رد بالك تخطب وتدفع.

HWK4ALGERIA

:: عضو بارز ::
أحباب اللمة
إنضم
30 مارس 2010
المشاركات
1,473
نقاط التفاعل
2
النقاط
37
العمر
14
السلام عليكم، واش راكم لاباس الحمد لله.
الحكاية حقيقية ثاني صرات في أحد الدوائر في شرق البلاد.
مفادها، انها جات وحد العائلة وسكنو في المنطقة هذيك العائلة متكونة من ام وبناتها خمسة والا ست ابنات من اعمار مقاربة وخارقات في الجمال والادب، المهم تاع زواج،،،، الفايدة انهم قدرو يكونو علاقات طيبة مع الجيران وخصوصا ركزو على الجيران اللي عندهم اولاد في سن الزواج، المهم وبسرعة كبيرة يطمع واحد من الشباب في وحدة من البنات ويطلبها للزواج من أمها وفعلا تعطيهالو عادي جدا ويديرو الخطبة ويتفاهمو على الشرط ويتدفع الشرط ،،،،:fish:،،،،
أيامات برك واتجي تظرب على هذيك العايلة ماتلقاهمش :scared: يرحلو وما يخليوش وراهم حتى اثر، مع العلم ان اسماءهم مزيفة والخطبة ماشي وحدة برك راهم يتخطبو على الاقل زوج والا ثلاثة وكي يحكمو الحبات يبدو يحوسو على كاش دوار جديد يرحلولو ويعاودو فيه نفس القصة وهي ماشية.
ردو بالكم اخواني اديرو لامان وتروحو تخطبو وخلاص وتدفعو لازم الثيقة في الوثيقة والعقد الشرعي هاذا طبعا بعد التاكد من هوية الناس اللي راك حاب اتناسبهم، للإشارة فقط العايلة هذيك حكموهم وظهرو هاذوك ماشي خواتات والام ماكانش منها واسكت برك وخلي الزير بغطاه :scared:
واتخيلو هاذوك الشباب الولهانين مساكن شحال مساكن وهوما يلمو باه يتزوجو ومن بعد راحو هاذوك الدراهم بضحكة :tears: عليه العوض ومنو العوض واليه العوض،،،، عقدة نفسية للابد.
وانتوما اخواتاتي ردو بالكم اتصاحبو جيرانكم الجدد الا بعد ما تتاكدو مليح من الهوية مانيش انقول ديرو انكيت لانو من المفروض الدولة هي اللي تستكلف بأنها تتأكد من هوية اي واحد راح يسكن اجديد والا يكري، باه مايسراش كيما اللي صرا، كيما وحد التارGية جات لدشرة تاعنا وطاحت اتبزنس بالذهب حتى ارتاحولها النسا كل ومن بينهم امي حتى طاحو اعطاولها دراهم وذهب باش ادايشلهم وتجيبلهم حوايج ملاح ورخاس ، هي لمت اللمة اللي هي وطلGت راسها ولا الضالين آمين. :u_pc:
وراحت مع اللي راحو....... دنية عجايب، واحد يلم ويتعب ويشقى ويسهر الليالي وهو يحلم بمستقبل امليح وزاهي وواحد يجي يحطم كل الآمال في ثواني، والله غير هاذ الشي منكر وحرام قبل كل شي، والحساب راهو عسير، وكيما قال النبي صلى الله عليه وسلم عن المفلس الحقيقي هو اللي بمعنى الحديث سرق هاذا واخذ مال هذا وقتل هذا مفاده اللي بينك وبين ربي هو غفور رحيم واللي بينك وبين الناس واش انقولك، اللي يحسن يهنى ف عيشو واللي ياذي يذوق لمرار.
 
هادي عفسة جديدة..والله كل يوم الجديد

المهم الاحتيال و الربح السريع
منكذبش عليك خويا انا متلعبوليش بدراهم الشرط برك هههههههههه
راني ندوخ
ربي يسترنا
وديرو بالكم يا ليجان
والله غير عندك الحق انا في شحال وانا انلم فيهم ولوكان يدوهملي قادر نهبل وقادر اندير كاثة وقادر ننفجر ذريا.
شكرا لك.
 
عيش تسمع:mellow:...هادي جديدة
كيفاش هاد المراة طمت بنات و قالتلهم ارواحو نحتالو عالناس؟؟؟:scared:..تحييير و الله ههه
 
عيش تسمع:mellow:...هادي جديدة
كيفاش هاد المراة طمت بنات و قالتلهم ارواحو نحتالو عالناس؟؟؟:scared:..تحييير و الله ههه
قنعتهم كيما قنعت بنات اخرين يخدمو خدايم ماش املاح من قبل ولقات بللي هاذي خدمة اشرف الناس تدفع بالملاين على سنة الله ورسولو.
ربي يهديهم.
 
يا خو راك شككتني في جوارينا هههههههـ
يخي حاله السرقه راهي فـ تطور سريع الله يبارك
وصلت حتا لدراهم الشرط !!!!
وهادي تاع تارgيه راهي عدنا وحد بصح ماشي تارgيه
ماليه ولا ماعلابليش عليها بصح ناس ملااح وتخيط صبابط
ماشي تبيع ذهب!!
 
