احــــــزاب اللمه,,,,,,دايرين حاله

[N@riM@N]

السلاام عليكم ورحمة من الله وبركاته​

<<.....فحيو باحسن منها او ردوها.>>​

هاد الموضوع برعاية ||كـــــوشمار 3/0|| <<مـــــــعاكم الى الابد>>:closedeyes:

ايه هيه من وكتاااااااااااه ماكتبتش في هاد لبلايصه قريب عام:scared:​

هااااصاحيتو ياناس اللمه انجينرال ان شالله تعودو قـاع صــvaا غايه كيما حبيتو
الموضوع خفيف ضريف ماتتخلعوش:music_whistling:
المهم ماتكدبش ع روحك وتقول معنديش عصابه راني معاه تالمو تقضيلي صوالحي,,,,,,,, ,بلااك ماركمش حاسينها مي كل واحد فينا منتمي لحزب و لاعصابه باش يقدر يمشي في هاد الدنيا مثلا ابسط حاجه
باش تخرجها من البلديه باه تثبت برك بلي راك حي مراكش ميت شهاده ميلااد لازمك يكون عندك معريفه ولد عمتك وجداك ولا ولا ولا ترشي 3 و4 ودير طلب واسكو تخرجك ولا لآ:glare:
هاد ياسيدي واحد الاستاذ مسكين جاه لفرج ودخلت الشهريه راح يسلك فتريستي وتلفون,,,كي لعاده مسكين داير لشان,,,
شوي يشوف في سيد مولا تشنيفه ونص يجبد فيه من لغاشي ويقولو اسمع انتا معتدش تجي تقعد هنا قاع ارواح ديركت عندي (gاجي بكري تخرج بكري) هايا الاستاذ فهم روحه وقالو واش تحتاج حتا انتا راني هنا قالو راه عندي ولدي مطرد كاشما تلقالو بلاصه عندكم..........؟؟؟؟
تقولولي هاجدك واش دخلها اللمه
نقلكم هاجدكم دخلها ونص وخمسه وعشرين كي نديرو عمليه اسقاط المحور(x.y) على اللمه نلقو نفس الشي لي قاعد
يصرا في دزاير مثلا واحد جديد مزال مكونش ولا مانخرطش في حزب يدير موضوع !!!!!!بعد شوي يلقى 4ردود بزايد عليه يعيا يدير فـ لكريك يدير اقتباس ويرد ولو حالف الموضوع غير يروح لصفحه التاليه مي واحد انترناسيونال
تم تم 19رد ع الاقل منيش نقول بلي املواضيع متستاهلش ولا راني نخصص راني نهدر ع قاع اقسام اللمه باش واحد مايفهني بنقص صحيتو :music_whistling:
المفيد ضرك وين رانا رايحين بهاد العقليه تاع المعريفه والبيسطو والعصابات ولا الاحزاب و......الخ
ايا سلالالاام........وانشالله وصلتلكم الفكره باسكو راها عندي مشكله فتوصيل الفكره لطرف الاخر هههههه

 

[** غزال الصحراء **]

السلام عليكم واش راكم ناريمان ؟ إن شاء الله لاباس

و الله صح كلش ماشي بالوجوه و لمعارف , ما عندكش مافيا و لا ميفا == معريفة , كلاك بوبي و ضحكو عليك ولادو ماكانش مصلحة تتفرى بلا معريفة و اللي ما عندوش لكتف غير يروح يفكرهم

بيان سور في اللمة كاينة الحكاية نفسها و أنا ما نلومش ,, مستحيل نعامل عضو عادي كيما نعامل صاحبي ما نلعبوهاش مثاليين //

الله غالب هاذا هو الإنسان , كي نولي عضو نرتاحلو ندخل لمواضيعو قبل لخرين و نتعب في الرد و نتسنى تفاعلو ...

واش رايح نقولك موضوعك مليح تبانلي ندخل في حزبك مي كاينة حاجة خلاتني نتردد
و هي (( الكوشمار 0/3 ))

ربي يلطف و يديروهانا الأشقاء تاع الإمارات

Aya Wiw .

 

[dana1993]

السلام عليكم
هههه ميضوع فالمستوي*مزود بمعلم متعامد ومتجانس*
صح اليوم مول الكتاف يعيش جماعة بن عميس تعيش هكذا ولا هكذا ربي يسهل
العقلية هاذي منروحوش بيها للبعيد هنا برك معندها وين توصلنا تزيدلنا برك درجة مي للور ماشي للقدام
ربي يصلح لحوال و يهدي الخلق
دك الناس ترشي عيني عينك ماشي بالدرقا ايه بيسك والفوها حاجة نورمال
ربي يهديهم ويهدينا اجمعين​

 

[~ مستشـآرهـ طـرزآنـ ~]

