أنصحوني

SARA_BRAHIM

:: عضو مُشارك ::
إنضم
9 أفريل 2010
المشاركات
185
نقاط التفاعل
1
النقاط
7
واش راكم يا لحباب راكم كامليييييييين ملاح
أيا الحمد لله
واش راحا نقلكم
راني رايحة نحكيلكم حكايتي بصح بشرط أنكم تنصحوني وتحطو رواحكم في مكاني
أنا حبيت واحد عندي معاه 6 سنين تفاصلنا وعاودنا رجعنا مع بعض
المهم يا جماعة الخير
أنا مشكلتي مشكاكة بزاف بزاف حتى أني عندي معاه 6 سنين الله يبارك وربي يكمل نشالله
قولو آآآآمين
إلا أني والله لدرك مانيش مآمنة بلي يحبني صح
على خاطر هو يخدم في الجيش وبعيد عليا وبعيد على عينيا مع العلم هو جارنا وإسمو براهيم
أنا الشي الي زاد خلاني نشك فيه أكثر أنو مايعيطليش بزاف ومايسقسيش عليا بزاف بحجة أنو خدام والظروف ماتسمحلوش أنا هذا الشي مانيش مآمناتو بكل
أنا كل يوم نحب نعيطلو ونسمع غير صوتو
والله يا جماعة غير نهبل عليه
أنصحوني واش ندير معاه يعني صح تكون ظروف ولا؟؟
 
اختي نقولك حاجة انسي هدا الحب لانه وقتنا صرنا نعيشو غير الحب المزيف
ونزيد نقولك الي يحب عمره مايسلم مهما كانت ظروفه
فحاولي انك تبعد ي عليه من دركا خير ماتزيد تتعلقي بيه وتدمري أكثر وأكثر
والله محيته الحب لانه مات مع روميو وجوليت وقيس وليلى
 
اختي نقولك حاجة انسي هدا الحب لانه وقتنا صرنا نعيشو غير الحب المزيف
ونزيد نقولك الي يحب عمره مايسلم مهما كانت ظروفه
فحاولي انك تبعد ي عليه من دركا خير ماتزيد تتعلقي بيه وتدمري أكثر وأكثر
والله محيته الحب لانه مات مع روميو وجوليت وقيس وليلى

عندك حق هذا واش كنت راح نقول
 
معليش ا ختي لاعوتش صح راهو ماعندوش لوقت باه يعيطلك


ربي يصبرك ان شاء الله وربي يكمل
 
لازم تعرفي واش راك حابة
ربي سبحانو حطلنا قوانين للحياة ومن بينها العلاقات بين الاشخاص خاصة البنت والولد
يعني لازم تعرفي وين راكم حابين توصلو بهذي العلاقة واذا كنتو متفاهمين وكنت راضيين معليه غير يتقدم لخطبتك وتبنالي مدة 6 سنين حياة وتخيلي مثلا تقدم واحد لخطبتك وكان مايخصو والو واش راح تكون اجابتك ؟
لازم تتفاهمي معاه مديرو حل لانو هذي ماشي طريقة للحياة
 
ما ادبر عليك حتى وحدة ما تسيبيش وتندمي راه صعيب سقسيني انا على غبائي الي يقلي نحبك ما نعبروش وفي الاخر انا وحيدة وقلبي ميت
 
كامل طحنا في هاد لخدع
وكل واحد وزهرو
ربي يكمللكم​
 
6 سنين و انتي معاه و جاية تسقسي فينا :glare:
6 سنين :scared: .. و فرحانة راكي تقولي فيها :scared:
6 سنييييييييييييين من حياتك راحت و مع اللخر تسقسي ادا يحبك و لا لالا
6 سنيييييييييييييييين مازال ماعرفتيش كيفاش تتعاملي معاه
يا محاينك 6 سنييييييييييييييييين :scared:

راكي ضيعتي بزاف من حياتك :music_whistling:
 
آخر تعديل:
ياااااا ناس علااش كي يسقسيكم كاش واحد على عفسا هكدا تقولول انسا واش بيكم قلبكم حجر ياك راكم بنات او نورمالمو تحسو او تعرفو ولا تبانلكم شطارا جاوبوني يرحم والديكم
 
لازم تتفاهمو

وانت برك لي تقدري تعرفي الى يحبك ولالا

ربي يسهل حنونة اى كان فيه الخير ربي يخليهولك او الى شر ربي يبعدو عليك
 
كامل رانا مهبلة​
 
سلام
اختي اردت وضع نقطة فقط
انتي تقولين بانكم افترقتم من قبل ثم عدتم الى بعضكم الله يتمم بخير
اختي اكيد من يحب لا يسلم في محبوبه مهما حدث ربما هو صحيح ضروفه لا تسمح له بان يتصل بك بسبب عمله
لكن ليس لا يتصل ابدا
على الاقل 3 مرة في اليوم
لكن فاجاني انكما مع بعض مدة 6 سنوات ولم يحدث زواج ؟؟لماذا؟؟؟؟
اذا عرفتي الاجابة على سؤالي عندها تستطيعين المواصلة او العكس
ان شاء الله يكتمل هذا الحب بزواج قريب لكن عليك دعوتنا
لا احد يستطيع تقرير مصير حياتك الا انتي
اتمنى تفهمي ما اقصد
 
