على وجه ربي اعطيوني الحل

[بنت الجزائر]

السلام عليكم و رحمة الله و بركاته وبعد :
انا فتاة عندي 25 سنة و حكايتي بدات نهار الي عاودت عامي الاول في الجامعة , دارنا تبدلو و ماولاوش هوما ,لاخاطرش في الليسي كنت من الاوائل , المهم ولاو نهار كامل وهوما يعايروا فيا مالغري كنت ميتسين , و بعد هاداك تعرفت على واحد ومسكين كان حاب يجي يخطبني و دايمن يزير عليا و يقولي: قولي لداركم باش نجيب دارنا . وانا ناجل و نسبب بادنى سبب باش نروطاردي.
واحد النهار قالي بزاف و انا نستنى و راح عيط لخويا و تلاقاه وهدر معاه باش يجيو. خويا ماقالو والو .
قالو نشوف مع الشيخ و نرجعلك الخبر. وهادا الشي كامل وانا في الجامعة و ماعلاباليش.
كي رحت للدار لقيتهم دايرين حالا و قالولي تحبسي القرايا , و نحاولي التلفون .
بعدها بايامات قالتلي ماما هوما ماراهم رايحين يقبلو في جميع الاحوال يتسما لوكان تنسايه و تقوليلهم خلاص بالاك يرجعوك تقراي خير من لا تخسري كلش . قلتلها: و علاش ماحبوش ؟ قاتلي قالك باباك واش يقولو الناس . لانو ماراهوش من بلادنا و بابا الناس كامل تعرفو.
درت واش قالتلي بصح غير لوكان مادرتش . صح رجعت نقرا لكن نقصولي المسروف و نحاولي البورتابل . و على ماكاش ماما تقولي التبهديل الي درتيلنا .و لاو نهار كامل و هوما يعسوا فيا بصح اللي خطبني بقا يعيطلي عند صحاباتي و يسقسي عليا.
و درك كملت قرايتي و قعدت في الدار, و بقيت وحدي حتى صحاباتي نتاع الجامعة عطيتلهم رقم ماما ولاو كي يعيطولي تقوللهم راكم غالطين .و بسيف باش لقيت خدما لكن للاسف يا فرحة ما تمت.
حبسني بابا و قالي واش يقولو الناس بنتي تخدم بهدا الاجر ؟ و خديت رايو ومازدتش رحت
و منبعد وليت نخيط في الدار غير للجيران باش نجيب مصروفي. خلا المرا واقفة و قالي مارانيش حال اتوليي.
سكت و مازدتش خيطت .
ودرك راني حايرة كيفاش رايحة نكمل حياتي .
انصحوني رايحة نهبل . ساعات نخمم نهرب , و ساعات نقول نقتل روحي.
نتاع الصح رايحة نهبل افيدوووووووووووووني

 

[اسماء16]

سلام عليكم ختي ولله قصتك محيرة كاين اباء مزالو يخمو هكداا
وهدا راجل ياك نواك لحلال علاش اهلك يعرقلو ولا كاينة حاجة بلاك هدا راجل معندوش دراهم على هديك رفضو بابك المهم ختي ربي يكون معك
​

 

[اسماء16]

حبيت اختى نساءلك وعلاش ما تقعديش مع جميع الفاميليا و تساليهم علاش يديرولك هكدا بلاك عندهم سبب وقعدى مع يماك وتنقشى معاها وقوليلها تفهمك ولكن انصحك با الصبر وعمرك ماتفكرى تهربى من البيت لان الهروب دمار و خراب و ماهوش حل اختى بل بالعكس

 

[مروة MARWA]

يا ختي والله صح قصة غريبة شوي مي ماعلش انت حاولي تقنعي باباك بلي راكي على صواب مثلا في مجال الخدمة قولو بابا انا تعبت في صغري سهرت وقريت غير باه نشوف ثمرة التعب والجهد تاعي
جل من لا يخطأ يا ختي قادر باباك يكون غالط مش شرط يكون عندو حق في كلش اهدري معاه لكن بطريقة تخليه يحن ويفهم انك تعبتي بزااااف باه ترتاحي درك وتخدمي كيما راكي حابة
وبخصوص هادا لي خطبك ماعليش هادي تصرا بزاف ماقبلش ماعليش
مي باه يتحطم مستقبلك كيما هك وبالسهولة هادي ماشي مليح
اختي نحي فكرة الهروب هادي من بالك اي حاجة واعرة بزااف والهدرة راهي ساهلة هادو والديك ونظن انهم يحبو صلاحك حاولي تكوني مليحة معاهم وماتتعصبيش معاهم تناقشي معاهم سيرتو ماماك وحاولي تفهمي منهم
---
و ربي يكون في عونك يا ختي
​

 

[yacino1993]

نقولك اهربي ولا اقتلي روحك والله غير الله يهديهم لافامي نتاعك مفيهمش قع واحد يفهمك؟؟؟؟؟ الحمدلله مجيتش طفلة

 

[اسماء16]

نقولك اهربي ولا اقتلي روحك والله غير الله يهديهم لافامي نتاعك مفيهمش قع واحد يفهمك؟؟؟؟؟ الحمدلله مجيتش طفلة

