مقرقشات من مطبخي

[nada242008]

المكونات
250 غ فرينة
رشة ملح
2 م ك سكر
كيس خميرة حلوى
50 غ زبدة ذايبة
1 بيضة
ماء + ماء زهر
زيت للقلي
وعسل

الطريقة
في جفنة نضع الفرينة + رشة الملح + السكر + الخميرة ثم نضيف الزبدة الذائبة

نخلط مليح حتى تتداخل الزبدة مع المكونات الاخرى
ثم نضيف البيضة

ثم نعجن بالماء وماء الزهر حتى نتحصل على عجينة متماسكة لا تلتصق

نقسمها الى كريات ونتركها ترتاح

ثم نفرد كل كرية على شكل مستطيل نقطع الاطراف بالجرارة

ثم نقليها في زيت متوسط الحرارة مع تقليبها على شكل اسطواني
بعد ماتنتفخ وتحمر نبعدها عن النار

بعدما تبرد نعسلها في عسل + شوية ماء زهر وتقدم

****

تحياتي للجميع:surrender::surrender::surrender:

 

[kahla]

مشكووووووووووووووورة ندوووووووووووش هايل بالمزيد ان شالله

 

[imane27]

jawak shabin nada y3atik saha ya shatra

 

[nada242008]

مشكووووووووووووووورة ندوووووووووووش هايل بالمزيد ان شالله

العفو كحلة نورتيني بمرورك الجميل:surrender:

jawak shabin nada y3atik saha ya shatra

الله يسلمك ايمان
الف شكر على الرد الطيب:surrender:

 

[حكيك]

يعطيك الصحة
جاك هايل ندى

 

[nada242008]

يعطيك الصحة
جاك هايل ندى

شكراا حكيك
بارك الله فيك
​

 

[أميرة اميرة]

مممممممممممممم يهبلوا يعطيك الصحة يا الحبيبة جزاكي الله كل خير على الوصفات المميزة اللي كتتحفينا بيهم
دمتي دائما مميزة و متميزة​

 

[nada242008]

مممممممممممممم يهبلوا يعطيك الصحة يا الحبيبة جزاكي الله كل خير على الوصفات المميزة اللي كتتحفينا بيهم
دمتي دائما مميزة و متميزة​

شكراا اميرة على الكلام الحلو
نورتيني حبيبتي بردك المميز والمتميز
تحياتي:surrender:

 

[ibtesem]

بارك الله فيك ندودة على الوصفة
فكرتي فيها والله زمان
بصحتكم

 

[nada242008]

بارك الله فيك ندودة على الوصفة
فكرتي فيها والله زمان
بصحتكم

صح يا ابتسام من كنت صغيرة خلاص مازدتش شفتها غير اليوم
جات في بالي وسخفت عليها ودرتها اليوم
الف شكر بسومة على المرور

 

[nawal1980]

حنا نقولولهم عمامة القاضي
يعكطيك الصحة يا ندوش

 

[nada242008]

حنا نقولولهم عمامة القاضي
يعكطيك الصحة يا ندوش

ايه عجبتني عمامة القاضي
فكرتيني في لقمة القاضي:angel:
الف شكر حبوبة نوال على المرور العطر

 

[flora winx]

امممممممممممممم جوعتيني موضوع مميز ومنسق بارك الله فيك

 

[nada242008]

امممممممممممممم جوعتيني موضوع مميز ومنسق بارك الله فيك

بارك الله فيك:surrender:

 

[أية2009]

يعطيك الصحة يا ندوش جاك هايل حتى اللون نتاعو جا يبريي
حنا هذا نقولولو خشخاش

 

[nada242008]

يعطيك الصحة يا ندوش جاك هايل حتى اللون نتاعو جا يبريي
حنا هذا نقولولو خشخاش

الله يسلمك يا اية
مالا اسمو الخشخاش عندكم
في كل بلاصة وكيفاه يسموه:fish:
الف شكر على المرور نورتي

 

[عفاف الجزائرية]

اممممممممممممم بياينين يجيو بنان حنونتي فوفة
حنا نديرو شكلهم ضفيرة بالجرارة نخدموها
نقطعوها مربع ونقطع في وسط المربع اربع مرات بلا ما نلحقو للاخير
ومباعد نظفروها
علابالي ما فهمتينيش مي ان شالله كي نديرهم نصورهملك ونحطهملك
مشكورة اختي لعزيزة
​

 

[nada242008]

اممممممممممممم بياينين يجيو بنان حنونتي فوفة
حنا نديرو شكلهم ضفيرة بالجرارة نخدموها
نقطعوها مربع ونقطع في وسط المربع اربع مرات بلا ما نلحقو للاخير
ومباعد نظفروها
علابالي ما فهمتينيش مي ان شالله كي نديرهم نصورهملك ونحطهملك
مشكورة اختي لعزيزة
​

فهمتك يا فوفة
راكي تحكي على القريوش وحنا ثاني نديروه
والمقرقشات نوع اخر بصح البنة راهم كيف كيف
الف شكر على المرور يالغالية

 

[كوثر الوهرانية]

تباريك الله عليك يا الشاطرة كل مرة تتحفينا بوصفة من يديك الزينين حنا نقولوله الخفاف و عندي زمان مدرتهش فكرتيني بيه تاكلوه بالصحة يا الساجية نتاعنا

 

[DARINE05]

يعطيك الصحة يا القفزة تهبل وصفاتك