يا أختي ربي يكمللكم مع بعض كيما راكم مع بعض والثقة معدومة منكم لزوج وحتى كيما تكون من طرف واحد تكون العلاقة مهزوزة والله وهو راكي تقولي راه في الجيش ايه صافي عندوا خدموا والله غير الجيش صعيب بزاف وما يقعدوش خلاص
وما يقدرش يبدلك كون ما يحبكش ما يقعدش 6 سنين معاك فهمتيني كان بدلك بلي جات مي لازم تفهميه اوك وربي يكون معاك اختي
سلام
 
6 سنين و انتي معاه و جاية تسقسي فينا :glare:

6 سنين :scared: .. و فرحانة راكي تقولي فيها :scared:
6 سنييييييييييييين من حياتك راحت و مع اللخر تسقسي ادا يحبك و لا لالا
6 سنيييييييييييييييين مازال ماعرفتيش كيفاش تتعاملي معاه
يا محاينك 6 سنييييييييييييييييين :scared:


راكي ضيعتي بزاف من حياتك :music_whistling:


هيه 6 سنين وأنا معاه وحياتي راحت معاه وكبرت معاه
يا ختي 6 سنين كيف راحا ننساه أنا
 
يا أختي ربي يكمللكم مع بعض كيما راكم مع بعض والثقة معدومة منكم لزوج وحتى كيما تكون من طرف واحد تكون العلاقة مهزوزة والله وهو راكي تقولي راه في الجيش ايه صافي عندوا خدموا والله غير الجيش صعيب بزاف وما يقعدوش خلاص

وما يقدرش يبدلك كون ما يحبكش ما يقعدش 6 سنين معاك فهمتيني كان بدلك بلي جات مي لازم تفهميه اوك وربي يكون معاك اختي

سلام


أختي هو وعدني بلي يجي يخطبني من الديا مع العلم بلي عايلتو علابالهم وحتى عايلتي عابالهم
المشكل ماشي فيه هو المشكل فيا أنا أني مشكاكة زيادة
أفهموني
 
سلام
اختي اردت وضع نقطة فقط
انتي تقولين بانكم افترقتم من قبل ثم عدتم الى بعضكم الله يتمم بخير
اختي اكيد من يحب لا يسلم في محبوبه مهما حدث ربما هو صحيح ضروفه لا تسمح له بان يتصل بك بسبب عمله
لكن ليس لا يتصل ابدا
على الاقل 3 مرة في اليوم
لكن فاجاني انكما مع بعض مدة 6 سنوات ولم يحدث زواج ؟؟لماذا؟؟؟؟
اذا عرفتي الاجابة على سؤالي عندها تستطيعين المواصلة او العكس
ان شاء الله يكتمل هذا الحب بزواج قريب لكن عليك دعوتنا
لا احد يستطيع تقرير مصير حياتك الا انتي
اتمنى تفهمي ما اقصد

أخي أنا بدات علاقتي معاه أنا في 14 سنة يعني عشرة عمر ودرك راني 20 سنة
تفارقنا شي عام وعاودنا رجعنا مع بعض بعد مامشى للجيش
وهو قالي بلي يجي يخطبني مي قالي لازم تصبري عليا شويا بصح انا بعد حكايات بزاف كما تاعي صرات للبنات ماعدتش نآمن صراحة
 
لازم تتفاهمو


وانت برك لي تقدري تعرفي الى يحبك ولالا


ربي يسهل حنونة اى كان فيه الخير ربي يخليهولك او الى شر ربي يبعدو عليك

والله صح الكاملة على ربي
 
اختي نقولك حاجة انسي هدا الحب لانه وقتنا صرنا نعيشو غير الحب المزيف


ونزيد نقولك الي يحب عمره مايسلم مهما كانت ظروفه
فحاولي انك تبعد ي عليه من دركا خير ماتزيد تتعلقي بيه وتدمري أكثر وأكثر
والله محيته الحب لانه مات مع روميو وجوليت وقيس وليلى

أختي هنا لقيتيني نخمم ولاه في بالك بعد 6 سنين عرفتو وعرفني ساهلة باش نخليه وننساه
لا والله مانقدر .​
 
اسمحيلي على هذا الكلام لكن يظهرلي 6 سنين ماشي حاجه قليلة ويظهرلي انو لو كان يحبك بالصح كان تقدم لخطبتك وتزوجك وكنتي معاه لكن كيما يقولو ربي يوفق لنصفق

الواجب انك تاكدتي من قبل ماشي بعد 6 سنين وثانيا 6 سنين ومزال مابرهنش على حبو وقتاش راح يبرهن عليه بعد 20 سنة ولا بعد مايعود عندو ولاد من مرأة اخرى

يا اختي فكري مليح قبل اتخاذ القرار رغم انو بالنسبة ليا انا وفي رايي المتواضع انو القرار واضح وضوح الشمس لكن لانك تحبيه وقضتي 6 سنين ننصحك انك تكملي التجربه لكن مطوليش بزاف يعني ممكن 6 اشهر اذا برهنلك على حبو خلاص اذا مقدرش معناتها مايستاهلكش


والله ولي التوفيق


اسال الله التوفيق لنا ولكم


شكرا للقراءة وشكرا لسماع النصيحه والراي في الاول والاخير يعود لك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top