وش راكم ؟؟
ان شا الله الكل لاباس ؟
لباس حمد لله خالتو و انتى ان شاء الله راكي توب :heh:
والي مش لاباس ربي يفرج كربو ان شا الله ويولي لاباس
ان شاء الله يا ربي
تهبل خالتو عرفتي تخيري بوبيه او باين بيبي تاعك غير ليجوي فور لى عندو
ايا درك ندخل في الموضوع
بسم الله على بركه الله انى حابه نوصل لشخشوخه:yahoo:
دي فوا نحبو نتناقشو في امور دينية ، سياسية، اجتماعية ، ....... الخ
هاذ المناقشة قادرة تعلمك حوايج جدد ماكنتش تعرفهم ،قادرة تخليك تعبر على رايك بصراحة واكيد باحترام رأي خاوتك الأخرين ، يعني تقدر تفيد وتستفيد .
ايه عندك الحق مي ديفوا تدخل في ميضوعات تحوس تفهم تدوخ
قلت نفتح هاد الموضوع ،يكون شغل مسلسل نحطو فيه اي شي يخطر على بالنا حابين نسقسيو عليه، نتناقشو واكيد لازمنا نحترمو اراء بعضانا (رأيي صواب يحتمل الصواب ورأي غيري خطأ يحتمل الصواب )
عجبتنى راي صواب يحتمل الصواب فوور:yahoo:
اسأل الله ان تجدوا معي جو المناقشة الهادفة و الراقية ان شاء الله
ولا تنسوا دائما راقبوا الله في كل ارائكم و ردودكم فأن لم يكن احد يراكم فإن الله يراكم ولو كنتم لا ترونه
وانا الأولى الي رح نبدا نناقش
و بيكى خالتوا تحلى الجلسه
|█| على وجه ربي اسكتو| |█|
انا نتبعوا فيك سكتنا خالتو خلاص متزعفيش
ايه اسكتو ماني حابة تا واحد يحكي
مليت من كذباتكم، اتهماتكم بتشويه سمعتي كون اوموان كان صحيح الكلام الي حكيتوه عليا
علاش ولات عندكم سمعة الناس كيما اللبسة تلبسو وقت ماحبيتو وتطيشو وقت ماكرهتو منها
ايه والله راكي ضربيتها و جبتيها صحيح في سونتر ديراكت والله غير عندك الحق ايه واش نديرو هدا هو المجتمع تاعنا و هادي هي العقلية
ايه اسكتو علينا
كذبتو صدقتو كذبتكم
نسيتو بلي الشي الي سمعتوه قادر يكون كذبة
والله غير داروه بيا المهم نوكل عليهم ربي و لا نقول ربي يهديهم :busted_red::glare::wink:
وبديتو تنشرو فالكذبة
ربي يهديهم والله انا جيفتها /واحده طريحه معندى ما نقول :busted_red:
خسارة عليكم ماعلابالكمش بلي قادرين تكونو تنشرو في كذبة
يا حفيظ يا ستار الطف بينا بعيد الشر الله لا يوصلنا :heh:
مي انتوما هكذا ليسونسيال تسمعو حاجة ليه ليه تصدقوها وتجرو تحطوها فكل بلاصة
ولات درك عاده الو شفتى واش دارت ايه بعيد الشر او هديك هي لى دارت برا برا برااا .... الله لا تربحهم
مي ربي كاين
وكما تدين تدااان
عندك الحق خالتو هادى الكلمه الزين من عند الزين ربي يخليك
بزااااااااااااف حوايج يصراو في حياتنا
عباد يمنشرو فيك، ينشرو عليك حوايج ويلعبوها نية قدامك
عباد يحقدو عليك بلا ماتفيق ..لسانهم يقطر عسل مي وراك العسل يولي سسممممممم
كتر من سسسسسسسسسم الله يسممهم ان شاء الله
علابالي راكم حايرين على ماه راني نحكي
درك نحكيلكم حكاية صراتلي وبعدها نسقسيكم وجاوبوني
واحد النهار كنا قاعدين
انا واخواتي وبنات اخوتي في الصالون الكبير
جا ولد خويا هارون قاللنا اجماعة ارواحو تشوفو جارتنا ..... الي نحسبو فيها ناس ملاح ،تصاورها راهم يطايشو في بورطابلات الغاشي:scared:
ياو انا تشوكيت
مخي حبس
شفت الفوطو ، صح هي وفي دارهم :tears:
وهاد لي فوطو شفتهم عندها من قبل
وهي ناس ملاح ومستحيل تعطيهم للغاشي ؟؟؟
قلتلو طير من هنا وماتزيدش تحكي على بنات الناس هكا