السلام عليكم
لو كان مديتيلنا إحداثيات النقط او موان تسهلينا شوي باه نعرفو نوع الرباعي هههههه
* *
يعطيك الصحة ع الكلام اللي قلتيه..هاذي هي حالة الناس فاللوقت هذا
غير مولا الكتاف و صاحب المعريفة اللي يلقى روحو مع ناس كيما هاذو
النية الصافية راحت و درك كل واحد يخمم غير في صلاحو
ربي يهدي كل مؤمن و يصلح أحوال الناس
مشكووووووووورة ع الموضوع​

 

[الخيزران]

عندك الحق ختي,
تعرفي ماعنديش بزاف دخلت لموضوع حطيت فيه رد وندمت
وهادوك الجماعة فاتوني comme si je n existe pas
غاضتني عمري
قعدو يحكو مع بعضاهم تقولي تشات
لو كنت معاهم في القسم نتعقد وما ننجحش
ربي خير

 

[** غزال الصحراء **]

عندك الحق ختي,
تعرفي ماعنديش بزاف دخلت لموضوع حطيت فيه رد وندمت
وهادوك الجماعة فاتوني comme si je n existe pas
غاضتني عمري
قعدو يحكو مع بعضاهم تقولي تشات
لو كنت معاهم في القسم نتعقد وما ننجحش
ربي خير

وين هاذا الموضوع ؟

لاكانو هنا في واش راك تهدر أبعثيلي الرابط في الخاص .

 

[فتاة حساسة]

ههههههههههههه
مستوى متعامد ومتجانس
مشكوووورة اختي

 

[DARINE05]

اييييييه المعريفة حتي هنا في اللمة مضنيتش
انا والله ندخل ختى اتع الطبخ نشكرهم

 

[Jagwar]

ههه و الله فكرتينى فى ياماتى الأولى هنا فى اللمة
كنت نعمل فى المعارف و نمد الرشوة بالرسائل الخاصة
قلت بالك يهديهم ربى و يجى نهار و نلقى 8 ردود على الاقل
ههههه كلش بالبيستون فى بلادنا
صحيتى ناريمان هاو تستاهلى تقييم على موضوعك القيم




​

 

[zagane]

السلام عليكم
ما فهمت والو هههههه

 

[°~Kenza_02~°]

صح اختي ماشية بزاف هاذ العقلية هنا ....كل واحد مع حبابو يدوووور
مشكوورة
​

 

[Sârsoùra L'mkàlChà]

اخااااه على 3-0 انا ما جيت ننساها بالذراع

صح كاين ياسر البيسطو هنا سيرتو مع الجدد
انا والله تلقايني في كل ركنة : الطبخ / الترحيب / النكت .....
الا تع العلوم
خطرة دخلت و رديت قتلو شكرا على المعلومات بالصح اسمحلي والله ما فهمت حاجة
ههههههههه
​

 

[nour93]

شكرا على الموضوع

 

[sami19280]

لالا قوليها باعلى صوتك وبلا ماتخافي وتخبي. بركاوناااااااااا ياجماعة من التكتلات والردود بالمعريفة.

نشوفو موضوع فيه 2كلمات وبلا هدف يعني موضوع لاعلاقة كيما يقولو . وناس تدير مواضيع وتتعب عليهم تلقاي 2 ردود.

مي في الاخير نقول علابيها ماطورتش لبلاد من العاطفة والمجاملة بزاااااااااااف.
​

 

[Badech]

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

شونجي و مع العقلية

مليح اختي

وربي يجيبها في الصواب

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..​

 

[حسان2010]

جبتيها فراس ياوحد الطفله هههههه
هاو قالك الدنيا وجوه واخرتها فعايل هكا؟
صحيتي ع الموضوع المميز​

 

[INATA LOTUS]

مشكووووووووووووووووووورة

 

[hicham500]

كلش بالمعارف والمحسوبية في هذا الوقت غير لي ربي يسهللوا فيحاجة واحد ما يقدر
يوقفلوا فيها هدا بصفة عامة في الحياة اما في المنتدى صح كاينين احزاب وعصابات وصداقات كيما قلتي :music_whistling: تحتم عليهم يناصروا بعضاهم في اطار المعريفة
ونظن بلي شيئ طبيعي انهم يديروا هاد الشيئ يعني واحد تعرفوا في المنتدى
ولا اي منتدى اخر يكون رايك دائما او في معظم الاحيان قريب او مشابه او مساند
لصاحب الرد او الموضوع يعني يكونوا متضامنين لانهم يحسوا رواحهم متقاربين
وكاين اعضاء اخرين اصدقاء في الحياة العادية والواقعية بصح في النت كي القط والفار
تلقاهم دايمن متعاكسين وهدي هيا الدنيا المفروض انو المهم هو الوجود على النت وتبادل الاراء والاهم منها هو تقبل الراي الاخر وشكرا على الموضوع​