مسن قد .. يجي لهنا باش ينحي على روحو يعشي يخالط في الغاشي الراشي حاشا لي ميستهلش :confused1: علاش ؟
وش اداني انا اللي نحوس على الكالم و على القدر و على ناس مثقفة نحكي معاها .. نخالط في عباد ربي وحدو العالم كيفاش مدايرين

الشر هو الساهل و العيب راه كي صباح الخير و الرجلية ماشي بالموسطاش و لكن بالفعايل

واحد كي يدخل موضوعك ديفوندي على روحك فيه .. و الموضوع اللي ميعجبكش ما تدخلش .. ساهلة ماهلة ..علاش تدخل و تربح عيب الناس فيه ..كلاوك يديك ؟؟ ولا حطيت روحك فحل كي تقول زوج كلمات ؟؟


ماهيش هكذا خلاص ..اللمة جمعتنا خاوة .. وقصارة مش خسارة .. نشوف الفين موضوع في اليوم ..بصح جامي دخلت في موضوع و كفرت واحد ولا اتهمت واحد .. لسبب بسيط انه خاطيني كلش و منفهم في والو و دارنا تستر عارنا .. و جهدي نكفي روحي بتخمامي

كينين وحد الاعضاء يعجبوني .. يسجلو في اقسام التصميم يفيدو و يستفادو .. في اقسام البرامج و الصيانة .. بلا ما ننسا العضوات اللي يسجلو في اقسام حواء باسكو لقاو ثما راحتهم و واش يحتاجو ..

اما الي يسجلو في اللمة باسكو شافو موضوع في واش تهدر .. فيهم زوج ولا تلاثة عندهم في الراس و يعرفولها اما الباقي ..جا باش يحكي كيما كان يحكي في قهوة ولا شارع :thumbdown:

كانو يقولو لي فاتو الرجلية يلحقها بموس .. ولا يلحقها بالوشام

ذرك لي فاتو الرجلية يلحقها بالردود في المنتديات





كيما نقدرو نزيدو اللي فاتها الزين تلحقو بتوقيع باهي

ولا الي فاتتها الشهرة تلحقها بطلبات الصداقة



بصح هذو الزوج لخرين مش موضوعي اليوم .. موضوعي راه باين ..لعمى يشوفو






قالك انا نقلك سيدي و ان اعرفلي قدري
و التربية و الاخلاق .. واداب الحديث ...يكملو الدين .. باسكو وحدو ما ينفعش






الديماراج PLANET MARS .. الوجهة : اللمة

حقا هذا عرفتوه ؟

نخليكم نتوما تقولولي :angel_not:


​

 

[مروة MARWA]

لي تحطو موسى يطلعلك فرعون
ولي تلقاه مbنج برا يجي للمة يتفلسف على الناس ويرشg صوابعو ف لكلافيي بلا رحمة

على العموم مرسي عليك :thumbup1:
راو جا في وقتو الموضوع
​

 

[programmeur]

صحيت خويا
على حساب ماراني نشوف
العقلية في اللمة تبدلت بزاف و بزاف
نتفكر في يامات اللي كنت فيهم عضو جديد ودروك ديفيرونس كبيرة
يحسراه على هاديك الايام
على العموم بارك الله فيك أخي على موضوعك وجزاك الله خيرا

 

[فتاة حساسة]

ايه
يرحم داك الفم اللي عندك يا خو

اي كاينا منها صح

شكرا على الموضوع

 

[sahiko hamza]

هالله يبارك
دخلت انا شاركت والله سابطوني ودرت عليها موضوع مي نصحوني قالولي ماديرش أعليهم


علابالك انا شاركت على مشكل في وحد البورطابل ولقيتو اهنا في اللمة
ومن بعد درت شويا حوست هذاك هو ....

