صحاب الباك (bac) واش راكم ديرو هنا ؟

[vampire02]

السلام عليكم

للمعنيين فقط بشهادة الباكالوريا

قولولي الله يرحم الوالدين

واش راكم ديروا هنا
شا دخلتو ديروا
واش خاصكم
كاش ما عندكم هنا
ياخي ما باقيش بزاف للشهادة

وعلاش ما تروحوش تقراو

علابالي بلي راح تقولولي تدخلوا للنت غير شوية وما طولوش .... وما علاباليش شا تخرطو

يا جماعة العام الي كان عندي الباك ما قريتش حتى الشهر الاخير زيرت على روحي و حرمت روحي من كل شيء صدقوني والله العظيم كنت نخرج من الدرا غير باش نبدل الهواء 20 دقيقة ولا 30 دقيقة ونرجع نقرا و في الاخير ريحت و جوزت صيف هايل مع لحباب ولصحاب

زيرو روحكم غير هاد ليامات هادا ماكان وكونوا متأكدين بلي رايحين تجيبوه ان شاء الله
و صدقوني والله اروع و احلى الايام هي ايام الصيف بعد ظهور النتيجة
وان شاء الله كامل راح تربحو

​

 

[DARINE05]

ماعليش يدخلو ينحيو على بالهم شوية

 

[naouma]

عندك الحق ما بقالهمش بزاف اجبدو قد ما تقدرو و فرحونا من بعد الي ما يبداش بكري ما يكسرش راسو يلحق راهو جاي الصيف مع المونديال تكونو هانيين انشاء الله ربي يوفقكم و اجيبوه كامل و تفرحونا باش نولو للور و نتفكرو انهار الي جبنا فيه الباك اليوم الذي لا ينسى ابدا تعياو اجيبو لاليسانس الماجيستر بصح فرحة الباك ما تتعوضش و ماكاش كيما هي ربي معاكم ورانا دايما ندعولكم ربي يوفقكم

 

[ايمان 02]

والله نظل نهدر مع لي نعرفهم وما يصنتوش من بعد يندموا عليها مازال الحال ارجعوا لقرايتكم قبل فوات الاوان
​

 

[barca.moha]

عندك الحق
نجم نربح لوكان نقرا دا الشهر علما بلي مقريت والو الشهور اللي فاتو
دعولي نربح​

 

[naouma]

عندك الحق
نجم نربح لوكان نقرا دا الشهر علما بلي مقريت والو الشهور اللي فاتو
دعولي نربح​

انشاء تربح و تفرحنا رانا نستناو فيك في جويلية تقولنا جبتو اوك ربي معاك انشاء الله

 

[im£ne]

بالتوفيق لاصحاب الشهادة

 

[barca.moha]

انشاء تربح و تفرحنا رانا نستناو فيك في جويلية تقولنا جبتو اوك ربي معاك انشاء الله

من فمك لربي
شكرا
لوكان نربح نذبحلك خروف
دعيلي ودعولي ربي نربح الباك
​

 

[naouma]

من فمك لربي
شكرا
لوكان نربح نذبحلك خروف
دعيلي ودعولي ربي نربح الباك
​

انشاء الله خويا ما نسحقو والو غير تفرحنا برك اوك

 

[جزائرية شكون كيفي]

ربي ينجحكم ان شاء الله ..

 

[القطة الزهرية]

للمعنيين فقط بشهادة الباكالوريا

هنا كاينة حgرة واحنا يخي تاني حنجوزو الشهادة ولا تاعنا ماتهمش ؟؟
نحن في حاجة للعون والصائح

 

[barca.moha]

انشاء الله خويا ما نسحقو والو غير تفرحنا برك اوك

ان شاء الله
مرسي
وتصبحون على خير
دمتم في رعايته​

 

[* أميرة الأحلام *]

للمعنيين فقط بشهادة الباكالوريا

هنا كاينة حgرة واحنا يخي تاني حنجوزو الشهادة ولا تاعنا ماتهمش ؟؟
نحن في حاجة للعون والصائح

نعم اختاه هنا الهدرة مواجهة لاصحاب الشهادات والبكالوريا لان الوقت وين راح يضيق والي مازيرشي روحه في هدا الوقت ماش راح يكفيه لاني نحب نقولكم الباك او الشهادة اذا كملت ماش راح ترجع وتندم على انك ماقريتش او لم تعطي وقتك للمذاكرةلكن اللمة اذا غبت شهر راح ترجع تلقاها وتلقونا في انتظاركم بشوق لرجوعكم وبعدها فرحة النجاح ​

 

[عازفة القلوب]

هههههههههههههههههههههه
راهم قاعدين ينحيو فالغمة تاع الباك
​

 

[imado]

بارك الله فيك يا خويا والله راك قستني انا نهار كامل وانا هنا ندور ومابقاش بزاف موضوع مميز بارك الله فيك خويا لعزيز ادعيولي معاكم يا رب يعطيك الصحة خويا .......

 

[القطة الزهرية]

نعم اختاه هنا الهدرة مواجهة لاصحاب الشهادات والبكالوريا لان الوقت وين راح يضيق والي مازيرشي روحه في هدا الوقت ماش راح يكفيه لاني نحب نقولكم الباك او الشهادة اذا كملت ماش راح ترجع وتندم على انك ماقريتش او لم تعطي وقتك للمذاكرةلكن اللمة اذا غبت شهر راح ترجع تلقاه وتلقوني في انتظاركم بشوق لرجوعكم وبعدها فرحة النجاح ​

كلامك صواب وصاحب الموضوع حروف كلامو من ذهب بصح حبذ لو ضاف تاني تاع البيام بربع نصيحة اصلا الباك اهم عندكم حق اسفة

 

[فؤاد الورقلي]

السلام عليكم
والله عنده الحق
حتى انا كي كنت في الباك شهر ماي النت كل مشفتهاش والحمدلله
النت راه دايمة يا طلاب
والوقت راه يجري
وراكم تشوفو غير الشهر يجيب خو اغمض عينك يجي جوان
زيروا رواحكم وخليكم من النت راه ضيع

بالتوفيق
وان شاء الله كامل تجيبو الباك وتفرحونا​

 

[mina009]

و الله يا خويا نقول نروح نقرا بالصح نتوحشو اللمة هههههههه.
ان شاء الله ربي يوفقنا فالباك و نفرحو والله غير راني نستنى غير وقتاش نجوزو و نتهنى

 

[nassim007]

عيييييت نخلي اللمة و الله مشقة
ربي ينجحنااا

 

[vampire02]

عيييييت نخلي اللمة و الله مشقة
ربي ينجحنااا

يا ولدي غير هاد ليامات هادا ماكان