قعدنا كامل مشوكيين
شفتى شوكيتوا على خاطر هي ناس ملاح مي هادوك بلا ما نقول اسم و نعايرهم خير نسكت خاطر انى نتفكر في هاديك الطفله والله غير لوكان قدامى نجيفها واش نقولك ربي يهدي ما خلق هدا مكان تغيظ بزااف و سورتو بلاك هديك الطفله تحشم و متديفونديش على روحها والله غير يحقروها
وفي نفس اليوم
جا هارون العشية قاللنا اني ظلمت الطفلة
راهي خرجت صاحبتها الي غايرة منها،سرقتلها لي فوطو من موبيلها واعطاتهم لواحد الله لاتربحو نشر تصاور المسكينة الي دات طريحة من خوها وهي مظلووووووووووووووومة:tears:
آآآه يا هارون شفت واش درت راك ساهمت في تعذيب الطفله مسكينه و سور خلصت الله لا تربحها هادىك الطفله لى دارتلها هكا ياك الناس هادوا هوما غير الحسد و النفاق و الكدب الله يسترنا ماشى كامل مي اغلبية
راكم تشوفو حالة مجتمعنا كيفاه ولا
ايه عيش تشوف و تتشوكى
ضرك حابة نسقسيكم انا
1 ـ انتوما من النوع الي يصدّق كون يشوف حاجة كيما هذي،؟؟:fish:
صراحه راحه كيما يقولو انا مانمنش حاجة حتى نشوفها يعينيى ديفوا والله غير ندير دي بgار على هادو حوايج سورتو كي نسمع طفله تهدر على اخرى واش شفتيها بعينيك لالا قاللولى ارواحى لهنا سورتو في الليسي عضو في الاداره هههه
2 ـ وكون تصدق الحاجة هذي قادر تزيد تنشرها انت ثاني؟؟قول(ي) برك ماصراتلكش قبل ونشرت حاجة غالطة؟؟؟
بعيد الشر لاه نساهم انا في تعذيب ناس مداروش حتى حاجه الله لا توصلنى
3 ـ قادرين تحطو رواحكم في مكان الطفلة هذي الي تظلمت كون جيتي انتي في بلاصتها وش حتكون ردة فعلك كي يجي خوك ،يطرشك بكف وبلا مايقولك علاش؟؟والكل يشوفو معاك نظرة احتقار ونتي مادرتي حتى شي؟؟؟
خالتو نقولك حاجة انا ماشى من النوع لى يجى برك و يطرشوه بكف تطرش بكف تدي كف لاه انا معنديش كف حبس غير وجهى لى متوشيش او حاب يعورنى ياك عندى كف و فم نشدلو يدو و نقعدو افهم و نخزر فيه استنى نحكيلك ابري دير رايك اما تضربني روح تحوس على واحده تضربها غيرى :busted_red:
صح مجتمع يخزلولك بخزرة ماشى ملليحة بصح تعرف غاية الناس لا تدرك نسمع واح يهدر عليا نروح نشيرلو ميل فوى و نديهالو نقولوا زيد نحيلى و و مدلى حسنات راك تهدر عليا بلا ما تشوف بعينيك ارواح نفهمك...:wink:
4 ـ لنفترض انك حكيت (ي) على عبد بنية صافية.مي جا واحد اخر وهز كلامك وبدل فيه ،ويجي العبد الي حكيتو عليه يدعي عليك انت ؟؟؟ وش حيكون احساسك تم؟وكيفاش تكون ردة فعلك ...
نروح لهداك لى بدل في كلامى نجيبو من شعرو و نوديه لهاديك الطفله و تسمع بنفسها الصح ابري خزره واحده تدير شغلها سكانير من الفوق لتحتت و كروا روج
ماكان منا حتى عبد كامل ،وكل واحد فينا قادر يغلط، يطيح ، يدير حوايج مش ملاح ، ويندم ،مي ..لازمنا نصححو طريقنا ولازمنا نعرفو طريق الحق..
صح عندك الحق بني ادم خطاء ايه مي لازم نعترفوا و نصححوا كيما قلتى كلامك كلو ذهب خالتو
المهم :عــــــــــامل النـــــــــــاس كمــــــــا تحــــــــــب ان تعــــــامل
عندك الحق
سامحوني طولت عليكم
والله غير فور لى في قلبى خرجتوا ربي يخليكى لينا
والقعده معاك زينه يا زينه
يسعدني سماع آرائكم
و يسعدنا رايك و طرحك للميضوع
مع محبتي للجميع
******
شوي لنسيت
تفضلوا معايا