هذى اخر صيحة من صيحات النصب والاحتيال
مى احنا عندنا ما يدفعوش الا الا دارو العقد او الفاتحة سواء كانت العروس قريبة او بعيدة
 
يا خو راك شككتني في جوارينا هههههههـ

يخي حاله السرقه راهي فـ تطور سريع الله يبارك
وصلت حتا لدراهم الشرط !!!!
وهادي تاع تارgيه راهي عدنا وحد بصح ماشي تارgيه
ماليه ولا ماعلابليش عليها بصح ناس ملااح وتخيط صبابط
ماشي تبيع ذهب!!
امالا حل عينيك امليح وبالاك تديلها صباطك لتروحك بيه ههههه:yahoo:
 
:scared:
يالطيـــف الطف من هاد الوقت الي وصلنا ليــه
مي حتا النية دوك ماولتاش تنفع
الناس ولاو ذيوبة مافيهمش لامان
امالا
النصيحة هي مادير الثقة فحتى واحد فهاد الزمان
و لازم الواحد قبل مايتعامل مع ناس يسقسي عليهم مليح
ويدير حساباتو
مرسي
 
هي لمت اللمة اللي هي وطلGت راسها ولا الضالين آمين
*********
ركزلي على هذي b1
********
يا خويا ربي يسترنا برك ان كيدهن لعضيم
 
هذى اخر صيحة من صيحات النصب والاحتيال
مى احنا عندنا ما يدفعوش الا الا دارو العقد او الفاتحة سواء كانت العروس قريبة او بعيدة
واش من عقد راكي تحكي تاع البلدية ؟ وإذا هوما قنعوك بللي في عاداتهم يخطبو ويعقدو ويدفعو، كاينة هاذي في بزاف بلايس من الجزائر خصوصا في البلاصة اللي صرات فيها القصة، والنصابين يعرفو صلاحهم ماتكسريش راسك طول.
شكرا
 
هي لمت اللمة اللي هي وطلgت راسها ولا الضالين آمين
*********
ركزلي على هذي b1
********
يا خويا ربي يسترنا برك ان كيدهن لعضيم
الستار ربي وخلاص.
انا خايف لكاش انهار اتجينا كاش وحدة واتقول انا الطبيبة وتدخل للعيادة واطيح اتزوق فليزوردونونص وتهبر هبرة امليحة واتروح كيما وحد الدكتور غدوة نحكيلكم اعليه تحبسو من ريسانكم.
شكرا
 
:scared:

يالطيـــف الطف من هاد الوقت الي وصلنا ليــه
مي حتا النية دوك ماولتاش تنفع
الناس ولاو ذيوبة مافيهمش لامان
امالا
النصيحة هي مادير الثقة فحتى واحد فهاد الزمان
و لازم الواحد قبل مايتعامل مع ناس يسقسي عليهم مليح
ويدير حساباتو

مرسي
صح حتى الموظفين الحكوميين لازم يسقسي اعليهم الواحد، انا مثلا صبق واني خلصت فاتورة تاع ترسيتي زوج مرات...:glare:
 
واش من عقد راكي تحكي تاع البلدية ؟ وإذا هوما قنعوك بللي في عاداتهم يخطبو ويعقدو ويدفعو، كاينة هاذي في بزاف بلايس من الجزائر خصوصا في البلاصة اللي صرات فيها القصة، والنصابين يعرفو صلاحهم ماتكسريش راسك طول.
شكرا

بصح هذا زواج مش لعبة لازم نتاكد مليح و ندير قع احتياطاتى و احنا كيم قتلك العقد ثم الدفع مكانش الى يمد دراهم بلا عقد
 
بصح هذا زواج مش لعبة لازم نتاكد مليح و ندير قع احتياطاتى و احنا كيم قتلك العقد ثم الدفع مكانش الى يمد دراهم بلا عقد
وانا قتلك بللي واش من عقد اللي راكي تحكي عليه؟ راهم يعقدو نورمال ويديو الكعبات ويروحو.
 
الله يجعل الخير الناس ولاو ميخافوش حتى من مولاهم اللي خلقهم
الله يبعد بلاهم
 
هههه شر البلية ما يضحك والله غير جديدة في عالم السرقة ، شوف الي يروح يخطب يروح يخطب من عند الرجال ولازم يعرفهم ويسقسي عليهم مليح ...قلتلي خارقات الجمال هذا هو المشكل تاع الشباب انو ما يسقسيش على الاصل وبنت الفاميليا وعلى الصح غير يشوف وحدة مهما كانت يجري من وراها ..
وعلى العموم هو إبتلاء من ربي بلاك هذي خير من حاجة اخرى.ربي عالم.
 
ربي يهدي الخلق ...آآمين ...
 
الله يجعل الخير الناس ولاو ميخافوش حتى من مولاهم اللي خلقهم
الله يبعد بلاهم
الله يقطعهم ديفينيتيف احنا واش انديرو بالاشكال هاذي كيشغل هاذا واش كان ايخصنا.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top