لالا خويا ياسين لزم نخدمو عقولنا وليس ما يمليه علينا قلبنا الهرب سيكبر المشكلة اكثر
المهم ربي يكون في العون ورنا كامل اختي هنا ممكن نقدرو نديرو مساعدة ولو بكلمة طيبة
​

 

[مروة MARWA]

نقولك اهربي ولا اقتلي روحك والله غير الله يهديهم لافامي نتاعك مفيهمش قع واحد يفهمك؟؟؟؟؟ الحمدلله مجيتش طفلة

عمرو ماكان الهروب حل
تروح للشارع لي مايرحمش ؟؟؟؟؟ كيما قال الشهبندر تقعد في دارها معززة مكرمة احسن ليها
والصبر يا ختي اصبري برك ولي فيها خير يكتبهالك ربي ان شاء الله
​

 

[sam_houssem]

سلام
اول حاجة اختي ربي يكون معاك
مي خممي معايا برك
والديك والعائلة تاعك علاه راهم يديرلك هكذا
في بالك انت خاطر ما يحبوكش؟؟؟
بالعكس خاطر يحبوك وخايفين عليك خاطر راكي جزء منهم وطرف من الكبدة
مي الشيء لي يعيب عليهم هو انهم خافو عليك فوق اللازم ورجعو يتعداو على ابسط الحقوق ليك بلا ما يفيقو لانهم حاسبين بلي في صلاحك
الحل الوحيد هو كيما قالولك الاعضاء لي قبلي لازم تريحي معاهم وديرو النقاط على الحروف وتلقاو الحل لي يرضي الطرفين
وجامي تفكري في الهربة والانتحار خاطر بهاذ الطريقة رايحة تخسري في الحياتين
دنيا واخرة
دنيا راحت رضاية والديك والاخرة رضاية ربي
نتمنالك التوفيق
ونوضي صلي ركعتين واقراي شوي قرأن وربي يفرج عليك ان شاء الله
والا نقدرو نعاونوك باي حاجة ماراناش رايحين نتاخرو عليك
سلام
​

 

[بنت الجزائر]

سلام عليكم ختي ولله قصتك محيرة كاين اباء مزالو يخمو هكداا

وهدا راجل ياك نواك لحلال علاش اهلك يعرقلو ولا كاينة حاجة بلاك هدا راجل معندوش دراهم على هديك رفضو بابك المهم ختي ربي يكون معك ​

مشكورة اختي على الرد
صح هدا اللي خطبني ماعندوش الدراهم بصح الدنيا ماشي دراهم برك
و بابا صح كاينلو مي انا كرهت واش رايحة ندير , في دارنا كلش متوفر و ماكاش حاجة نحبها و ماتجينيش الا ادا حبيت نتزوج بهدا اللي نحبوا و علااااااااااااااااااااااااه فهموني

 

[lalochka]

السلام عليك اختي حقا انت في جحيم لكن اكسبي رضى الله فبرضى الله تدخلين الجنة اكثر من الصلاة و الذكر تقربي الى الله و دعه ان يكون في عونك انا على حساب ما فهمت مادرتي والو راكي بريئة مئة بالمئة مادام شاب كان ناوي الحلال مازالك محتارمة انت ماخصرتيش و ما غلطتيش مادام باباك منع عليك الخدمة في اي مجال اهدري معاه قوليلو علاه قريتني و تعبت عليا قوليلو كون عرفت هاك مانروحش نقرا مالي كان في عمري 6 سنين كيما يقولو البنت تسر امها اهدري مع يماك و فهميها بلي كرهت هذي العقلية يا ختي اهدري واش في قبلك لوكان ماتحكيش راكي حا تترتقي

 

[azzedine02]

والله قصتك مؤثرة و يغيضوني ناس يصراو معاهم حوايج كما هك
المهم باباك راه رفض لأنو حس و كانك جبتيلو عار لما عرفتي واحد فالجامعة

ربي يكون في عونك

 

[le beau ange]