دونك أنت راك تتهجم على كل عضو أخضر
وانا البارح بركـ كنت واحد منهم


اوموا كي تقول عليهم كلام قول حاشى البعض
ولي عودة لتعقيب


شكرا لكـ وتقبل إحتراماتي
​

 

[انتصار*]

المشكل موجود في الخضر والزرق ...الزرق احبو رايهم لي يعدي ويحذفو الرد لي ما يعجبهمش يستعملو معاك التهديد واحيانا يستعملو طريقة جبانة وهي استفزاز الاعضاء باه يردو عليهم ومن تم اطبقو القانون اعليهم بالحظر وبدون نقاش ومن بعد الحظر يقوم بأمور أكثر جبن ومنعدمة الرجولة ...هداك لي يحذفوه يلفقولو تهم جديدة ويظحكو عليه ....هذي الامور لي راني نشوف فيها من النهار لي سجلت وانا ضحية لهذ الامور ...ليكتب موضوع لازم يتأكد انو قادر ارد على الجميع خاصة المشرفين ولازم اطبق القانون على روحو قبل لوخرين كاين من المشرفين لي طردني بداعي اني شتمتو وفي نفس الموضوع أعضاء شتموني والردود مزالت موجودة ولم تح>ف لأنها مستني انا وجات من جيهتو هو ...........هل ه>ا اشراف تحقرو الناس وتهدوهم وتحذفو ردودهم وتطردوهم فقط لأنهم عارضوكم؟؟؟ انتم تشكو من اللون الاخظر وأحنا كرهنا من اللون الازرق ........لازم يتغير طريق العوقوبات وينقصولكم من الصلاحيات ويرجعو محكمة اللمة كيما زمان وماشي لي جاء احطوه مشرف وتوقفو استفزازكم لينا وتحترمو أرائنا .......اما المواضيع فلكل موضوع زوايا وكل واحد ارد من الزاوية لي تعجبو ..هذي حرية الرأي وأحنا هنا تكلمو ونتعرفو على افكار بعضنا ممكن منتفاهموش وهذا ماشي بالسيف كلكم جزايريين وكاين منكم الملتزم والمراهق ولي مغروم بعبد الحليم ولي كاره حياتو وكاين المريض والقاري والمغلوق ولي تعبان والمغترب ووووووووووووووو وكل واحد وأفكارو ولي معجبكمش ردو متردوش اعليه ولي يكتب رد في موضوعكم واحد ما يسالو احنا هنا باه نشاركو بمواضيع وردود ونشاركو في كل موضوع عدنا رأي فيف ولي معجبوش الحال اخلي الاشراف لمواليه ............يا أخي حتى أحنا كرهنا لي يجي يتكلم تسبقو الكماشات ليديه لي يقول رأيو تغمولو فمو الفلونزا الخنازير وكمتناش كيما انتوما .........القانون موجود في اللمة طبقوه على لي يسب الدين ولا ينشر الرديلة ولا لي يتلفظ بكلام يخدش الحياء ولا لي يدعو للجهوية .......وهنا ندكر المشرفين بالمواضيع لي كانت تسب الاباضيين ونظن هوما جزايريين ولم يتحرك المشرف ولا أحد هل المشرفين عنده وعي ولا علبالهم الواد لي ماشي تحتهم .............كل واحد وشيخو انتم علبالكم غير بلي يكتب رد في موضوعكم برك
شوية روح رياضية .......أما الناس لي عندها عضويات اخرى ولا طردتوهم نعرفوهم ونعرفو اسباب الطرد لانهم خالفوكم وحالفو مشرفين قبلكم ..........احترمونا نحترموكم كلنا اولاد تسعة وعدنا كرامة والنيف وماشي كل انسان اقول كلمة حق تتهموه بالنفاق ولا الجهل .......كي يتكلم الدين تغلق جميع الابواق وما أكثرها ...........اليكم الخط ولي يحب اطبق القانون راني هنا ..........علبالي دخولي لمواضيعكم اخوفكم ولي ما تحبوش تواجهوه ساهلة اطردوه ......................................وفي الخير نطلب من جميع الاعضاء احبسو الشيتة لأنها ولت مودة في اللمة وما أقبح اصحابها .................والسلام عليكم .​

 

[Moha le sage]

مشكورين على الردود ..المهم توصل الفكرة

 

[حفيد هواري بومدين]

كونت حندير موضوع مي اك تعرف خوك مايعرفش يهدر في لحظات نتاع القلقة
الله غالب وجعني قلبي مي يعطيك الصحة وصلتيليهم فكرة مليحة
بارك الله فيك يا ولد العجوز


​