السلام عليكم و رحمة الله و بركاته وبعد :
انا فتاة عندي 25 سنة و حكايتي بدات نهار الي عاودت عامي الاول في الجامعة , دارنا تبدلو و ماولاوش هوما ,لاخاطرش في الليسي كنت من الاوائل , المهم ولاو نهار كامل وهوما يعايروا فيا مالغري كنت ميتسين , و بعد هاداك تعرفت على واحد ومسكين كان حاب يجي يخطبني و دايمن يزير عليا و يقولي: قولي لداركم باش نجيب دارنا . وانا ناجل و نسبب بادنى سبب باش نروطاردي.
واحد النهار قالي بزاف و انا نستنى و راح عيط لخويا و تلاقاه وهدر معاه باش يجيو. خويا ماقالو والو .
قالو نشوف مع الشيخ و نرجعلك الخبر. وهادا الشي كامل وانا في الجامعة و ماعلاباليش.
كي رحت للدار لقيتهم دايرين حالا و قالولي تحبسي القرايا , و نحاولي التلفون .
بعدها بايامات قالتلي ماما هوما ماراهم رايحين يقبلو في جميع الاحوال يتسما لوكان تنسايه و تقوليلهم خلاص بالاك يرجعوك تقراي خير من لا تخسري كلش . قلتلها: و علاش ماحبوش ؟ قاتلي قالك باباك واش يقولو الناس . لانو ماراهوش من بلادنا و بابا الناس كامل تعرفو.
درت واش قالتلي بصح غير لوكان مادرتش . صح رجعت نقرا لكن نقصولي المسروف و نحاولي البورتابل . و على ماكاش ماما تقولي التبهديل الي درتيلنا .و لاو نهار كامل و هوما يعسوا فيا بصح اللي خطبني بقا يعيطلي عند صحاباتي و يسقسي عليا.
و درك كملت قرايتي و قعدت في الدار, و بقيت وحدي حتى صحاباتي نتاع الجامعة عطيتلهم رقم ماما ولاو كي يعيطولي تقوللهم راكم غالطين .و بسيف باش لقيت خدما لكن للاسف يا فرحة ما تمت.
حبسني بابا و قالي واش يقولو الناس بنتي تخدم بهدا الاجر ؟ و خديت رايو ومازدتش رحت
و منبعد وليت نخيط في الدار غير للجيران باش نجيب مصروفي. خلا المرا واقفة و قالي مارانيش حال اتوليي.
سكت و مازدتش خيطت .
ودرك راني حايرة كيفاش رايحة نكمل حياتي .
انصحوني رايحة نهبل . ساعات نخمم نهرب , و ساعات نقول نقتل روحي.
نتاع الصح رايحة نهبل افيدوووووووووووووني

walou yakhti wkli rabi w khlas psq 7kaytk 7kaya mais 3lah haka wllah rir 7ram 3lihom otolbi rabi y3wdk brajl sale7 w yhnik psq hada hwa l7al

 

[ام منصف]

السلام
ديري ربي في قلبك وبالاك تغلطي وتهربي ولا تغضبي ربي فالشارع جحيم اكبر مما تتصوري
سيي معاهم كيما قالولك وحاولي مع يماك
فقط سؤال عندك خواتاتك بنات معاك ولا لا؟
ولا شوفي واحد من خاوتك الذكورة تكوني متفاهمة معاه ووصليلو وجهة نظرك
وربي يعينك

 

[anissa 13]

حبيبتي ربي يكون معاك ويصبرك
هادوك اهلك ويبقاو أهلك مهما عملو فيك
بصح بزاف عليك هادي حقرة و تكبر
انت راكي كبيرة الله يبارك ولازم
انت اللي تحكمي فراسك وديسيدي واسم تعملي
أختي انا الشي اللي نوضيك عليه هو لازمك
تدعي ربي يفرج عليك ويهدي والديك نشاءالله
الله غالب جات من عند الوالدين ماتقدري تعملي والو
​

 

[algerienne2]

ربي يكون معاك اختي

 

[السوفي]

السلام عليكم ورحمة الله وبركاته وبعد:
اختى الفاضله لقد قراءت قصة اكثر من مرة وحاولت فهم ما جاء فيها ولكن لبس عليا واشكل ما فيها غير اني سانصحك بما علمني ربي عسا ان يفيدك ويصلح حالك
الكل نظر الى رفض الاب والام لخاطبك ونسوا ان من حقه عليك ان يختار لك وانت ان تطيعية الا ان يكون لا سبب لرفضه كما انك وهذا يعلمه الجميع ان خروجك والتقائك ومكالماتك معه من اراد خطوبتك وحتى بعد خوطبتك لا تصح شرعا ولا عرفا ويا اختي الجامعة تحمل اسما عظيما ومكانتا جليلة ولكنها في حقيقة تحولت الى مكان يستهتر يضيع فيه الشرع والعرف الا ما رحم ربي
ثم يا اختي من التمس طريقا الى العلم سهل الله له طريقا الى الجنة يعني من سلك طريقا صحيحا كانت نتائجه صحيحه وانت كما اعترفتي سلكت او خيل لك انه طريقا صحيحا حاولي ان تنظري الى اخطاءك لعلها سبب ما يحدث لك ثم توبي الى رب العزة وستقيمي وانصحك بقيام الليل فربكي ينادي من يستغيث بي فاغيثة وهو غني عنك تقربي من ربك سوف يكون في عونك
هذا ما وفقني اليه ربي عسا ان اكون من الموفقين المشكرين
والسلام عليكم

 

[adeljgc]

Matfakrich bark f l'inti7ar walla alharba man addar par ce que mahouch 7al 7awli ahadri m3a darkoum m3a yamak parce que hiya li tafahmak,sur kayna 7ja wmatansaych rabi tkarbi lrabi nchallah iwafkak

 

[JAWHARA25]

ربي يكون معاك حنونتي بصح نحي من بالك فكرة الهروب راو غير الشيطان يوسوس فيك ردي بالك ، راو مكانش بلاصة في الدنيا هادي آمن لك من داركم مع والديك سمعت اسبري شوية ويفرج ربي